Friday, 26 January 2018 10:15

సిరివెన్నెలకి డా|| నాగభైరవ అవార్డు

Written by 
Rate this item
(0 votes)

sirivennelaసుప్రసిద్ధ కవి స్వర్గీయ డా|| నాగభైరవ కోటేశ్వరరావు 9వ అవార్డు 2017 సంవత్సరానికి గాను ప్రఖ్యాత సినీ కవి సిరివెన్నెల సీతారామశాస్త్రి ఎంపికయ్యారని డా|| నాగభైరవ అవార్డు కమిటి ప్రధానకార్యదర్శి చిన్ని నారాయణరావు తెలిపారు. ఈ ప్రతిష్టాత్మక అవార్డును ఫిబ్రవరి 11వ తేదీ ఆదివారం నెల్లూరు టౌన్‌హాల్లో జరిగే నాగభైరవ అవార్డు పండుగసభలో సిరివెన్నెలకు ప్రదానం చేయడం జరుగుతుందని తెలియజేశారు. ఈ అవార్డు క్రింద రూ.25వేలు నగదు పారితోషికంతో పాటు ఘన సత్కారం జరుగుతుందన్నారు. అలాగే ప్రతియేటా ఇచ్చే నాగభైరవ స్ఫూర్తి అవార్డులకు వంజివాక సతీష్‌రెడ్డి(నెల్లూరు), డా|| ఈదూరు సుధాకర్‌ (నెల్లూరు), కొండెపోగు బి.డేవిడ్‌ లివింగ్‌స్టన్‌(మార్కాపురం), పి.లక్ష్మణరావు(విజయనగరం), కాట్రగడ్డ లక్ష్మీనరసింహరావు(ఏలూరు), శ్రీమతి ఆవాల శారద(విజయవాడ)లను ఎంపిక చేసినట్లు పేర్కొన్నారు. డా|| నాగభైరవ అధ్యాపక సత్కారానికి ప్రముఖ సాహితీవేత్త, విశ్రాంత అధ్యాపకులు కాళిదాసు పురుషోత్తం ఎంపికైనట్లు తెలిపారు. 2009లో ప్రారంభించబడిన ఈ అవార్డులను ప్రముఖ సాహితీవేత్తలు మల్లెమాల సుందరరామిరెడ్డి, దర్బశయనం శ్రీనివాసాచార్య, రసరాజు, తనికెళ్ళ భరణి, అద్దేపల్లి రామ్మోహనరావు, సుద్దాల అశోక్‌తేజ, గొల్లపూడి మారుతీరావు, రావి రంగారావులకు ప్రదానం చేయడం జరిగిందన్నారు.

ఈ అవార్డు పండుగలో ముఖ్యఅతిథులుగా రాష్ట్ర వ్యవసాయశాఖా మంత్రి సోమిరెడ్డి చంద్రమోహన్‌రెడ్డి, ప్రముఖ దాత వేమిరెడ్డి ప్రభాకర్‌రెడ్డి, రాజధాని కమిటి సలహాసంఘ సభ్యులు బీద మస్తాన్‌రావు, మాజీమంత్రి మానుగుంట మహీధర్‌రెడ్డి, 'లాయర్‌' వారపత్రిక సంపాదకులు తుంగా శివప్రభాత్‌రెడ్డి, డా|| నాగభైరవ అవార్డు కమిటి అధ్యక్షులు, ప్రముఖ సినీ కవి వెన్నెలకంటి పాల్గొంటారని తెలిపారు. నాగభైరవ కుటుంబసభ్యులైన శ్రీమతి కూకట్ల రాజ్యలక్ష్మి, శ్రీమతి ధూళిపాళ్ళ రవీంద్రకుమారి, శ్రీమతి మన్నం మనోరమలు ఆత్మీయ ఆహ్వానితులుగా పాల్గొంటారని వెల్లడించారు. కళాంజలి అనంత్‌ ఆధ్వర్యంలో సంగీత విభావరి, సాంస్కృతిక కార్యక్రమాలు జరుగుతాయని తెలిపారు.

Read 862 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter