anam adalaఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ.

జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి ప్రతిచోటా ఓ బృందం

ఉంది. ముఖ్యంగా నెల్లూరు నగరాన్ని తన హస్త గతం చేసుకుని పాలించిన ఘనత ఆనం వివేకా నందరెడ్డిది. అన్న నగర రాజకీయాలతో కథ నడుపుతుంటే తమ్ముడు ఆనం రామనారాయణరెడ్డి రాష్ట్ర స్థాయిలో తమ ఉనికిని చాటుకుంటూ అటు తెలుగుదేశంలోనూ ఇటు కాంగ్రెస్‌లోనూ మంత్రిగా కూడా ఆనం హవా కొనసాగించాడు.

ముఖ్యంగా వై.యస్‌.రాజశేఖరరెడ్డి ఐదేళ్ళ పాల నలో ఆనం కుటుంబ రూపురేఖలే మారిపోయాయి. నెల్లూరుజిల్లాలో నేదురుమల్లి హవా తగ్గించే ప్రక్రి యలో భాగంగా ఆనం వారిని వై.యస్‌. నెత్తినెక్కించు కున్నాడు. వారికి అగ్రతాంబూలం ఇచ్చి జిల్లా రాజ కీయాలలోనే కాకుండా రాష్ట్ర రాజకీయాలలో కూడా ఆనం వారికి అనూహ్య గుర్తింపు లభించేలా చేశాడు. ఒక దశలో రామనారాయణరెడ్డి మంత్రివర్గంలో అత్యంత కీలకంగా వ్యవహరించే స్థాయిలో వారికి ప్రాధాన్యత కల్పించాడు.

వై.యస్‌. మరణానంతరం ఆయన చేసిన సహాయాన్ని వీళ్ళు మర్చిపోయారు

2009 సెప్టెంబర్‌ 2న వై.యస్‌.రాజశేఖరరెడ్డి దుర్మరణం పాలవడం అనంతరం జరిగిన అనేక రాజకీయ పరిణామాలతో ఆనం సోదరులు వై.యస్‌. వారసుడు జగన్‌మోహన్‌రెడ్డికి వ్యతిరేకంగా అడుగు వేయడం అప్పట్లోనే కాదు, ఇప్పటికి కూడా పెద్ద చర్చనీయాంశమే. జగన్‌ను వ్యతిరేకించినా, కాంగ్రెస్‌ లోనే కొనసాగి వుండినా పెద్ద తప్పై వుండేది కాదు. తెలుగుదేశంలో చేరి చంద్రబాబుకు జైకొట్టి అటు విజయమ్మని తమ్ముడు, జగన్‌ని అన్న తీవ్రస్థాయి పదజాలంతో విమర్శించడం దూషించడం ''ఆనం'' అభిమానులకే మింగుడు పడలేదు. ఆనంకి అగ్రస్థాన మిచ్చి చేరదీసి ఆదరించిన వై.యస్‌ సతీమణిని ఆయన కుమారుడిని ఇష్టమొచ్చినట్లు మాట్లాడటం చాలా మందికి నచ్చలేదు. రాజకీయంగా విశేష అనుభవం, చాణుక్యత కలిగిన ఆనం సోదరులు ఈ విధంగా ప్రవర్తించడం ఎవ్వరికీ ఇష్టం లేదు.

రావద్దన్నా వచ్చిన ముఖ్యమంత్రి

మొహం చాటేసిన ఆనం కుటుంబసభ్యులు

తమనేదో పొడిచేస్తాడని చంద్రబాబు పంచన చేరిన వారికి చేదు అనుభవాలే మిగిలాయి. తన సహజ ప్రవర్తనతో బాబు వీరికి మొండిచేయి చూపిం చాడు. ఆనం వివేకానందరెడ్డి గత రెండు నెలలుగా తీవ్ర అనారోగ్యంతో ఆసుపత్రిలో చికిత్స పొందుతుంటే కనీసం చూడడానికి కూడా చంద్రబాబుకు మనసు రాలేదు. వివేకా పరిస్థితి రోజురోజుకీ విషమిస్తుందని తెలిసి గత గురువారం ఆయన స్టార్‌ ఆసుపత్రిలో వివేకాను పలకరించడానికి వెళ్తే పాపం వివేకా ముఖ్య మంత్రిని గుర్తుపట్టే స్థితిలో కూడా లేడని సమా చారం. ముఖ్యమంత్రిని రావద్దని ఆనం కుటుంబీకులు చెప్పినా వినకుండా ఆసుపత్రికి వెళ్ళిన బాబుకి ఆనం కుటుంబ సభ్యులందరూ ముఖం చాటేసి నిరసన తెలిపారు.

ఆనం ఆగమనంపై

పార్టీలో భిన్నాభిప్రాయాలు

ఈ క్రమంలో ఆనం రామనారాయణరెడ్డి త్వరలో వై.యస్‌.ఆర్‌ కాంగ్రెస్‌లో చేరబోతున్నారన్న వార్త ఒక్కసారిగా రాష్ట్రమంతా గుప్పుమంది. ఆయన ఆత్మకూరు లేదా వెంకటగిరి నుండి పోటీ చేస్తారని కూడా ప్రచారంలోకి వచ్చింది. దీనికి తగ్గట్లుగా రామనారాయణరెడ్డి బాహాటంగానే తెలుగుదేశాన్ని, పార్టీ అధ్యక్షుడిని విమర్శించడంతో వైసిపి ప్రవేశం ఖాయం అనే నిర్ణయానికి ఆనం అభిమానులు వచ్చేశారు. ఆయన ఏ పార్టీలో చేరినా పరవాలేదు ముందు తెలుగుదేశం నుండి బయటకు వస్తే చాలను కుంటున్న ఆయన అభిమానులు, వై.యస్‌.ఆర్‌. కాంగ్రెస్‌లో చేరితే బాగుంటుందనుకుంటుండిన ఆయన అనుయాయులు సంబరాలు కూడా చేసు కున్నారు. అయితే రాజశేఖరరెడ్డి కుటుంబాన్ని ముఖ్యంగా ఆయన శ్రీమతి విజయమ్మని, కుమారుడు జగన్‌ని అంతటి తీవ్ర విమర్శలు చేసిన వాళ్ళని ఎలా పార్టీలోకి ఆహ్వానిస్తారంటూ వైసిపిలోని ఓ వర్గం వాపోతోంది. రాజకీయాలలో విమర్శలు ప్రతి విమ ర్శలు, దూషణలు సహజమే కానీ ఆనం సోదరులు ఓ అడుగు ముందుకు వేసి చాలా ఎక్కువ స్థాయిలో ధ్వజమెత్తారు. ముఖ్యంగా విజయమ్మను రామనారా యణరెడ్డి కించపరచే విధంగా మాట్లాడితే జగన్‌ని వివేకానందరెడ్డి అసభ్య పదజాలంతో మాట్లాడాడు. వీరికా ఇప్పుడు వై.యస్‌.ఆర్‌ కాంగ్రెస్‌పార్టీ స్థానం కల్పించేదన్న అసంతృప్తి చాలామందిలో కనిపిస్తోంది. అయితే ఆనం వారికి కొద్దోగొప్పో వర్గం వుంది కాబట్టి, వారి రాక పార్టీకి అదనపు బలమే తప్ప నష్టం మాత్రం కాదన్న వాదన కూడా వినపడుతోంది.

బహుశా తమకి ఇంతటి పరిస్థితి వస్తుందని ఆనం వాళ్ళు కలలో కూడా ఊహించి వుండరేమో..! రాజకీయాల్లో విమర్శలు ప్రతివిమర్శలతో పాటు పార్టీ ఫిరాయింపులు కూడా సహజమే. కాని, జిల్లాలో అతిపెద్ద రాజకీయ కుటుంబమైన ''ఆనం'' వారికి ఇలాంటి సంకట స్థితి రావడం నిజంగా విధివైప రీత్యమే. ఒకప్పుడు వారి కోర్కెలతో, వారి కండిషన్స్‌తో వాళ్ళు పార్టీలో చేరేవాళ్ళు, కానీ ఇప్పుడు పార్టీ నిబంధనల మేరకే పార్టీలోకి రావడానికి ఆసక్తి చూపుతున్న వారి దీన స్థితి చూస్తుంటే... ఔరా! పాలిటిక్స్‌ & పాలిట్రిక్స్‌ అనిపిస్తుంది.

ఆదాల రాకపై వైసిపి శ్రేణుల ఆసక్తి..!

ఇదే సమయంలో ఆదాల ప్రభాకర్‌రెడ్డి పేరు కూడా వైసిపి వర్గాల్లో తీవ్ర చర్చకు వస్తోంది. ఆదాల అజాతశత్రువు. ఆయన వల్ల ఎదుటివారికి లాభమే తప్ప ఎదుటి వారి దగ్గర నుండి తానేమీ ఆశించడన్న పేరు కూడా ప్రభాకర్‌రెడ్డికి వుంది. ముఖ్యంగా వై.యస్‌. గురించి గాని, జగన్‌ గురించి గాని ఆయన ఎక్కడా తీవ్రస్థాయి విమర్శలు చేయలేదు. తన పని తాను చేసుకుపోతాడు తప్ప వివాదాల జోలికి వెళ్ళడు. ఒక పర్యాయం మంత్రిగా, మూడు పర్యాయాలు, ఎమ్మెల్యేగా ప్రజల్లో మంచి పేరు తెచ్చుకున్నాడు. ఆయన ఏ పార్టీలో చేరినా తన ప్రభావాన్ని ప్రభంజనంలా చూపించగలడన్న ధీమా అందరిలోనూ ఉంది. తెలుగుదేశం పార్టీ నెల్లూరు రూరల్‌ నియోజకవర్గ ఇన్‌ఛార్జ్‌గా ఆయన ప్రస్తుతం వున్నప్పటికీ తెలుగుదేశంలో కొనసాగడం ఆయన అనుచరులకే కష్టంగా ఉన్నట్లు తెలుస్తోంది. ఆదాల ప్రభాకర్‌రెడ్డికి రాజకీయ అనుభవంతో పాటు అనుచరగణం కూడా ఎక్కువే. ఆయనకంటూ ఓ వర్గాన్ని ఆయనదంటూ బృందాన్ని ఎప్పుడూ దగ్గర పెట్టుకుని వుంటాడు. కుళ్ళు, కుట్ర కుతంత్రం అంటే ఆయనకు తెలియదు. తాను గెలవడం తన పార్టీ అభ్యర్థులందరినీ గెలిపించుకోవడమే ధ్యేయంగా పని చేస్తాడు. ఎప్పుడు పార్టీ పక్షపాతిగానే వుంటాడు తప్ప వ్యక్తిత్వ శత్రుత్వం చూపించడు. తానెక్కడుంటే అక్కడే కమిట్‌మెంట్‌తో పనిచేస్తాడనే పేరుంది. ఇప్పుడు ఆదాల పేరు కూడా వైసిపి శ్రేణుల్లో ప్రముఖంగా వినిపిస్తోంది. ఆయన ఏ సీటులో పోటీ చేసినా గెలుపు గ్యారంటీ అనే పేరుంది. ఆనంతో పాటు ఆదాల కూడా వచ్చేస్తే ఇక జిల్లాలో వైసిపికి తిరుగుండదన్నది వారి అభిప్రాయం.

జిల్లాకు చెందిన నాయకులు ఇప్పటికే ఆదాలతో మంతనాలు ప్రారంభించినట్లు సమాచారం. ఏది ఏమైనా జగన్‌ పాదయాత్ర ముగిసేవరకూ ఈ అభ్యర్థుల విషయంలో స్పష్టత వచ్చే అవకాశాలు కనిపించడం లేదు.

adalaఆంధ్రప్రదేశ్‌ రాజకీయాలలో కొన్ని సెంటిమెంట్లున్నాయి. దేవాదాయశాఖ మంత్రిగా పనిచేసినోళ్ళు తర్వాత ఎన్నికల్లో గెలవరని. ఎన్నికలకు ముందు శ్రీకాళహస్తికి వెళితే ఓడిపోతారని... ఇలా కొన్ని సెంటిమెంట్లున్నాయి. అలాగే ఆదాల ప్రభాకర్‌రెడ్డి ఏ పార్టీలో అడుగుపెడితే ఆ పార్టీ అధికారంలోకి వస్తుందన్న సెంటిమెంట్‌ కూడా వుంది.

ఆదాల రాజకీయ ప్రవేశం జరిగింది 1999 ఎన్నికల్లో తెలుగుదేశం పార్టీ ద్వారా! ఆ పార్టీ అభ్యర్థిగా అల్లూరు నుండి పోటీ చేసి గెలుపొందారు. 2004 ఎన్నికల్లో తెలుగుదేశాన్ని వీడి కాంగ్రెస్‌లో చేరారు. సర్వేపల్లి నుండి కాంగ్రెస్‌ అభ్య ర్థిగా నిలిచి గెలిచాడు. అప్పుడే కాంగ్రెస్‌ కూడా అధికారంలోకి వచ్చింది. 2009 ఎన్నికల్లోనూ అదే సీన్‌ రిపీట్‌! ఆయన సర్వేపల్లి నుండి రెండోసారి గెలిచాడు. కాంగ్రెస్‌ కూడా రెండోసారి అధికారంలోకి వచ్చింది. 2014కు ముందు రాష్ట్రంలో జరిగిన రాజకీయ పరిణామాల గురించి తెలిసిందే! రాష్ట్రంలో కాంగ్రెస్‌పార్టీ పూర్తిగా పతనమైన నేపథ్యంలో ఆదాల ప్రభాకర్‌రెడ్డి తెలుగుదేశంలో చేరాడు. ఆరోజు వైసిపి అధిష్టానం నుండి పిలుపు వచ్చుంటే ఆయన ఆ పార్టీలో చేరుండే వాడే! కాని, అప్పటికే వైసిపిలో వున్న నాయకులు తలో సీటు మీద కర్చీఫ్‌ వేసుకుని ఉండడం, ఆదాలకు ఎక్కడ సీటు ఇస్తామన్నది స్పష్టత ఇవ్వకపోవడంతో ఆయన తెలుగుదేశంలో చేరాడు. 2014 ఎన్నికల్లో నెల్లూరు లోక్‌సభ నుండి టీడీపీ అభ్యర్థిగా దిగాడు. గట్టిపోటీనిచ్చి ఓడిపో యాడు. ఆయన ఓడినా కూడా ఆ ఎన్ని కల్లో తెలుగుదేశం గెలిచింది. ఆదాల ఏ పార్టీలో ఉంటే ఆ పార్టీ అధికారంలోకి వస్తుందన్న సెంటిమెంట్‌ బలపడింది.

ఈ సెంటిమెంట్‌ నేపథ్యంలో వచ్చే ఎన్నికలప్పటికి ఆయన ఏ పార్టీలో వుంటా డన్నది ఆసక్తికర చర్చగా మారింది. ప్రస్తు తానికైతే ఆయన నెల్లూరు రూరల్‌ టీడీపీ ఇన్‌ఛార్జ్‌గా వుంటున్నారు. ఈసారి లోక్‌సభకు పోటీ చేయడని, నెల్లూరు రూరల్‌ నుండే పోటీకి దిగుతాడని టాక్‌. అయితే, ఆయన టీడీపీ అభ్యర్థిగా లోక్‌ సభకు పోటీ చేసినా లేక నెల్లూరురూరల్‌ లేదా ఇంకే అసెంబ్లీకి పోటీ చేసినా గెలుపు గ్యారంటీ లేదు. వైసిపి నుండి తీవ్ర పోటీ తప్పదు.

అదే ఆయన వైసిపిలో చేరి లోక్‌ సభకు పోటీ చేసినా, ఇంకేదన్నా అసెంబ్లీకి పోటీకి దిగినా గెలుపు ఖాయమని రాజ కీయ విశ్లేషకుల అంచనా!

kil adరాష్ట్రంలో ఒరిజినల్‌ తెలుగుదేశం అన్నది లేదు. ఉన్నదల్లా తెలుగు కాంగ్రెస్‌ పార్టీయే! ముఖ్య మంత్రి చంద్రబాబు నాయుడుతో సహా పార్టీ నాయకుల్లో 90శాతం మందిది కాంగ్రెస్‌ రక్తమే! ఒకరుఅరా వేనాటి రామచంద్రారెడ్డి, టి.రమేష్‌రెడ్డి లాంటివాళ్ళు తప్పితే పార్టీ మారకుండా 1983 నుండి తెలుగుదేశాన్నే కనిపెట్టుకుని వున్నవాళ్ళు టార్చ్‌లైట్‌ వేసి వెదికినా కనిపించరు. దాదాపు తెలుగుదేశంలో ప్రస్తుతమున్న నాయకులందరు కూడా ఇతర పార్టీల నుండి వచ్చినవాళ్ళే! కాకపోతే కొందరు ముందు... కొందరు వెనుక.

సెప్టెంబర్‌ 24వ తేదీన నెల్లూరులోని జిల్లా తెలుగుదేశం పార్టీ కార్యాలయంలో పార్టీ సమన్వయ కమిటి సమావేశం జరిగింది. ఈ సమావేశంలో జిల్లా గ్రంథాలయ సంస్థ ఛైర్మెన్‌ కిలారి వెంకటస్వామినాయుడు తన మనసులో బాధను వెళ్లగక్కారు. నెల్లూరురూరల్‌ ఇన్‌ఛార్జ్‌గా వున్న ఆదాల ప్రభాకర్‌రెడ్డి ఏకపక్షంగా వ్యవహరిస్తున్నా రని, ఆయన ఇంట్లోనే రూరల్‌ నియోజకవర్గ సమావేశాలు పెట్టుకుంటున్నాడని ఫిర్యాదు చేశారు. అంతేకాదు, పార్టీని ఎప్పటి నుండో కనిపెట్టుకుని వున్న మాలాంటి వారిని కాదని పార్టీ మారివచ్చిన వాళ్ళకు ప్రాధాన్యతనిస్తున్నాడని ఫిర్యాదు చేశారు. ఆయన ఈ ఫిర్యాదు చేసింది ఎవరికి? మొన్న ఎన్నికల్లో వైసిపి నుండి గెలిచి తెలుగుదేశంలో చేరి మంత్రి అయిన ఎన్‌.అమర్‌నాథ్‌రెడ్డికి. మంత్రి అయ్యేవరకు పార్టీ కార్యాలయం ముఖం చూడని మంత్రి పి.నారాయణకు... అంతేనా... అక్కడ కాంగ్రెస్‌ నుండి వచ్చిన ఆనం రామనారాయణరెడ్డి, వైకాపా నుండి జంప్‌చేసిన అబ్దుల్‌అజీజ్‌లు కూడా వున్నారు. ఇక ముంగమూరు శ్రీధరకృష్ణారెడ్డి, కోటంరెడ్డి శ్రీనివాసులురెడ్డిలు కూడా పార్టీలు మారినవాళ్ళే! అంతెందుకు కిలారి వెంకటస్వామినాయుడు కూడా కాంగ్రెస్‌ నుండి తెలుగుదేశంలో చేరినోడే! కాబట్టి పార్టీలో పాత, కొత్త, సీనియారిటీ, సిన్సియార్టీ లకు ఎప్పుడో కాలం చెల్లింది. ఇది కిలారి గమనించాలి.

Page 1 of 2

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter