Friday, 23 March 2018 11:26

అన్ని సీట్లూ ఇక తమ్ముళ్ళకే!

Written by 
Rate this item
(0 votes)

tdp logoఎన్డీఏ కూటమి నుండి తెలుగుదేశం వైదొలిగింది. దీనిపై నెల్లూరుజిల్లా తెలుగు తమ్ముళ్ళు రెండు విధాలుగా హర్షం వ్యక్తం చేస్తున్నారు. బీజేపీ మతోన్మాద పార్టీ అని, అందుకే దూరంగా వచ్చేసామని ముస్లింలు, క్రిస్టియన్‌ల దగ్గరకుపోయి ఓట్లు అడగొచ్చు. నోట్ల రద్దు, జిఎస్టీ వంటి వాటి ప్రభావాన్ని బీజేపీ మీదకు తోసేయవచ్చు. రెండోది పొత్తులో భాగంగా బీజేపీకి ఇచ్చే సీట్ల నుండి ఇక తెలుగు తమ్ముళ్ళే పోటీ చేయవచ్చు. అది లోక్‌సభ అయినా, శాసనసభ అయినా, జడ్పీటీసీ అయినా, మున్సిపల్‌ వార్డు మెంబర్‌ అయినా!

ప్రతి ఎన్నికలలోనూ పొత్తులో భాగంగా బీజేపీకి ఒకటి, అరా సీట్లివ్వడం, ఆ పార్టీ ఓడిపోవడం జరుగుతూ వస్తోంది. 1985లో టీడీపీ-బీజేపీ పొత్తుకు బీజం పడింది. ఆ ఎన్నికల్లో పొత్తులో భాగంగా బీజేపీకి ఆత్మకూరు సీటిచ్చారు. ఆ పార్టీ అభ్యర్థిగా వెంకయ్యనాయుడే ఓడిపోయాడు. 1989ఎన్నికల్లోనూ మళ్ళీ పొత్తు ధర్మంగా ఆత్మకూరునే ఆ పార్టీకిచ్చారు. ఈసారి కూడా ఆ పార్టీ అభ్యర్థి కర్నాటి ఆంజనేయరెడ్డి గెలిచినంత పనిచేసి ఓడిపోయాడు. ఆ తర్వాత టీడీపీ-బీజేపీల మధ్య పొత్తు తెగిపోయింది. మళ్ళీ 1999 ఎన్నికల్లో కలిసారు. ఆ ఎన్నికల్లో సిటింగ్‌ ఎమ్మెల్యే టి.రమేష్‌రెడ్డికి చెక్‌ పెట్టాలని నిర్ణయించుకున్న చంద్రబాబు నెల్లూరు సీటును బీజేపీకి ఇచ్చాడు. ఆ ఎన్నికల్లో ఆ పార్టీ అభ్యర్థిగా డేగా నారసింహారెడ్డి పోటీ చేసి ఓటమి పాలయ్యాడు. నెల్లూరు నగరంలో తెలుగుదేశం పతనం అప్పుడే మొదలైంది. మళ్ళీ 2004 ఎన్నికల్లోనూ పొత్తులో భాగంగా నెల్లూరు లోక్‌సభ స్థానంతో పాటు నెల్లూరు అసెంబ్లీ సీటును, అలాగే ఆత్మకూరు అసెంబ్లీ సీటును బీజేపీకివ్వడం జరిగింది. ఆ ఎన్నికల్లో మూడు చోట్లా పరాభవమే! 2009 ఎన్నికల్లో బీజేపీతో పొత్తు లేకున్నా వామపక్షాలతో పొత్తు పెట్టుకున్న టీడీపీ నెల్లూరురూరల్‌ సీటును సీపీఎంకు ఇవ్వడం తెలిసిందే! ఇక్కడా సీపీఎం ఓడిపోయింది. 2014 ఎన్నికలకొచ్చే సరికి మళ్ళీ బీజేపీతో పొత్తు ముడిపడిపోయింది. ఈసారి తిరుపతి లోక్‌సభ, నెల్లూరురూరల్‌ అసెంబ్లీ సీట్లు బీజేపీకి ఇచ్చారు. రెండు చోట్లా పరాజయమే!

ఇలా అన్ని ఎన్నికల్లోనూ టీడీపీలో వున్న ఆశావహులను పక్కనపెడుతూ బీజేపీకి సీట్లిస్తూ వచ్చారు. ఇప్పుడు చంద్రబాబు ఎన్డీఏ నుండి బయటకు రావడంతో ఆ సమస్య లేదు. ఆ పార్టీకి సీట్లిచ్చే పని లేదు. కాబట్టి తెలుగుదేశం నాయకులకే ఆ సీట్లు దక్కనున్నాయి.

Read 700 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter