28 May 2014 Written by 

తెలుగు యువత పగ్గాలు లోకేష్‌కే ?

lokeshbabu1టిడిపి వారసత్వ రాజకీయాల్లో పార్టీ అధ్యక్షుడు చంద్రబాబు తనయుడు లోకేశే వారసుడని గుసగుసలు వస్తున్నాయి. జూనియర్ ఎన్టీఆర్ నుంచి పోటీ నుంచి తప్పుకున్నట్లేనని భావిస్తున్నారు. ఇటీవల జరిగిన లోకసభ, శాసనసభ ఎన్నికల్లో జూనియర్ ఎన్టీఆర్ పాత్ర ఏ మాత్రం లేదు. అయినప్పటికీ టిడిపి సీమాంధ్రలో ఘన విజయం సాధించింది. ఎన్నికల ప్రచారంలో నారా లోకేష్ చురుగ్గా పాల్గొన్నారు. రాష్ట్రవ్యాప్తంగా పర్యటించారు. రాజకీయాల్లో నారా లోకేష్ తన సత్తా చాటుకున్నట్లయింది. దీంతో నారా లోకేష్‌కు తెలుగుదేశం పార్టీలో కీలక బాధ్యతలు అప్పగించే అవకాశాలున్నట్లు చెబుతున్నారు. మహానాడు పోస్టర్లపై చంద్రబాబుతో సమానంగా నారా లోకేష్ చిత్రం చోటు చేసుకుంది. తెలుగు యువత పగ్గాలను నారా లోకేష్‌కు అప్పగించే అవకాశం ఉన్నట్లు చెబుతున్నారు. దీనికి నందమూరి హరికృష్ణ నుంచి కూడా ఏ విధమైన వ్యతిరేకత ఎదురు కాకపోవచ్చునని అంటున్నారు. ఎన్నికల్లో నారా లోకేష్ నిర్వహించిన పాత్ర వల్ల అడ్డంకులను అధిగమించినట్లు భావిస్తున్నారు. నిజానికి నారా లోకేష్ ఎన్నికల్లో పోటీ చేస్తారని భావించారు. అయితే, ఆయన పోటీ చేయలేదు. ఆయన పోటీ చేయకపోవడం వల్ల నందమూరి హరికృష్ణకు టికెట్ నిరాకరించడానికి చంద్రబాబుకు వీలైందని అంటున్నారు. ఏమైనా, టిడిపిలో నారా లోకేష్ ఆధిపత్యం ముందుకు వచ్చే అవకాశాలున్నాయని అంటున్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • అమ్మో... దొంగల ముఠా
    కరుడుగట్టిన కిరాతకులు వాళ్ళు... మంచితనం, మానవత్వం ఉండదు... దయ, కరుణ మచ్చుకైనా కానరావు... పిల్లా, పెద్ద అనే తేడా లేదు... ఇంట్లో దూరితే అందర్నీ చంపేయడం, అందినకాడికి దోచుకునిపోవడం... దోచుకున్న ఇంట్లోనే భోం చేయడం, అక్కడే మలమూత్రాలు విసర్జించడం... ఈ ముఠా…

Newsletter