16 March 2018 Written by 

చిగురించని ఆశ... బీదకు మిగిలింది నిరాశ

beedaరాజ్యసభ రేసులో చివరివరకు పోరాడిన మాజీఎమ్మెల్యే బీద మస్తాన్‌రావు చివరి క్షణంలో వెనుకబడిపోయాడు. ముఖ్యమంత్రి చంద్రబాబు చాలా సున్నితంగా ఆయనను పక్కకు తప్పించాడు. దీంతో ఈసారి రాజ్యసభ పై గంపెడాశలు పెట్టుకున్న బిఎంఆర్‌కు చివరకు నిరాశే మిగిలింది.

2014 ఎన్నికల్లో కావలి నుండి ఓటమి చెందిన మస్తాన్‌ రావును చంద్రబాబు రాజధానికమిటిలో సభ్యులుగా నియమిం చారు. అలాగే ఆయన కావలి ఇన్‌ఛార్జ్‌గా కూడా వ్యవహరిస్తూ వస్తున్నారు. అయితే ప్రత్యక్ష రాజకీయాల కంటే రాజ్యసభకు వెళ్ళడమే మేలనుకున్న మస్తాన్‌రావు ఆ దిశగా ప్రయత్నాలు మొదలు పెట్టారు. గతంలో ఒకసారి రాజ్యసభ ఎన్నికలు జరిగినప్పుడు గట్టిగానే ప్రయత్నించాడు కాని సఫలం కాలేదు. ఆ తర్వాత టీటీడీ బోర్డు ఛైర్మెన్‌గా కూడా ఆయన పేరు ప్రచారంలోకి వచ్చింది. అది కూడా సక్సెస్‌ కాలేదు.

ఇప్పుడు రాష్ట్రంలో మూడు రాజ్యసభ పదవులకు ఎన్నికలొ చ్చాయి. ఎమ్మెల్యేల సంఖ్యను బట్టి టీడీపీకి రెండు, వైసిపికి ఒకటి దక్కాయి. తెలుగుదేశంకు దక్కే రెండు పదవుల్లో ఒకదాని కోసం బీద మస్తాన్‌రావు గట్టిగా ప్రయత్నిం చాడు. టీడీపీ జిల్లా అధ్యక్షుడు, ఎమ్మెల్సీ బీద రవిచంద్రతో పాటు జిల్లా పార్టీ నాయకులు కూడా బీఎంఆర్‌కు ఈ విషయంలో మద్దతుగా నిలిచారు. చివరి వరకు కూడా బీఎంఆర్‌కు రాజ్యసభ గ్యారంటీ అనే ప్రచారం సాగింది. అయితే చివరి క్షణంలో చంద్రబాబు మొండిచేయి చూపారు. బీదకు రాజ్యసభను ఇవ్వకపోవడానికి చంద్రబాబు చెప్పిన కారణం మీరు రాజ్యసభకు వెళితే కావలిలో ఇక అభ్యర్థి లేడని! ఇది నిజమే. ఇంకో ఏడాదిలో అసెంబ్లీ ఎన్నికలు రానున్నాయి. కావలి తెలుగుదేశంపార్టీకి బీద సోదరులే నాయకులు. బీద రవిచంద్ర ఎమ్మెల్సీగా వున్నాడు. ఆయనకు ఇంకా పదవీ కాలం వుంది. బీద మస్తాన్‌రావు కావలి ఇన్‌ఛార్జ్‌గా వుంటున్నాడు. కావలి అసెంబ్లీకి గట్టి అభ్యర్థి బీద మస్తాన్‌రావే! ఆయన రాజ్యసభకు వెళితే కావలికి కొత్త అభ్యర్థిని వెదుక్కోవాల్సిన పరిస్థితి. ఎలక్షన్‌ చేయగల సత్తా వున్నోళ్ళంతా రాజ్యసభకు, శాసనమండలికి వెళితే రేపు ఎలక్షన్‌లలో పోటీ చేసేదెవరు? ఈ కోవలోనే బీఎంఆర్‌ ఆశలు గల్లంతయ్యాయని తెలుస్తోంది.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…

Newsletter