నెల్లూరులో నేడు (135)

mohan babuప్రముఖ సినీనటుడు, నిర్మాత, మాజీరాజ్యసభ సభ్యుడు డా. యం.మోహన్ బాబు డా. బెజవాడ గోపాల్ రెడ్డి అవార్డును అందుకోబోతున్నాడు. ప్రతిష్టాత్మకమైన ఈ అవార్డును వివిధ రంగాలలో తమ ప్రతిభ నైపుణ్యాలతో పేరు గడించిన 17మంది ప్రముఖులు ఇప్పటికే అందుకున్నారు. సినీరంగం నుండి చూస్తే ఇప్పటి వరకు అక్కినేని నాగేశ్వరరావు, యస్.పి.బాలసుబ్రహ్మణ్యం, మంగళంపల్లి బాలమురళీకృష్ణ, తిక్కవరపు సుబ్బరామిరెడ్డి, మల్లెమాల సుందరరామిరెడ్డి, శ్రీమతి పి.సుశీలలు ఈ అవార్డులు అందుకున్న వారిలో ఉన్నారు.

అవార్డు అందుకోనున్న వారిలో మోహన్ బాబు 18వ వ్యక్తి కాగా, సినిమా రంగం నుండి అందుకుంటున్న వారిలో 7వ వారు. 1974లో సినీ రంగప్రవేశం చేసి కన్నవారి కలలు, అల్లూరి సీతారామరాజు వంటి చిత్రాల్లో నటించినా నటుడిగా మోహన్ బాబుకు జీవితాన్ని ప్రసాదించిన చిత్రం స్వర్గం నరకం. ఈ సినిమా 1975లో విడుదల కాగా దాసరి నారాయణరావు ఈ చిత్రానికి దర్శకత్వం వహించాడు. మోహన్ బాబు నటజీవితానికి బలమైన పునాది వేసిన స్వర్గం నరకం చిత్రం తరువాత ఆయన వెనుదిరిగి చూడలేదు.

ఇప్పటివరకు 520సినిమాలలో మోహన్ బాబు నటించగా వాటిలో 146సినిమాలలో హీరోగా చేశాడు. సినీ నటుడిగా ఎన్నో అవార్డులు ఆయన ఇంట్లో తిష్టవేస్తే 1995లో రాజ్యసభ సభ్యత్వం ఆయనను వరించింది. అటు సినీరంగంలో క్షణం తీరికలేకుండా గడుపుతూనే మరోవైపు వ్యాపార రంగంవైపు దృష్టి మరల్చి 1992లో శ్రీ విద్యానికేతన్ ఎడ్యుకేషనల్ ట్రస్ట్ ను స్థాపించి కేజీ నుండి పీజీ వరకు ఒకే ప్రాంగణంలో చదువుకునేలా తిరుపతి సమీపంలోని రంగంపేటలో విద్యాసంస్థను స్థాపించి, దాదాపు 1200మంది బోధన సిబ్బందితో ఏడాదికి 10వేల మంది విద్యార్థిని విద్యార్థులను భావిభారత పౌరులుగా తీర్చిదిద్ది సమాజానికి అందిస్తున్నారు. అత్యంత ప్రతిష్టాత్మకమైన పద్మశ్రీ బిరుదును భారత ప్రభుత్వం 2007లో మంచు మోహన్ బాబుకి అందించిందంటే ఒక నటుడిగానే కాకుండా ఇంకా పలు రంగాలలో ఆయన అందించిన సేవలకు ఈ పద్మశ్రీ బిరుదు ప్రదానమే పెద్ద నిదర్శనం.

ఈ ఏడాది కొంత ఆలస్యమైనా డా. బెజవాడ గోపాలరెడ్డి అవార్డుకి సముచిత వ్యక్తిని ఎంపికచేసింది కమిటీ. పూర్తి వివరాలు తెలియాల్సి వుంది.

kanyasulkamసంఘసంస్కర్త, మహాకవి గురజాడ అప్పారావు రచించిన ప్రసిద్ధమైన కన్యాశుల్కం నాటక ప్రదర్శనకు నెల్లూరు విదేకగా మారనుంది. ఈ నెల 21వ తేదీన నగరంలోని కస్తూర్భా కళాక్షేత్రంలో మధ్యాహ్నం 2 నుంచి రాత్రి 10గంటల వరకు 8గంటల పాటు ఈ నాటకాన్ని ప్రదర్శించేందుకు నిర్వాహకులు సన్నాహాలు చేస్తున్నారు. ప్రసిద్ధ నటీనటులతో ప్రదర్శించనున్న ఈ పూర్తిస్థాయి నాటకాన్ని చూడగలగడం ఒక అదృష్టమనే చెప్పాలి. విజయనగరం వారి నవయువ ఆర్ట్స్ అసోసియేషన్ ఆధ్వర్యంలో దర్శకులు శొంఠినేని కిషోర్, సమన్వయకర్త వెలుగు రామినాయుడుల నేతృత్వంలో ఈ నాటకం ప్రదర్శితమవుతుంది.

roadనెల్లూరు నగరంలో అత్యంత ప్రతిష్టాత్మకమైన లే అవుటం మాగుంట లే అవుట్. లే అవుట్ అభివృద్ధి కోసం కొత్తగా ఏర్పడిన లే అవుటం రెసిడెంట్స్ అసోసియేషన్ శక్తి వంచన లేకుండా కృషి చేస్తున్నప్పటికీ ఇంకా పలురోడ్లు మట్టిరోడ్లుగానే మిగిలిపోయాయి.

మునిసిపిల్ అధికారులతోనూ, నయవంచక పాలకులతోనూ విసిగివేసారిన లే అవుట్ లోని ఓ రోడ్ నివాసితులు తమ స్వంత ఖర్చుతో రోడ్డువేసుకుని ఎంతో మందికి ఆదర్శంగా నిలవడమే కాకుండా అటు అధికారులకు ఇటు పాలకులకు బుద్ధి వచ్చేలా చేస్తున్నారు.

మాగుంట లే అవుట్ లోని 1(ఫస్ట్) క్రాస్ రోడ్డులో దాదాపు 325 అడుగుల పొడవు, 16అడుగుల వెడల్పుతో ఆ రోడ్డులో నివాసముంటున్న వాళ్ళంతా, బసిరెడ్డి సురేంద్రరెడ్డి సారధ్యంలో చందాలు వేసుకొని సిమెంటు రోడ్డు నిర్మాణం చేపట్టారు. దాదాపు 4లక్షల వ్యయంతో తమ రోడ్డు తామే వేసుకుంటున్నాం కాబట్టి కక్కుర్తి కాంట్రాక్టర్లలా వ్యవహరించకుండా అత్యంత నాణ్యత ప్రమాణాలతో రోడ్డును నిర్మించుకుంటున్నట్లు అక్కడ నివాసితులు చెప్తున్నారు. అధికారులతో, ప్రజాపాలకులతో విసిగివేసారి తమ రోడ్డును తామే బాగుచేసుకుంటున్నట్లు వారు చెప్తున్నారు.

ఇది చాలా మంచి పరిణామం. ఇంటి పన్నులంటూ అధికారులు కాని, ఓట్లేయండి బాబూ అంటూ పాలకులు గాని ఈ రోడ్డులోకి రావద్దని ఓ బోర్డు కూడా పెడితే బాగుంటుంది.

anamమాజీ ఎమ్మెల్యే ఆనం వివేకానందరెడ్డి ని కాంగ్రెస్ పార్టీవాళ్లు ప్రకాశం జిల్లా పరిశీలకుడిగా నియమించారు. కాంగ్రెస్ పార్టీ రాష్ట్రంలో అనాధగా మిగిలింది. బొల్లినేని ఆసుప్రతిలో కోమాలో వున్న పేషంట్ కు కాంగ్రెస్ కు పెద్ద తేడా లేదనుకోవచ్చు. రాష్ట్రంలో కాంగ్రెస్ కు బ్రతుకు లేదని తెలిసి చాలా మంది నాయకులు ఎన్నికలకు ముందే తెలుగుదేశం, వైయస్సార్ కాంగ్రెస్ లలోకి సర్దుకున్నారు. ఎన్నికల ఫలితాలు చూసాక ఇక ఎవరికి కూడా కాంగ్రెస్ లో ఉండాలనిపించడం లేదు. కాని వివేకా అలా కాదు. ఈ ఎన్నికల్లో కాంగ్రెస్ జీవచ్ఛవంగా మిగిలిపోనుందని తెలిసినా పార్టీని వీడి బయటకు రాలేదు. ఇతర పార్టీలలోకి పోవాలన్న ఆలోచన చేయలేదు. కాంగ్రెస్ నే అంటిపెట్టుకుని ఉన్నాడు. ఆయన తమ్ముడు మాజీ మంత్రి ఆనం రామనారాయణ రెడ్డి తెలుగుదేశంలో చేరుతాడనే ప్రచారం జరుగుతుంది. కాని వివేకా మీద ఆ ప్రచారం లేదు. కాకపోతే ఈ మధ్య కాంగ్రెస్ కు మింగుడుపడని విధంగా ఆయన వ్యాఖ్యలు చేస్తున్నాడు. ఋణమాఫీ పై ప్రభుత్వం మాట తప్పిందని, దీనికి వ్యతిరేకంగా కాంగ్రెస్ ఆధ్వర్యంలో ఆందోళనలు చేయాలని పీసీసీ అధ్యక్షుడు రఘవీరారెడ్డి పిలుపునిచ్చారు. దీనిపై వివేకా కర్ర విరగదీసి పెట్టినట్లుగా స్పందించారు. ఇలాంటి పనికిమాలిన ఆందోళనలు తాను చేయనని కుండబద్దలు కొట్టినట్లు చెప్పారు. ఏ పని లేకుండా ఖాళీగా ఉంటే ఇలాగే అడ్డంగా మాట్లాడుతుంటాడని గ్రహించిన కాంగ్రెస్ పెద్దలు ఆన మెడకు ప్రకాశం జిల్లా కాంగ్రెస్ పరిశీలకుడు అనే గంటను తగిలించారు.

anil todayనెల్లూరు నగర శాసనసభ్యులు డాక్టర్ పి.అనిల్ కుమార్ యాదవ్ శుక్రవారం నెల్లూరు నగరంలో 51వ డివిజన్ లోని కపాడిపాళెం, రైల్వేఫీడర్స్ రోడ్డు ప్రాంతాలలో పారిశుద్ధ్యం, మంచినీటి సరఫరా వంటి సమస్యలను ప్రజలను అడిగి తెలుసుకునేందుకు పర్యటించారు. ఈ సందర్భంగా స్థానికంగా వున్న మార్కెట్ ను పరిశీలించారు.

ఈ సందర్భంగా అనిల్ యాదవ్ మాట్లాడుతూ కపాడిపాళెంలో పర్యటిస్తే ప్రధానంగా డ్రైనేజీ కాలువలు చిన్నవిగా పూడిక తీయకపోవడం వలన మురికినీరు నిలువ ఉండి దుర్వాసన వస్తుందని స్థానికులు తెలియజేశారని ఆ సమస్యను పరిష్కరించవలసిందిగా అధికారులను ఆదేశించారు. ఇక్కడ వున్న మార్కెట్ ఎన్నో సంవత్సరాల క్రితం నిర్మించినందువలన పైకప్పు రేకులు పగిలిపోయి స్లాబు సైతం కూలిపోయే పరిస్థితి ఉందని త్వరలోనే మార్కెట్ మొత్తం కొట్టివేసి కొత్త మార్కెట్ కట్టి వేరువేరుగా వ్యాపారస్తులకు గదులను కేటాయించేందుకు ఎస్టిమేషన్ తయారు చేయవలసిందిగా అధికారులను ఆదేశించడం జరిగిందని, ఈ మార్కెట్ చుట్టు ప్రక్కల ప్రజలకు ఎంతో ఉపయోగపడుతుంది కాబట్టి త్వరలోనే ఆధునీకరణ చేపట్టి ఈ మార్కెట్ కు పూర్వ వైభవం తీసుకొచ్చేందుకు కృషి చేస్తానని అన్నారు. ఈ కార్యక్రమంలో డిప్యూటీ మేయర్ ముక్కాల ద్వారకానాథ్, కార్పొరేటర్లు తదితరులు పాల్గొన్నారు.

Friday, 01 August 2014 11:24

సమర్ధతే గీటురాయి

Written by

senthilతన ఉద్యోగ జీవితంలో ప్రతి ఒక్క అధికారి ఒక్కసారైనా విధులు నిర్వహించాలని కోరుకునే ఏకైక ప్రాంతం నెల్లూరుజిల్లా. ఇక్కడ మావోయిజం లేదు. ఫ్యాక్షనిజం లేదు, గూండాయిజం అంతకన్నా లేదు. ఈ జిల్లాలో అధికారిగా పనిచేసి సమర్ధుడిగా పేరు తెచ్చుకుంటే రాష్ర్టంలో ఇక ఆ అధికారి పరుగుకు తిరుగుండదు.

రాష్ర్టంలోనే ప్రత్యేకత కలిగిన నెల్లూరుజిల్లా నూతన ఎస్పీగా ఎస్.సెంథిల్ కుమార్ జులై 30వ తేదీ ఉదయం 11గంటలకు నెల్లూరులోని జిల్లా పోలీస్ కార్యాలయంలో బాధ్యతలు తీసుకున్నారు. తమిళనాడుకు చెందిన సెంథిల్ కుమార్ 2007 బ్యాచ్ ఆంధ్రా కేడర్ ఐపిఎస్ అధికారి. గుంటూరులో ట్రైనింగ్ తీసుకున్నాడు. తర్వాత విజయనగరం ఏఎస్పీగా పనిచేసారు. ఆపైన శంషాబాద్ డిప్యూటీ కమిషనర్గా పనిచేస్తూ 2013 డిసెంబర్ 2న అనంతపురం జిల్లా ఎస్పీగా బదిలీ అయ్యారు. జులై 16న రాష్ర్ట వ్యాప్తంగా జరిగిన ఐపిఎస్ ల బదిలీలలో భాగంగా ఆయనను నెల్లూరుజిల్లాకు బదిలీ చేసారు.

1999 ప్రాంతంలో ఈ జిల్లా ఎస్పీగా విధులు నిర్వహించిన కె.శ్రీనివాసరెడ్డి పోలీసు అంటే ఏంటో ప్రజలకు చూపించారు. పోలీసు తలచుకుంటే ఏమేం చేయగలడో నిరూపించాడు. ఆయన తర్వాత ఎస్పీలుగా వచ్చిన వాళ్లెవరూ ఆ స్థాయి పనితీరును కనపరచలేకపోయారు. ఇప్పటికీ జిల్లా ఎస్పీ అంటే ఈ జిల్లా ప్రజలకు శ్రీనివాసరెడ్డి మాత్రమే గుర్తు. మిగతా వారిపై ప్రజలకు అంతగా గురి కుదరలేదు. కొత్తగా బాధ్యతలు చేపట్టిన సెంథిల్ కుమార్ కు నిజాయితీపరుడనే పేరుంది. తమిళనాడు వాసి కాబట్టి పని పట్ల చిత్తశుద్ధి ఉంటుంది. అనంతపురం జిల్లా ఎస్పీగా బాగానే పనిచేసాడనే పేరుంది.

vpr conveవెంకయ్యనాయుడంటే అజాతశత్రువు. పేరుకి ఆయన బీజేపీ పార్టీ వాడైనా ఆయనకు అందరూ మిత్రులే. ముఖ్యంగా నెల్లూరన్నా, నెల్లూరీయులన్నా ఆయన విపరీతమైన ప్రేమాభిమానాలను చూపిస్తాడు.

అయితే మంత్రిగా బాధ్యతలు చేపట్టిన తరువాత వెంకయ్య తొలిసారి నెల్లూరు పర్యటనకు వచ్చిన సందర్భంగా పౌరసత్కారం పేరుతో విపిఆర్ కన్వెన్షన్ సెంటర్ లో ఏర్పాటు చేసిన కార్యక్రమం వెంకయ్యనాయుడి అభిమతానికి విరుద్ధంగా జరగడం విమర్శలకు దారితీసింది.

వాస్తవానికి నెల్లూరీయుల పక్షాన ఆయనకు పౌరసత్కారం చేయవలసింది మునిసిపల్ కార్పొరేషన్. అయితే పౌరసత్కారం అన్న పేరుని హైజాక్ చేసి కార్యక్రమాన్ని తెలుగుదేశంపార్టీ పక్షాన తాము చేస్తున్నట్లుగా ఆదాల ప్రభాకర్ రెడ్డి, బీద రవిచంద్రలు పాత్రికేయ సమావేశంలో ప్రకటించారు.

అయితే కార్యక్రమం జరిగిన విపిఆర్ కన్వెన్షన్ సెంటర్ కి వేమిరెడ్డి ప్రభాకర్ రెడ్డి ఎలాంటి ఛార్జీలు వసూలు చేయకపోగా దాదాపు రెండువేల మందికిపైగా పాల్గొన్న అతిథులుకు విందును కూడా తన స్వంత ఖర్చుతో భరించారు. ప్రభాకర్ రెడ్డికి కూడా అజాతశత్రువు అనే పేరుంది. ఆయన వై.యస్.ఆర్.సి.పి కి చెందినవాడైనా అన్ని ఇతర పార్టీల వారికి ఆయనంటే గౌరవం. అదే విధంగా ప్రభాకర్ రెడ్డి కూడా అందరితో సత్సంబంధాలు కలిగి వుంటారు. విపిఆర్ లో జరిగిన సభలో సైతం వెంకయ్యనాయుడు వేమిరెడ్డి ప్రభాకర్ రెడ్డిని ఆయన నెల్లూరుకు అందించిన అమోఘమైన కన్వెన్షన్ సెంటర్ ని సభాముఖంగా కొనియాడారు. అయితే ఈ కార్యక్రమం తలపెట్టిన రోజు నుండీ పౌరసత్కార సంఘం సమన్వయకర్తలుగా వ్యవహరించిన వారు కానీ, ఈ సంఘంలోని ఇతర సభ్యులు కానీ విపిఆర్ పేరును ప్రస్తావించకపోవడం, అంతేకాకుండా అజాతశత్రువుగా పేరున్న వెంకయ్యనాయుడి సత్కార కార్యక్రమానికి తమకు గిట్టని వారిని ఆహ్వానించకపోవడం వెంకయ్య అభిమానులను సైతం బాధించింది.

కార్యక్రమ భారమంతా వేమిరెడ్డి ప్రభాకర్ రెడ్డి భరిస్తే అంతా తామే చేశామన్నట్లుగా ఫోటోలకు ఫోజులిచ్చిన ఆహ్వాన సంఘం తీరు కూడా వెంకయ్య ఆప్తులకు నచ్చలేదు. సొమ్మొకరిది... సోకొకరిదా... అని వాళ్ళల్లో వాళ్లే చర్చించుకోవడం కనిపించింది. ఏది ఏమైనా వెంకయ్యలాంటి వ్యక్తిత్వం వున్న వ్యక్తులను ఇలాంటి వివాదాలలోకి లాగి ఆయన మనసుకు కష్టం, ఆయనని ఇష్టపడే వారికి బాధ కలిగించడం విచారకరం.

sp sailajaనెల్లూరులోని ప్రముఖ సాంస్కృతిక సంస్థ కళాంజలి ఆధ్వర్యంలో ఈ నెల 20వ తేదీ సాయంత్రం 6.30గంటలకు నెల్లూరు, టౌన్ హాల్లో ప్రముఖ సినీ నేపథ్యగాయని శ్రీమతి ఎస్.పి.శైలజకు కళాంజలి ఆత్మీయ పురస్కారం వుంటుందని ఆ సంస్థ వ్యవస్థాపకులు కళాంజలి అనంత్ తెలియజేసారు. ప్రముఖ సినీ రచయిత వెన్నెలకంటి అధ్యక్షతన జరగనున్న ఈ కార్యక్రమంలో లాయర్ వారపత్రిక సంపాదకులు తుంగా శివప్రభాత్ రెడ్డి జ్యోతిప్రకాశనం చేస్తారని తెలిపారు. ముఖ్యఅతిథులుగా స్వర్ణభారత్ ట్రస్టీ దీపా వెంకట్, కళాంజలి గౌరవాధ్యక్షులు వీరిశెట్టి హజరత్ బాబు తదితరులు పాల్గొంటారని, ఈ సందర్భంగా సినీ సంగీత విభావరి కార్యక్రమం నిర్వహిస్తామని పేర్కొన్నారు.

సినీ పాటల పోటీలు – ఈ సంధర్భాన్ని పురస్కరించుకుని ఆరోజు ఉదయం 10గంటల నుంచి మధ్యాహ్నం 2గంటల దాకా సినీపాటల పోటీలు నిర్వహిస్తామని, 12ఏళ్ళ లోపు వారిని జూనియర్లుగా, ఆపై వారిని సీనియర్లుగా పరిగణించి, ఆయా విభాగాల్లో ప్రథమ, ద్వితీయ, తృతీయ బహుమతులతో పాటు, ప్రత్యేక బహుమతులు అందజేస్తామని తెలిపారు. విజేతలకు అదేరోజు సాయంత్రం జరిగే కళాంజలి ఆత్మీయ పురస్కారం కార్యక్రమంలో బహుమతులు అందజేస్తామని వివరించారు. వివరాలకు కళాంజలి అనంత్, ఫోన్. 9848959575ను సంప్రదించాలని ఆయన కోరారు.

ravi sannaదక్షిణభారత దేశంలో అత్యుత్తమ బహుళ ఉత్పత్తుల సెజ్ పురస్కారం శ్రీసిటీ సాధించింది. ఇది ఎంతో ప్రతిష్టాత్మకమైన పురస్కారం కూడా. దక్షిణ భారతదేశంలోనే అతిపెద్ద ఇంటిగ్రేటెడ్ బిజినెస్ సిటీగా వున్న శ్రీసిటీకి ఈ బెస్ట్ మల్టీ ప్రాడెక్ట్ స్పెషల్ ఎకనమిక్ జోన్ ఇన్ సౌత్ ఇండియా అవార్డు రావడం ఎంతో గర్వకారణం. ఎగ్జిమ్ ఇండియా ఇటీవల చెన్నైలో ఏర్పాటు చేసిన సౌత్ ఈస్ట్ సిఇఓ కాన్ క్లేవ్ అవార్డ్స్ – 2014 కార్యక్రమంలో శ్రీసిటీ మేనేజింగ్ డైరెక్టర్ రవీంద్ర సన్నారెడ్డి ఈ ప్రతిష్టాత్మకమైన అవార్డును అఁదుకున్నారు. ఎంసిసిఐ ఎక్స్ పర్ట్స్ కమిటీ ఛైర్మెన్ జె.శ్రీకృష్ణన్ చేతుల మీదుగా ఈ అవార్డుతో పాటు ప్రశంసాపత్రాన్ని కూడా ఆయన అందుకున్నారు. శ్రీసిటీ సెజ్ ఈ ప్రతిష్టాత్మక అవార్డును అందుకోవడం ఎంతో ఆనందంగా వుందని, మరింత ఉన్నత ప్రమాణాలతో నిబద్ధతతో సెజ్ ను మరింత తీర్చిదిద్దేందుకు తాము కృషి చేస్తామని ఈ సందర్భంగా శ్రీసిటీ ఎం.డి రవీంద్ర సన్నారెడ్డి అన్నారు.

anilనెల్లూరు, రామచంద్రాపురం ఎఫ్ సిఐ కాలనీలో పిక్కిలి హసనయ్య చారిటబుల్ ట్రస్ట్ ఆధ్వర్యంలో జరిగిన రక్తదాన శిబిరాన్ని నెల్లూరు నగర ఎమ్మెల్యే డాక్టర్ పి.అనిల్ కుమార్ యాదవ్ ప్రారంభించారు. యువకులు ఇచ్చిన రక్తాన్ని రెడ్ క్రాస్ వారు సేకరించారు.

ఈ సందర్భంగా అనిల్ మాట్లాడుతూ ఆపదలో ఉన్నవారికి సరైన సమయంలో రక్తం అందక ఎంతోమంది ప్రాణాలు కోల్పోతున్నారని అన్నారు. యువకులు స్వచ్ఛందంగా ముందుకు వచ్చి రక్తదానం చేసి, రక్తదానంపై ప్రజల్లో వున్న అపోహలను తొలగించాలన్నారు.

ఈ కార్యక్రమంలో ముక్కాల ద్వారకానాథ్, దామవరపు రాజశేఖర్, పిక్కిలిరాజ, రవీంద్ర తదితరులు పాల్గొన్నారు.

Page 8 of 10

newsbottomad

ఎక్కువగా చదివిన వార్తలు

  • అసలు పని వదిలేసి... అన్న క్యాంటిన్‌లు ఎందుకో?
    గుర్రం చేసే పని గుర్రం చేయాలి, గాడిద చేసే పని గాడిద చేయాలి... అని పెద్దలు చెప్పిన పాత మోటు సామెత అందరూ వినే వుంటారు. పారిశుద్ధ్య కార్మికుడి పని వీధులను శుభ్రంగా ఉంచడం... ఆ పని అతనే చెయ్యాలి. అదే…
  • తప్పెవరిది?
    నెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి…
  • ఆ పైపులతో... ఆయకట్టుకు నీళ్ళు కట్‌
    చేసే అభివృద్ధి పనులు ప్రజలకు మంచి చేసేలా వుండాలేగాని ఇంకొంచెం ఇబ్బందిగా మారకూడదు. ఒకరి సమస్య తీర్చడానికి చేస్తున్న పని ఇంకో పది మందికి సమస్య కాకూడదు. కాని, నెల్లూరు రూరల్‌ పరిధిలోని 31వ డివిజన్‌ శ్రామికనగర్‌ వద్ద కనుపూరు కాలువపై…
  • ఓటమి నేర్పిన పాఠమేంటి?
    గెలిస్తే ప్రపంచానికి నువ్వు తెలుస్తావ్‌... ఒక్కసారి ఓడిపోయి చూడు ప్రపంచమేంటో నీకు తెలుస్తుంది. రాజకీయాలలో గెలుపును ఆస్వాదించే వాడు కాదు, ఓటమిని భరించేవాడు, ఆ ఓటమితో పాఠాలు నేర్చుకునే వాడు, ఆ ఓటమిని రేపటి విజయానికి మెట్లుగా మలచుకునేవాడే నిజమైన రాజకీయ…
  • వైకాపాలోనూ... నేతలమధ్య కలతలు
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాల్లో నెల్లూరొకటి. ఒకప్పుడు కాంగ్రెస్‌కు కంచుకోట లాంటి ఈ జిల్లా ఇప్పుడు వైకాపాకు పెట్టనికోట అయ్యింది. 2014 ఎన్నికల్లో నెల్లూరు, తిరుపతి ఎంపి స్థానాలతో పాటు జిల్లాలో ఏడు అసెంబ్లీ స్థానాలను గెలుచుకుంది. ఆ…

Newsletter