22 December 2017 Written by 

విజయంలో విఫలం!

modi rahuడిసెంబర్‌ 18వ తేదీ... ఉదయం 9గంటల ప్రాంతం... ఢిల్లీలోనే కాదు, ఏ రాష్ట్రంలో ఏ బీజేపీ కార్యాలయం వద్ద కూడా సందడి లేదు. ఆ పార్టీ నేతల్లో, కార్యకర్తల్లో స్పష్టమైన ఆందోళన... మహాసముద్రాలను ఈదొచ్చి ఇంటి ముందు మురికి గుంటలో పడబోతున్నామా అన్న ఫీలింగ్‌. ఎందుకంటే ఆ సమయానికి గుజరాత్‌, హిమాచల్‌ప్రదేశ్‌ రాష్ట్రాల ఎన్నికల ఫలితాలు రావడం మొదలుపెట్టాయి. మొదటి గంటలో బీజేపీ కంటే కాంగ్రెస్‌ కొద్దిపాటి ఆధిక్యతతో వున్నట్లు అన్ని ఛానెల్స్‌లో వార్తలు... నిజంగా ఇది చూసాకా బీజేపీ నాయకులకు మైండ్‌ బ్లాక్‌ కాకుండా ఉంటుందా? అంతకు రెండ్రోజుల ముందే అన్ని సర్వేలు కూడా బీజేపీ మంచి మెజార్టీతో గెలవబోతోందని ఘోషించాయి. తీరా ఫలితాల వద్దకు వచ్చేసరికి ఇలా వుందేంటబ్బా అని బీజేపీ నేతల గుండెలు దడదడలాడాయి.

గుజరాత్‌లో అదే ట్రెండ్‌ కొనసాగి పొరపాటున కాంగ్రెస్‌ పార్టీయే అధికారంలోకి వచ్చివుంటే దేశంలో ఇప్పుడు పరిస్థితి ఎలా ఉండేది? అసలు బీజేపీలో ఎట్లుండేది? పార్టీలోనే మోడీ మీద తిరుగుబాటు మొదలై ఉండేది. ఆయన కుర్చీ క్రిందకే నీళ్లొచ్చే పరిస్థితి కలిగేది. గుజరాత్‌లో అతి కష్టం మీద పార్టీని గెలిపించుకుని ప్రధానమంత్రి నరేంద్ర మోడీ తన పదవిని, తన నాయకత్వంపై నమ్మకాన్ని నిలబెట్టుకోగలిగాడు.

కాంగ్రెస్‌ ముక్త భారత్‌ నినాదంతో తన రాజకీయ యుద్ధం మొదలుపెట్టిన నరేంద్ర మోడీ ఆ ప్రయత్నంలో చాలా విజయాలు సాధించాడు. ఒకప్పుడు నాలుగైదు ఉత్తరాది రాష్ట్రాలకే పరిమితమైన బీజేపీ ఈరోజు మిత్ర పక్షాలతో కలుపుకుని 19 రాష్ట్రాలలో అధికారంలో వుందంటే చిన్న విషయం కాదు. అలాగే ఒకప్పుడు దేశం లోని ముప్పావు భాగం రాష్ట్రాలలో అధికా రంలో వుండిన కాంగ్రెస్‌ ఇప్పుడు కేవలం అయిదు రాష్ట్రాలలో మాత్రమే అధికా రంలో వుండడం కూడా ఆశ్చర్యపరిచే విష యమే. అందులో కర్నాటక, పంజాబ్‌లు మాత్రమే ఒక మోస్తరు రాష్ట్రాలు. మిగిలిన మూడు చాలా చిన్న రాష్ట్రాలు.

2014లో మోడీ ప్రధాని అయ్యాక జరిగిన పలు రాష్ట్రాల అసెంబ్లీ ఎన్నికల్లో బీజేపీ జైత్రయాత్రను చూసాం. ఢిల్లీ, పంజాబ్‌ ఎన్నికలు మాత్రమే వారికి పెద్ద ఎదురుదెబ్బ. బీహార్‌లో ఓటమి చవి చూసినా, దళ్‌యుతో కలిసి తిరిగి అధికారం పంచుకుంటుంది. ఈశాన్య రాష్ట్రాలైన అస్సాం, అరుణాచల్‌ప్రదేశ్‌లతో పాటు ముస్లిం ప్రాబల్యమున్న జమ్ము, కాశ్మీర్‌లోనూ బీజేపీ ప్రభుత్వాలను ఏర్పాటు చేయడం గమనార్హం. ఇక యూపిలో ఆ పార్టీ విజయమైతే ఒక చరిత్రే ననుకోవచ్చు. దేశ వ్యాప్తంగా బీజేపీని విస్తరింపచేయడంలో ప్రధానిగా నరేంద్ర మోడీ కృషి ఎంతో వుంది.

