నెల్లూరులో నేడు (123)

railway fly overఎట్టకేలకు నెల్లూరు నగరంలో రెండు రైల్వే ఓవర్‌ బ్రిడ్జిలు మంజూరయ్యాయి. ఒకటి కొండాయపాలెం రైల్వేగేటు మీదుగా, రెండోది బి.వి.నగర్‌ రైల్వేగేటు మీదుగా! 105కోట్లతో ఈ రెండు వంతెనలను కట్టనున్నారు. జిఎన్‌టి రోడ్డు నుండి రైల్వే ట్రాక్‌ మీదుగా మినీబైపాస్‌కు కలిసే విధంగా ఈ రెండు వంతెనలను నిర్మించబోతున్నారు. ఈమేరకు ఈ రెండు వీధులలో ఆక్రమణలను తొలగించనున్నారు.

ఈ రెండు ఫ్లైఓవర్‌లు పూర్తయితే కరెంట్‌ ఆఫీసు సెంటర్‌, బి.వి.నగర్‌, ఎన్‌జిఓ కాలనీ, కొండాయపాలెం వాసులకు రైల్వేగేట్ల కష్టాలు తగ్గుతాయి. అన్నింటికంటే ముఖ్యంగా వర్షాల సీజన్‌లో వాహనాల రాకపోకలకు ఈ ఫ్లైఓవర్‌ వంతెనలు బాగా ఉపయోగ పడతాయి. నగరంలో అయ్యప్పగుడి వద్ద తప్పితే ఒక్క రైల్వే ఓవర్‌ బ్రిడ్జి కూడా లేదు. నగరం మధ్యలో నుండి రైల్వేట్రాక్‌ పోతుంది. ఈ ట్రాక్‌కు తూర్పు, పడమరల వైపున నగరం విస్తరించి వుంది. ఈఈ రెండు ప్రాంతాలకు రాకపోకలకు నాలుగు అండర్‌ బ్రిడ్జిలు, రైల్వే గేట్లే ఆధారం. అయ్యప్పగుడి రైల్వే ఓవర్‌ వంతెన నగరానికి ఓ కొసన ఉండడంతో ఎవరికీ ఉపయోగపడదు. వర్షాకాలంలో నాలుగు అండర్‌ బ్రిడ్జిలలోనూ నీళ్లు చేరి వాహనాల రాకపోకలు బంద్‌ అవుతున్నాయి. కొండాయపాలెం, బి.వి.నగర్‌ ఫ్లైఓవర్‌లు పూర్తయితే వర్షాకాలంలో ట్రాఫిక్‌ సమస్యలు తగ్గుతాయి.

fruits marketఒకప్పుడు రాజీవ్‌మార్గ్‌గా, ఎన్డీఏ ప్రభుత్వం అధికారంలోకి వచ్చాక సర్దార్‌ వల్లభాయ్‌ పటేల్‌ రోడ్డుగా పేర్లు మార్చుకున్న నెల్లూరు లోని మినీబైపాస్‌ రోడ్డు అన్ని వ్యాపారాలకు ఒక మినీమార్కెట్‌గా మారుతోంది. నాలుగై దేళ్ల క్రితం దాకా ఈ రోడ్డు పక్కన పెద్దగా వ్యాపార సందడి ఉండేది కాదు. కాని ఇటీవలకాలంలో పేరుమోసిన బంగారు దుకాణాలు, గుడ్డల అంగళ్లు ఈ రోడ్డు పక్కనే వెలిశాయి. కల్యాణ మండపాలు నిర్మించ బడ్డాయి. ఇప్పుడు రోడ్డు వెంబడి చిరు వ్యాపా రాలు ఎక్కువవుతున్నాయి. కడియం వాళ్ళు మినీబైపాస్‌ను ఆనుకుని వున్న సర్వేపల్లి కాలువ కట్ట స్థలంలో నర్సరీలు పెట్టుకుని పూలమొక్కలు అమ్ముకుంటూ జీవనం సాగిస్తున్నారు. రోడ్డు పక్కనే ఫర్నీచర్స్‌, బొమ్మలు వంటివి అమ్ముతున్నారు. ఈ మధ్య మొబైల్‌ టిఫిన్‌ సెంటర్‌లు, మొబైల్‌ కొబ్బరి బోండాల దుకాణాలు ఎక్కువయ్యాయి. ఇక ఈ రోడ్డులో పెద్ద పండ్ల మార్కెట్టే నడుస్తోందని చెప్పవచ్చు. జ్యోతిరావ్‌ ఫూలే బొమ్మ నుండి బి.వి.నగర్‌ సెంటర్‌ దాకా రోడ్డు పక్కన మొబైల్‌ పండ్లషాపులు, కూరగాయల కొట్లు బ్రహ్మాండంగా వెలిశాయి. ఇక హోటళ్లు, గ్రానైట్‌ షాపులకు లెక్కేలేదు. మొత్తానికి మినీబైపాస్‌ పెద్ద మార్కెట్‌ సెంటరైపోయింది.

spజిల్లా ఎస్పీ వ్యవహారం ఇంతవరకు తేలలేదు. గత నెలలో నగరంలోని ఓ వర్గం వారితో వచ్చిన వివాదం మూలంగా ఎస్పీ గజరావు భూపాల్‌ విధులకు దూరంగా వుంటున్నారు. విశాఖలో జరిగిన అంతర్జాతీయ యుద్ధ నౌకల ప్రదర్శనకు వెళ్లొచ్చాక కూడా ఆయన విధుల్లో చేరలేదు. మొన్న ముఖ్యమంత్రి చంద్రబాబు పర్యటనప్పుడు కూడా ప్రకాశం జిల్లా ఎస్పీ శ్రీకాంత్‌ ఇక్కడ ఇన్‌ఛార్జ్‌ ఎస్పీగా వ్యవహరించారు. ఆరోజు మైనార్టీల వివాదం పరిష్కారానికి ఎస్పీని బదిలీ చేస్తామని జిల్లా తెలుగుదేశం నాయకులు హామీ ఇచ్చారు. అయితే ఒక వర్గం ప్రజల ఒత్తిడితో బదిలీ చేస్తే అది మొత్తం పోలీసు శాఖ మీదే ప్రభావం చూపుతుంది. పోలీసులలో ఆత్మస్థైర్యాన్ని దెబ్బతీస్తుంది. అందుకే నెల్లూరు ఎస్పీ ఒక్కడినే బదిలీ చేస్తే అది రాజకీయం అవుతుందని, ఒక వర్గం వారికి తలొంచి నట్లవుతుందని భావించిన ప్రభుత్వ పెద్దలు రాష్ట్ర వ్యాప్తంగా ఐపిఎస్‌ల బదిలీలు చేపట్టినప్పుడు నెల్లూరు ఎస్పీ బదిలీని కూడా అందులో కలిపేయాలనుకుంటున్నట్లు తెలుస్తోంది. ఎస్పీ గజరావ్‌ భూపాల్‌ కూడా ఇక్కడ వుండడం కంటే ఇక్కడ నుండి పోవడమే ఉత్తమమనుకుంటున్నట్లు సమాచారం.

aziz mayurనెల్లూరు నగరపాలక సంస్థలో 13వ ఆర్ధిక సంఘం విడుదల చేసిన 13.75కోట్ల రూపాయల పనులకు సంబంధించిన టెండర్లు రద్దు కావడం తెలిసిందే! ఈ పనులను దక్కించుకునేందుకు అజీజ్‌ వర్గం కార్పొరేటర్లు ఎన్నెన్నో ప్లాన్‌లు వేశారు. మీటింగ్‌లు పెట్టారు. కమిషన్‌లు పంచుకున్నారు. నోటి దాకా వచ్చిన కూడుపోయినట్లు ఆనం, అనిల్‌ వర్గీయులు వేసిన పోటీ టెండర్ల మూలంగా అజీజ్‌ వర్గీయుల కమిషన్‌లు పోయాయి. టెండర్లు తెరిస్తే తమకు ఒక్క పని కూడా దక్కదని తెలుసుకున్న అజీజ్‌ చివరకు ఆ టెండర్లనే రద్దు చేయించాడు. 13.75కోట్ల పనులను చిన్నచిన్న ప్యాకేజీలుగా విభజించి నామినేషన్‌ క్రింద తమ అనుచరులకు పనులివ్వాలనుకున్నారు. నిబంధనలకు విరుద్ధంగా నామినేషన్‌ మీద పనులు కేటాయిస్తే కోర్టుకు పోవడానికి మేయర్‌ వ్యతిరేక వర్గీయులు సిద్ధంగా వున్నామని హెచ్చరించారు. మార్చి నెలాఖరులోపు ఈ నిధులు ఖర్చు చూపించాలి. ఈ నిధులు ఖర్చు చేస్తేనే మరో 6.75కోట్లు 13వ ఆర్ధిక సంఘం నిధులు మంజూరవుతాయి. అయితే ఇప్పుడున్న పరిస్థితుల్లో టెండర్లకు పోతే మేయర్‌ వర్గీయులకు పనులు దక్కడం కష్టమే. ఈ నెల 29న ఈ 13.75కోట్ల పనులకు మరోసారి టెండర్లు పిలిచారు. ఇంతకుముందులాగా కమిషన్లు మాట్లాడుకుని టెండర్లు వేసే పరిస్థితి లేదు. ప్రతి పనికి పోటీ టెండర్లు పడడం ఖాయం. ఈ పద్ధతిలో కమిషన్ల కోసం ఆశపడ్డ కార్పొరేటర్ల ఆశలపై నీళ్ళు చల్లినట్లే!

అనుబంధ సంస్థల్ని కూడా కాపాడండి

పాతుకుపోయిన పాత కన్వీనర్ల కంపు వదిలించండి

సేవాభిలాష వున్న యువ మేధావులకు అవకాశం కల్పించండి

redcrossఎంతోకాలంగా రకరకాల ఆరోప ణలు, విమర్శల నేపథ్యంలో ఇండియన్‌ రెడ్‌క్రాస్‌ సొసైటీ-నెల్లూరు శాఖకు ఎట్టకేలకు సుప్రశాంత వాతావరణంలో ఇటీవల ఎన్నికలు జరిగాయి. ఈ ఎన్నికలు అప్రజాస్వామిక పద్ధతిలో నిర్వహించారని, మొత్తం ఓటర్లని ఓటింగ్‌లో పాల్గొననీయ కుండా జీవిత సభ్యత్వాన్ని రెన్యూవల్‌ చేసుకున్న వారికే ఓటుహక్కు వుంటుందని ఓ కిరికిరి పెట్టి పాత కమిటి వారు తమ తమ తెలివి తేటలన్నీ ఉపయోగించి మళ్ళీ వాళ్ళే కుర్చీలు ఎక్కేలా పథకం రచించా రన్న ఆరోపణలు ఉన్నప్పటికీ ఎంతో సంయమనంతో వ్యవహరించి ఇక్కడ ఎన్నికలు సజావుగా జరిగేందుకు కృషి చేసిన జిల్లా కలెక్టర్‌, అధికారయంత్రాంగం అభినందనీయులే. ఈ ఎన్నికల్లో గత పాలకవర్గమే మళ్ళీ విజయం సాధించడం విశేషం. గత. కొన్నేళ్ళుగా పాలనలో వున్న పాలకవర్గానికే ఓటర్లు మళ్ళీ పట్టం కట్టారు. దీంతో కొత్తగా ఎన్నికైన కార్యవర్గం రెడ్‌క్రాస్‌ బాధ్యతలను స్వీకరించింది. అయితే, ఇదే సందర్భంలో రెడ్‌క్రాస్‌ అను బంధ సంస్థల కన్వీనర్ల నియామకంలోనూ జిల్లా ఉన్నతాధికారులు తగు చొరవ తీసుకోవాల్సి వుంది. పాతవారి గుత్తాధి పత్యం నుంచి వీటిని కాపాడాల్సివుంది. రెడ్‌క్రాస్‌ అనుబంధ సంస్థల్లో బ్లడ్‌బ్యాంక్‌, క్యాన్సర్‌ ఆసుపత్రి, స్పాస్టిక్‌ సెంటర్‌, జనరిక్‌ మందుల షాపు, కుక్కకాటు చికిత్సకై ఏర్పాటుచేసిన విభాగం, హెచ్‌ఐవి క్లినిక్‌, ప్రకృతి వైపరీత్యాల విభాగం, పినాకినీ గాంధీ ఆశ్రమం వంటి ప్రతిష్టాత్మక విభా గాలు వున్నాయి. ప్రజలకు అనునిత్యం సేవచేసే ఈ శాఖలు రెడ్‌క్రాస్‌ అనుబంధ విభాగాలుగా వుండడంతో వీటికి ఎంతో ప్రాధాన్యత వుంది. ముఖ్యంగా, సేవా భావమే ప్రధానంగా వున్నవారు, ప్రజాసేవ పట్ల ఎంతో ఆసక్తి వున్నవారు ఈ అనుబంధ సంస్థల్లో వుంటే వారి నిష్కళంక సేవతో ఈ విభాగాలు మరింతగా రాణి స్తాయి. అయితే, ఈ ప్రతిష్టాత్మక అనుబంధ సంస్థల్లో ఎంతో కాలంగా కొంతమంది వ్యక్తులే ఏళ్ళ తరబడి తిష్టవేసుకుని కూర్చొని కర్ర పెత్తనం చెలాయిస్తున్నారనే విమర్శలు సర్వత్రా వెల్లువెత్తుతున్నాయి. ఎంతోకాలం నుంచి తామే ఈ సంస్థలను ఉద్ధరిస్తున్నామన్నట్లు కేవలం గొప్పలు చెప్పుకుని కాలం గడిపేసుకునేవారి కంటే, ఆచరణలో అనునిత్యం సేవాభావంతో సేవచేసే వారికే ఇలాంటి సంస్థల కన్వీ నర్లుగా అవకాశం ఇవ్వడం సముచితం. అందులోనూ రెడ్‌క్రాస్‌ వంటి సమాజ సేవా సంస్థల్లో సమాజం పట్ల బాధ్యత, సమాజ సేవ పట్ల ఆసక్తి, ఉన్నతాశయాలు కలిగినవారు వుంటే, అకుంఠిత దీక్షతో అంకితభావంతో పనిచేసేవారుంటే ఆయా సంస్థలకు కొత్త వెలుగులు వస్తాయన్న విషయం అందరికీ తెలిసిందే. అలా కాక, ఎంతోకాలంగా పాతుకుపోయిన వారినే పట్టుకుని వేలాడినందువల్ల కొత్తగా ఒరిగే ప్రయోజనమేమీ వుండదనేది ప్రత్యేకిం చాల్సిన అవసరం లేదు. ఎందుకంటే, ప్రపంచవ్యాప్తంగా ఆధునిక సాంకేతిక, శాస్త్ర పరిజ్ఞానం శరవేగంగా విస్తరిస్తున్న నేటి రోజుల్లో, ముఖ్యంగా వైద్యరంగంలో, సమాజ సేవా రంగంలో అత్యంత ఆధు నిక పద్ధతులు కొల్లలుగా అందుబాటులోకి వచ్చిన నేటికాలంలో..ఇంకా పాతకాలపు పద్ధతులతోనే సంస్థలను నడుపుకోవడం కంటే..ఆధునిక పరిజ్ఞానం, సమాజ సేవాభిలాష, ఉన్నతమైన చదువులు.. మంచి జ్ఞాన పరిణితి కలిగిన యువతకు ప్రాధాన్యత ఇవ్వడం వల్ల ఇలాంటి ప్రతి ష్టాత్మక సేవాసంస్థలు మరింతగా పురోగ మించేందుకు, తద్వారా ప్రజలకు మరింతగా సేవలు చేసేందుకు దోహదం చేసినట్లవుతుంది. ఈ కొత్త యేడాదిలో స్వార్ధపూరితమైన పాత కన్వీనర్ల కంపు వదిలించి జిల్లా ఉన్నతాధికారులు ఈ అనుబంధ సంస్థల్లో సమాజసేవాభిలాషతో వున్న యువతకు మంచి ప్రాతినిథ్యం ఇచ్చేందుకు కృషి చేస్తారని ఆశిద్దాం!...

anam jayaఎట్టి పరిస్థితులలోనూ తాను తెలుగుదేశంపార్టీని విడిచే ప్రసక్తేలేదని ఆ పార్టీ నాయకులు ఆనం జయకుమార్‌రెడ్డి పేర్కొన్నారు. 22.01.2016 'లాయర్‌' సంచికలో 'జూనియర్స్‌ ఎటు వైపో' అన్న వార్తకు ఆయన స్పందించారు. తన సోదరుడు ఆనం విజయ కుమార్‌రెడ్డితో కలిసి తాను వైకాపాలో చేరాలని ప్రయత్నిస్తున్నట్లు వస్తున్న వార్తలను ఖండించారు. తెలుగుదేశంపార్టీలోకి ఎవరెవరో వస్తుంటారని, వాళ్లెవరో వచ్చారని తాను పార్టీని మార్చాల్సిన పనిలేదని, చంద్రబాబు నాయకత్వంలో పని చేస్తూ ఏ బాధ్యత అప్పగించినా నిర్వర్తించడానికి సిద్ధంగా వున్నానన్నారు.

pvrనెల్లూరు, మినీబైపాస్‌రోడ్డులో అన్నమయ్య సర్కిల్‌ వద్ద సువిశాల స్థలంలో ప్రముఖ వ్యాపారవేత్త పులిమి వెంకటరెడ్డి సారధ్యంలో నిర్మించిన పివిఆర్‌ కల్యాణ మండపంలో 20వ తేదీ తొలి కల్యాణోత్సవాన్ని దేవదేవుడు శ్రీ వెంకటేశ్వరస్వామికే నిర్వహించారు. బుధవారం రాత్రి కనుల పండువగా శ్రీదేవి, భూదేవి సమేత శ్రీనివాసునికి వేద పండితులు కల్యాణోత్సవాన్ని, పుష్పాభిషేకాన్ని నిర్వహించారు. అత్యంత అధునాతనంగా, అన్ని వర్గాల ప్రజలకు అందుబాటులో ఉండే విధంగా నిర్మించిన ఈ కల్యాణ మండపాన్ని శ్రీనివాసుడి కల్యాణంతో ప్రారంభించడం శుభసూచకం. ఈ కల్యాణోత్సవాన్ని వీక్షించేందుకు నగర ప్రముఖులు, పులిమి వెంకటరెడ్డి బంధుమిత్రులు పెద్దఎత్తునే విచ్చేసారు. ఓ పక్క కల్యాణోత్సవంలో పండితుల వేదమంత్రాలు, మరోపక్క ప్రముఖ గాయని శ్రీమతి జె.బాలార్క బృందం ఆలపిం చిన అన్నమయ్య కీర్తనలు అతిథులను ఆనంద పరవశులను చేశాయి. అతిథులందరికీ ప్రసాదాలందించి పులిమి వెంకటరెడ్డి స్వామివారి ఆశీస్సులతో పాటు అతిథుల అభినందనలందుకున్నారు.

led bulbఎల్‌ఇడి బల్బులను వినియోగించు కోవడం ద్వారా వినియోగదారులు విద్యుత్‌ను బాగా ఆదా చేసుకోవచ్చు. అందువల్ల ప్రజల్లో వీటి వాడకానికి విస్తృత ప్రచారం కల్పించేందుకు విద్యుత్‌శాఖ ముమ్మర కృషి చేస్తోంది. విలువైన రెండు ఎల్‌ఇడి బల్బులను తక్కువ ధరకే ఇచ్చి తద్వారా విద్యుత్‌ పొదుపుకు మార్గం చూపుతూ వినియోగదారునికి మంచి సేవ లందిస్తోంది. ఇందులో భాగంగా సోమ వారం నెల్లూరు రామ్మూర్తినగర్‌లో వున్న విద్యుత్‌ సబ్‌స్టేషన్‌కు విచ్చేసిన ట్రాన్స్‌కో సి.ఇ నందకుమార్‌ వాటి వినియోగం గురించి అధికారులకు తెలియజేశారు. ఎపిఎస్‌సిడిసిఎల్‌, డిఇఎల్‌పి, ఇఇఎస్‌ఎల్‌ శాఖల ద్వారా కేవలం ఇంటి సర్వీసులకు మాత్రమే రాయితీతో ఈ ఎల్‌ఇడి బల్బులు ఇస్తారన్నారు. ఇళ్ళ విద్యుత్‌ వినియోగంలో నాణ్యత పాటించి పొదుపు చర్యలు తీసు కునేందుకే ప్రతి ఇంటికీ రెండు ఎల్‌ఇడి బల్బులను రాయితీతో కేవలం ఇరవై రూపాయలకే అందిస్తున్నామన్నారు. ఈ బల్బులకు మూడేళ్ళ వారెంటీ ఇస్తామని, ఈ బల్బులతో అధిక ఆదా వుంటుందని, విద్యుత్‌బిల్లు గణనీయంగా తగ్గిపోతుందని అన్నారు. 9 మెగావాట్ల ఎల్‌ఇడి బల్బు 60 వాట్ల సాధారణ బల్బుతో సమానమని, వినియోగదారులు ఇటీవల కరెంట్‌బిల్లు చెల్లించిన రశీదు, ఆధార్‌కార్డుతో సమీప ప్రాంతంలోని సెక్షన్‌ కౌంటర్‌లో ఒక బల్బుకు పది రూపాయల వంతున చెల్లించి పొందవచ్చని, అయితే వీటిని ఎట్టి పరిస్థితు ల్లోనూ తిరిగి విక్రయించుకోరాదని ఆయన స్పష్టం చేశారు. ఈ బల్బ్‌ల వల్ల ఏడాదికి 500 నుంచి 700రూపాయల దాకా ఆదాయం పొందే అవకాశం వుందని తెలి పారు. 800 రూపాయల విలువైన బల్బు లను కేవలం 20 రూపాయలకే అంది స్తున్నామన్నారు. నెల్లూరు నగరంలోని 10 సబ్‌స్టేషన్లలో ప్రతి ఇంటి వినియోగదారు నికీ ఈ బల్బులు అందుబాటులో వుంటా యని, ప్రతి వినియోగదారుడు వీటిని వినియోగించుకుని విద్యుత్తును ఆదా చేయాలని ఆయన కోరారు. నెల్లూరు నగరంలోని పొదలకూరురోడ్డు మిలీనియం సబ్‌స్టేషన్‌లో ఎల్‌ఇడి బల్బుల పంపిణీ కేంద్రాలను ఆయన ప్రారంభించారు. ఈ కార్యక్రమంలో విద్యుత్‌శాఖ ఎస్‌ఇ నాగ శయనరావు, టెక్నికల్‌ డి.ఇ వెంకటేశ్వర రావు, అధికారులు సంజయ్‌కుమార్‌, అశోక్‌ తదితరులు పాల్గొన్నారు. ఈ సౌకర్యాన్ని వినియోగదారులందరూ సత్వరం వినియోగించుకుని విద్యుత్‌ ఆదా చేయడం ఎంతైనా మంచిదే!..

hazarathకళలకు, కళాకారులకు, కళాసంస్థలకు తనవంతు సహాయసహకారాలు అందిస్తూ అన్నదాత హజరత్‌బాబుగా పేరు సంపాదించుకున్న వినయశీలి, మితభాషి, దానకర్ణుడు మురళీకృష్ణ 70 హోటల్స్‌ మేనేజింగ్‌ డైరెక్టర్‌ వీరిశెట్టి హజరత్‌బాబుకు సంస్కృతి తరంగాలు ఛారిటబుల్‌ ట్రస్ట్‌ ఆధ్వర్యంలో ట్రస్టు వ్యవస్థాపకులు రేణిగుంట రాజశేఖర్‌, ముఖ్యఅతిథిగా పాల్గొన్న మాజీఎమ్మెల్యే కంభం విజయరామిరెడ్డి 'కళాతపస్వీ' బిరుదును ప్రదానం చేసి గజమాల, పూలకిరీటం, శాలువ, సన్మాన పత్రంతో ఘనంగా సన్మానించారు. మంగళవారం నెల్లూరు టౌన్‌హాల్లో ఆంధ్రప్రదేశ్‌ రాష్ట్ర సాంస్కృతిక సభ సహకారంతో నూతన సంవత్సరానికి ఆహ్వానం పలుకుతూ సరదా సంగీత, నృత్య పోటీలు ఉదయం నుండి సాయంత్రం వరకు జరిగాయి. ఎన్నో ఏళ్లుగా నెల్లూరులో కళలను ప్రోత్సహిస్తూ కళాకారులను ఉత్సాహపరుస్తున్న హజరత్‌బాబును సత్కరించారు. అనంతరం ట్రస్ట్‌ తరఫున కంభం విజయరామిరెడ్డిని రేణిగుంట రాజశేఖర్‌ రోజామాల, శాలువాతో సత్కరించారు. ఈ సందర్భంగా నాట్య మయూరి బేబి సుమేధ ప్రత్యేకంగా ప్రదర్శించిన శాస్త్రీయ నృత్యం సభికులను విశేషంగా ఆకట్టు కుంది. ఈ కార్యక్రమంలో నగర ప్రముఖులు నలుబోలు బలరామయ్యనాయుడు, బి.వి.నరశింహం, వల్లకవి వెంకటసుబ్బారావు, శింగంశెట్టి మురళీమోహన్‌రావు, టివి ఆర్టిస్టు సూర్య తదితరులు పాల్గొన్నారు. వ్యాఖ్యాతగా దగ్గుపాటి రాధాకృష్ణ వ్యవహరించారు. సుధాకర్‌రెడ్డి రచనా దర్శకత్వంలో శృతి కళానికేతన్‌ నెల్లూరు వారిచే ప్రదర్శించిన 'మా'నవధర్మం సాంఘిక నాటిక ప్రదర్శన ప్రతి ఒక్కరినీ ఆలోచింపజేసింది. నటీనటులు వారి వారి పాత్రలకు న్యాయం చేశారు. అనంతరం శాస్త్రీయ సంగీతం, శాస్త్రీయ నృత్యం, జానపద నృత్యంలో గెలుపొందిన వారికి శాలువాలతో, మెమొంటోలు బహూక రించారు. ఈ పోటీలకు న్యాయ నిర్ణేతలుగా శాస్త్రీయ నృత్యంకు బాడిగ అనిల్‌కృష్ణ (అవనిగడ్డ), భాగవతుల వెంకటరామశర్మ (విజయవాడ), శాస్త్రీయ సంగీతంకు బ్రహ్మానందం (విజయవాడ) వ్యవహరించారు. ఆంధ్రా, తెలంగాణ రాష్ట్రాల నుండి దాదాపు 85 బృందాలు ఈ పోటీల్లో పాల్గొన్నాయి. ఈ కార్యక్రమాలను ట్రస్ట్‌ వ్యవస్థాపకులు రేణిగుంట రాజశేఖర్‌ పర్యవేక్షించారు.

kartheekamమహాశివునికి అత్యంత ప్రీతికరమైన కార్తీకమాసం సందర్భంగా నెల్లూరు జిల్లా లోని అన్ని శైవక్షేత్రాల్లో ఆథ్యాత్మిక శోభ వెల్లివిరుస్తోంది. సైదాపురం మండలం కలిచేడుకు సమీపంలోని సిద్దలయ్యకోన, కొడవలూరు మండలం గండవరంలోని శివాలయం, విడవలూరు మండలంలోని రామతీర్థం గ్రామంలో వెలసియున్న శైవక్షేత్రం, సీతారామపురం మండలం సమీపంలోని భైరవకోన, సోమశిల మల్లీశ్వరస్వామి దేవస్థానం కార్తీకశోభతో శోభిల్లుతున్నాయి. జిల్లా నలుమూలల నుంచే కాకుండా పొరుగు జిల్లాల నుంచి వేలాది మంది భక్తులు ఈ దేవాలయాలను దర్శించుకుంటున్నారు.

కార్తీక దీపాల వెలుగులు

కార్తీకమాసం తొలి సోమవారం శైవ క్షేత్రాలన్నీ భక్తులతో కిటకిటలాడాయి. ఆల యాల్లో కార్తీక దీపాలను శోభాయమా నంగా భక్తులు వెలిగించారు. కార్తీకదీపాల కాంతులతో జిల్లాలోని శివాలయాలు ప్రత్యేకశోభను సంతరించుకున్నాయి. తొలి కార్తీక సోమవారాన్ని పురస్కరించుకుని భక్తులు పరమేశ్వరునికి అత్యంత ప్రీతి పాత్రమైన కార్తీకదీపాలను శివాలయంలో భక్తి శ్రద్ధలతో వెలిగించి కార్తీకమాస వ్రతా లను నిర్వహించారు. ఉదయం నుంచి ఎడతెరిపిలేని వర్షం కురుస్తున్నా భక్తులు పరమేశ్వరుని దర్శనానికి శివాలయాల్లో బారులు తీరారు. ప్రత్యేకపుష్పాలంకర ణలు, విద్యుద్దీప కాంతులతో భక్తులతో సందడి వాతావరణం నెలకొంది. నెల్లూరు మూలాపేటలోని శ్రీ భువనేశ్వరి సమేత మూలస్థానేశ్వరస్వామి దేవస్థానంలో స్వామి వారికి భక్తులు పాలాభిషేకాలు, రుద్రహోమాలు, మహన్యాసపూర్వక ఏకా దశ రుద్రాభిషేకాలు నిర్వహించారు. దర్గా మిట్టలోని శ్రీ రాజరాజేశ్వరి అమ్మవారి దేవస్థానం ప్రాంగణంలో వున్న సుంద రేశ్వరస్వామి ఆలయంలో మహిళాభక్తులు విశేషంగా పాల్గొని కార్తీక దీపాలను వెలి గించి నోములు నోచుకున్నారు. నెల్లూరు నగరంలోని పలు శివాలయాల్లో భక్తులు విశేషంగా పాల్గొని కార్తీక సోమవారాన్ని పురస్కరించుకుని పరమేశ్వరునికి ప్రత్యేక అభిషేకాలు, పూజలు నిర్వహించారు.

నెల్లూరుజిల్లాలోని అన్ని శైవక్షేత్రాల దర్శనార్థం జిల్లా ప్రజలకు పర్యాటక శాఖ ఆధ్వర్యంలో షటిల్‌ బస్సులను నడిపించా లని ప్రజలు కోరుతున్నారు. ప్రముఖ శైవక్షేత్రాలను జిల్లా ప్రజలకే కాకుండా రాష్ట్రం నలుమూలల నుండి వచ్చే పర్యాటకులకు ఇది ఎంతో ఉపయోగంగా ఉంటుంది. జిల్లాలో వుండే శైవక్షేత్రాలను దర్శించుకునే భాగ్యాన్ని పర్యాటకశాఖ వీలైనంత త్వరగా కల్పిస్తుందని ఆశిద్దాం.

Page 4 of 9

newsbottomad

ఎక్కువగా చదివిన వార్తలు

  • నెల్లూరు నగరాభివృద్ధికి... నాలుగు స్థంభాలు
    కన్నతల్లిని జన్మభూమిని ఎప్పుడూ మరచిపోకూడదని మన కేంద్రమంత్రి యం.వెంకయ్యనాయుడు ప్రతి సభలోనూ చెబుతుంటారు. మరి ఎంతమంది ఆ మాటను చెవికెక్కించుకుంటారన్నది వేరే విషయం. కాని ఆయన చెప్పే మాట ప్రతి ఒక్కరికీ వర్తిస్తుంది. కన్నతల్లిని జన్మభూమిని మరువవద్దని ఆయన చెబుతున్న మాటలను…
  • తీరంకు సిఇజడ్‌ హారం
    డాక్టర్‌ వై.యస్‌.రాజశేఖరరెడ్డి పాలనలో జిల్లాలో పారిశ్రామిక ప్రగతి పరుగులు పెట్టింది. కృష్ణపట్నం పోర్టు అత్యంత వేగంగా నిర్మాణం పూర్తి చేసు కుంది. వై.యస్‌. అనే నాయకుడు మర ణించకపోయి వుంటే కృష్ణపట్నం పోర్టు ఈరోజు దేశంలోనే ప్రముఖ పారిశ్రామిక హబ్‌గా అవతరించి…
  • నాయుడుపేట టు పూతలపట్టు... ఆరులైన్లకు ఆమోదం
    ఏపిలోనే అత్యంత రద్దీ ఉన్న రహదారులలో ప్రధానమైనది నాయుడు పేట - బెంగుళూరు రోడ్డు. ఏపి నుండి తమిళనాడు, కేరళ, కర్నాటక రాష్ట్రాలలోని పలు ప్రాంతాలను కలిపే ప్రధాన మార్గమిది. అంతేకాదు, ప్రముఖ ఆథ్యాత్మిక క్షేత్రాలన్నీ కొలువైన రహదారి. శ్రీకాళహస్తి, తిరుమల,…
  • ఆర్టీసీని... ఆధునీకరించడం కాదు... తరలించడమే ఉత్తమం
    నెల్లూరులోని ఆర్టీసీ బస్టాండ్‌కు నాలుగు దశాబ్దాల పైబడిన చరిత్ర ఉంది. అప్పట్లో ఈ బస్టాండ్‌ నగరానికి దూరంగా ఉన్న ట్లుండేది. ఈ నాలుగు దశాబ్దాల కాలంలో నగరం నలువైపులా విస్తరించింది. దీంతో ఆర్టీసీ బస్టాండ్‌ నగరానికి నడిబొడ్డులో వున్నట్లయ్యింది. కొన్నేళ్ల క్రితం…
  • మూడేళ్ళు.... జిల్లాలో కనిపించని అభివృద్ధి ఆనవాళ్ళు!
    కలెక్షన్‌లలో వరల్డ్‌ రికార్డ్‌ సృష్టించిన 'బాహుబలి' చిత్రాన్ని చూసిన తర్వాత అదే హీరో ప్రభాస్‌ నటించిన 'బుజ్జిగాడు' సినిమాను చూస్తే ఎంత చెత్త ఫీలింగ్‌ కలుగుతుందో, 2004 నుండి 2009 వరకు బాహుబలి లాంటి వై.యస్‌. పరిపాలన చూసిన రాష్ట్ర ప్రజలకు…

Newsletter