నెల్లూరులో నేడు (123)

kotaడివిజన్ బాట కార్యక్రమంలో భాగంగా నెల్లూరురూరల్ నియోజకవర్గ పరిధిలోని నేతాజీనగర్, ఎన్.బి.టి. కాలనీ, శివాజీనగర్లలో వై.యస్.ఆర్. కాంగ్రెస్ పార్టీ నెల్లూరు రూరల్ కో-ఆర్డినేటర్ కోటంరెడ్డి శ్రీధర్ రెడ్డి పర్యటించారు.

ఈ సందర్భంగా స్థానిక ప్రజలు వీధిలైట్లు లేని విషయాన్ని, కలుషిత నీటితో తాము పడుతున్న ఇబ్బందులను ఆయనకు తెలియజేశారు. కలుషిత నీళ్లు త్రాగితే విషజ్వరాలు వస్తున్నాయని, తమ కష్టార్జితం వేలరూపాయలు ఆసుపత్రుల పాలవుతున్నాయని, ఈ నీళ్లతో స్నానం చేస్తే చర్మరోగాలు వస్తున్నాయని ఆయనకు తెలియజేశారు. ఆ కలుషిత నీళ్లు కోటంరెడ్డి స్వయంగా పరిశీలించారు.

దీనికి కోటంరెడ్డి తీవ్రంగా స్పందిస్తూ కనీసం వీధిలైట్లు కూడా నెల్లూరు కార్పొరేషన్ ఏర్పాటు చేయలేకుండా పోతుందని, త్రాగునీరు ఎంత కలుషితంగా ఉన్నాయో చూస్తే కడుపు తరుక్కుపోతుందని అన్నారు. సమ్మర్ స్టోరేజ్ ట్యాంక్ నిర్మాణంలో కోట్లాది రూపాయల ప్రజాధనాన్ని స్వాహా చేసిన అధికారపార్టీ నాయకుల పాపాలు ఈ కలుషిత నీళ్ల ద్వారా బయటపడ్డాయని, కాసుల కక్కుర్తి కోసం చేసిన పాపాలు ప్రజల పాలిట శాపంగా మారిందని, ఈ నీళ్లు తాగే సంగతి దేవుడెరుగు కనీసం ఈ నీళ్లతో స్నానం చేయగలుగుతారా అని అధికారపార్టీ నేతలకు కోటంరెడ్డి శ్రీధర్ రెడ్డి సవాల్ విసిరారు.

Friday, 03 January 2014 12:16

పాక్షికంగా బంద్

Written by

సమైక్యాంధ్రకు మద్దతుగా ఎన్జీవోల పిలుపుమేరకు జిల్లాలో బంద్ పాక్షికంగా జరిగింది. వైకాపా కార్యకర్తలు బంద్ కు పూర్తి మద్దతు తెలపడంతో నెల్లూరులో దుకాణాలు చాలా వరకు మూతపడ్డాయి. వైకాపా కార్యకర్తలు బైక్ లపై తిరుగుతూ తెరచివున్న షాపులను మూయించివేసారు. కాగా, ఈ బంద్ ప్రభావం ఆర్టీసీపై పెద్దగా చూపలేదు. బస్సులు యదావిధిగా తిరిగాయి.

viswa hinduహిందుధర్మ శాస్ర్త ప్రకారం జనవరి 1 మనకు కొత్త సంవత్సరం కాదు. ఉగాది మనకు కొత్త సంవత్సరం. కాని డిసెంబర్ 31వ తేదీ అర్ధరాత్రి 12గంటలకు ఆలయాలు తెరచి ప్రత్యేకపూజలు నిర్వహించడం ఎంతవరకు సమంజసమని విశ్వహిందూ పరిషత్ రాష్ర్ట కార్యదర్శి మెంటా రామ్మోహన్ ప్రశ్నించారు. దేవాదాయశాఖ అధికారులు అర్ధరాత్రి గుడి తెరచి పూజలు నిర్వహించే వారిపై తగుచర్యలు తీసుకోవాలని మెంటా డిమాండ్ చేసారు. అసలు అర్థరాత్రి పూజలు చేయడం హిందూధర్మానికి విరుద్దమని ఆయన అన్నారు.

నెల్లూరులోని చిల్ర్డన్స్ పార్కులో జనవరి 1వ తేదీన టివి, సినీ ఆర్టిస్టులతో నిర్వహించనున్న మ్యూజికల్ నైట్ను ఏర్పాటు చేయవద్దంటూ చిల్ర్డన్స్ పార్కు వాకర్స్ వెల్ఫేర్ అసోసియేషన్ సభ్యులు పేర్కొన్నారు. మంగళవారం చిల్ర్డన్స్ పార్కులో అసోసియేషన్ అధ్యక్షులు ప్రభాకర్ రెడ్డి విలేకర్లతో మాట్లాడుతూ మ్యూజికల్ నైట్ ఏర్పాటు చేస్తే పార్కు పాడైపోయే ప్రమాదముందన్నారు. వేలాదిమంది పార్కులో తిరగడం వల్ల మొక్కలు చనిపోతాయన్నారు. ఈమధ్యనే రూ.5లక్షలు వెచ్చించి మొక్కలు నాటి, ఆట వస్తువులను ఏర్పాటు చేశారని తెలిపారు. మ్యూజికల్ నైట్ను మరో ప్రాంతానికి మార్చాలని డిమాండ్ చేసారు. సమావేశంలో అసోసియేషన్ కార్యదర్శి పాముల రమణయ్య, సభ్యులు తదితరులు పాల్గొన్నారు.

ammaనెల్లూరు దుర్గామిట్టలోని శ్రీరాజరాజేశ్వరి అమ్మవారి ఆలయం హుండీని 24వ తేదీ లెక్కించారు. అక్టోబర్ 5వ తేదీ నుండి డిసెంబర్ 24వ తేదీ వరకు హుండీ ద్వారా 9,50,180 రూపాయల ఆదాయం లభించింది. ఈ లెక్కింపు కార్యక్రమంలో ఆలయ ధర్మకర్తల మండలి అధ్యక్షులు రత్నం జయరాం, దేవాదాయశాఖ సహాయకమీషనర్ వేగూరు రవీంద్రరెడ్డి, ఇఓ పాయసం నాగేశ్వరరావు, ప్రధానార్చకులు తంగిరాల రాధాకృష్ణ, ఇన్స్పెక్టర్ శైలేంద్ర తదితరులు పాల్గొన్నారు.

Tuesday, 24 December 2013 12:23

ఆదార్ గడువు జనవరి 31

Written by

రేషన్ కార్డుదారులు ఆధార్ తో అనుసఁధానం చేసేందుకు పౌరసరఫరాల శాఖ జనవరి 31 చివరి గడువు ఇచ్చింది. అప్పటిలోగా ఆధార్తో అనుసఁధానం చేయని కార్డులను ఫిబ్రవరి నుంచి కేటాయింపులు ఉండవని డిఎస్ఓ తెలిపారు. నెల్లూరుజిల్లాలో తెల్లరేషన్ కార్డులు అన్నపూర్ణ, అఁత్యోదయ, రచ్చబండ కార్డులు కలిపి 7,81,823కార్డుదారులున్నారు. ప్రస్తుతం రచ్చబండ-3 కింద 1.13లక్షల రేషన్ కూపన్లు మంజూరు కాగా వీటిలో 71,581 మంది ఫోటోతో అనుసంధానం చేసుకున్నారు. మొత్తం 8,53,404 కార్డులు ఆధార్ తో అనుసంధానం జరగాల్సి వుంది. కార్డుదారుల్లో మొత్తం కుటుంబాల సభ్యులు 24,45,976 మంది ఉంటే వీటిలో 10,79,136 మంది అనుసంధానం జరిగింది.

Tuesday, 24 December 2013 12:21

ప్రెస్ స్టిక్కర్లు

Written by

జిల్లాలోని అక్రిడేట్ జర్నలిస్టులకు ప్రత్యేకంగా రూపొందించిన ప్రెస్ స్టిక్కర్లు ఇవ్వడానికి జిల్లా ఎస్పీ పి.వి.యస్.రామకృష్ణ నిర్ణయించారు. జిల్లాలో చాలామంది ప్రెస్, పోలీస్ స్టిక్కర్లను అంటించుకుని వాహనాలు నడుపుతున్నారు. అయితే వీరిలో ఒరిజనల్ ప్రెస్, పోలీసు వాళ్లకంటే డూప్లికేట్స్ ఎక్కువ. జర్నలిస్టుల బంధువులు, స్నేహితులు కూడా తమ వాహనాలకు ప్రెస్ అని వ్రాసుకుని తిరుగుతున్నారు. ఇలాంటి నకిలీ ప్రెస్ వాళ్లు పోలీస్ శాఖకు పెద్ద తలనొప్పిగా మారారు. వీరిని అరికట్టేందుకే అక్రిడిటేషన్ లిస్టు ప్రకారం జర్నలిస్టులకు ప్రెస్ స్టిక్కర్లు అందజేస్తారు. విలేకరులు తమ అక్రిడేషన్ నెంబర్, వాహనం ఆర్సి, డ్రైవింగ్ లైసెన్స్ల జరాక్స్లను అందజేసి పోలీసుశాఖ నుండి ఈ స్టిక్కర్ ను పొందవచ్చు. జనవరి 1వ తేదీ నుండి విలేకరులకు ఈ స్టిక్కర్లు అందజేయనున్నట్లు తెలుస్తుంది.

రాష్ర్ట ప్రభుత్వ నిధులతో అభివృద్ధి పనులకు కృషి చేస్తున్నానని నెల్లూరుజిల్లా గూడూరు నుండి రాపూరు మీదుగా రాజంపేట వరకు రోడ్డు పనులు ప్రారంభమవుతాయని రాష్ర్ట ఆర్థికశాఖామంత్రి ఆనఁ రామనారాయణరెడ్డి పేర్కొన్నారు. ఆదివారం నెల్లూరు జిల్లా రాపూరు మండలం సంక్రాంతిపల్లి గ్రామపంచాయతి నూతన భవనాన్ని మంత్రి ప్రారంభించారు. ఈ సందర్భంగా ఆయన మాట్లాడుతూ రవాణా సౌకర్యార్థం గూడూరు నుండి రాజంపేట రోడ్డు రెండు లైన్లు విస్తీర్ణం పనులకు టెండర్లు ప్రక్రియ పూర్తయిందని తొలివిడతగా 17కోట్ల రూపాయలు నిధులు మంజూరయ్యాయన్నారు.

ఈ కార్యక్రమంలో తెలుగుగంగ స్పెషల్ కలెక్టర్ భానుప్రసాద్, అదనపు జాయింట్ కలెక్టర్ పెంచలరెడ్డి ఆర్డీఓ సుబ్రహ్మణ్యేశ్వరరెడ్డి, తహశీల్దార్ బషీర్ అహ్మద్, కేంద్ర సహకార బ్యాంకు ఛైర్మన్ మెట్టుకూరు ధనుంజయరెడ్డి, వాకాటి నారాయణరెడ్డి, పెంచలకోన ఛైర్మన్ తిరుపాల్ రెడ్డి, ఏసి శ్రీనివాసరావు తదితరులు పాల్గొన్నారు.

నెల్లూరు నగరం విఆర్ కళాశాల మైదానంలో శుక్రవారం రాత్రి ప్రప్రథమంగా నిర్వహించిన సింహపురి ప్రీ క్రిస్మస్ మహోత్సవాలు అందరి శ్రమ, సహకారంతో విజయవంతం అయ్యిందని నెల్లూరురూరల్ ఎమ్మెల్యే ఆనం వివేకానందరెడ్డి తెలిపారు. ఆదివారం నెల్లూరు విఆర్ కళాశాలలో విలేకర్లతో మాట్లాడారు. ఏ కార్యక్రమమైనా విజయవంతం కావాలంటే అందరి సహకారం అవసరమన్నారు. వేలాదిగా ప్రజలు విచ్చేసి ఏసుక్రీస్తుపై విశ్వాసం ఉంచారన్నారు. ముఖ్య ప్రసంగీకులు స్టీఫెన్ పాల్ చేసిన ప్రసంగం అందరిని ఆకట్టుకుందన్నారు. అంతర్జాతీయ సింగర్ నోయల్ ఆలపించిన గీతాలు ప్రార్థనలు అలరించాయన్నారు. ఈ సమావేశంలో మునిసిపల్ నగర కమీషనర్ డి.జాన్ శ్యాంసన్, ఎంఇలు టి.సంపత్ కుమార్, శ్రీనివాసరావు, వెంకట్రావు, డిఇలు పివి అనిల్ కుమార్, డి.సుందరరామిరెడ్డి తదితరులు పాల్గొన్నారు.

భారతీయ జనతాపార్టీని నరేంద్ర మోడీ తన ప్రచారంతో విజయపథాన నడిపి మూడు రాష్ర్టాల్లో విజయకేతనం ఎగురవేసారని, నరేంద్రమోడీని దేశ ప్రధాని కావాలని యువత కోరుకుంటున్నారని బీజేపీ జిల్లా అధ్యక్షుడు పి.సురేంద్రరెడ్డి పేర్కొన్నారు. ఆదివారం మినీబైపాస్ రోడ్డులోని బీజేపీ జిల్లా కార్యాలయంలో భారతీయ జనతా యువమోర్చ నగర పతాధికారుల సమావేశం జరిగింది. ఈ సమావేశానికి నగర యువమోరాచ అధ్యక్షులు మధుసూదనరావు అధ్యక్షత వహించారు. ఈ సందర్భంగా సురేంద్రరెడ్డి మాట్లాడుతూ యువమోర్చ యువతను ఆకర్షించే విధంగా కార్యక్రమాలను చేపట్టి వారికి బీజేపీ పట్ల అవగాహన కల్పించి ఓటు ఆవశ్యకతను తెలియజేసి యువతను ఓటర్లుగా నమోదు చేయిఁచాలన్నారు. ఈ కార్యక్రమంలో యువమోర్చ అధ్యక్షుడు మన్నెం మధుసూదనరావు, నగర ఉపాధ్యక్షులుగా గొల్లప్రోలు సుబ్బారావును నూతనంగా ప్రకటించారు. గుర్రం ప్రసాద్, జనార్ధన్, అన్నాబత్తిన శాంతమ్మ, శివ తదితరులు పాల్గొన్నారు.

Page 9 of 9

newsbottomad

ఎక్కువగా చదివిన వార్తలు

  • నెల్లూరు నగరాభివృద్ధికి... నాలుగు స్థంభాలు
    కన్నతల్లిని జన్మభూమిని ఎప్పుడూ మరచిపోకూడదని మన కేంద్రమంత్రి యం.వెంకయ్యనాయుడు ప్రతి సభలోనూ చెబుతుంటారు. మరి ఎంతమంది ఆ మాటను చెవికెక్కించుకుంటారన్నది వేరే విషయం. కాని ఆయన చెప్పే మాట ప్రతి ఒక్కరికీ వర్తిస్తుంది. కన్నతల్లిని జన్మభూమిని మరువవద్దని ఆయన చెబుతున్న మాటలను…
  • తీరంకు సిఇజడ్‌ హారం
    డాక్టర్‌ వై.యస్‌.రాజశేఖరరెడ్డి పాలనలో జిల్లాలో పారిశ్రామిక ప్రగతి పరుగులు పెట్టింది. కృష్ణపట్నం పోర్టు అత్యంత వేగంగా నిర్మాణం పూర్తి చేసు కుంది. వై.యస్‌. అనే నాయకుడు మర ణించకపోయి వుంటే కృష్ణపట్నం పోర్టు ఈరోజు దేశంలోనే ప్రముఖ పారిశ్రామిక హబ్‌గా అవతరించి…
  • ఆర్టీసీని... ఆధునీకరించడం కాదు... తరలించడమే ఉత్తమం
    నెల్లూరులోని ఆర్టీసీ బస్టాండ్‌కు నాలుగు దశాబ్దాల పైబడిన చరిత్ర ఉంది. అప్పట్లో ఈ బస్టాండ్‌ నగరానికి దూరంగా ఉన్న ట్లుండేది. ఈ నాలుగు దశాబ్దాల కాలంలో నగరం నలువైపులా విస్తరించింది. దీంతో ఆర్టీసీ బస్టాండ్‌ నగరానికి నడిబొడ్డులో వున్నట్లయ్యింది. కొన్నేళ్ల క్రితం…
  • నేలటూరువాసులకు సివిఆర్‌ జ్యోతులు
    ఈ నెల 20వ తేదీన కృష్ణపట్నం పోర్టు సివిఆర్‌ జ్యోతి పథకంలో భాగంగా ముత్తుకూరు మండలం నేలటూరులోని 150మంది మత్స్యకార కుటుంబాల వారికి ఉచితంగా గ్యాస్‌స్టౌలను అందించారు. కేంద్ర పర్యావరణ, అటవీశాఖ, వాతావరణ మార్పు శాఖ అధికారులు దీపక్‌ శ్యామ్యూల్‌, భూమత్‌…
  • నాయుడుపేట టు పూతలపట్టు... ఆరులైన్లకు ఆమోదం
    ఏపిలోనే అత్యంత రద్దీ ఉన్న రహదారులలో ప్రధానమైనది నాయుడు పేట - బెంగుళూరు రోడ్డు. ఏపి నుండి తమిళనాడు, కేరళ, కర్నాటక రాష్ట్రాలలోని పలు ప్రాంతాలను కలిపే ప్రధాన మార్గమిది. అంతేకాదు, ప్రముఖ ఆథ్యాత్మిక క్షేత్రాలన్నీ కొలువైన రహదారి. శ్రీకాళహస్తి, తిరుమల,…

Newsletter