22 December 2017 Written by 

తెలుగు సీఎంనే పిలవలేదు!

chandraతెలుగు ప్రజల ఆత్మగౌరవం నుండి పుట్టింది తెలుగుదేశం పార్టీ. ఒకప్పుడు మన ఆత్మగౌరవానికి ఢిల్లీలో అవమానాలు ఎదురవుతుంటే ఎదిరించి పోరాడిన తెలుగు తేజం స్వర్గీయ నందమూరి తారకరామారావు. అయితే ఇప్పుడు తెలుగోడికి ఢిల్లీలో కాదు, ఉమ్మడి తెలుగు రాష్ట్రాల రాజధాని హైదరాబాద్‌లోనే అవమానాలు ఎదురవు తున్నాయి. ఆత్మగౌరవం కూడా అక్కడే దెబ్బతింటోంది.

మొన్నటికి మొన్న చూస్తే హైదరాబాద్‌లో జరిగిన అమెరికా అధ్యక్షుడి సలహాదారు ఇవాంక ట్రంప్‌ కార్యక్రమానికి ఏపి ముఖ్యమంత్రి చంద్రబాబును ఆహ్వానించలేదు. హైదరాబాద్‌ మెట్రో ప్రారంభోత్సవానికి కనీసం ఆయనకు ఆహ్వానం కార్డు కూడా పంపలేదు. ఇప్పటికీ హైదరాబాద్‌పై తెలంగాణతో పాటు ఏపీకి హక్కువుంది. కాని, చంద్రబాబును పూచికపుల్లతో సమానంగా తీసి పడేసారు. సరే, అదంటే సొంత ప్రచారం కోసం జరిగిపోయిందనుకుందాం. హైదరాబాద్‌లో ప్రపంచ తెలుగు మహాసభలు పెట్టి సాటి తెలుగు రాష్ట్రం ముఖ్యమంత్రి అయిన చంద్రబాబునాయుడును పిలవకపోవడమేమిటి? తెలుగోడని చెప్పి ఉపరాష్ట్రపతి వెంకయ్యనాయుడును పిలిచారు. మహారాష్ట్ర గవర్నర్‌ సి.హెచ్‌.విద్యా సాగర్‌రావును పిలిపించారు. దేశంలో ఎక్కడెక్కడో వున్న తెలుగు ప్రముఖులందరినీ ఆహ్వానించారు. కాని, పక్కనే వున్న తెలుగురాష్ట్ర సీఎంకు, అందులోనూ ఎక్కువ కాలం సీఎంగా పనిచేసిన రికార్డు వున్న సీఎం చంద్రబాబును పిలవలేదు. ఇది కేసీఆర్‌ సొంత కార్యక్రమం కూడా కాదు. ప్రభుత్వ పరంగానే హైదరాబాద్‌లో నాలుగురోజుల పాటు ప్రపంచ తెలుగు మహాసభలు నిర్వహించారు. ఇవాంక పర్యటనకు, మెట్రో ప్రారంభోత్స వానికి చంద్రబాబును పిలవనప్పుడే పలు విమర్శలొచ్చాయి. దీంతో ప్రపంచ తెలుగు మహాసభలకు చంద్రబాబును పిలవాలా? వద్దా? అనేదానిపై టీఆర్‌ఎస్‌లో పెద్ద చర్చే జరిగిందని సమాచారం. చంద్రబాబు వస్తే తనను తాను ఫోకస్‌ చేసుకుంటాడని, హైదరాబాద్‌ అభివృద్ధి అంతా నా చలువేనని డప్పు వేస్తాడని, పచ్చ మీడియా సంస్థలు ఆయనకే అధిక ప్రాధాన్యతనిస్తాయని, మనం ఇంతచేసి కూడా ప్రచారం చంద్రబాబుకు పోతుందని, పరిస్థితి సొమ్ము ఒకరిది సోకు ఒకరిది అన్నట్లుగా మారుతుందని పలువురు మంత్రులు అభిప్రాయం వ్యక్తం చేసారని తెలుస్తోంది. కేసీఆర్‌కు చంద్రబాబుతో కలిసి వేదిక పంచుకోవడం పెద్దగా ఇష్టం ఉండదు. ఎందుకంటే ఒకప్పుడు చంద్రబాబు క్రింద పనిచేసిన నాయకుడే! కాబట్టి చంద్రబాబును డామినేట్‌ చేయలేడు. అలాగని సొంత గడ్డలో సొంత వేదికపై తగ్గి ఉండలేడు. అందుకనే చంద్రబాబును అసలు పిలవకుండానే ప్రపంచ తెలుగు మహాసభలను ముగించారని తెలుస్తోంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • దండగ... పండగ...
    పర్యాటక అభివృద్ధి అంటే సంవత్సరంలో 365రోజులు జరగాల్సిన ప్రక్రియ. దానిని రెండుమూడు రోజులు జాతరగా మార్పు చేయడం సబబు కాదు. మూడురోజుల సంబడం కోసం మూడు కోట్లు తగలెయ్యడం కరెక్ట్‌ కాదు. ఆ నిధులనే పర్యాటక కేంద్రాల అభివృద్ధికి వెచ్చిస్తే సంవత్సరం…
  • సినిమానూ వదలని సెగ
    నేనెందుకు పార్టీ పెట్టానో నాకే తెలి యదు, నేనెందుకు ప్రచారం చేస్తున్నానో నాకే తెలియదు, ఎన్ని సీట్లకు పోటీ చేయాలో నాకే తెలియదు... అన్నంత అజ్ఞానంలో వున్న హీరో పవర్‌స్టార్‌ పవన్‌ కళ్యాణ్‌, ఒక దశ దిశ నిర్దేశం లేకుండా రాజకీయపార్టీని…
  • సమన్వయ లోపం... వైకాపాకు శాపం!
    2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు…
  • అజీజ్‌ బ్రదర్స్‌పై కేసు
    నెల్లూరు నగరపాలక సంస్థ మేయర్‌ అబ్దుల్‌ అజీజ్‌కు షాక్‌ తగిలింది. ఆయన పైన ఆయన తమ్ముడు, కార్పొరేటర్‌ జలీల్‌ మీద చెన్నైలో చీటింగ్‌ కేసు నమోదైంది. మేయర్‌ అజీజ్‌కు చెందిన స్టార్‌ ఆగ్రో కంపెనీలో వాటా కోసం తాము ఇచ్చిన 42కోట్ల…
  • నెల్లూరుజిల్లా ప్రగతిలో... వై.యస్‌. మార్క్‌ తప్పితే... బాబు బ్రాండ్‌ ఏది?
    మొన్న కోడూరుపాటు జన్మభూమి గ్రామ సభలో ముఖ్యమంత్రి చంద్రబాబునాయుడు మాటలు కోటలు దాటాయి. గాల్లోనే మేడలు కట్టారు. 2019కల్లా దగదర్తి ఎయిర్‌పోర్టును పూర్తి చేస్తామన్నారు. కృష్ణపట్నంపోర్టులో సెజ్‌ను ఏర్పాటు చేసి పారిశ్రామికంగా అభివృద్ధి చేస్తామన్నారు. నెల్లూరు నుండి చెన్నై దాకా ఇండస్ట్రియల్‌…

Newsletter