Friday, 23 March 2018 11:28

బాబుకు సారీ చెప్పిన పవన్‌

Written by 
Rate this item
(0 votes)

galpikaఉండవల్లిలోని హైటెక్‌రత్న, ఆంధ్రా సీఎం చంద్రబాబునాయుడు క్యాంపు కార్యాలయం. నారా లోకేష్‌ ఒక పుస్తకం పట్టుకుని అటు ఇటు తిరుగుతూ... ''దివంగతులైన వారి పుట్టినరోజును జయంతి అనియు, మరణించిన రోజును వర్ధంతి అనియు'' అందరు... అని పదే పదే చదువుతున్నారు. లోకేష్‌ను చంద్రబాబు కుర్చీలో కూర్చుని బెత్తం పట్టు కుని చదివిస్తున్నాడు. అప్పుడే ఎక్సైజ్‌ మంత్రి జవహర్‌బాబు లోపలకు వచ్చాడు. సార్‌, అబ్బాయి చదివి చదివి అలసిపోయినట్లున్నాడు. హెల్త్‌ డ్రింక్స్‌(బీరు) ఏమన్నా తెప్పించమంటారా? అని అడిగాడు. నీ డ్రింక్స్‌ ఏమీ అవసరం లేదు, గంటకోసారి వాళ్ళమ్మ బూస్ట్‌ అందిస్తుందిలే అని చంద్రబాబు చెప్పాడు. మళ్ళీ జవహర్‌ వుండి... లోకేష్‌బాబు... చదువుకునే రోజుల్లోనే ఇంత శ్రద్ధగా చదువుంటే ఏ ఐఏఎస్సో, ఐపిఎస్సో అయ్యుండేవాడయ్యా అని అన్నాడు. చంద్రబాబుకు ఆ మాటతో తిక్కరేగింది. చదువుకుని వుంటే ఐఏఎస్‌ అయ్యేవాడు, శ్రద్ధగా చదువుకోకపోబట్టి ఐఏఎస్‌లకు బాస్‌ అయ్యాడు... అని చెప్పాడు. వెంటనే జవహర్‌... దీన్నిబట్టి చదువుకోకపోవడమే మేలంటారా... మరి రాష్ట్రంలో ఇన్ని స్కూళ్లెందుకు, చదువుకోండని చెప్పి స్కాలర్‌షిప్‌ లెందుకు. మంచి ఫలితాలు రావాలంటూ అయ్యవార్ల మీద ఒత్తిళ్లెందుకు. చదువుకోకుంటే అందరూ మన లోకేష్‌బాబులాగా అభివృద్ధి చెందుతారు కదా అని చెప్పాడు. చంద్రబాబుకు కోపం అరికాల్లో కొచ్చింది. తమాయించుకుని నీతో ఈ సబ్జెక్ట్‌పై మళ్ళీ తాపీగా డిస్కషన్‌ చేస్తాను, ముందు నువ్వు వెళ్ళు అని చెప్పాడు. మీరు ఏదో ఫ్రెస్టేషన్‌లో ఉన్నట్లున్నారు, మీకు కూడా రెండు హెల్త్‌ డ్రింక్స్‌ పంపించమంటారా? రిలాక్స్‌ అవుదురు అని జవహర్‌బాబు అడిగాడు. చంద్రబాబు రెండు చేతులు జోడించి మీతో మళ్ళీ మాట్లాడుతానని పంపించేసాడు. అప్పుడే మంత్రులు పి.నారాయణ, పత్తిపాటి పుల్లారావు, దేవినేని ఉమామహేశ్వరరావులు వచ్చారు. వాళ్ళ ముఖాలు కృష్ణపట్నం థర్మల్‌ విద్యుత్‌ కేంద్రాల్లాగా వెలిగి పోతున్నాయి. ఏంటి విషయం అని చంద్రబాబు అడిగాడు. దానికి నారాయణ... ప్రత్యేకహోదా ఉద్యమం విషయంలో మీరు పడుతున్న బాధ చూడలేకేమో, మన పవన్‌ కళ్యాణ్‌ గుంటూరులో మీటింగ్‌ పెట్టాడు. జగన్‌ ప్రత్యేకహోదా ఉద్యమాన్ని డైవర్ట్‌ చేస్తాడు. జగన్‌ అవినీతి మీద విమర్శలు చేస్తాడు. దాంతో వైకాపా వాళ్ళు హోదా ఉద్యమాన్ని వదిలేసి పవన్‌ను తిట్టడానికి మళ్ళుకుంటారు. మీకు ఏ సమస్యా వుండదు అని చెప్పాడు. చంద్రబాబు వెంటనే డిజిపి ఆఫీసుకు ఫోన్‌ చేసాడు. పవన్‌ కళ్యాణ్‌ మీటింగ్‌కు వెంటనే పర్మిషన్‌ ఇవ్వాలని ఆదేశించాడు. తర్వాత మంత్రులు ముగ్గురితో... పవన్‌ సభకు ఏర్పాట్లు చూడండి... స్టేజీ గట్టిగా వుండాలి. పవన్‌ మంగళగిరిలో మాట్లాడితే వెంకటగిరిలో వినిపించేలా మైక్‌సెట్లు ఏర్పాటు చేయండి, అన్ని జిల్లాల నుండి కార్యకర్తలు రావడానికి బస్సులు, కార్లు ఏర్పాటు చేయండి, జనం తగ్గే పరిస్థితి వుంటే మన కార్యకర్తలను కూడా తరలించండి, జన సమీకరణకు అవసరమైతే ఎంతైనా ఖర్చు చేయండి, మందు, బిర్యాని సప్లయ్‌ చేయండి... ఈ మీటింగ్‌తో జగన్‌కు దిమ్మ తిరగాలి... మన 'చంద్రజ్యోతి', 'ఈరోజు' టీవీ 9-9=99, ఏసిడిటి, నంగి టీవీ, టీవీ 2.5లకు కూడా సమాచారమివ్వండి... అన్ని టీవీలలో పవన్‌ సభ ప్రత్యక్ష ప్రసారం కావాలి. పత్రికలలో పవన్‌దే బ్యానర్‌ ఐటమ్‌గా రావాలి. పవన్‌ మనోడే అంతా మంచిగా జరిగిపోవాలి అని చెప్పాడు. అలాగే చేస్తాం సార్‌ అంటూ నారాయణ, పత్తిపాటి,

ఉమలు అక్కడ నుండి లేచారు.

్య్య్య్య్య

మంగళగిరిలోని కాజా వద్ద జనసేన పార్టీ ఆవిర్భావ దినోత్సవ సభ. పవన్‌ వేదికెక్కాడు. అభిమానులు కేరింతలు కొట్టారు. టీవీలన్నీ ఆ సభను ప్రత్యక్షప్రసారం చేయసాగాయి. పవన్‌కళ్యాణ్‌ చొక్కా జేబులో నుండి ఓ పేపర్‌ తీసి అప్పుడప్పుడు చూసుకుంటూ ఆవేశంతో మాట్లాడసాగాడు. తెలుగుదేశం ప్రభుత్వం అవినీతిలో కూరుకుపోయింది. 2019 ఎలక్షన్‌లలో జగన్‌ను ఓడించడానికి నియోజకవర్గానికి పాతిక కోట్లు లెక్కన ఖర్చు పెడతారట. ఇన్ని కోట్లు వీళ్ళకు ఎక్కడనుండి వచ్చాయి. ఇది అవినీతి సొమ్ము కాదా? లోకేష్‌ అవినీతి చంద్రబాబుకు కనపడడం లేదా?... అంటూ చంద్రబాబు మీద, ఆయన కొడుకు లోకేష్‌ మీద తీవ్ర విమర్శలు చేసాడు. చంద్రబాబు అనుకూల ఛానెల్స్‌ అన్నీ కూడా ఇది ఆయన కాన్సెప్ట్‌లో భాగమేననుకుని మక్కీకి మక్కీ లైవ్‌ ఇచ్చాయి. టీవీలలో పవన్‌ ప్రసంగం చూసి చంద్రబాబు షాక్‌ తిన్నాడు. ఈ పవన్‌కు ఏమైంది... ఎందుకిలా జరిగింది... ఎందుకు అతను అడ్డం తిరిగాడు... ఇదే ఆలోచనతో ఆందోళన చెందసాగాడు.

