నెల్లూరులో నేడు (146)

dummur'చంద్రముఖి' సినిమా చాలావరకు చూసే వుంటారు. ఆ సినిమాలో మొదటి ఫైట్‌లో హీరో రజనీకాంత్‌ కాలును గిరగిర గాలిలో తిప్పి గట్టిగా నేలకేసి కొడితే నేల విచ్ఛిన్నమై ధుమ్ము మేఘాల మాదిరిగా లేస్తుంది. ఇప్పుడు నెల్లూరు రోడ్ల మీద కాలిని అలా గిరగిర తిప్పి కొట్టబల్లేదు... మామూలుగా అడుగువేసినా ధుమ్ము ధట్టంగా లేస్తుంది. పాలకులేమో నెల్లూరును సుందరనందన బృందావనం చేస్తామని హామీలు ఇచ్చివున్నారు. నగరం సుందర బృందావనం మాట దేముడెరుగు, ధుమ్ము ధూళి మయంగా మారింది. ఏ రోడ్డులో, ఏ వీధిలో చూసినా మట్టి, డస్ట్‌ పౌడర్‌ దట్టంగా లేస్తుంది. ముందు కారు పోతుంటే వెనుక ద్విచక్రవాహనంలో కళ్ళు తెరుచుకుని పోలేని పరిస్థితి. భూగర్భ డ్రైనేజీ, మంచి నీటి పైప్‌లైన్‌లు అంటూ నగరంలో ప్రతి రోడ్డును తవ్వి పెట్టారు. ఇక మినీబైపాస్‌ రోడ్డును తవ్వుతున్నారు. తవ్వినచోట మళ్ళీ పూడ్చి దానిపై డస్ట్‌ వేస్తున్నారు. వాహ నాలు దానిపై వెళుతున్నప్పుడు దట్టంగా ఆ పౌడర్‌ లేస్తుంది. వెనుక వాహనాలలో వుండే వాళ్ళు ఒంటికి, తలకు పౌడర్‌ అద్దినట్లువుతోంది. ఒక మనిషి ఇంట్లో శుభ్రంగా తల స్నానం చేసి నెల్లూరురోడ్లపై 15 నిముషాలు తిరిగితే చాలు... నెత్తి మీద జుట్టు సిమెంట్‌రోడ్డులాగా అట్ట కట్టుకుపోతుంది. నెల్లూరు నగరాన్ని బెస్ట్‌ సిటీగా కాకుండా, డస్ట్‌ సిటీగా చేసి పెట్టారు మనోళ్ళు.

Friday, 01 December 2017 13:02

పేదోడికి...ధరాఘాతం

Written by

kuragayaluనిత్యావసర వస్తువులు, కూరగా యల ధరలు భారీగా పెరగడంతో పేద, మధ్య తరగతి ప్రజలు కొనుగోలు చేయలేక అల్లాడుతున్నారు. ఎన్నడూలేని విధంగా నిత్యావసర వస్తువుల ధరలు, కూరగాయల ధరలు చుక్కలనంటుతున్నాయి. కోడిగుడ్లు మొదలుకుని, ఉల్లిపాయలు, చింతపండు ధరలు కొండెక్కి కూర్చున్నాయి. నూనెలు కూడా ఎక్సైజ్‌ సుంకం రెట్టింపవడంతో కిలోపై సుమారు రూ.10లు పెరిగి సామాన్య ప్రజలు మూడుపూటలా తినే పరిస్థితి లేదు. దీంతో ఒక్కొక్క కుటుంబంపై ప్రతినెలా అదనపు భారం పడుతోంది. చింతపండు కర్ణాటకలోని తుమ్‌కూరు, హిందూపూర్‌ తదితర ప్రాంతాల నుంచి తీసుకొస్తుంటారు. ప్రస్తుతం అక్కడ కొత్తపంటకు, పాత పంటకు మధ్య రోజులు కావడంతో ఇలా ఒక్కసారిగా ధరలు గణనీయంగా పెరిగాయి. దిగుమతులు చేసుకునే నూనెలకు ఎక్సైజ్‌ డ్యూటి రెట్టింపు కావడంతో కిలో నూనెపై దాదాపు రూ.10లు పెరిగింది. దిగుమతులు చేసుకునే నూనెలపై గతంలో ఎక్సైజ్‌ డ్యూటి 12.5శాతం ఉండగా ఇటీవల అది రెట్టింపు 25శాతానికి చేరుకుంది. దీంతో పామాయిల్‌, రీఫండ్‌ ఆయిల్స్‌తో పాటు ఇతర అన్ని రకాల నూనెల ధరలు పెరిగాయి. అదేవిధంగా కూరగాయల ధరలు విపరీతంగా పెరగడంతో పేద మధ్య తరగతి ప్రజల జీవన విధానం భారంగా మారింది. గత నెలలో రూ.4.50 ఉన్న కోడిగుడ్డు ప్రస్తుతం రూ.6.50కు చేరుకుంది. పెరిగిన ధరలతో ప్రజలు ఏం కొని, ఏం తినాలని ఆవేదన వ్యక్తం చేస్తున్నారు.

5000ప్రాణం పోసే దేవుడిని మనుషులు చూడ లేరు... ప్రాణం నిలిపే దేవుడు వైద్యుడిని మాత్రం అందరూ చూడగలరు. భారతదేశంలో వైద్య వృత్తిని అంత పవిత్రంగా చూస్తారు. వైద్యవృత్తిని మాన వతా కోణంలో, సేవాదృక్పథంతో చూసే వాళ్ళు ప్రజల గుండెల్లో దేవుళ్ళుగానే వుంటారు. అదే వైద్యవృత్తిని మాన వత్వంతో కాక వ్యాపార కోణంలో చూసే వాళ్ళు ప్రజల మస్తిష్కాలలో బందిపోటుల కన్నా దారుణమైన దోపిడీదారు లుగా ముద్రపడిపోతారు.

చచ్చిన పేషంట్‌కు ట్రీట్‌మెంట్‌ చేసి లక్షలు గుంజే 'ఠాగూర్‌' సినిమా సీన్‌లు నిజజీవితంలో ఎన్నో జరుగుతుంటాయి. ఇవి కాకుండా కడుపులో కత్తెర పెట్టి కుట్లు వేయడం... ఎడమ కాలుకు బదులు కుడి కాలికి ఆపరేషన్‌ చేయడం, కంటి నొప్పి అని పోతే పంటి నొప్పికి మందులివ్వడం, ఆసుపత్రులలో ఎలుకలు కొరికి బిడ్డలు చనిపోవడం... మన వైద్య రంగంలో ఇలాంటి అద్భుతాలు ఎన్నో జరుగుతుంటాయి. ఇలాంటి అద్భుతాలలో ఇంకోటి... ఒక రోగం టెస్ట్‌ కోసం పోతే సకల రోగాలకు టెస్ట్‌లు వ్రాసి డబ్బులు గుంజడం. వైద్య రంగంలో ఇదో పెద్దదోపిడీ! పేషంట్‌ రెగ్యులర్‌ చెకప్‌లో భాగంగా ఒక వ్యాధికి సంబంధించి పరీక్ష చేయించు కోవాలనుకుంటే, అలాంటి వారికి డాక్టర్లు హెల్త్‌ ప్యాకేజీ అంటగట్టి వేల రూపాయలు దండుకోవడం... ఇదొక మెడికల్‌ దోపిడి. నెల్లూరు పొగతోటలో డయాబెటిస్‌ సెంటర్‌ వుంది. ఇటీవల ఓ వ్యక్తి షుగర్‌ పరీక్షకని వెళ్ళాడు. అతనికి షుగర్‌ సమస్య తప్ప ఇంకేమీ లేదు. షుగర్‌ టెస్ట్‌కు 300 రూపాయలు. అది కొంచెం కాస్ట్‌లీ ఆసుపత్రి కాబట్టి ఇంకో రెండొందలు అదనంగా తీసుకున్నా సమస్య లేదు. అతను షుగర్‌ టెస్ట్‌కని వెళితే తమ ఆసుపత్రిలోని ల్యాబ్‌లో వున్న అన్ని రకాల టెస్ట్‌లను ఆయనకు వ్రాసారు. ఇందులో 64ఏళ్ల వయసున్న ఆ వ్యక్తికి రాసిన టెస్ట్‌లలో హెచ్‌ఐవి టెస్ట్‌ కూడా వుంది. అంతేకాదు, అవసరం లేని టెస్ట్‌లన్నీ ఇంకా ఎన్నో వున్నాయి. ప్యాకేజీలో వున్న ఇన్ని టెస్ట్‌లను రక్తనమూనాతో నిజంగానే చేస్తున్నారో, లేకపోతే ఏదో ఒక రిజల్ట్‌ వేసి రిపోర్ట్‌ పత్రాలు ఇస్తున్నారో అన్నది ఒక అనుమానం. పేరుకేమో షుగర్‌టెస్ట్‌ వందరూపాయలే... అతనికి కావాల్సిన టెస్ట్‌ చేస్తే ఖర్చు వంద రూపాయలే... అవసరమైన టెస్ట్‌ ఒకటైతే, అనవసరమైన టెస్ట్‌లు పాతికపైగా వ్రాసి అక్షరాలా 5వేల రూపాయలు గుంజారు. ఇలా రోజుకు ఎంతమంది పేషంట్ల నుండి గుంజుతున్నారో... ఎన్ని లక్షల రూపాయలు దోపిడీ చేస్తున్నారో? రోగాలను బూచిగా చూపి వైద్యులు ఇలాంటి దోపిడీకి పాల్పడితే ఇక పేషంట్లు కరెన్సీ నోట్లతో కాకుండా ఆస్తుల పత్రాలను తీసుకుని ఆసుపత్రులకు వెళ్ళాల్సి వుంటుంది. ముఖ్యంగా ఈ డాక్టర్‌ రోగుల రక్తాన్ని జలగలా పీల్చడంలోనూ తద్వారా వచ్చే సంపాదనతో నగరమంతా అక్రమ కట్టడాలను నిర్మించడంలోనూ ఆరితేరి పోయి వున్నాడు. తన క్లినిక్‌లోనే పరీక్షా కేంద్రం పెట్టి అక్కరకు లేని టెస్టులన్నీ రాసిపారేసి రక్తం పీల్చేస్తున్నాడు. చక్కెర వ్యాధి డాక్టరుగా ఆయన ఫీజు 200 రూపాయలైతే ఆయన రాసే పరీక్షలకు 5000 రూపాయలంటే ఈయన గారి దోపిడీ ఏ స్థాయిలో వుందో మనం ఊహించుకోవచ్చు.

policestationపోలీసుస్టేషన్‌లంటే ఒక ప్పుడు నరకానికి నమూనాగా వుండేవి. శిథిలావస్థలో వున్న భవనాలు... పెంకులు, పెచ్చు లూడే శ్లాబులు... వానొస్తే నీళ్ళు కారే గదులు... కంపు కొట్టే బాత్రూంలు... తప్పు చేసి లాకప్‌లో వున్న వాళ్ళకే కాదు, ఉద్యోగ ధర్మంతో ఇక్కడ పనిచేసే పోలీసులకు కూడా నరకంగా వుండేది.

ఇప్పుడు పోలీసుస్టేషన్‌లు మారుతు న్నాయి. ఆధునిక పోకడలను సంతరించు కుంటూ అందంగా ముస్తాబవుతున్నాయి. నెల్లూరు నగరంలో ఒక్కో పోలీస్‌స్టేషన్‌ రూపం మారుతోంది. దాదాపు 20ఏళ్ల క్రితం నెల్లూరు నగరంలో బాలాజీనగర్‌ పోలీస్‌స్టేషన్‌ను మోడల్‌ పోలీస్‌స్టేషన్‌గా నిర్మించారు. మొదట్లో గౌడ్‌ హాస్టల్‌ వద్ద పాడుబడిన బిల్డింగ్‌లో ఈ పోలీస్‌స్టేషన్‌ వుండేది. తర్వాత దానిని ఎస్పీ శ్రీనివాస రెడ్డి హయాంలో బాలాజీనగర్‌పార్క్‌లో నూతనంగా నిర్మించిన భవనంలోకి మార్చారు. అప్పట్లో ఈ మోడల్‌ స్టేషన్‌కు ప్రత్యేకంగా డిఎస్పీని కూడా కేటాయిం చారు. ఆ తర్వాత అయ్యప్పగుడి వద్ద వున్న పార్కులో అయిదో నగర పోలీసుస్టేషన్‌ భవన సముదాయాన్ని ఎంతో అందంగా నిర్మించడమే కాక, పోలీసుస్టేషన్‌ ప్రాంగ ణంలో పచ్చదనంకు ప్రాధాన్యతనిచ్చారు. ఆ సమయంలోనే నెల్లూరు రెండోనగర పోలీసుస్టేషన్‌కు ఉన్న స్థలంలోనే కొత్త భవనాలు నిర్మించారు. ప్రస్తుత గూడూరు డిఎస్పీ రాంబాబు నెల్లూరు త్రీటౌన్‌ ఎస్‌.ఐగా వున్న సమయంలో ఈ స్టేషన్‌ పక్కనేవున్న ఖాళీ స్థలాన్ని ఒక చర్చివారు ఆక్రమించాలని చూసారు. అయితే ఎస్‌.ఐగా వున్న రాంబాబు అప్పట్లో వారి ఆటలు సాగనీయకుండా అడ్డుకుని పోలీసు స్టేషన్‌కు సంబంధించిన ఆ స్థలాన్ని కాపా డారు. ఇప్పుడు అదే స్థలంలో సువిశా లంగా, ఆధునికంగా మూడోనగర పోలీసు స్టేషన్‌ రూపుదిద్దుకుంది. నెల్లూరు నగ రంలో ఇదో అత్యుత్తమ పోలీసుస్టేషన్‌ భవనంగా తయారైంది. ఇక తాజాగా నెల్లూరు నాలుగోనగర పోలీసుస్టేషన్‌కు క్షయ ఆసుపత్రి ప్రాంగణంలో శంకుస్థాపన జరగడం తెలిసిందే! వాటన్నింటిని తల దన్నే రీతిలో దీనిని నిర్మించనున్నారు. ఇక పెద్దబజారులో వున్న ఒకటో నగర పోలీసు స్టేషన్‌లోనే మార్పులు చేయాల్సి వుంది. బ్రిటీష్‌ వారి హయాంలో కట్టిన భవనం లోనే ఇది కొనసాగుతోంది. అలాగే నెల్లూరురూరల్‌ పోలీసుస్టేషన్‌కు కూడా వెంటనే కొత్త భవనాలను నిర్మించాల్సి వుంది. మొత్తానికి పోలీసుస్టేషన్‌లు అంటే ఒకప్పుడు బూతుబంగ్లాలు గుర్తుకు వచ్చేవి. ఇప్పుడు కార్పొరేట్‌ బంగ్లాలను తలపిం చేలా అవి రూపుదిద్దుకుంటుండడం విశేషం.

roadజిల్లా కేంద్ర కారాగారం.. పోలీస్‌ శిక్షణా కళాశాల... చంద్రబాబునగర్‌, వై.యస్‌.ఆర్‌.నగర్‌, శ్రామికనగర్‌, వల్లూరమ్మ కాలనీ, కుమ్మరిగుంట, బుజబుజనెల్లూరు... వేల సంఖ్యలో కుటుంబాలు... వీటన్నింటితో ముడిపడి వుంది ఒకే ఒక రోడ్డు... అదే పొదలకూరురోడ్డు నుండి బుజబుజనెల్లూరు వద్ద హైవేకి కలిసే రోడ్డు.

ఈ రోడ్డు చాలా దారుణంగా వుంది. గుంటలమయమై వాహనదారులకు నరకం చూపిస్తోంది. ప్రతిరోజూ ఖైదీలను తీసుకుని వెళ్ళే పోలీసు వాహనాలు, పోలీసు కాలేజీకి వెళ్ళే వాహనాలు ఈ రోడ్డు మీదే వెళ్ళాలి. ఇక పై కాలనీలలో గత కొన్నేళ్ళ నుండి వేలాది కుటుంబాలవాళ్ళు నివసిస్తున్నారు. ఇప్పుడు వై.యస్‌.ఆర్‌.నగర్‌లో వేలాదిమంది కొత్తగా ఇళ్ళు నిర్మించుకుంటున్నారు. ఈ కాలనీలకు రోడ్డు వసతి, మంచినీటి వసతి సక్రమంగా లేదు. ప్రధానరహదారితో పాటు కాలనీలోని రహదారు లను అభివృద్ధి చేస్తే ఈ ప్రాంతం రూపురేఖలే మారిపోతాయి.

chithadiగత కొన్నిరోజులుగా కురిసిన వర్షాలకు నెల్లూరు నగరం చిత్తడి చిత్తడిగా మారింది. వర్షాలు కురుస్తున్నందుకు జనం ఓ పక్క సంతోషపడుతున్నా, బయటకొస్తే రోడ్లు మాత్రం నరకం చూపిస్తున్నాయి. మొన్నటి దాకా వానలు డివిజన్‌ల వారీగా కురిసాయి. మాగుంట లే అవుట్‌లో వానపడుతుంటే అదే సమయంలో వేదాయపాలెంలో ఎండ కాస్తుంటుంది. ఈ టైపు వానలే నగరంలో పడ్డాయి. గత నాలుగురోజుల పాటు జడివాన బాగానే పట్టింది. నగరానికి నీటి కొరత తీరినట్లే! కాకపోతే భూగర్భ డ్రైనేజీ కోసం తవ్విన రోడ్లతో జనం నానా తిప్పలు పడుతున్నారు. పలు చోట్ల తవ్విన రోడ్ల మధ్యలో వాహనాలు దిగబడిపోయి జనం మాకు ఈ భూగర్భ డ్రైనేజీ వద్దురా బాబు అనే పరిస్థితి వచ్చింది.

Friday, 27 October 2017 06:37

ఆక్రమణలకు అభయం!

Written by

akramanఆక్రమణలకు, ఆక్రమణదారులకు అభయహస్తం ఆక్రమణల క్రమబద్ధీకరణ కార్యక్రమం. గత కాంగ్రెస్‌ ప్రభుత్వంలోనే ఈ సంస్కృతి మొదలుకాగా, నేటి తెలుగు దేశం ప్రభుత్వం కూడా దానిని కొనసాగి స్తోంది. ప్రభుత్వ స్థలాలను, ఇరిగేషన్‌ కాలువల స్థలాలను, ఇతర పోరంబోకు స్థలాలను ఆక్రమించుకుని వున్నారా... వెంటనే క్రమబద్దీక రించుకోండి... ఇదీ ప్రభుత్వం ప్రకటిస్తున్న ఆఫర్‌.

తాజాగా ఆక్రమణదారులకు రాష్ట్ర ప్రభుత్వం ఈ బంపర్‌ ఆఫర్‌ను ప్రకటిం చింది. 2014 జనవరికి ముందు ఆక్ర మించుకున్న స్థలాలను క్రమబద్దీకరించు కోవాలంటూ రాష్ట్ర ప్రభుత్వం జి.ఓ విడు దల చేసింది. నెల్లూరు కార్పొరేషన్‌తో పాటు కావలి, గూడూరు, సూళ్లూరుపేట, వెంకటగిరి, నాయుడుపేట, ఆత్మకూరు మున్సిపాల్టీల పరిధిలో ఆక్రమణలకు ఈ జి.ఓ వర్తిస్తుంది. 23వ తేదీ నుండి ఆక్రమ ణల క్రమబద్దీకరణ మొదలుపెట్టారు. మొత్తం 10రోజుల్లో ఈ తంతును ముగిం చాలని అధికారులు నిర్ణయించారు. ఆక్రమణదారుల నుండి ఫీజులు వసూలు చేసి తర్వాత వారికి పొజిషన్‌ సర్టిఫికేట్‌లు మంజూరు చేయనున్నారు. నాలుగు రూపా యలు ఖర్చయినా ఆక్రమణదారులకు ఇది ఒక భరోసా.

anilనెల్లూరు నగర ప్రజల ఆశీస్సుల కోసం ఈ నెల 26వ తేదీ నుండి ప్రజా దీవెన కార్యక్రమాన్ని ప్రారంభిస్తున్నట్లు నెల్లూరు నగర ఎమ్మెల్యే పి.అనిల్‌కుమార్‌ యాదవ్‌ పేర్కొన్నారు. ఈనెల 17వతేదీన నెల్లూరు లోని ఎం.సి.ఎస్‌ కళ్యాణ మండపంలో వైయస్సార్‌ కుటుంబం ముగింపు సభ మరియు నియోజకవర్గ వైసిపి కార్యకర్తల సమావేశం జరిగింది. ఈ కార్యక్రమంలో పాల్గొన్న అనిల్‌ మాట్లాడుతూ సెప్టెంబర్‌ 21వ తేదీన చేపట్టాల్సిన ప్రజాదీవెన కార్య క్రమాన్ని 'వై.యస్‌.ఆర్‌ కుటుంబం' కార్య క్రమం కారణంగా ఈనెల 26కు వాయిదా వేసినట్లు తెలిపారు. ప్రజాదీవెనలో నగరం లోని ప్రతి ఇంటికొస్తానని, ప్రతి ఒక్కరి సమస్యలు తెలుసుకుంటానని చెప్పారు. జగనన్న చెప్పిన నవరత్నాలను ప్రజలకు వివరిస్తామని, ప్రజల దీవెనలతో జగన్‌ను ముఖ్యమంత్రిని చేసుకుందామని అన్నారు. నెల్లూరు నగరంలో 'వైయస్‌ఆర్‌ కుటుంబం' ఎంతో విజయవంతమైందని, 40వేల కుటుంబాలు పార్టీకి చేరువయ్యాయని చెప్పారు. ఈ కార్యక్రమంలో డిప్యూటి మేయర్‌ ఎం.ద్వారకానాథ్‌, కార్పొరేషన్‌ వైసిపి ఫ్లోర్‌ లీడర్‌ పి.రూప్‌కుమార్‌యాదవ్‌ తదితరులు పాల్గొన్నారు.

loksabhaఏపిలో ఎక్కడైనా తెలుగుదేశంపార్టీకి తిరుగుండదేమో... ఒకసారి ఓడిన చోట మరోసారైనా గెలుస్తుందేమో... కాని రాష్ట్రంలో కడప తర్వాత తెలుగుదేశంకు మింగుడుపడని నియో జకవర్గం నెల్లూరే! అది లోక్‌సభ అయినా శాసనసభ అయినా?

తెలుగుదేశం ఆవిర్భవించాక ఇప్పటివరకు 7సార్లు అసెంబ్లీకి ఎన్నికలు జరిగితే తెలుగుదేశంపార్టీ గెలిచింది రెండే రెండుసార్లు. 1983లో ఆనం రామనారాయణరెడ్డి, 1994లో టి.రమేష్‌రెడ్డిలు మాత్రమే తెలుగుదేశం అభ్యర్థులుగా ఇక్కడ గెలవగలిగారు. ఇక తెలుగుదేశంపార్టీ ఆవిర్భవించాక 9సార్లు పార్లమెంటు ఎన్నికలు జరిగాయి. 2012లో జరిగిన ఉపఎన్నికను కలిపితే నెల్లూరు పార్లమెంటుకు పదిసార్లు ఎన్నికలు జరిగాయి. కేవలం రెండంటే రెండుసార్లు మాత్రమే నెల్లూరు పార్లమెంటులో తెలుగుదేశం గెలిచింది. 1985ఎన్నికల్లో పుచ్చలపల్లి పెంచ లయ్య, 1999ఎన్నికల్లో ఉక్కాల రాజేశ్వరమ్మలు తెలుగుదేశం అభ్యర్థులుగా విజయం సాధించగలిగారు. ఈ పదింటిలో 6సార్లు కాంగ్రెస్‌ అభ్యర్థులు, 2సార్లు వైకాపా అభ్యర్థి విజయం సాధించ గలిగారు. 2009లో నెల్లూరు లోక్‌సభ రిజర్వ్‌డ్‌ కేటగిరిలో నుండి జనరల్‌లోకి మారింది. అయినా కూడా తెలుగుదేశం పరిస్థితి మారలేదు. నెల్లూరు నగరం, రూరల్‌ నియోజకవర్గాలతో పాటు నెల్లూరు లోక్‌సభలోనూ తెలుగుదేశం బలహీనంగానే వుంది. 2014 ఎన్నికల్లో తెలుగుదేశం నెల్లూరు లోక్‌సభ అభ్య ర్థిగా ఆదాల ప్రభాకర్‌రెడ్డిని దించింది. ఆయన గట్టి పోటీయే ఇచ్చాడు. గెలుపుకు కొద్ది తేడాతో మిస్సయ్యాడు.

కేంద్రంలో పట్టు నిలుపుకోవాలంటే అసెంబ్లీలో మెజార్టీని సాధించడంతో పాటు అత్యధిక ఎంపీ స్థానాలను కైవసం చేసు కోవాలి. 2014 ఎన్నికల్లో బీజేపీకి పూర్తి మెజార్టీ రావడంతో చంద్రబాబును మోడీ వేలిమీద వెంట్రుకతో సమానంగా చూసాడు. కాని, వచ్చే ఎన్నికల్లో అంత స్వీప్‌ పరిస్థితి వుండదు. మిత్రపక్షాల ఎంపీ స్థానాలపై ఆధారపడాల్సి వుంటుంది. కాబట్టి వీలైనన్ని ఎక్కువ ఎంపీ స్థానాలను సాధించడం ముఖ్యమే! ఈ దృష్టిలోనే తెలుగుదేశంకు మింగడుపడకుండా వున్న నెల్లూరు లోక్‌సభపై చంద్రబాబు దృష్టి సారించినట్లు తెలుస్తోంది. వైకాపాను ఎదుర్కొనే ధీటైన అభ్యర్థికై కసరత్తు చేస్తున్నట్లు సమాచారం.

Friday, 06 October 2017 07:48

పోటెత్తిన భక్తజనం

Written by

rotteనెల్లూరు నగరంలో అత్యంత భక్తిశ్రద్ధ లతో పవిత్రంగా.. వైభవాతి వైభవంగా జరిగే రొట్టెల పండుగకు భక్తజనం పోటె త్తారు. మన జిల్లా, రాష్ట్రం నలుమూలల నుంచే కాక దేశవ్యాప్తంగా ఎన్నో ప్రాం తాల నుంచి, ఎంతెంతో దూరం నుంచి భక్తులు తండోపతండాలుగా నెల్లూరుకు తరలిరావడంతో నగరం భక్తజనసము ద్రంలా కనిపించింది. కులమతాలకు అతీతంగా.. మతసామరస్యానికి ప్రతీకగా ప్రజలు సమైక్యనాదంతో..భక్తిభావంతో ఇక్కడకు విచ్చేసి, ఎంతో పవిత్రమైన బారా షహీద్‌ దర్గాను సందర్శించుకున్నారు. దీంతో, నెల్లూరు నగరమంతా ఆధ్యాత్మిక వాతావరణంతో సందడిగా మారింది. లక్షలాదిగా తరలివచ్చిన భక్తజనులతో నగరంలో ఎక్కడ చూసినా భక్తిభావనలు వెల్లివిరిశాయి.

ఈ నెల 1 నుంచి 5వ తేది వరకు నెల్లూరు నగరంలో పెద్దఎత్తున జరిగిన రొట్టెల పండుగను పురస్కరించుకుని నిర్వా హకులు భక్తుల కోసం భారీ ఏర్పాట్లు చేశారు. జిల్లా అధికారయంత్రాంగంతో పాటు, మంత్రులు, ప్రజాప్రతినిధులు, పోలీసు అధికారులు, సిబ్బంది అందరూ ఈ అయిదు రోజులు రొట్టెల పండుగ ఏర్పాట్లను పర్యవేక్షించి భక్తులకు ఇబ్బం దులు లేకుండా చూసారు. పోలీసులు భారీ బందోబస్తు నిర్వహించారు. ఈ సంద ర్భంగా, బారాషహీద్‌ దర్గాను నిర్వాహ కులు శోభాయమానంగా అలంకరించారు. సోమవారం అర్ధరాత్రి గంథమహోత్సవం కన్నులపండువగా సాగింది. గంధం స్వీక రించేందుకు భక్తులు పోటీపడ్డారు. కోట మిట్టలోని అమినీయా మసీదు నుంచి మతపెద్దలు, నగర మేయర్‌ అజీజ్‌, వక్ఫ్‌ బోర్డు ఇన్‌స్పెక్టర్‌ మహమ్మద్‌ హుస్సేనీల పర్యవేక్షణలో 12 బిందెల్లో గంధం కలిపి ప్రత్యేక ప్రార్ధనలు చేశారు. షేక్‌ బాషా తదితరులు 12మంది అమరవీరులకు (బారాషహీద్‌) 12బిందెల్లో గంధాన్ని ఊరేగింపుగా బారాషహీద్‌ దర్గా వద్దకు తీసుకువచ్చారు. వక్ఫ్‌బోర్డు రాష్ట్ర డిప్యూటి కార్యదర్శి మహమ్మద్‌ హనీఫ్‌, వక్ఫ్‌బోర్డు ఇన్‌స్పెక్టర్లు మహమ్మద్‌ హుస్సేన్‌, ఖాజా మస్తాన్‌ తదితరులు ఆ గంధాన్ని భక్తులకు అందజేశారు. ఈ సందర్భంగా దర్గాకు విచ్చేసిన మంత్రి డా.పి.నారాయణ మాట్లా డుతూ, రాష్ట్ర అభివృద్ధిని కోరుకుంటూ తాను స్వర్ణాల చెరువులో రొట్టెను అందుకు న్నానన్నారు. బారాషహీద్‌ దర్గాకు ప్రతి ఏటా భక్తుల సంఖ్య గణనీయంగా పెరుగు తున్నారని, అది ఈ దర్గా విశిష్టతకు, ప్రాశ స్త్యానికి ప్రతీక అని అన్నారు. ప్రభుత్వం ఈ రొట్టెల పండుగను ఎంతో ప్రతిష్టాత్మ కంగా భావిస్తోందని అన్నారు. ఈ సంద ర్భంగా మంత్రితో పాటు మేయర్‌ అజీజ్‌, నగరపాలక సంస్థ కమిషనర్‌ ఢిల్లీరావు తదితరులున్నారు.

భక్తులతో బారాషహీద్‌ దర్గా కిటకిట

ఈ అయిదురోజులు ఎంతో సంరం భంగా జరిగిన ఈ పండుగలో భక్తులు లక్షలాదిగా పాల్గొన్నారు. ఏరోజుకారోజు భక్తుల సంఖ్య గణనీయంగా పెరిగి లక్షల్లోకి చేరుకుంది. బుధవారం తహలీల్‌ ఫాతెహా గంధమహోత్సవాన్ని వైభవంగా నిర్వహిం చారు. ఈ వేడుకలో ఛైర్మెన్‌ సిద్ధిక్‌, ముజా వర్లు రఫీ, ఆలీ, మతపెద్దలు హయత్‌, హుసేనీ, వక్ఫ్‌ ఇన్‌స్పెక్టర్‌ మహమ్మద్‌ హుస్సేన్‌ తదితరులు పాల్గొని గంధాన్ని ఊరేగింపుగా దర్గాకు తీసుకువచ్చి, ప్రత్యేక ప్రార్ధనలు చేశారు. బుధవారం సినీ హాస్య నటుడు ఆలీ, జిల్లా ఇన్‌ఛార్జి మంత్రి అమర్‌ నాధరెడ్డి, రాష్ట్ర వ్యవసాయశాఖ మంత్రి సోమిరెడ్డి చంద్రమోహన్‌రెడ్డి, పురపాలక మంత్రి నారాయణ, పర్యాటకశాఖ మంత్రి భూమా అఖిలప్రియ, జడ్పీ ఛైర్మెన్‌ బొమ్మి రెడ్డి, ఎంపి మేకపాటి రాజమోహన్‌రెడ్డి, ఎమ్మెల్యేలు కోటంరెడ్డి శ్రీధర్‌రెడ్డి, అనిల్‌ కుమార్‌యాదవ్‌, రామిరెడ్డి ప్రతాప్‌కుమార్‌ రెడ్డి, ఎమ్మెల్సీ మాగుంట శ్రీనివాసులురెడ్డి, నుడా ఛైర్మెన్‌ కోటంరెడ్డి శ్రీనివాసులురెడ్డి, ఇంకా పలువురు నాయకులు, ప్రజాప్రతి నిధులు, అధికారులు, ప్రముఖులు, పెద్ద సంఖ్యలో ప్రజలు పాల్గొన్నారు. గత ఏడాది కంటే ఈసారి మరింత పెద్ద సంఖ్యలో భక్తులు బారాషహీద్‌ దర్గాకు విచ్చేశారు. దర్గా చెంతనే ఉన్న స్వర్ణాల చెరువులో కోర్కెల రొట్టెలు పట్టుకుని, తమ కష్టాలు తొలగిపోవాలని ఆ భగవంతుని మనసారా ప్రార్ధించుకున్నారు. అలా ఇక్కడ వరాల రొట్టెను స్వీకరిస్తే భగవంతుని అనుగ్రహంతో ఆ కోరికలు తప్పకుండా నెరవేరుతాయని, జీవితంలో తమకెన్ని కష్టాలున్నా తొలగిపోతాయని, అన్నిశుభాలు కలుగుతాయని ఈ సందర్భంగా భక్తులు ఎంతో సంతోషం వ్యక్తం చేశారు.

Page 1 of 11

newsbottomad

ఎక్కువగా చదివిన వార్తలు

  • మంత్రి పోటీలో లేకుంటే.. మేమే...
    నెల్లూరు నగరం నుండి మంత్రి నారాయణ పోటీ చేస్తే... గెలుపు ఆయనదే! నెల్లూరు నగర టీడీపీ నాయకుల స్టేట్‌మెంట్‌ ఇది. ఇది పైకి మాత్రమే! ఆయన పోటీ చేయకుంటే మాత్రం సీటు మాకే ఇవ్వాలి. ఇదీ నాయకుల మనసులోని మాట. సీటును…
  • పోలవరం... ఇక కలవరం
    ఈ ప్రాజెక్ట్‌ నువ్వే చెయ్యాలి బాబూ అని వాళ్ళు అడగలేదు... ఆ ప్రాజెక్ట్‌ వాళ్ళ బాధ్యత... పూర్తి చేయాల్సింది వాళ్ళు... రాష్ట్ర విభజన చట్టంలో క్లియర్‌గా వుంది. ఈయన తగుదునమ్మా అంటూ వెళ్ళాడు... పోలవరం ప్రాజెక్ట్‌ నిర్మాణ బాధ్యత మేమే తీసుకుంటామన్నాడు.…
  • ప్రాణాలను మింగుతున్న చెరువులు
    అన్నెంపున్నెం ఎరుగని, ఆడుతూపాడుతూ తిరిగే ముగ్గురు చిన్నారులను చెరువు మృత్యుకౌగిలిలోకి తీసుకెళ్లింది. ముగ్గురు చెరువులో మునిగి విగతజీవులుగా మారారు. తమ బిడ్డలు ఇక లేరని తెలియడంతో తల్లిదండ్రులు గుండెలవిసేలా రోధించారు. ఈ హృదయ విదారక ఘటన నెల్లూరుజిల్లా దొరవారిసత్రం మండలం వడ్డికండ్రిగ…
  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…

Newsletter