మాగురించి (4)

Tuesday, 04 March 2014 07:17

అక్షరాభిషేకం

Written by

దినపత్రికలు సైతం సాహసించలేని సాహితీ యజ్ఞానికి ప్రత్యేక సంచిక రూపంలో శ్రీకారం చుట్టింది మా(మీ) లాయర్. లాయర్ చేపట్టిన ఈ సరిక్రొత్త ప్రక్రియలో భాగంగా జిల్లా అథ్యాత్మిక రంగానికి పెద్దపీట వేసిన ఆలయాల సంచిక, జిల్లా విద్యారంగపు గుబాళింపులను పరిమళింపజేస్తున్న విద్యావేత్తల కృషి దీపికగా వెలువడిన ప్రత్యేక జ్ఞాపిక, మొలగొలుకులు పండించే జిల్లా మొనగాళ్ళకు జన్మనిచ్చిన ఖిల్లా అంటూ నెల్లూరు వరిపై వెలువరించిన సమాచారవేదిక, జిల్లా ప్రజల ఆరోగ్యాన్ని సంరక్షిస్తున్న వైద్యదేవుళ్ళకు అంకితమైన వైద్యాలయాల ప్రత్యేక సంచిక... ఇవన్నీ వారంవారం వెలువడే లాయర్ కు తోడుగా మాసం మాసం వచ్చిన అభివృద్ధి సూచికలుగా నెల్లూరీయుల హృదయాలలో చిరస్థాయిగా నిలిచిపోయాయి.

ప్రజాసేవాపథంలో పునీతులైన మహోన్నత వ్యక్తులపై విశిష్ఠ సంచికలను వెలువరించిన ఘనత లాయర్ ది. బ్రతుకంతా బృందావనమేనంటూ డాక్టర్ బెజవాడ గోపాలరెడ్డి గారి సాహితీ రసజ్ఞతను తొలిసారిగా తేటతెల్లం చేసింది లాయర్ మాత్రమే. బెజవాడ రామచంద్రారెడ్డి, నల్లపురెడ్డి శ్రీనివాసులరెడ్డి, మాగుంట సుబ్బరామరెడ్డి, జి.వి.కె.రెడ్డి వంటి మహామహుల వదాన్యతకు నిలువెత్తు దర్పణంగా వెలువడిన లాయర్ సంచికలు ఉత్తమోత్తమ జర్నలిజానికి సూచికలు.

Tuesday, 04 March 2014 07:15

తుంగా అవార్డు

Written by

జిల్లాలోనే పత్రికారంగంలో ప్రతిష్టాత్మక అవార్డుగా లాయర్ అవార్డును 1982 నుండీ ప్రవేశపెట్టడం జరిగింది. 1995లో లాయర్ వ్యవస్థాపకులు తుంగా రాజగోపాలరెడ్డి గారు దివంగతులైన అనంతరం ఈ అవార్డును 1996 నుండి తుంగా రాజగోపాలరెడ్డి అవార్డుగా బహూకరించడం ఆనవాయితీగా మారింది.

ప్రతియేటా జరిగే లాయర్ పుట్టినరోజు పండుగలో జర్నలిస్టులకు, రచయితలకు, కళాకారులకు, రాజకీయవేత్తలకు గౌరవపురస్కార సత్కారాలు జరుగుతున్నాయి. కీర్తిశేషులు తుంగా రాజగోపాలరెడ్డి గారికి ప్రవేశమున్న ఈ మూడు రంగాలలో నిష్ణాతులను ఒక్కొక్కరిని ఎంపిక చేసి వార్షికోత్సవ వేదికపై వారికి సముచిత స్థానం ఇవ్వడం జరుగుతున్నది.

ఇప్పటివరకూ ఈ ప్రతిష్టాత్మక అవార్డులను, పురస్కారాలను అందుకున్న ప్రముఖులలో సాహిత్య, జర్నలిజం రంగాల నుండి ప్రముఖ సినీరచయిత గొల్లపూడి మారుతీరావు, డాక్టర్ సి.నారాయణరెడ్డి, సూర్యదేవర రామమోహన్ రావు, ఎ.బి.కె.ప్రసాద్, వి.రవిప్రకాష్, వెన్నెలకంటి రాజేశ్వరప్రసాద్, వి.శైలకుమార్, గుమ్మడి శ్రీనివాసులరెడ్డి, తుర్లపాటి కుటుంబరావు, తదితరులు వుండగా, కళారంగం నుండి యస్.పి.బాలసుబ్రహ్మణ్యం, నటశేఖర కృష్ణ, మురళీమోహన్, యం.యస్.నారాయణ, జె.వి.రమణమూర్తి వంటి కళాదిగ్గజాలు లాయర్ సత్కారాన్ని స్వీకరించారు. రాజకీయ రంగం నుండి కళాదిగ్గజాలు లాయర్ సత్కారాన్ని స్వీకరించారు. రాజకీయ రంగం నుండి డాక్టర్ బెజవాడ గోపాలరెడ్డి, డాక్టర్ వై.యస్.రాజశేఖరరెడ్డి, ముప్పవరపు వెంకయ్యనాయుడు, తిక్కవరపు సుబ్బరామిరెడ్డి, జె.కె.రెడ్డి, ఆనం రామనారాయణరెడ్డి, మాగుంట పార్వతమ్మ, మాగుంట శ్రీనివాసులురెడ్డి, డి.యల్.రవీంద్రరెడ్డి, ఆదాల ప్రభాకర్ రెడ్డి వంటి రాజకీయ ఉద్ధండులున్నారు.

Tuesday, 04 March 2014 07:11

వేడుకలు

Written by

పాఠకదేవ్వుళ్ళ పండుగ

పత్రికకు పాఠకులే దేవుళ్ళు. పాఠకుల ఆదరణ, ఆశీస్సులే కొండంత అండ. అందుకే లాయర్ నిర్వహించే ప్రతి వేడుక ఓ పండుగే. పాఠకదేవుళ్ళను ఆరాధించే పవిత్రమైన పండుగ.

కీర్తిశేషులు తుంగా రాజగోపాలరెడ్డి గారి జన్మదినమైన నవంబర్ 8వ తేదీన 1996లో తొలిసారిగా నిర్వహించిన తుంగా పండుగ మొదలు 1997లో స్థానిక పత్రికా ప్రపంచంలోనే ఓ సంచలనంగా జరుపబడిన పాఠకుల పండుగ, నభూతో నభవిష్యతి అన్న రీతిలో జరిగిన నవ్వుల పండుగ, పాత క్రొత్త పాటల మేలికలయికతో అలరించిన పాటల పండుగ, సాక్షూత్తూ నాటి రాష్ర్ట ముఖ్యమంత్రి డాక్టర్ వై.యస్.రాజశేఖరరెడ్డి గారే స్వయంగా అరుదెంచి అభినందించి, ఆశీర్వదించిన రజతోత్సవ పండుగ, సరిగమప అంటూ చిట్టి చిన్నారులు తమ గాన మాధుర్యంతో పరవశింపజేసిన సంగీత పండుగ... ఈ పండుగలన్నీ పాఠక మహాశయులను దైవాలకు ప్రతిరూపాలుగా భావించి లాయర్ వారికి అంకితమిచ్చిన ఆనంద సంబరాలే.

లాయర్ పత్రికను అత్యంత అందంగా రూపొందించి అపురూపంగా పాఠకులకు అందించే లాయర్ సిబ్బందికి వస్ర్తాలను బహూకరించడం ఈ పండుగలో ఓ సత్సంప్రదాయం. ఆర్థిక ఇబ్బందుల్లో వున్న ఓ జర్నలిస్టు కుటుంబానికి ఆర్థిక సహాయం అందించడం ప్రతి వార్షికోత్సవ పండుగలో ఓ ప్రత్యేకం. 

 

చిరస్మరణీయం రజతోత్సవం

 

పాతికేళ్ళ నిర్విరామ ప్రయాణం, మూడువందల నెలల నిరంతరశ్రమ, పదమూడు వందల వారాల నిస్వార్థకృషికి తార్కాణంగా హృదయోల్లాస ఆనంద సంరంభంగా జరిగింది లాయర్ రజతోత్సవం. ఈ యుగానికే గొప్ప వ్యక్తిగా యావత్ ప్రపంచం కీర్తింపబడిన ఆరణాల అచ్చ తెలుగు బిడ్డ ఆంధ్రరాష్ర్ట ముఖ్యమంత్రి, జనహృదయవిజేత డాక్టర్ వై.యస్. రాజశేఖరరెడ్డి గారు ముఖ్యఅతిథిగా ఈ వేడుక జరిగింది.

 

లాయర్ తో ఆయనకున్న అనుబంధం, లాయర్ ఆయనకిచ్చిన సలహాలను, పాటించిన సందర్భాల మాటలు ఆయన నోట ముత్యాలలా జారుతుంటే లాయర్ ఆత్మీయుల హృదయం పులకించిపోయింది. ఆంధ్ర సాహితీ ప్రపంచంలోనే ఓ చిన్న పత్రిక చేసిన అతిపెద్ద సాహసంగా చరిత్రకెక్కిన లాయర్ రజతోత్సవ ప్రత్యేక సంచిక వారి అమృతహస్తాలతో ఆవిష్కరించబడి, లాయర్ ని ప్రముఖ వారపత్రికల స్థాయిలో అగ్రగామిగా నిలిపింది. తనకంటూ ఓ సొంత గూటిని ఏర్పాటు చేసుకున్న లాయర్ కార్యాలయాన్ని వై.యస్ సువర్ణహస్తాలతో ప్రారంభిస్తున్నప్పుడు ప్రతి లాయర్ శ్రేయోభిలాషుల గుండె ఉప్పొంగి పోయింది. లాయర్ చరిత్రలో ఇది ఓ మరపురాని మరువలేని రోజు. లాయర్ ప్రస్థానంలో ఇది ఓ చిరస్మరణీయమైన ఘట్టం.

 

Tuesday, 04 March 2014 07:05

కలలను పండించే కలం

Written by

నీతి, నిజాయితీ, నిబద్ధతలే కొలమానాలుగా, ఓ చారిత్రాత్మక సంస్థని, సంస్థ ఆస్తులని కాపాడడానికి చైతన్యస్ఫూర్తితో 1981 జూన్ 5న ప్రారంభించబడింది మా(మీ) లాయర్ వారపత్రిక.

నిజాన్ని నిర్భయంగా చెప్పే పత్రికగా, నెల్లూరీయుల మనసెరిగిన సేవాదీపికగా, వాస్తవాలను జంకూబొంకూ లేకుండా వెలుగులోకి తెచ్చే సత్యవేదికగా, సమాజశ్రేయస్సు కోసం ఆవిర్భవించిన వార్తా వీచికగా ప్రతి నెల్లూరీయుడూ గుండెల్లో దాచుకునే ప్రియపుత్రికగా లాయర్ ను తీర్చిదిద్దారు వ్యవస్థాపకులు తుంగా రాజగోపాలరెడ్డి గారు.

ఈ సమాజం మనకేం ఇచ్చింది అని అనుకోవడం కన్నా ఈ సమాజానికి మనమేం చేశాం అన్న ఆలోచన రాజగోపాలరెడ్డి గారిలో ఒక ఆశయానికి నాంది పలికింది. రాజకీయ, సాంఘిక, సాహిత్య, ఆర్థిక, సామాజిక సమస్యల పరిష్కారం కోసం అన్ని వర్గాల అభిప్రాయాలను, అభిరుచులను, ఆకాంక్షలను ప్రజల ముందుంచి వారి కలలను పండించే కలంగా లాయరం అవతరించింది.

ఎందరో మహనీయులు, మహాత్ములు, మహానుభావులు అందించిన ఆశీస్సులను, ప్రశంసలనూ మూటకట్టుకుంటూ 2006 జూన్ లో సాక్షాత్తూ ఆనాటి ముఖ్యమంత్రివర్యులు డాక్టర్ వై.యస్.రాజశేఖరరెడ్డి గారి సమక్షంలో రజతోత్సవ సంబరాలను కమనీయంగా జరుపుకుంది. ఆయన సువర్ణహస్తాలతో తనకంటూ ఓ సొంత కార్యాలయాన్ని ప్రారంభించుకోగలిగింది. ఆయన నోట ప్రశంసల వర్షాన్ని తన సొంతం చేసుకోగలిగింది మా(మీ) లాయర్.

ఒక సత్సంకల్పంతో, సదాశయంతో, సద్భావనతో ఆయన అందించిన స్ఫూర్తికి కీర్తిని జోడించుకుంటూ, ఆయన వెలిగించిన జ్యోతితో వెలుగులు విరజిమ్ముకుంటూ ఆయన పాటించిన నైతిక విలువలను, ఆచరించిన ఉన్నత ప్రమాణాలను కాపాడుకుంటూ ముందుకు సాగుతోంది మా(మీ) లాయర్.

newsbottomad

ఎక్కువగా చదివిన వార్తలు

  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…
  • నంద్యాల ఎన్నికలో... పెట్టుబడిదారులూ నెల్లూరోళ్ళే!
    నంద్యాల ఎన్నికల ప్రచారంలో నెల్లూరు జిల్లాకు చెందిన ఇరు పార్టీల నాయకులు హల్‌చల్‌ చేస్తున్నారు. తామే పోటీ చేసినంత కసిగా పని చేస్తున్నారు. అయితే నంద్యాల ఎన్నికలకు ప్రచారకర్తలే కాదు పెట్టుబడి దారులు కూడా నెల్లూరోళ్ళేనని సమాచారం. నంద్యాల వైకాపా అభ్యర్థి…
  • ఉపరాష్ట్రపతి పదవికి వెంకయ్య రాజీనామా!
    ఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా…
  • బెట్టింగ్‌ తీగ లాగుతూనే వున్నారు... డొంక కదులుతూనే ఉంది
    నెల్లూరుజిల్లాకు పిహెచ్‌డి రామకృష్ణ అనే ఒక ఎస్పీ వస్తాడని, బెట్టింగ్‌ రాయుళ్ళపై ఈ స్థాయిలో విరుచుకు పడతాడని, బుకీల బొక్కలు విరిచేస్తాడని ఎవరూ ఊహించ లేదు. అసలు బెట్టింగ్‌పై ఈ స్థాయిలో పోలీస్‌ ఆపరేషన్‌ వుంటుందని ఎవరూ అంచనా కూడా వేయలేదు.…

Newsletter