19 January 2018 Written by 

సీట్ల కోసం పాట్లు

modi cmదేవుడు ప్రత్యక్షమై ఏదైనా వరం కోరుకోమని అడిగితే విశాల దృక్పథం వున్న ఏ మనిషైనా ఏం కోరుకుంటాడు. ఈ సమాజం బాగుండాలని, సుఖసంతోషాలతో జీవించా లని కోరుకుంటాడు. సమాజం బాగుంటే అందులో ఆ వరం కోరుకున్న వ్యక్తి కూడా సంతోషంగా వుంటాడు కాబట్టి! అదే స్వార్ధపరుడైతే ఏం కోరుకుంటాడు. ఆ పూటకు మటన్‌ బిర్యానీనో, మద్యాన్నో లేక ఇంట్లోకి ఐశ్వర్యాన్నో కోరుకుంటాడు.

ఆంధ్రప్రదేశ్‌ ముఖ్యమంత్రి చంద్రబాబు నాయుడుకు చాలాకాలం తర్వాత ప్రధాని నరేంద్రమోడీ అపాయింట్‌మెంట్‌ దొరి కింది. అమరావతి రాజధాని శంకుస్థాప నకు మోడీ వచ్చి పోవడం తెలిసిందే! అప్పుడు ఆయన ఇక్కడేదో మనకు దొరక దన్నట్లు మట్టి, చెంబుడు నీళ్ళు తెచ్చి చంద్రబాబు ముఖాన కొట్టి వెళ్ళాడు. ఏపికి ఎటువంటి ప్రయోజనాలను ఆయన చేకూర్చలేదు. ఆ తర్వాత ప్రధానిని కలవ డానికి చంద్రబాబు ఎన్నోసార్లు ప్రయత్నిం చాడు. కాని ప్రధాని అపాయింట్‌మెంట్‌ దొరకలేదు. ఈలోపు వైసిపి రాజ్యసభ సభ్యుడు విజయసాయిరెడ్డి రెండుసార్లు ప్రధానిని కలిసారు. ఒక్క విజయసాయిరెడ్డే కాదు, ఏ రాష్ట్ర సీఎంకైనా, చిన్నా చితకా నాయకులకైనా పీఎం అపాయింట్‌మెంట్‌ దొరికింది. కాని చంద్రబాబుకు మోడీ అపాయింట్‌మెంట్‌ ఇవ్వకపోవడమే చిన్నతనంగా భావించారు. దీంతో చంద్ర బాబు అంటే మోడీకి పడదనే సంకేతాలు ప్రజల్లోకి వెళ్ళసాగాయి.

ఈ దశలో తెలుగుదేశం ఎంపీలు జోక్యం చేసుకుని పిఎంఓపై ఒత్తిడి తేవ డంతో ఇటీవల ఎట్టకేలకు ప్రధాని మోడీని చంద్రబాబు కలవగలిగాడు.

దొరక్కదొరక్క ప్రధాని అపాయింట్‌ మెంట్‌ దొరికింది. దీనిని రాష్ట్ర ప్రయోజ నాలకు అనుగుణంగా మలచుకోవాలి. విభజన చట్టంలో ప్రత్యేకహోదా వుంది. ఎన్డీఏ ప్రభుత్వం వచ్చాక ప్రత్యేకహోదాపై చేతులెత్తేసి ప్రత్యేక ప్యాకేజీతో సరిపెట్టారు. ఆ ప్యాకేజీ అన్నా సరిగా ఇస్తున్నారా అంటే అదీ లేదు. కేంద్రం బాధ్యతగా వున్న పోలవరం డ్యాంకు ఎన్నో అవాంతరా లొస్తున్నాయి. రెవెన్యూ లోటును భర్తీ చేస్తామన్నారు. అదీ చేయడం లేదు. వచ్చే నెలలో బడ్జెట్‌ వుంటుంది. విశాఖ రైల్వే జోన్‌పై ఇంతవరకు ఎలాంటి ప్రక్రియ మొదలు కాలేదు. పారిశ్రామిక అభివృద్ధి పరంగా ఏపికి కేంద్రం నుండి ఎలాంటి చేయూతలేదు. విశాఖ-చెన్నై, బెంగుళూరు వయా కృష్ణపట్నంపోర్టు చెన్నై కారిడార్‌లు కేంద్రం బాధ్యత. వీటిపై ఇంతవరకు ఒక్క అడుగూ ముందుకు పడలేదు. దుగరాజ పట్నం పోర్టు హామీ అలాగే వుంది. ఇలా రాష్ట్ర ప్రయోజనాలకు సంబంధించిన ఎన్నో అంశాలను కేంద్రం నుండి సాధించు కోవాల్సిన అవసరముంది. చంద్రబాబు వాటన్నింటిని పక్కనపెట్టి రాష్ట్రంలో అసెంబ్లీ సీట్లను పెంచమనే ప్రధానిని ప్రధానంగా కోరినట్లు తెలుస్తోంది. అంటే ఇక్కడ చంద్రబాబు రాష్ట్ర ప్రయోజనాల కంటే రాజకీయ ప్రయోజనాలకే ఎక్కువ ప్రాధాన్యతనిచ్చాడు.

రాష్ట్రంలో అసెంబ్లీ సీట్లు పెరిగినంత మాత్రాన అనవసరపు అదనపు ఖర్చు పెర గడం తప్పితే ప్రజలకు దీని మూలంగా ఎలాంటి ఉపయోగం లేదు. అసెంబ్లీ సీట్లు పెంచాలని ప్రజలు కోరుకోవడం లేదు. కేవలం చంద్రబాబు మాత్రమే కోరుకుంటు న్నాడు. ప్రస్తుతం 175 సీట్లుండగా వాటిని 225కు పెంచాలంటున్నారు. సీట్లు పెంచితే వైసిపి నుండి తీసుకున్న 23మంది ఎమ్మెల్యేలకు సీట్లు అడ్జస్ట్‌ చేయడమే కాకుండా, అధికారాన్ని అడ్డం పెట్టుకుని ఇంకా కొంత మంది వైసిపి నాయకులను పార్టీలోకి లాగాలనేది ఆయన ప్లాన్‌. బలమైన నాయకులందరినీ టీడీపీలో చేర్చుకుని సీట్లు ఇచ్చేయవచ్చు. అప్పుడు సీట్లు పెరిగితే వైకాపాకు చాలా చోట్ల గట్టి అభ్యర్థులు దొరకని పరిస్థితి ఏర్పడుతుంది. అభ్యర్థుల బలం మీద ఎక్కువ సీట్లు గెలవ వచ్చని చంద్రబాబు నమ్మకం.

సీట్లు పెరిగితే ఇక తనకు తిరుగుండ దని చంద్రబాబు భావిస్తున్నారు. అందు కోసమే బలంగా ప్రయత్నిస్తున్నాడు. మరి ప్రధాని మోడీ ఎంతవరకు ఆయనకు సహకరిస్తాడన్నది చూడాలి!



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • కృష్ణ పోటెత్తింది
    కడప, కర్నూలు, అనంతపురం, చిత్తూరు, నెల్లూరు, ప్రకాశం, గుంటూరు జిల్లాల్లో వై.యస్‌.జగన్‌ ప్రజాసంకల్ప పాదయాత్రకు విశేషస్పందన లభించింది. ఇది పెద్ద విషయమేమీ కాదు. ఈ జిల్లాల్లో కొన్ని వైకాపాకు కంచుకోటలు కాగా, ఇంకో రెండు జిల్లాల్లోనూ బలంగానే వుంది. కాని, అసలు…
  • వేమాలశెట్టి బావిలో... వేలుపెట్టిన వేమిరెడ్డి పట్టాభి
    నెల్లూరు, దర్గామిట్టలో టీటీడీ కళ్యాణ మండపం ఎదురుగా వున్న వేమాలశెట్టి బావి సత్రం స్థలం మరోసారి వివాదంలో కెక్కింది. మంగళవారం రాత్రి ఈ స్థలంలో మున్సిపల్‌ మంత్రి పి.నారాయణ ముఖ్య అనుచరుడు వేమిరెడ్డి పట్టాభిరామిరెడ్డి ఆధ్వర్యంలో శనీశ్వరుని విగ్రహాన్ని ప్రతిష్టించడం వివాదానికి…

Newsletter