29 December 2017 Written by 

అడ్డం మాట్లాడితే కొట్టడమే!

kotadameఇటీవల ఆత్మకూరు పట్టణంలో అక్రమ నిర్మాణం విషయంలో ఆర్‌.ఐ జహీర్‌పై తెలుగుదేశం నాయ కులు, మాజీ సొసైటీ అధ్యక్షుడు ఇందూరు వెంకటరమణారెడ్డి చేయి చేసుకున్నాడు. రాష్ట్ర వ్యాప్తంగా అధికారుల మీద అధికార పార్టీ నేతల దౌర్జన్యాలు మితిమీరాయి. నెల్లూరుజిల్లాలో ఇటువంటివి పెద్దగా వుండవు. చాలావరకు అధికారులు అధికారపార్టీ నాయకులు సమన్వయంతోనే పనిచేసుకుం టుంటారు. ఈ ప్రశాంతతకు భగ్నం కలిగిస్తూ టీడీపీ నేత రమణారెడ్డి అక్రమనిర్మాణాన్ని అడ్డుకున్నందుకు జహీర్‌ను కొట్టాడు. దీనిపై రెవెన్యూ ఉద్యోగులు భగ్గుమన్నారు. ఆర్‌ఐ జహీర్‌ ఆత్మకూరు పోలీసు స్టేషన్‌లో రమణారెడ్డిపై ఫిర్యాదు చేయడంతో పోలీసులు కేసు పెట్టారు. 24వ తేదీ రమణారెడ్డిని అరెస్ట్‌ చేసి జూనియర్‌ సివిల్‌ జడ్జి ముందు హాజరు పరచగా ఆయన రిమాండ్‌కు ఆదేశించారు. వెంటనే రమణారెడ్డిని ఆత్మకూరు సబ్‌జైలుకు తరలించారు. తన అనుచరుడు రమణారెడ్డిపై కేసు నమోదైన విషయం తెలుసుకున్న ఆత్మకూరు టీడీపీ ఇన్‌ఛార్జ్‌ ఆనం రామనారాయణరెడ్డి ఆఘమేఘాల మీద ఆత్మకూరు పోలీసుస్టేషన్‌కు చేరుకున్నాడు. ఆర్‌.ఐపై తమ వాళ్ళు ఇచ్చిన ఫిర్యాదుల ప్రకారం కూడా కేసులు నమోదు చేయాలని ఒత్తిడి తెచ్చాడు. పోలీసులు ఒత్తిడికి తలొగ్గి రామాపురం నరసింహులు అనే వ్యక్తి ఇచ్చిన ఫిర్యాదు మేరకు ఆర్‌.ఐ జహీర్‌పై ఎస్సీ, ఎస్టీ అట్రాసిటీ కేసు నమోదు చేశారు. ఆర్‌.ఐపై తప్పుడు కేసు ఎలా పెడతారంటూ రెవెన్యూ ఉద్యోగులు మండిపడుతున్నారు. ముఖ్యంగా అధికారులపై దాడి చేసిన తన అనుచరుడిని మందలించకపోగా, అతనికి వత్తాసుపలుకుతూ ఆర్‌.ఐ మీద తప్పుడు కేసు ఎలా పెట్టిస్తారంటూ మాజీమంత్రి ఆనం రామనారాయణరెడ్డి మీద ఆగ్రహం వ్యక్తం చేస్తున్నారు. ఈ వ్యవహారాన్ని రెవెన్యూ ఉద్యోగుల సంఘం సీరియస్‌గానే తీసు కుంది. కొడితే కొట్టించుకుని కామ్‌గా పోకుండా పోలీసుస్టేషన్‌కు వెళ్ళి ఫిర్యాదు చేయడం ఆర్‌.ఐ చేసిన తప్పుగా తెలుగుదేశం నాయకులు భావించినట్లున్నారు. అధికార పార్టీ నాయకులు కొడితే అధికారులు కొట్టించుకోవాలి... అదీ రూల్‌ అన్నట్లుగా రాష్ట్రంలో పరిస్థితులున్నాయి. ఏ అధికారి అయినా అడ్డం తిరిగితే ఇలా ఎస్సీఎస్టీ కేసులు పెట్టి సతాయిస్తామని చెప్పకనే చెప్పారు. కాబట్టి అధికారులూ... జర జాగ్రత్త!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter