నెల్లూరులో నేడు (128)

kartheekamమహాశివునికి అత్యంత ప్రీతికరమైన కార్తీకమాసం సందర్భంగా నెల్లూరు జిల్లా లోని అన్ని శైవక్షేత్రాల్లో ఆథ్యాత్మిక శోభ వెల్లివిరుస్తోంది. సైదాపురం మండలం కలిచేడుకు సమీపంలోని సిద్దలయ్యకోన, కొడవలూరు మండలం గండవరంలోని శివాలయం, విడవలూరు మండలంలోని రామతీర్థం గ్రామంలో వెలసియున్న శైవక్షేత్రం, సీతారామపురం మండలం సమీపంలోని భైరవకోన, సోమశిల మల్లీశ్వరస్వామి దేవస్థానం కార్తీకశోభతో శోభిల్లుతున్నాయి. జిల్లా నలుమూలల నుంచే కాకుండా పొరుగు జిల్లాల నుంచి వేలాది మంది భక్తులు ఈ దేవాలయాలను దర్శించుకుంటున్నారు.

కార్తీక దీపాల వెలుగులు

కార్తీకమాసం తొలి సోమవారం శైవ క్షేత్రాలన్నీ భక్తులతో కిటకిటలాడాయి. ఆల యాల్లో కార్తీక దీపాలను శోభాయమా నంగా భక్తులు వెలిగించారు. కార్తీకదీపాల కాంతులతో జిల్లాలోని శివాలయాలు ప్రత్యేకశోభను సంతరించుకున్నాయి. తొలి కార్తీక సోమవారాన్ని పురస్కరించుకుని భక్తులు పరమేశ్వరునికి అత్యంత ప్రీతి పాత్రమైన కార్తీకదీపాలను శివాలయంలో భక్తి శ్రద్ధలతో వెలిగించి కార్తీకమాస వ్రతా లను నిర్వహించారు. ఉదయం నుంచి ఎడతెరిపిలేని వర్షం కురుస్తున్నా భక్తులు పరమేశ్వరుని దర్శనానికి శివాలయాల్లో బారులు తీరారు. ప్రత్యేకపుష్పాలంకర ణలు, విద్యుద్దీప కాంతులతో భక్తులతో సందడి వాతావరణం నెలకొంది. నెల్లూరు మూలాపేటలోని శ్రీ భువనేశ్వరి సమేత మూలస్థానేశ్వరస్వామి దేవస్థానంలో స్వామి వారికి భక్తులు పాలాభిషేకాలు, రుద్రహోమాలు, మహన్యాసపూర్వక ఏకా దశ రుద్రాభిషేకాలు నిర్వహించారు. దర్గా మిట్టలోని శ్రీ రాజరాజేశ్వరి అమ్మవారి దేవస్థానం ప్రాంగణంలో వున్న సుంద రేశ్వరస్వామి ఆలయంలో మహిళాభక్తులు విశేషంగా పాల్గొని కార్తీక దీపాలను వెలి గించి నోములు నోచుకున్నారు. నెల్లూరు నగరంలోని పలు శివాలయాల్లో భక్తులు విశేషంగా పాల్గొని కార్తీక సోమవారాన్ని పురస్కరించుకుని పరమేశ్వరునికి ప్రత్యేక అభిషేకాలు, పూజలు నిర్వహించారు.

నెల్లూరుజిల్లాలోని అన్ని శైవక్షేత్రాల దర్శనార్థం జిల్లా ప్రజలకు పర్యాటక శాఖ ఆధ్వర్యంలో షటిల్‌ బస్సులను నడిపించా లని ప్రజలు కోరుతున్నారు. ప్రముఖ శైవక్షేత్రాలను జిల్లా ప్రజలకే కాకుండా రాష్ట్రం నలుమూలల నుండి వచ్చే పర్యాటకులకు ఇది ఎంతో ఉపయోగంగా ఉంటుంది. జిల్లాలో వుండే శైవక్షేత్రాలను దర్శించుకునే భాగ్యాన్ని పర్యాటకశాఖ వీలైనంత త్వరగా కల్పిస్తుందని ఆశిద్దాం.

pigsనెల్లూరు నగరంలో పందులు రాజ్యమేలుతున్నాయి. మురికి వాడలలోనే కాకుండా ప్రధాన ప్రాంతాల్లోనూ పందులు మందలు మందలుగా తిరుగుతున్నాయి. అయితే నగర పాలక సంస్థ మాత్రం పందులను, మనుషులను ఒకటేగా చూస్తున్నట్లుంది. ఈ పందులను పట్టి దూరంగా తరలించాలనే ఆలోచనే లేకుండా పోయింది. చివరకు ఈ పందులు మా ఏరియాల్లో మీరు ఉండడమేంటన్నట్లుగా మనుషుల మీద దాడులకు దిగుతున్నాయి.

12వ తేదీ వెంకటేశ్వరపురంలోని జనార్ధనరెడ్డి కాలనీలో హలీమా అనే మూడేళ్ళ చిన్నారిపై పంది దాడి చేసి తీవ్రంగా గాయపరిచింది. ఆ బాలిక ఆసుపత్రిలో చేరి చికిత్స పొందు తుంది. కొన్ని రోజుల క్రితమే ఇదే ప్రాంతంలో ఐదేళ్ళ బాలుడు పందుల దాడిలో చనిపోయాడు. ఇంతకుముందు కూడా ఇలాంటి సంఘటనలు జరిగివున్నాయి. మరి నగర పాలకులు ఎప్పటికి మేలుకుంటారో?

chandrababu arupuముఖ్యమంత్రి చంద్రబాబుకు భలే కోపం వచ్చింది. చంద్రుడు కాస్తా చంఢ శాసనుడయ్యాడు. తనలోని ఉగ్రరూపాన్ని చూపాడు. ''చూడు ఒక వైపే చూడు రెండో వైపు చూడాలనుకోకు... మాడి మసై పోతావ్‌'' అన్న బాలయ్య డైలాగ్‌ను వినే వుంటారు. కాని ఇక్కడ చంద్రబాబు మాత్రం తన రెండోవైపు చూపించాడు. ఎదురుగా వున్న కాంట్రాక్టర్‌ను ఎడాపెడా వాయించాడు. చంద్రబాబులోని కోపాన్ని చూసి పక్కనే వున్న తెలుగు తమ్ముళ్ళంతా ఉలిక్కిపడ్డారు.

అసలు విషయానికొస్తే మంత్రి నారా యణ కుమార్తె పెళ్లి నేపథ్యంలో సిఎం చంద్రబాబు గత నెల 30వ తేదీన నెల్లూరొచ్చారు.

శుభకార్యంతో పాటు స్వకార్యం కూడా నెరవేర్చుకున్నట్లు కొన్ని అధికారిక కార్యక్రమాలు కూడా పెట్టుకున్నాడు. వీటిలో భాగం గానే నెల్లూరు, సంగం బ్యారేజీల పరిశీలన. నెల్లూరు బ్యారేజీ పరిశీలించినప్పుడు సంబంధిత కాం ట్రాక్టర్‌పై చంద్రబాబు నిప్పులు కక్కారు. పనులు ఆలస్యం కావడంపై తీవ్రంగా మందలిస్తూ, నేను తలచుకుంటే దేశంలో ఎక్కడా వర్క్‌లు చేయలేవని, బ్లాక్‌లిస్టులో పెడతానని హెచ్చరించారు.

మీడియా ముందు ఈ షో బాగానే వుంది. అక్కడున్న తెలుగుతమ్ముళ్లు కూడా చంద్రబాబు యాక్షన్‌ సీన్‌ చూసి ఆనంద పడ్డారు. అసలు బ్యారేజీ పనులు ఎందుకు పెండింగ్‌లో వున్నాయి, ఇంతవరకు ఎం దుకు పూర్తి కాలేదనే విషయం చంద్రబాబు పరిశీలించారా? పట్టిసీమపై పెట్టిన శ్రద్ధలో ఒకటోవంతు శ్రద్ధ ఈ ప్రభుత్వం నెల్లూరు, సంగం బ్యారేజీలపై పెట్టుంటే ఇదివరకే ఎప్పుడో ఇవి పూర్తై వుండేవి. 2005 సంవత్సరం అంచనా ప్రకారం ఈ బ్యారేజీ నిర్మాణం జరుగుతుంది. పిల్లర్స్‌ వ్యయమే బాగా పెరిగింది. కాం ట్రాక్టర్‌కు చెల్లించాల్సిన బిల్లులు చాలా మొత్తంలో పెండింగ్‌లో వున్నాయి. గత ఏడాదిన్నర కాలంలో ఈ రెండు బ్యారేజీ లకు నిధులు విడుదల కాలేదు. కొత్తగా చేపడుతున్న కాలువలు, సాగునీటి పనులకు ప్రభుత్వం నిధులను ఇబ్బడి ముబ్బడిగా దోచిపెడుతోంది. అంతటి శ్రద్ధ ఈ రెండు బ్యారేజీల మీద కూడా చూపించి వుంటే చంద్రబాబు ఆవేశం తెచ్చుకోవాల్సినంత అవసరం ఉండేది కాదు.

Friday, 30 October 2015 07:00

భక్త సాగరంలా... నగరం

Written by

rottela pandugaకులమతాలకు అతీతంగా ప్రతియేటా నెల్లూరు దర్గామిట్టలోని బారాషాహీద్‌ దర్గా వద్ద జరిగే రొట్టెలపండుగ మత సామరస్యానికి ప్రతీకగా నిలుస్తోంది. జిల్లా, రాష్ట్ర, దేశ విదేశాల నుంచి లక్షలాదిమంది భక్తులు ఈ పండుగలో పాల్గొన్నారు. ఈ నెల 24వ తేదీ నుంచి 28వ తేదీ వరకు 5రోజుల పాటు దాదాపు 7లక్షల మందికి పైగా భక్తులు ఈ పండుగలో పాల్గొన్నట్లు సమాచారం. మొహరం పండుగకు మూడవరోజు మాత్రమే జరుపుకునే ఈ పండుగను భక్తుల రద్దీ ఎక్కువ కావడంతో 5రోజులకు పెంచారు. ఇంతటి ప్రతిష్టాత్మకమైన పండుగనకు ప్రభుత్వం గుర్తించి రాష్ట్ర పండుగగా ప్రకటించింది. అయిదు రోజులు భక్తజన సందోహంతో దర్గా ప్రాంగణం కిటకిటలాడింది. ముస్లింలే కాకుండా హిందూ, క్రైస్తవ సర్వమతాల వారు భక్తి పారవశ్యంతో దర్గా ఆవరణంలో బారులు తీరారు. రోడ్లన్నీ వాహనాలతో కిటకిటలాడాయి. వివాహం కావాలని యువతులు పెళ్లి రొట్టె, ఉద్యోగం రావాలని యువత ఉద్యోగ రొట్టె, ఉన్నత విద్యను అభ్యసించాలని విద్యార్థులు, సంతానం కలగాలని దంపతులు, అనారోగ్య సమస్యలు తీరాలని రోగగ్రస్తులు... ఇలా తమ కోర్కెల కోసం రొట్టెలు పంచుకున్నారు. పరస్పరం మార్పిడి చేసుకున్నారు.

షహదత్‌తో పండుగ ప్రారంభమైంది. 26వ తేదీ తెల్లవారుజామున గంథ మహోత్సవం వైభవంగా జరిగింది. కడప దర్గా పీఠాధిపతి ఆరిఫ్‌ ఉల్లా హుస్సేని ప్రత్యేక ప్రార్థనలు నిర్వహించారు. గంథమహోత్సవంలో పాల్గొని సమాధులకు లేపనం చేశారు. అనంతరం భక్తులకు గంథం పంపిణీ చేసారు.

రాష్ట్ర మంత్రి నారాయణ రాజధాని రొట్టెను నగర మేయర్‌ అబ్దుల్‌ అజీజ్‌ నుంచి స్వీకరించారు. ఎమ్మెల్సీ సోమిరెడ్డి చంద్రమోహన్‌రెడ్డి దర్గాను సందర్శించి ప్రార్థనలు నిర్వహించారు. నెల్లూరురూరల్‌, నగర ఎమ్మెల్యేలు కోటంరెడ్డి శ్రీధర్‌రెడ్డి, అనిల్‌కుమార్‌ యాదవ్‌లు ప్రత్యేకహోదా రొట్టెలను పట్టుకున్నారు. 27వ తేదీ తహలీల్‌ పాతెహాను ఘనంగా నిర్వహించారు. ఆరోజు జిల్లా కలెక్టర్‌ దర్గాను సందర్శించి ప్రార్థనలు నిర్వహించారు. ఆమెతో పాటు నగర మేయర్‌ అబ్దుల్‌ అజీజ్‌, దర్గా కమిటి అధ్యక్షుడు ఆసిఫ్‌బాషా పాల్గొన్నారు. మాజీఎమ్మెల్యే ఆనం వివేకానందరెడ్డి పాల్గొని డెంగ్యూ జ్వరాల నుంచి ప్రజలను కాపాడాలని రొట్టె పట్టుకున్నారు.

అయిదురోజుల పాటు జరిగిన రొట్టెల పండుగలో ఎలాంటి అవాంఛనీయ సంఘటనలు జరగకుండా జిల్లా ఎస్పీ డా|| గజరావు భూపాల్‌ ఆధ్వర్యంలో పోలీసులు గట్టి బందోబస్తును నిర్వహించారు. శనివారం నుంచి ప్రారంభమైన రొట్టెల పండుగ మంగళవారం తహలీల్‌ ఫాతేహాతో ముగిసింది. అయితే భక్తుల రద్దీ దృష్ట్యా వేడుకను బుధవారం అధికారులు ప్రకటించారు. తొలుత గంథం, ఖర్జూరాన్ని తీసుకొచ్చి మత పెద్దలు ఫాతేహా చేశారు. ముజావర్లు, ఫకీర్ల ప్రార్థనల మధ్య గంథాన్ని బారాషాహీదుల సమాధులపై లేపనం చేసారు. అనంతరం భక్తులకు గంథాన్ని పంచిపెట్టారు. బుధవారం సాయంత్రం వరకు పండుగ జరుగనుండడంతో వివిధ ప్రాంతాల నుండి భక్తులు తరలివచ్చి తమ కోర్కెల రొట్టెలను స్వర్ణాల చెరువులో పట్టుకున్నారు. రొట్టెల పండుగ కోసం దర్గా ఆవరణలో వ్యాపారులు పెద్దఎత్తున దుకాణాలు ఏర్పాటు చేశారు. చిన్నారుల కోసం జెయింట్‌వీల్‌, ఆట వస్తువులను ఏర్పాటు చేశారు. విద్యుత్‌దీప కాంతులతో దర్గా ఆవరణం కళకళలాడింది.

money schemeభారతదేశంలో ప్రజలకు ఉన్న అతి పెద్ద జాడ్యం మరచిపోవడం. ఇంకో కోణంలో దీనిని వరమని కూడా అనుకో వచ్చు. ఈరోజు ఒక సంఘటన జరుగు తోంది. దాని గురించి అదే పనిగా చర్చించు కుంటుంటాం. రెండోరోజు ఇంకో సంఘటన జరిగితే మొదటిదానిని మరచిపోతుంటాం. ప్రజలకు ఈ మరిచిపోయే స్వభావం ఉండడం ప్రభుత్వాలకు, పాలకులకు వరంగా మారుతోంది.

అధికారంలో ఉన్న ప్రభుత్వం నాలుగేళ్ల తొమ్మిది నెలలు సక్రమంగా పనిచేసి, చివరి మూడు నెలల్లో ఏదన్నా ధరలు పెరగ డమో, పన్నులు పెంచడమో చేసారను కోండి... ముందుకాలంలో చేసిన మంచి నంతా మరచిపోతారు, చివరి మూడు నెలల్లో వేసిన భారాన్ని గుర్తుపెట్టుకుని కసితో ఆ ప్రభుత్వాన్ని దించేస్తారు. అదే ప్రభుత్వం 4ఏళ్ల 9నెలు ఛండాలంగా పనిచేసి చివరి మూడు నెలల్లో ఋణమాఫీ వంటి ఆకర్షణీయ పథకాలు ప్రకటిస్తే ముందుకాలం జరిగిన చెడునంతా మరచి పోయి మళ్ళీ అధికారం కట్టబెడతారు.

ప్రజలకు ఈ మరచిపోయే స్వభావం రాజకీయ నాయకులకే కాదు, స్కీంల పేరుతో మోసం చేసే ఛీటర్స్‌కు కూడా బాగానే ఉపయోగపడుతోంది. నెల్లూరు జిల్లాలో ఫైనాన్స్‌ మోసాలకు ఉదాహరణలు కోకొల్లలుగా వున్నాయి. అయినా ఇంకా ఫైనాన్స్‌ మోసాలు జరుగుతున్నాయంటే కారణం అంతకుముందు జరిగిన మోసా లను మరచిపోవడమే!

జిల్లాలో ఓ పక్క మనీస్కీం బాధి తులు... ఇంకో పక్క అగ్రిగోల్డ్‌ బాధి తులు... తమ బాధను ఎవరికి చెప్పుకో వాలో తెలియని గందరగోళ పరిస్థితుల్లో ఉన్నారు. వందలకోట్ల రూపాయలు ఈ రెండింటి ద్వారా నష్టపోయారు. ఈ రెండింటికి బాధితులు జిల్లాలోనే వేలల్లో ఉన్నారు.

జిల్లాలో మనీస్కీం ఒక మతం ముసు గులో జరిగిన పెద్ద దోపిడీ రాకెట్‌. ప్రతి నెల పింఛన్‌లు ఇస్తామంటూ ఆశ చూపి మహిళల నుండి పెద్దమొత్తాలలో నగదు వసూలు చేసారు. రోజు కూలీలకు పోయే వాళ్లు, టిఫిన్‌ బండి, టీ బంకులు నడుపు కునేవాళ్లు ఈ మనీస్కీంలలో చేరారు. వందల కోట్లు పోగేసుకున్నాక ఈ మనీస్కీం ఏజెంట్లు చేతులెత్తేసారు. దీనిపై గతంలో డిజిపిగా పనిచేసిన జిల్లా వాసి దినేష్‌రెడ్డి సిఐడి దర్యాప్తుకు ఆదేశించడం తెలిసిందే! పోలీసులు కొందరు ఏజంట్ల నుండి భారీ మొత్తాలలో నగదును స్వాధీనం చేసుకోడం జరిగింది. కోర్టులో కేసు నడుస్తుంది, పోలీసులు విచారణ చేస్తున్నారు. మోసానికి పాల్పడ్డ ఏజెంట్లు దర్జాగా తిరుగుతున్నారు. ఎటొచ్చి బకరాలయ్యింది డబ్బులు పోగొట్టు కున్న బాధితులే! ఇంతవరకు ఏ ఒక్క బాధితురాలికి రూపాయి తిరిగి రాలేదు. ఇంకొన్నేళ్లు పోతే ఈ మనీస్కీం మరచి పోయే ఖాతాలో చేరిపోతుంది.

అలాగే అగ్రిగోల్డ్‌ కూడా ఈ బాపతే! ప్రజల సొమ్ముతో రకరకాల వ్యాపారాలు పెట్టింది ఈ సంస్థ. వేల ఎకరాలలో భూములు కొన్నారు. సంస్థకు ఆస్తులు న్నాయి. అమ్మయినా బాధితులకు నగదు చెల్లించవచ్చు. కాని ఆస్తులన్నీ కోర్టులో

ఉన్నాయి. బాధితులు బజారున పడ్డారు. డిపాజిటర్లకు నగదు చెల్లించే పరిస్థితుల్లో అగ్రిగోల్డ్‌ సంస్థ లేదు. బాధితులు మాత్రం ఆందోళనకు దిగుతున్నారు.

చరిత్రను తిరగేద్దాం... గతంలో ఎన్నో ఫైనాన్స్‌ మోసాలు జరిగాయి. ఏ సంస్థ నుండి కూడా బాధితులకు తిరిగి చెల్లింపులు జరిగిన దాఖలాలు లేవు. కాలం ముందుకు జరిగితే, జనం జరిగిందంతా మరచిపోతారనేది పాలకుల నమ్మకం.

doctorsనెల్లూరులో డయాబిటిస్‌ డాక్టర్‌ ఎవరంటే ముందుగా గుర్తొచ్చేది డాక్టర్‌ సత్యనారాయణమూర్తి. నెల్లూరు పొగతోటలో ఎన్నో ఏళ్ల క్రితమే డయాబిటిస్‌ క్లినిక్‌ను నెలకొల్పి షుగర్‌ వ్యాధిగ్రస్తులకు ఆయన మెరుగైన వైద్యసేవలంది స్తున్నారు. ఇప్పుడు మరో ముందడుగు వేసారు. డయాబిటిస్‌ అండ్‌ ఎండోక్రైన్‌ క్లినిక్‌ను ఈ నెల 22వ తేదీన విజయదశమి నాడు ప్రారంభిస్తున్నారు. సత్యనారాయణమూర్తి అల్లుడు డాక్టర్‌ ఎం.వి.రామమోహన్‌ కూడా ఈ క్లినిక్‌ ద్వారా తమ వైద్యసేవలు అందించనున్నారు. ఈయన డయాబిటిస్‌తో పాటు ఎండోక్రైనాలజీ స్పెషలిస్ట్‌. గతంలో అపోలో వంటి ఆసుపత్రిలో పనిచేసి విశేష అనుభవం గడించారు. షుగర్‌, హార్మోన్స్‌, థైరాయిడ్‌, ఒబెసిటి, బరువు తగ్గడం, నెలవారీ సమస్యలు, పిట్యూటరి సమస్యలు, హైబిపి వంటి వాటికి సరైన చికిత్సనందించడంలో సిద్ధహస్తులు. నగరంలో కార్పొరేట్‌ ఆసుపత్రులలో తప్పితే బయట ఎండోక్రైనాలజీ వైద్యులు పెద్దగా లేరు. డయాబిటిస్‌ అండ్‌ ఎండోక్రైన్‌ క్లినిక్‌ ద్వారా ఆ సమస్య తీరబోతోంది.

irukalaసింహపురి గ్రామదేవత, నెల్లూరు నగరంలోని మూలాపేటలో చెరువు ఒడ్డున వెలసిన చల్లనితల్లి..శ్రీ ఇరుకళల పరమేశ్వరి అమ్మవారి ఆలయంలో ఈ నెల 13 నుంచి 22వ తేదీ వరకు నవరాత్రి ఉత్సవాలు వైభవంగా జరుగనున్నాయి. అమ్మవారి ఉత్సవాల కోసం ఆలయ కార్యనిర్వహణాధికారి ఏ.వి శ్రీనివాసులురెడ్డి నేతృత్వంలో భారీ ఏర్పాట్లు జరుగుతున్నాయి. ఈ శరన్నవరాత్రి ఉత్సవాల్లో భాగంగా, ప్రతినిత్యం ఉదయం 6.30 గంటలకు అభిషేకం, సాయంత్రం 6 గంటలకు పూలంగిసేవ, రాత్రి 8 గంటలకు పల్లకీసేవ నిర్వహిస్తారు.

ఎంతో ప్రాచీన చరిత్ర వున్న ఆలయం :

నెల్లూరు గ్రామదేవత శ్రీ ఇరుకళల పరమేశ్వరి అమ్మవారి ఆలయం ఎంతో ప్రాచీనమైనది. ఈ ఆలయం నాటి కాలంలో ఎర్రని బొంతరాళ్ళతో అత్యంత అద్భుతంగా నిర్మించారు. భక్తుల పాలిట కల్పవల్లి, కోరిన కోర్కెలు తీర్చే కొంగుబంగారంగా శ్రీ ఇరుకళల పరమేశ్వరి అమ్మవారు ప్రసిద్ధి. ఎంతో ప్రాచీన చరిత్ర వున్న నెల్లూరు నగరంలో క్రీ.శ 10, 11 శతాబ్ధాల నాటికే ఈ ఆలయం వున్నట్లు, అప్పటినుంచే అమ్మవారు గ్రామదేవతగా ప్రసిద్ధి చెందినట్లు చరిత్ర చెప్తోంది. అప్పట్లో నెల్లూరు చెరువును స్వర్ణాల చెరువు అని వ్యవహరించేవారు. ఈ చెరువును కాకతి గణపతిదేవుడు నిర్మించారు. ఈ ఆలయంలోని స్తంభాలపై తెలుగు, తమిళ, దేవనాగరి భాషల్లో వున్న శాసనాలు దేవాలయ నిర్మాణానికి సంబంధించిన చారిత్రక అంశాలను తెలుపుతున్నాయి. ఈ ఆలయంలో ప్రతి ఏటా జరిగే నవరాత్రి ఉత్సవాలు అత్యంత వైభవంగా నిర్వహిస్తారు. భక్తులు పెద్దసంఖ్యలో ఈ ఉత్సవాల్లో పాల్గొని అమ్మవారి కరుణాకటాక్షాలకు పాత్రులవుతుంటారు.

ప్రతినిత్యం కన్నుల పండువగా అలంకారాలు :

ఈ ఉత్సవాల సందర్భంగా శ్రీ ఇరుకళల పరమేశ్వరి అమ్మవారికి నిర్వహించే విశేషాలంకరణలు భక్తులందరికీ కన్నుల పండువగా వుంటాయి. 13న ఉదయం 10 గంటలకు శ్రీ రాజరాజేశ్వరి అమ్మవారి అలంకారాన్ని ఎంతో వైభవంగా నిర్వహిస్తారు. 14వ తేది నుంచి ప్రతి రోజూ సాయంత్రం 6 గంటలకు అమ్మవారికి ఇలా విశేష అలంకారాలను నిర్వహిస్తారు. 14వ తేది సాయంత్రం శ్రీ అన్నపూర్ణాదేవి అలం కారం, 15న శ్రీ గజలక్ష్మీ అమ్మవారి అలం కారం, 16న శ్రీ సరస్వతీదేవి అలంకారం, 17న శ్రీ భవాని అమ్మవారి అలంకారం, 18న శ్రీ దుర్గాదేవి అమ్మవారి అలంకారం వైభవంగా నిర్వహిస్తామని ఆలయ నిర్వా హకులు తెలిపారు. అదేవిధంగా, 19వ తేది సాయంత్రం శ్రీ చండీ అమ్మవారి అలంకారం, 20న శ్రీ లలితా పరమేశ్వరి అలంకారం, 21న నవమి సందర్భంగా శ్రీ మహిషాసురమర్దిని అమ్మవారి అలం కారం నిర్వహిస్తారు. 22న విజయ దశమిని పురస్కరించుకుని వేడుకగా శ్రీ ఇరుకళల పరమేశ్వరి అమ్మవారి అలం కారం నిర్వహిస్తారు.

sp fatherత్యాగరాజ భిక్షువు, సుప్రసిద్ధ సినీ గాయకుడు యస్‌.పి.బాలసుబ్రహ్మణ్యం తండ్రి శ్రీ శ్రీపతి పండితారాధ్యుల సాంబమూర్తి కాంశ్య విగ్రహ ఆవిష్కరణ అక్టోబర్‌ 3వ తేదీ జరగబోతోంది.

నెల్లూరు దర్గామిట్టలోని శ్రీ కస్తూర్భా కళాక్షేత్రంలో ఘంటశాల వెంకటేశ్వరరావు విగ్రహం ప్రక్కన సాంబమూర్తి విగ్రహం ఏర్పాటు చేస్తున్నారు. అక్టోబర్‌ 3వ తేదీ తన తండ్రి విగ్రహావిష్కరణ మహోత్సవాన్ని పురస్కరించుకుని నెల్లూరులో స్వచ్ఛభారత్‌ అవగాహన ర్యాలీని కూడా ఏర్పాటు చేసి స్వచ్ఛభారత్‌ ప్రచారకర్తగా ప్రభుత్వం తనపై వుంచిన బాధ్యతను సమర్ధవంతంగా నిర్వహించాలనే లక్ష్యంతో తన స్వంతగడ్డ నెల్లూరు నుండే శ్రీకారం చుట్టబోతున్నాడు యస్‌.పి.బాలసుబ్రహ్మణ్యం.

3వ తేదీ శనివారం మధ్యాహ్నం 4గంటల నుండి రాత్రి 9గంటల వరకూ జరిగే వివిధ కార్యక్రమాలకు సంబం ధించిన వివరాలను త్వరలోనే నెల్లూరీయు లకు తెలియజేస్తామని సాంబమూర్తి విగ్రహ కమిటి ఉపాధ్యక్షులు వీరిశెట్టి హజరత్‌బాబు తెలిపారు.

ఈ కార్యక్రమంలో భాగంగా ఈ నెల 12వ తేదీ శనివారం నెల్లూరుకు విచ్చేసిన యస్‌.పి.బాలసుబ్రహ్మణ్యం విగ్రహ ఏర్పాట్లను పర్యవేక్షించి, 3వ తేదీ జరుప తలపెట్టనున్న ''స్వచ్ఛభారత్‌'' ర్యాలీ మరియు విగ్రహావిష్కరణ కార్యక్రమ విశేషాలను నెల్లూరుజిల్లా కలెక్టర్‌ శ్రీమతి జానకి, ఎస్పీ శ్రీ గజరావు భూపాల్‌లను కలసి చర్చించారు. దాదాపు 15వేల మందికిపైగా పాల్గొనేలా ఈ కార్యక్రమాన్ని రూపకల్పన చేసినట్లు కూడా కమిటి సభ్యులు తెలిపారు. బాలు వెంట సినీ గేయ రచయిత వెన్నెలకంటి, బాలు బాల్య మిత్రుడు సుబ్బారావు, వీరిశెట్టి హజరత్‌ బాబు, బెజవాడ నరేష్‌చంద్రారెడ్డి, కె.శ్రీనివాసులురెడ్డి, డి.హేమంత్‌కుమార్‌, విగ్రహ నిర్మాణ పర్యవేక్షక ఇంజనీర్‌ తాటి చలపతిరావ్‌, మైథిలి మనోహర్‌రెడ్డిలతో పాటు కమిటి ముఖ్యసమన్వయకర్త తుంగా శివప్రభాత్‌రెడ్డి కూడా వున్నారు.

cabయాత్రజిని... ట్రావెల్స్‌ రంగంలో ఓ సంచలనం. అతి తక్కువ ఖర్చుతో ప్రయాణీకులను గమ్యస్థానాలకు చేర్చే రవాణా సంస్థ. నెల్లూరుకు చెందిన 40ఏళ్ల యువకుడు కోమిట్ల రెనిల్‌ కుమార్‌రెడ్డి ఏడాది క్రితం స్థాపించిన సంస్థ ఇది. నెల్లూరు నగరంతోపాటు ఆంధ్రా, తెలంగాణలో అన్ని జిల్లాల్లోని ప్రయాణీకులకు యాత్రజిని బస్‌లు, క్యాబ్స్‌ సేవలంది స్తున్నాయి. తమిళనాడు, కర్నాటక రాష్ట్రాలలోనూ ఈ సంస్థ బస్‌, క్యాబ్స్‌ ప్రయాణీకులకు తక్కువ ధరకే అందుబాటులో ఉంటున్నాయి. ఈ నెల 13వ తేదీతో ఈ సంస్థను ప్రారంభించి ఏడాదవుతుంది. ఈ సందర్భంగా ఆరోజు మధ్యాహ్నం 3గంటలకు అయ్యప్పగుడి నుండి మినీబైపాస్‌ మీదుగా క్యాబ్స్‌, బస్సులతో ర్యాలీ నిర్వహిస్తున్నారు. ఈ విజయోత్సవ ర్యాలీని జయప్రదం చేయాలని యాత్రజిని సిబ్బంది కోరుతున్నారు.

gramasimhaluనెల్లూరు రోడ్ల మీద మనుషులకంటే కుక్కలు, పందులు, ఆవులు ఎక్కువుగా కనిపిస్తుంటాయి. కోతులుండేది చెట్ల మీద కాబట్టి, వాటిని ఈ లెక్కలోకి తీసుకోలేము. కుక్కలు, పందులు, కోతులు... ఈ మూడు జాతుల జీవాలు జనానికి చుక్కలు చూపిస్తున్నాయి. నగరం నడిబొడ్డులోని ప్రాంతాల్లో కూడా కోతులు తిష్టేసివున్నాయి. ఏదో ఒక సందులో నుండి ఇళ్లల్లో దూరడం, దొరికిన వస్తువులను, ఆహారపదార్ధాలను తీసుకోవడం, ఇళ్లను గందరగోళం చేయడం పరిపాటైంది.

ఇక నగర సందుల్లో పందులైతే మందలు మందలుగానే వుంటున్నాయి. పంది ఒకే ఈతలో పది కంటే ఎక్కువ పిల్లల్ని కంటుంది. దీంతో పందుల సంఖ్య విపరీతంగా పెరిగిపోతుంది. పందులు కాసేవాళ్లు నగరంలోని ముఖ్యమైన కాలనీల్లోనే

ఉంటున్నారు. తమ ఇళ్ల వద్దనే పందులను పెంచుతున్నారు. ఈ పందులు అన్ని వీధుల్లో తిరుగుతూ తామూ నగరపౌరులమే అన్నట్లుగా విహరిస్తున్నాయి. పందుల మూలంగా అనేక జబ్బులు ప్రబలుతున్నాయని తెలిసినా వీటిని పట్టుకుని తరలించలేని నిస్సహాయస్థితిలో నెల్లూరు నగరపాలక సంస్థ వుంది. ఆమధ్య అధికారులు స్పందించి కొన్ని ప్రాంతాల్లో పందులను పట్టి లారీల్లోకి ఎక్కించి నగర శివార్లలో వదలాలని చూసారు. పందుల పెంపకందార్లు ఆ లారీలకు అడ్డంపడి పందులను విడిపించుకుపోయారు. పందుల పెంపకం ఒక వ్యాపారం. వాటి యజమానులుంటారు. కాబట్టి అడ్డం పడతారు. మరి వీధికుక్కలను పట్టి దూరంగా వదిలేయడానికి ఉన్న ఇబ్బందేమిటి? నగరంలోని అన్ని ప్రాంతాల్లో కుక్కలు బ్యాచ్‌లు బ్యాచ్‌లుగా తిరుగుతున్నాయి. ఎక్కడన్నా కుక్కల గుంపుందంటే ఆ వీధిలో పోవడానికి జనం భయపడుతున్నారు. ఇటీవలే మూలాపేటలో కుక్కలు కరిచి 11మంది గాయపడ్డారు. మాగుంట లే అవుట్‌ కింగ్స్‌కోర్టు అవెన్యూలోనూ కొందరిని కుక్కలు కరిచాయి. నగర శివారు కాలనీల్లో కుక్కల బెడద ఎక్కువుగా వుంది. ముఖ్యంగా చిన్నారులు ఒంటరిగా స్కూళ్లకు వెళుతుంటారు. కుక్కల బెడద ఎక్కువ కావడంతో తల్లి దండ్రులు భయపడుతున్నారు. నగరపాలక సంస్థ అధికారులు స్పందించి అన్ని ప్రాంతాల్లో కుక్కలు, పందుల బెడదను తొలగించే విధంగా చర్యలు తీసుకోవాల్సి వుంది.

Page 5 of 10

newsbottomad

ఎక్కువగా చదివిన వార్తలు

  • సినీ పరిశ్రమకు... అనువైన వేదిక నెల్లూరు!
    కేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను…
  • సిటింగ్‌లకు... కటింగ్‌ వేస్తాడా?
    రాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!…
  • పాదయాత్రతో మరో చరిత్ర
    గతానికి భిన్నంగా, గతంకంటే ఉత్సాహంగా ఆంధ్రప్రదేశ్‌ నడిబొడ్డు గుంటూరు కేంద్రంగా రెండు రోజుల పాటు జరిగిన వైయస్సార్‌ కాంగ్రెస్‌పార్టీ ప్లీనరీ సమావేశాలు ప్రభుత్వంపై ప్రజల్లో వున్న వ్యతిరేకతకు, ప్రజానేత జగన్‌పై వున్న నమ్మకానికి నిదర్శనంగా నిలిచాయి. ప్రతిఏటా ఇడుపులపాయలో వైసిపి ప్లీనరీలు…
  • 'పీకే'దేమీ లేదు
    జగన్‌ అంటే జనంలో అపార అభిమానముంది. వై.యస్‌. కుటుంబంతో తెలుగు లోగిళ్ళకు అపురూప అనుబంధముంది. ''రాజన్న''న్నా ఆయన కుమారుడన్నా ప్రాణాలిచ్చే అభిమానులు తెలుగు నాటంతా వున్నారు. ఎవరు చెప్పినా ఎవరు చెప్పకపోయినా రాజశేఖరరెడ్డి కోసం ఆయన కుటుంబం కోసం పనిచేసే నాయకులు,…
  • కాలం కరిగిపోతుంది... ఆశ ఆవిరవుతోంది!
    నిన్నగాక మొన్న ఎలక్షన్‌ జరిగినట్లు... చంద్రబాబు ముఖ్యమంత్రి అయినట్లుగా వుంది. తిరిగి చూస్తే మూడేళ్లు గిర్రున తిరిగిపోయాయి. ఏది ఆగినా కూడా కాలం ఆగదు కదా! తెలుగుదేశం అధికారంలోకి వచ్చి మూడేళ్లు దాటినా కూడా చాలామంది నాయకుల ఆశలు తీరలేదు. ఇప్పటికీ…

Newsletter