్య్య్య్య్య

సభ ముగించుకుని పవన్‌ తన ఇంటికి వచ్చాడు. అప్పుడే ఫోన్‌ రింగయ్యింది. ఆన్‌ చేసాడు. అవతల నుండి చంద్రబాబు... ఏం పవన్‌ నీకు ఏం తక్కువ చేసామని మా మీద విరుచుకుపడ్డావ్‌, నువ్వు అడిగినట్లే అన్నీ చేస్తున్నాం కదా, మరి మామీద ఎందుకు అన్ని విమర్శలు చేసావ్‌ అని నిష్టూరంగా అడిగాడు. దానికి పవన్‌... అదేంటి సార్‌, మీరు పంపించిన స్క్రిప్టే కదా నేను చదివింది అని అన్నాడు. ఆ మాటకు బాబుకు మైండ్‌ బ్లాక్‌ అయ్యింది. నేను ఆ స్క్రిప్ట్‌ పంపడమేంటి.. జగన్‌ను తిడుతూ వ్రాసిన స్క్రిప్ట్‌ కదా నీకు పంపించింది అని చంద్రబాబు అన్నాడు. అప్పుడు పవన్‌ ఆలోచనలో పడ్డాడు. సినిమా స్టైల్‌లో రివర్స్‌ లోకి వెళ్ళాడు.

్య్య్య్య్య

ప్రత్యేకహోదాపై పవన్‌ ఏర్పాటు చేసిన జెఎఫ్‌సి సమావేశానికి

ఉండవల్లి అరుణ్‌కుమార్‌, జయప్రకాశ్‌నారాయణ, చలసాని శ్రీనివాస్‌ తదితరులు హాజరయ్యారు. మీటింగ్‌ అయ్యాక అందరూ హడావిడిగా లేచారు. ఆ లేవడంలో ఉండవల్లి, పవన్‌లు ఒకరికొకకరు గుద్దుకుని వారి చేతుల్లోని ఫైళ్ళు ఎదురెదురుగా కిందపడ్డాయి. అలా ఇద్దరూ వంగి తీసుకోవడంలో ఉండవల్లి ఫైల్‌ పవన్‌ చేతిలోకి, పవన్‌ ఫైల్‌

ఉండవల్లి చేతిలోకి వచ్చింది. చంద్రబాబును తిట్టడానికి ఉండవల్లి వ్రాసుకున్న స్క్రిప్ట్‌ అలా పవన్‌ చేతుల్లోకి వెళ్ళి గుంటూరు సభలో తూటాలా పేలింది.

్య్య్య్య్య

ఫ్లాష్‌బ్యాక్‌లో విషయం అర్ధం కావడంతో పవన్‌ నాలుక్కరుచుకుని... పొరపాటు జరిగింది చంద్రబాబు గారు, పొరపాటున ఉండవల్లి స్క్రిప్ట్‌ను చదివేసాను, ఈసారి అలా జరగనివ్వనులే అని అన్నాడు. ఇక జరిగేదే ముంది... జరగాల్సింది జరిగిపోయింది. ఉండవల్లి నీ పక్కన చేరినప్పుడే అనుకున్నాలే... ఇలాంటిదేదో వుంటుందంటూ చంద్రబాబు విసురుగా ఫోన్‌ కట్‌ చేసాడు.

Read 106 times
Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter