వార్త - అభినవ దుర్యోధనుడు కేసీఆర్. - మంత్రి పల్లె రఘునాథరెడ్డి

వ్యాఖ్య - ఆ పేరుకు కేసీఆర్ కటౌట్ కు సరికాదేమో.

వార్త - పార్టీ మారేవారికి సిగ్గు లేదు. - రఘువీరారెడ్డి

వ్యాఖ్య - అసలు రాజకీయాలకే సిగ్గు లేదు.

వార్త - రైల్వేల ఆర్థిక పరిస్థితి బాగాలేదు. - వెంకయ్యనాయుడు.

వ్యాఖ్య - దేశ ఆర్థిక పరిస్థితే బాగ లేదులే...

వార్త - రాష్ర్టపతి పదవికి తగిన వ్యక్తి అద్వానీ. - కేంద్రమంత్రి నితిన్ గడ్కారీ.

వ్యాఖ్య - తదుపరి రాష్ర్టపతిని ఇప్పుడే ప్రకటించేసారన్న మాట.

వార్త - త్వరలో నూతన మద్యం పాలసీ. - మంత్రి రవీంద్ర.

వ్యాఖ్య - ఇంటింటికి మద్యం అని మాత్రం పెట్టకండి.

వార్త - గ్రామాలకు నాణ్యమైన విద్యుత్ ఇవ్వండి. - చంద్రబాబు

వ్యాఖ్య - నాణ్యమైనది ఇవ్వాలని ఇప్పుడిచ్చేది కూడా లేకుండా చేస్తారేమో.

వార్త - హామీల వల్లే తెదేపా గెలుపు. - అసెంబ్లీలో జగన్.

వ్యాఖ్య - ఆ హామీలను వ్యతిరేకించే మీ ఓటమి.

వార్త     -        కఠిన నిర్ణయాలతోనే ప్రగతి. – ప్రధాని నరేంద్ర మోడీ

వ్యాఖ్య  -        మీరు మరీ అంత కఠినంగా వుంటే ప్రజలు పాలకుల పట్ల ఇంకా కఠినంగా తయారవుతారేమో.

వార్త     -        ఆకాశ హార్మ్యాలతో రాజధాని. – చంద్రబాబుతో రాజధాని కమిటీ భేటీలో చర్చ.

వ్యాఖ్య  -        సింగపూర్ లాంటి రాజధాని అంటే ఇదేనా.

వార్త     -        ఋణమాఫీ పథకాన్ని వెంటనే అమలు చేయాలి. – సీపీఎం రాష్ర్ట కార్యదర్శి మధు.

వ్యాఖ్య  -        ఋణమాఫీ అంటే... కాఫీ తాగినంత సులభం అనుకుంటున్నారా.

వార్త     -        పోలవరం ఆర్డినెన్స్ రద్దుచేయాలి.

వ్యాఖ్య  -        అసలు రాష్ర్ట విభజనే రద్దు చేస్తే పోలా.

వార్త     -        ప్రజలపై పైసా భారం మోపం. – ఆర్థికమంత్రి యనమల.

వ్యాఖ్య  -        అల్లాఉద్దీన్ అద్భుత దీపమేమన్నా దొరికిందా.

వార్త     -        అటవీ సంపదను కాపాడుతాం. – అడవుల మంత్రి బొజ్జల.

వ్యాఖ్య  -        ఇంకేం మిగిలిందని కాపాడ్డానికి.

వార్త     -        తెలుగు భాషాభివృద్ధికి కృషి. – మంత్రి పల్లె రఘునాథరెడ్డి.

వ్యాఖ్య  -        ముందు అందరు మంత్రుల చేత సంపూర్ణంగా తెలుగులో మాట్లాడేలా చేయండి.

వార్త     -        ఋణమాఫీకి మేం అనుకూలం కాదు. – ఆర్ బిఐ.

వ్యాఖ్య  -        మీకు ఓట్లతో అవసరం లేదుగా, అలాగే చెబుతారు.

వార్త     -        రాష్ర్టం మధ్యలో రాజధాని – చంద్రబాబు.

వ్యాఖ్య  -        ఈసారి విడిపోయినా ఉమ్మడిరాజధానిగా చేసుకోవచ్చుననా.

వార్త     -        ఏ రాష్ర్టంపైనా వివక్ష ఉండదు. – కేంద్రమంత్రి నిర్మలాసీతారామన్.

వ్యాఖ్య  -        అలా వివక్ష ఉంటే మీకు సోనియాకు తేడా ఏముంది.

వార్త     -        మీ పాలన విజయవంతంగా సాగాలి. – చంద్రబాబుకు సురవరం లేఖ.

వ్యాఖ్య  -        ఆయన పాలన విజయవంతంగా సాగితే మీకు పనేం ఉంటుంది.

వ్యాఖ్య  -        ఆప్ లో అంతా బాగుంది. – కేజ్రీవాల్

వ్యాఖ్య  -        ఒక్క పార్టీ అధ్యక్షుడి తీరు తప్ప.

వార్త     -        తాత్సారం చేయొద్దు. – రుణమాఫీపై చంద్రబాబుకు జగన్ లేఖ.

వ్యాఖ్య -        ప్రతిపక్షంలో వున్నప్పుడు రాళ్లేయడం సులభమే.

వార్త     -        రెండునెలల్లోగా ఆస్తుల వివరాలు చెప్పాల్సిందే. – కేంద్రమంత్రులకు ఆదేశాలు.

వ్యాఖ్య  -        బినామీ ఆస్తులు కలిపా...

వార్త     -        పేదరికంను పెంచారు. – యూపిఏపై అరుణ్ జైట్లీ విమర్శ.

వ్యాఖ్య  -        ఏదో ఒకటి చేసామనిపించుకున్నారుగా.

వార్త     -        మంత్రి పదవి ఇస్తానంటే నేనే వద్దన్నా. – బాలకృష్ణ.

వ్యాఖ్య  -        ఆయనేదో మొహమాటానికి అడిగి ఉంటే మీరు సీరియస్గా తీసుకున్నట్లున్నారు.

Page 1 of 2

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter