09 March 2018 Written by 

జగన్‌ జోరు.. బాబు బేజారు

chandra'మన్మధుడు' సినిమాలో సీన్‌ ఇది... బ్రహ్మానందం ఇంటికి నాగార్జున, సోనాలిబింద్రే వస్తారు. అక్కడ బ్రహ్మానందం భార్యగా ఒక నల్లజాతి మహిళ ఉండడాన్ని చూసి మీది లవ్‌ మ్యారేజీనా అని నాగార్జున అడుగుతాడు. దానికి బ్రహ్మానందం... ముందు ఆమె నన్ను ప్రేమించింది... తర్వాత నేను ప్రేమించాల్సి వచ్చింది అంటాడు. ఇదే సీన్‌ ఇప్పుడు రాష్ట్ర రాజకీయాలలో చోటుచేసుకుంది. కేంద్రంలోని బీజేపీ వాళ్ళు చంద్రబాబును దూరంగా వుంచారు. దాంతో ఆయన వారికి దూరం కావాల్సివచ్చింది.

''అత్త కొట్టినందుకు కాదు, తోడికోడలు నవ్వినందుకు...'' అనే పాత సామెత అందరికీ తెలిసిందే! కేంద్ర కేబినెట్‌ నుండి తెలుగుదేశం మంత్రులు అశోక గజపతిరాజు, సుజనాచౌదరిలు బయటకొచ్చేసారు. వారు తమ పదవులకు రాజీనామాలు చేసారు. ఏపి విషయంలో కేంద్ర వైఖరిని నిరసిస్తూ చంద్రబాబు కేంద్ర కేబినెట్‌ నుండి వైదొలగాలని నిర్ణయించుకున్నారు. దీంతో రాష్ట్ర బీజేపీ కూడా రాష్ట్ర కేబినెట్‌ నుండి వైదొలగాలని నిర్ణయించుకుంది. ఆ పార్టీ మంత్రులు కామినేని శ్రీనివాస్‌, మాణిక్యాల రావు కేంద్రమంత్రుల కంటే ముందే తమ పదవులకు రాజీనామాలు చేసేసారు.

చంద్రబాబు ఇంత సడెన్‌గా ఇలాంటి నిర్ణయం తీసుకోవడానికి కారణం జగన్‌! ప్రత్యేకహోదా ఉద్యమాన్ని అతను ఉధృతం చేసాడు. ప్రత్యేకహోదా కోసం పోరాడుతున్నది జగనేనని, ఈ విషయంలో చంద్రబాబు, ఆయన ఎంపీలు డ్రామాలాడుతున్నారన్న విషయం ప్రజలకు అర్ధమైపోయింది. జగన్‌ ప్రత్యేకహోదా

ఉద్యమాన్ని డైవర్ట్‌ చేయడం కోసం మధ్యలో జేఏసీ పేరుతో పవన్‌ కళ్యాణ్‌ను పంపిం చినా అది సక్సెస్‌ కాలేదు. ప్రత్యేక హోదా ఉద్యమం ఢిల్లీ స్థాయికి చేరకుండా, రాష్ట్రంలో చప్పబడిపోయుంటే చంద్రబాబు బీజేపీతో ఎలాంటి పేచీలు పెట్టుకుని వుండేవాడు కాదు. కేంద్ర కేబినెట్‌ నుండి మంత్రులను బయటకు రప్పించేవాడూ కాదు. ఎందుకంటే కేంద్రం ప్రత్యేకహోదా లేదు ప్రత్యేకప్యాకేజీ ఇస్తామన్నప్పుడు చప్పట్లు కొట్టి స్వాగతించింది చంద్రబాబే! ఆ ప్రత్యేకప్యాకేజీ క్రిందే వాళ్ళు నిధులిస్తు న్నారు. ఇచ్చిన నిధులకు లెక్కలు అడుగు తున్నారు. ఇచ్చిన నిధులకు లెక్కలు సమ ర్పిస్తే మళ్ళీ నిధులు ఇస్తామంటున్నారు. కాని కేంద్రం ఇచ్చిన నిధులకు చంద్రబాబు వద్ద లెక్కలు లేవు. ఆ నిధులన్నింటిని చంద్రబాబు ప్రభుత్వం తమ ఆర్భాటాల కోసం మళ్ళించింది. వాళ్ళకు లెక్కలు చెప్పాలంటే ఇక్కడ బొక్కలు బయట పడ తాయి. ఈ లెక్కలు ఇవ్వకనే కేంద్రంతో నిధుల పేచీ వచ్చింది. ప్రత్యేకప్యాకేజీ చంద్రబాబు ఒప్పుకున్న సబ్జెక్టే కాబట్టి దీనిని సాకుగా చూపి ఆయన కేంద్ర కేబినెట్‌ నుండి బయటకు రావాల్సిన పనిలేదు.

కేవలం ప్రత్యేకహోదా పోరు క్రెడిట్‌ అంతా కూడా జగన్‌ తన్నుకుపోతున్నాడని, తాను ప్రజల దృష్టిలో విలన్‌ను అవుతున్నా నని గమనించే చంద్రబాబు ఈ మంత్రుల ఉపసంహరణ అంశానికి తెరతీసాడు. అప్పటికీ బీజేపీతో పూర్తిగా తెగదెంపులు చేసుకోలేదు. ఓ పక్క కేంద్ర ఆర్ధికమంత్రి అరుణ్‌జైట్లీ అవసరం వున్నా లేకున్నా ఏపికి ప్రత్యేకహోదా ఇచ్చేది లేదని ఖరాఖండీగా చెబుతున్నాడు. చంద్రబాబు మంత్రులు కేబినెట్‌ నుండి వైదొలిగినంత మాత్రాన కేంద్రంలో కదలిక వచ్చి ప్రత్యేకహోదా ఇస్తామని ముందుకొచ్చేదేమీ లేదు. కాబట్టి బీజేపీతో పూర్తిగా తెగదెంపులు చేసుకో వచ్చు. కాని, చంద్రబాబు ఆ సాహసం చేయలేకపోతున్నాడు. ఎందుకంటే మెడపై ఓటు-నోటు కత్తి వేలాడుతోంది. దానిని మళ్ళీ కోర్టు మెట్లెక్కించారంటే చంద్రబాబు పరువు, ప్రతిష్ట పాతాళానికి పోతాయి.

జగన్‌ దెబ్బకు తట్టుకోలేకే మంత్రు లనన్నా ఉపసంహరింపజేసాడు. జగన్‌ అసలు ఉద్యమమే చేయకుంటే చంద్ర బాబుకు అసలు ఈ సమస్యలన్నీ ఉండేవి కావు. కేంద్రం ఇచ్చినవి తీసుకుంటూ, ఆ దేశం ఈ దేశం తిరుగుతూ అమరావతి కథలు చెప్పుకుంటూ హాయిగా ఉండేవాడు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter