Friday, 09 March 2018 08:50

ఈ నరకం ఇంకెన్నాళ్ళు

Written by 
Rate this item
(0 votes)

drian''ఈ నగరానికి ఏమైంది... ఓ పక్క మసి... మరోపక్క పొగ... నిర్లక్ష్యానికి చెల్లించక తప్పదు భారీ మూల్యం''... థియేటర్లలో గాని, టీవీలలో గాని సినిమా ప్రదర్శనకు ముందు వచ్చే ప్రకటన ఇది. ఇప్పుడు నెల్లూరు పరిస్థితి కూడా అలాగే వుంది. ఓ పక్క మసి... ఇంకో పక్క పొగ అన్నట్లుగా మారింది భూగర్భడ్రైనేజీ, మంచినీటి పైప్‌లైన్‌ల పుణ్యమా అని!

నెల్లూరు నగరంలో 1100కోట్ల ఖర్చుతో భూగర్భ డ్రైనేజీ, మంచినీటి పైప్‌లైన్‌ల పనులు ముమ్మరంగా జరుగుతుండడం తెలిసిందే! గత ప్రభుత్వాలలో వందలకోట్ల వ్యయంతో వేసిన సిమెంట్‌, తారురోడ్లన్నీ ధ్వంసమయ్యాయి. ఏ రోడ్డు కూడా ఇప్పుడు శుభ్రంగా లేదు. ఏ రోడ్డులోనూ వాహనాలు సక్రమంగా వెళ్ళే పరిస్థితి లేదు. తవ్వేసిన రోడ్ల మూలంగా వాహనదారులు నరకం చూస్తున్నారు. ఎక్కడికక్కడ ట్రాఫిక్‌ సమస్యలు ఉత్పన్నమవుతున్నాయి. తవ్విన రోడ్లు ఓ పక్క ఇబ్బంది పెడుతుంటే, తవ్విన చోట పూడ్చడానికి పై లేయర్‌గా చేస్తున్న బ్లాక్‌పౌడర్‌(డస్ట్‌) జనానికి సినిమా చూపిస్తోంది. మినీబైపాస్‌, మాగుంట లే అవుట్‌ మెయిన్‌రోడ్డుతో పాటు నగరంలో పలు రోడ్లపై ఈ బ్లాక్‌పౌడర్‌నే వేశారు. వాహనాలు వెళ్ళినప్పుడు ఈ దుమ్ము మేఘాలు మాదిరిగా వీస్తుంది. ఈ దుమ్ము ముక్కుల్లోకి పోతే అనారోగ్య సమస్యలు తలెత్తకమానవు. బ్లాక్‌పౌడర్‌తో లేనిపోని అనర్ధాలు తలెత్తుతున్నాయి. ఆ రోడ్లో వెళ్ళే ద్విచక్రవాహనదారులు గాని, ఏ.సిలు వేసి వాహనాలలో ప్రయాణించేవాళ్ళు గాని, పాదచారులుగాని ఈ డస్ట్‌ను పీల్చక తప్పనిపరిస్థితి. ఎంతసేపని ముక్కులు మూసుకుని ఊపిరి బిగపట్టి ఉండగలరు? ఈ రోడ్లమీద గట్టిగా కిలోమీటరు దూరం నడిచినా, బండి మీద వెళ్ళినా అరకిలో డస్ట్‌ నెత్తిన, ముఖాన వుంటుంది. ఈ డస్ట్‌లో పోలీసులకు కూడా ట్రాఫిక్‌ విధులు నిర్వహించడం కష్టంగా ఉం టుంది. వాళ్ళూ మనుషులే కదా! రోగాలకు వాళ్ళేం అతీతులు కాదుకదా! ఈ డస్ట్‌ దెబ్బకు ప్రధాన రోడ్ల పక్కనవున్న భవనాలు దుమ్ము పేరుకుపోయి, కొత్తగా పెయింట్‌లు వేసుకోవాల్సిన పరిస్థితి. తవ్విన గుంతలను పూడ్చడానికి కనీసం గ్రావెల్‌ వాడున్నా ఇంత ఇబ్బంది ఉండేది కాదు. లేదా పౌడర్‌తో పాటు సన్న చిప్స్‌ వేసున్నా ఈ దుమ్ము బాధ ఇంత వుండేది కాదేమో? ఏదైనా తవ్విన రోడ్లను తొందరగా వేస్తే ఈ డస్ట్‌ బాధల నుండి నగర ప్రజలకు మోక్షం కల్పించినవాళ్ళవుతారు!

Read 708 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter