lakshmiనిర్మాతగా, హీరోయిన్ గా, టీవీ ప్రయోక్తగా, ఇలా అన్ని విధాలా తన టాలెంట్ చూపిస్తూ వస్తున్న మంచు లక్ష్మి వెబ్ సిరీస్ లో కూడా అడుగుపెడుతున్నారు. త్వరలో యుప్ టీవీ ద్వారా మంచు లక్ష్మి కొన్ని వెబ్ సిరీస్ అందించబోతున్నట్లు తెలుస్తోంది. గతంలో దొంగాట, కిట్టూగాడు వున్నాడు జాగ్రత్త వంటి డిఫరెంట్ సినిమాలు అందించిన వంశీకృష్ణతో కలిసి ఆమె ఈ వెబ్ సిరీస్ ను ప్లాన్ చేస్తున్నట్లు తెలుస్తోంది. యుప్ టీవీ ఇటీవల చాలా చురుగ్గా వెబ్ సిరీస్ అందిస్తోంది. ఈ సిరీస్ కోసం పలువురు సినిమా జనాలను ఎంగేజ్ చేస్తోంది. వాళ్ల అనుభవాన్ని వెబ్ సిరీస్ కు వాడుకుంటోంది. ఇప్పుడు అందులో భాగంగానే మంచులక్ష్మి-వంశీకృష్ణ కాంబినేషన్ లో ఓ ప్రాజెక్టును ఓకె చేసినట్లు వినికిడి. అయితే జోనర్ ఏమిటన్నది ఇంకా తెలియదు. ఫన్ అండ్ ఎంటర్ టైనర్ గా వుంటుందని మాత్రం తెలుస్తోంది. 

niveda thomasఎన్టీఆర్ కథానాయకుడిగా ఎన్టీఆర్ ఆర్ట్స్ పతాకంపై కళ్యాణ్ రామ్ ప్రతిష్టాత్మకంగా నిర్మిస్తున్న చిత్రం జై లవకుశ. ఎన్టీఆర్ త్రిపాత్రాభినయం చేస్తున్న ఈ సినిమాలో జై, లవ, కుశగా మూడు పాత్రలు చేస్తున్నాడు. కాగా, ఇప్పటికే ఈ సినిమాలో ఓ హీరోయిన్ గా రాశీఖన్నాను తీసుకోగా, మరో ఇద్దరు హీరోయిన్స్ కోసం వేట సాగిస్తున్న నిర్మాతలు ఇటీవలే జంటిల్మన్ మూవీతో విమర్శకుల ప్రశంసలందుకున్న మళయాళ ముద్దుగుమ్మ నివేదా థామస్ ను ఎంపిక చేసినట్లు చిత్ర బృందం తెలిపింది. ఎప్పటినుండో నివేదను తీసుకోవాాలని చూస్తున్న చిత్రం బృందం ఎన్నో గాసిప్స్ సాగుతున్న తరుణంలో ఆశ్చర్యంగా నివేదను తీసుకోవడం విశేషం. మరో హీరోయిన్ ను చిత్ర బృందం ఇంకా ప్రకటించలేదు. సినిమా మొదలైనప్పటి నుండి ఎన్నో భారీ అంచనాలతో తూసుకుపోతూ ఈమధ్య శ్రీరామనవమికి విడుదల చేసిన జై లవకుశ టైటిల్ ను యూ ట్యూబ్ లో ఎంత ప్రకంపనలు సృష్టించిందో తెలిసిందే. ఈ సినిమా కోసం ఎన్టీఆర్ అభిమానులు భారీ అంచనాలతో వున్నారు.

reetu varma'పెళ్లి చూపులు' సినిమా ద్వారా దానికి పని చేసి ప్రతి ఒక్కరి కెరీర్‌ మలుపు తిరిగింది. హీరో విజయ్‌ దేవరకొండ ఈ సినిమా తర్వాత ఎంత బిజీ అయ్యాడో తెలిసిందే. దర్శకుడు తరుణ్‌ భాస్కర్‌ కు కూడా మంచి ఆఫర్లు చేతికొచ్చాయి. సంగీత దర్శకుడు.. ఛాయాగ్రాహకుడు కూడా దర్శక నిర్మాతల కళ్లల్లో పడ్డారు. వాళ్లకూ మంచి అవకాశాలు అందుతున్నాయి. ఈ సినిమాలో ఇండివిడువల్‌ గా ఎదగాలని ఆశపడే అమ్మాయి పాత్రలో చక్కటి అభినయం ప్రదర్శించిన రీతూ వర్మకు కూడా మంచి అవకాశాలే అందుతున్నాయి. ఆమె ఆల్రెడీ అడివి శేష్‌ హీరోగా తెరకెక్కుతున్న 'గూఢచారి'లో కథానాయికగా నటిస్తోంది. ఇంకా రెండు మూడు అవకాశాలు చేతిలో ఉన్నాయి.వీటన్నింటికంటే మించిన బంపర్‌ ఆఫర్‌ ఇప్పుడు రీతూను వరించింది. తమిళ సూపర్‌ స్టార్‌ విక్రమ్‌ సరసన ఆమె నటించబోతోంది. అది కూడా గౌతమ్‌ విూనన్‌ లాంటి స్టార్‌ డైరెక్టర్‌ దర్శకత్వంలో. విక్రమ్‌ హీరోగా.. గౌతమ్‌ 'ధృవ నక్షత్రం' అనే స్పై థ్రిల్లర్‌ తీస్తున్న సంగతి తెలిసిందే. ఈ చిత్రానికి ముందు అను ఇమ్మాన్యుయెల్‌ ను కథానాయికగా అనుకున్నారు. కానీ ఆమె డేట్లు సర్దుబాటు చేయలేకపోవడంతో రీతూను అవకాశం వరించినట్లు సమాచారం. 'పెళ్లిచూపులు' సినిమాను తమిళంలో తన నిర్మాణంలో రీమేక్‌ చేస్తున్న గౌతమ్‌.. ఆ సినిమాలో రీతూ టాలెంట్‌ చూసి ఫిదా అయిపోయి ఆమెకు అవకాశం ఇచ్చినట్లు తెలుస్తోంది. విక్రమ్‌ లాంటి స్టార్‌ సరసన సినిమా అంటే రీతూ దశ తిరిగినట్లే.

Page 1 of 8

newsbottomad

ఎక్కువగా చదివిన వార్తలు

  • ల్యాండవుతున్న విమానం
    దగదర్తి విమానాశ్రయం కల సాకారానికి రోజులు దగ్గరపడ్డాయి. త్వరలోనే విమానాశ్రయం నిర్మాణానికి టెండర్లు పిలవడానికి అధికారులు రంగం సిద్ధం చేస్తున్నారు. మొదటి దశలో ఎయిర్‌పోర్టు నిర్మాణానికి అవసర మైన 1350 ఎకరాల భూసేకరణ పూర్తయ్యింది. భూసేకరణకు సంబంధించి రైతుల పరిహారానికి నిధులు…
  • కార్పొరేషన్‌లో కోల్డ్‌వార్‌
    వివాదాలకు, విభేదాలకు నెల్లూరు కార్పొరేషన్‌ కేరాఫ్‌ అడ్రస్‌ లాంటిది. నెల్లూరు నగరంలో ఎన్ని రకాల సమస్యలుంటాయో నెల్లూరు కార్పొరేషన్‌ కార్యాలయంలో కూడా అంతకంటే ఎక్కువ సమస్యలే వుంటాయి. ముఖ్యంగా ఇక్కడ పనిచేసే పాలకవర్గం వుంటే అధికారులు సహకరించరు. చిత్తశుద్ధితో పనిచేసే అధికారులున్నప్పుడు…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • పాదయాత్ర చేస్తున్నా... ఆశీర్వదించండి
    వైయస్సార్‌ కాంగ్రెస్‌పార్టీ అధినేత వై.యస్‌.జగన్మోహన్‌రెడ్డి మంగళవారం శంషాబాద్‌లోని శ్రీశ్రీశ్రీ త్రిదండి శ్రీమన్నారాయణ రామానుజ చినజీయర్‌ స్వామి వారి ఆశ్రమ ప్రాంగణానికి వెళ్ళి స్వామివారిని కలుసుకున్నారు. ప్రజల కష్టాలను స్వయంగా తెలుసుకుని తనకు చేతనైన మేరకు వారికి సహాయసహకారాలు అందించడానికి త్వరలో నవ్యాంధ్రలో…
  • ఎగువ జిల్లాల్లో వర్షం.. నెల్లూరు జిల్లాలో హర్షం
    నెల్లూరుజిల్లా ప్రజలకు ఈ జిల్లాలో వర్షాలు పడితేనే కాదు, ఎగువ జిల్లాలైన అనంతపురం, కడప, కర్నూలు జిల్లాల్లో భారీ వర్షాలు పడితేనే ఎక్కువ సంతోషం. ఆ జిల్లాల్లో వర్షాలు పడితే ఎక్కువ ప్రయోజనం పొందేది మనమే. నెల్లూరుజిల్లాలో భారీ వర్షాలు కురిసి…

Newsletter