అయితే ఇప్పటివరకు సాధించిన విజ యాలు ఒకెత్తు, నిన్నటి గుజరాత్‌ విజయం ఒకెత్తు. ఒక రాష్ట్రంలో ఒక పార్టీ ఆరోసారి అధికారంలోకి రావడమన్నది రాజకీ యంగా పెద్ద రికార్డు. పెద్దనోట్ల రద్దు, జిఎస్టీ ఓ పక్క... పటేళ్ళ రిజర్వేషన్‌ పోరు మరో పక్క... తీవ్ర ప్రతికూల పరిస్థితుల మధ్య గుజరాత్‌లో బీజేపీ 99సీట్లతో తిరిగి అధికారాన్ని చేజిక్కించుకోగలిగింది. గుజరాత్‌లో ప్రతి ఎలక్షన్‌లోనూ మోడీకి వ్యతిరేకంగా బలమైన శక్తులే పని చేస్తుం టాయి. తీరా చూస్తే గెలుపు అతని వైపే ఉంటుంది. ఈసారి కూడా అలాగే జరి గింది. గుజరాత్‌ సీఎం పేరుకు విజయ్‌ రూపాని అయినా ఈ ఎన్నికల వరకు ఆ రాష్ట్ర సీఎం తరహాలో ప్రధాని మోడీయే ప్రచారం చేసారు. గుజరాత్‌ ప్రజల్లో భావోద్వేగాలు రెచ్చగొట్టారు. ఓ రకంగా గుజరాత్‌లో బీజేపీ ఓడిపోతే కేంద్రంలో మన పరువేపోతుంది, ఒక గుజరాతీయుడు ప్రధాని పదవి నుండి దిగిపోవాల్సి వస్తుం దన్న ప్రచారాన్ని సృష్టించారు. కాబట్టే ప్రతికూల అంశాలు ఎన్నివున్నా కొద్దిపాటి మెజార్టీతో బయటపడ్డారు.

కాగా, బీజేపీ నాయకులు ఆనందిం చాల్సిన స్థాయిలో మోడీ సొంత రాష్ట్రంలో విజయం సిద్ధించిందా? అన్నది ఇక్కడ ప్రశ్న? గుజరాత్‌ హిందువుల ప్రాబల్యం అధికంగా వున్న రాష్ట్రం. బీజేపీ, కాం గ్రెస్‌లు తప్ప రాష్ట్రంలో ఇంకే పార్టీలు బలంగా లేవు. మోడీ అంటే గుజరాతీ యులకు బ్రాండ్‌ అంబాసిడర్‌. పార్టీని ఒంటి చేత్తోగెలిపిస్తూ వచ్చింది ఆయనే! ప్రధాని అయ్యాక ఆయన గుజరాత్‌కు ఎన్నో చేశాడు. ఎంతోమంది గుజరాతీయులను ఉన్నత స్థానాలలో పెట్టాడు. ఈ లెక్కన చూస్తే గుజరాత్‌లో బీజేపీకి సీట్లు పెరి గుండాలి. కాని తగ్గాయి.

అంటే ఇది కేంద్రంలోని బీజేపీ ప్రభు త్వంపై వ్యతిరేకతా? లేక ఆ రాష్ట్రంలోని బీజేపీ ప్రభుత్వంపై వ్యతిరేకతా? ఖచ్చి తంగా పటేళ్ళ రిజర్వేషన్‌ ఉద్యమం, జిఎస్టీ వంటివి ఈ ఎన్నికల్లో ప్రభావం చూపి బీజేపీ సీట్లకు కోత వేసాయని చెప్పవచ్చు.

ఇదే సమయంలో కాంగ్రెస్‌ను పెంచే దిశగా కాంగ్రెస్‌ అధినేత రాహుల్‌గాంధీ చేసిన కృషి కూడా కొంతవరకు ఫలితాల నిచ్చే విధంగా వుంది. గుజరాత్‌ ఎన్నికల ప్రచారంలో రాహుల్‌ ఎంతో హూందాగా వ్యవహరించాడు. నరేంద్ర మోడీ ప్రధాని స్థాయి నుండి దిగి కాంగ్రెస్‌ నేతలపై విమర్శలు చేసినా రాహుల్‌ పరిమితి దాటలేదు. సరికదా, మోడీపై అసభ్యకర విమర్శలు చేసిన మణిశంకర్‌ అయ్యర్‌ను పార్టీ నుండి సస్పెండ్‌ చేసి తన విలువలను కాపాడుకున్నాడు. గుజరాత్‌ ప్రచారంలో తన భక్తిపై, తన దేవాలయాల సందర్శన లపై బీజేపీ నేతలు వ్యంగ్య విమర్శలు చేసినా, రాహుల్‌ అతిగా స్పందించకుండా వాటిని తిప్పికొట్టిన తీరు కూడా ప్రజలను ఆకట్టుకుంది.

కాకపోతే ఇక్కడ గుజరాతీలకు మోడీ అనే స్థానిక నాయకుడున్నాడు. రాహుల్‌ స్థానికుడు కాదు, కాంగ్రెస్‌కు స్థానికంగా బలమైన నాయకుడు లేడు. ఈ లోపాలవల్లే ఇక్కడ కాంగ్రెస్‌ వెనుకబడింది. అయినా కూడా ఈ ఫలితాలతో కాంగ్రెస్‌ శ్రేణులకు ఒక నమ్మకం వచ్చింది. ఏఐసిసి బాధ్యతలు స్వీకరించాక రాహుల్‌కు తొలి ఎన్నికలివి. ఆయన ప్రచారం సమర్ధవంతంగానే నిర్వ హించాడు. దీంతో పార్టీని నడిపించగల డనే నమ్మకం కలిగింది. కాబట్టి నరేంద్ర మోడీ ఇప్పుడు ఆలోచించాల్సింది కాం గ్రెస్‌ ముక్త భారత్‌ గురించి కాదు, భాజ పాను ఇప్పుడున్నంత బలంగా ఇకముందు కూడా నిలబెట్టుకోవాలనే దాని గురించి...!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • నారాయణను వదలని అనిల్‌
    మున్సిపల్‌ మంత్రి నారాయణకు ఎవరితోనూ సమస్యలు లేవు. ప్రతిపక్ష నాయకులు కూడా ఆయనపై పెద్దగా విమర్శలు చేయరు. కాని, నెల్లూరు నగర ఎమ్మెల్యే పి.అనిల్‌కుమార్‌యాదవ్‌ మాత్రం నారాయణకు చుక్కలు చూపిస్తున్నాడు. ఆయనకు కొరుకుడు పడని కొయ్యగా మారాడు. ఈ నాలుగేళ్ళలో మంత్రి…
  • వేసవి సెలవులు... వినోదం కావాలే గాని విషాదం కాదు
    వేసవి సెలవులు వచ్చేస్తున్నాయి. ఇప్పటికే టెన్త్‌, ఇంటర్‌ పరీక్షలు ముగిసాయి. వీళ్ళతో పెద్ద సమస్య లేదు. టెన్త్‌ వ్రాసిన వాళ్ళు ఇంటర్మీ డియట్‌కు, ఇంటర్‌ వ్రాసిన వాళ్ళు ఎంసెట్‌కు ప్రిపేరవడంతోనే సెలవులు దాటిపోతాయి. లోయర్‌ క్లాస్‌లకు ఈ నెలాఖరు నుండే సెలవులు.…
  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • వైసిపి వైపు నేతల చూపు
    నవ్యాంధ్రలో శరవేగంగా చోటుచేసుకుంటున్న రాజకీయ మార్పు ప్రభావం నెల్లూరుజిల్లాపై కూడా ఎక్కువగానే కనిపిస్తోంది. ఇప్పటివరకు స్తబ్ధుగా వున్న జిల్లా రాజకీయం ఇప్పుడిప్పుడే ఊపందుకుని వేసవి తాపంతో పాటు వేడెక్కుతోంది. జిల్లాలోని పది నియోజకవర్గాలలో వైసిపికి ఇప్పటికే సమన్వయకర్తలున్నారు. వారే రేపు రాబోయే…

Newsletter