adalaనెల్లూరు జిల్లా స్థానిక సంస్థల ఎమ్మెల్సీ సీటు కోసం చివరి దాకా ప్రయత్నించిన మాజీమంత్రి ఆదాల ప్రభాకర్‌రెడ్డికి చంద్రబాబు మొండిచేయి చూపించాడు. మంత్రి నారాయణ, తనయుడు లోకేష్‌ అండదండలు దండిగా వున్న వాకాటి నారాయణరెడ్డినే అభ్యర్థిగా ఖరారు చేశారు.

పార్టీలో కీలకంగా వ్యవహరిస్తున్న మరికొందరు నాయకులు కూడా ఆదాల ఎమ్మెల్సీ అయితే నెల్లూరులో మరో పవర్‌ సెంటర్‌ ఏర్పాటవుతుందని భావించి ఆయనకు సీటు రాకుండా అడ్డుకున్నారు. అదీ కాకుండా ఇప్పటికే జిల్లా నుండి ఎమ్మెల్సీలుగా వున్న నారాయణ, సోమిరెడ్డి చంద్రమోహన్‌రెడ్డి, బీద రవిచంద్రలు నెల్లూరులో ఉండేవాళ్లే! కాబట్టి ఆదాలకిస్తే ఆయన కూడా నెల్లూరు చుట్టే తిరిగేవాడు. అదే వాకాటికిస్తే గూడూరు డివిజన్‌ కోటాలోకి వెళతాడు. నెల్లూరుకు రాకుండా ఆ సూళ్లూరుపేట చుట్టుపక్కల తిరుగుతుంటాడు... ఈ కోణంలోనే ఆయనకు అవకాశం వచ్చింది.

మరి వాకాటికన్నా ఆదాల ఎందులో వెనుకబడ్డట్లు? వాకాటి కంటే ముందే పార్టీలోకి వచ్చాడు. 2014 ఎన్నికల్లో నెల్లూరు లోక్‌సభ నుండి తెలుగుదేశం అభ్యర్థిగా పోటీ చేయడానికి ఎవరూ ముందుకు రాకుంటే ఆదాల పోటీ చేసాడు. ఉపఎన్నికల్లో నెల్లూరు లోక్‌సభ నుండి దాదాపు 3లక్షల మెజార్టీతో గెలిచిన ఎంపి మేకపాటి రాజమోహన్‌రెడ్డి మెజార్టీని ఆ ఎన్నికల్లో 13వేలకు దించాడు. ఒక దశలో మేకపాటిని ఓడించినంత పని చేశాడు. ఎంపీ అభ్యర్థిగా ఆదాల పోటీ చేయబట్టే తెలుగుదేశం కొంతన్నా పటిష్టమైంది. ఆదాల వల్ల తెలుగుదేశం గట్టిపడింది. మరి ఎన్నికల్లో ఓడిపోయాక ఆదాలకు పార్టీ ఏం ఇచ్చింది. రాజ్యసభకు పంపిస్తానన్న చంద్రబాబు హామీ పేలపిండిలాగా గాలికిపోయింది. నెల్లూరు పార్లమెంటుతో పాటు రూరల్‌ ఇన్‌ఛార్జ్‌గా ఆయనను నియమించారు. వాటి వల్ల అధికారిక హోదా రాదు. చంద్రబాబు ఇస్తానన్న రాజ్యసభపై ఆశలు లేవు. ఈ దశలో ఎమ్మెల్సీ అన్నా ఉంటే బాగుంటుందని ఆదాల భావించారు. అందుకోసమే స్థానిక సంస్థల ఎమ్మెల్సీ రేసులోకి వచ్చాడు. ఈ సీటు తనకు కావాలని బలంగానే పట్టుబట్టాడు. కాని ఈ సీటు వాకాటికి ఎప్పుడో రిజర్వ్‌ చేసి పెట్టారు. లోకేష్‌ వద్దే దీని తంతు ముగిసింది. మొన్న నామినేషన్ల ముందురోజు దాకా ఆదాల పేరును కూడా పరిశీలిస్తున్నట్లు డ్రామా ఆడారు. చివరకు తమ మదిలో వున్న వాకాటి పేరునే బయటపెట్టారు. ఆదాల అడ్డం తిరక్కుండా ఆయనను బుజ్జగిస్తున్నారు. అదేదో నామినేటెడ్‌ పదవికి కూడా ఆశపెట్టారు. ఆదాలకు ఏ పదవి ఆశ చూపినా కూడా ఎమ్మెల్సీ సీటు విషయంలో మాత్రం వాకాటి ముందు ఆయనను చిన్నచూపు చూసినట్లే!

adalaనెల్లూరు గ్రామీణ నియోజకవర్గానికి మంత్రి పి.నారాయణను ఇన్‌ఛార్జ్‌గా నియమించనున్నారన్న వార్తల నేప థ్యంలో అక్కడ ఇన్‌ఛార్జ్‌గా వ్యవహ రిస్తున్న ఆదాల ప్రభాకర్‌రెడ్డి పూర్తిగా అలర్ట్‌ అయ్యాడు. రూరల్‌పై తన ముద్ర వేసుకునే ప్రయత్నాలు గట్టిగానే చేస్తున్నాడు. ఇటీవల గ్రామీణ నియోజకవర్గంలో చేస్తున్న విస్తృత పర్యటనలు కూడా రూరల్‌ తన చేజారిపోకుండా ఉం డడం కోసమేనని తెలు స్తోంది.

2014 ఎన్నికల్లో నెల్లూరు పార్లమెంటు నుండి ఆదాల ఓడిపోవడం తెలిసిందే! తెలుగుదేశం ప్రభుత్వం అధికారంలోకి వచ్చాక ఓడిపోయిన అభ్యర్థులను ఆయా నియోజకవర్గాలకు ఇన్‌ఛార్జ్‌లుగా నియమించారు. అలాగే ఆదాలను కూడా నెల్లూరు లోక్‌సభ ఇన్‌ఛార్జ్‌ను చేశారు. అయితే ఎందుకూ కొరగాని పదవి. ప్రతి అసెంబ్లీకి అధికారపార్టీ ఎమ్మెల్యే లేదంటే అధికార పార్టీ నాయకుడు ఇన్‌ఛార్జ్‌గానో వుంటే లోక్‌సభ ఇన్‌ఛార్జ్‌ పీకేపనేమీ ఉండదు. అందుకని 2014 ఎన్నికలలో నెల్లూరురూరల్‌ సీటు బీజేపీకి వదిలేసి ఉన్నారు కాబట్టి అక్కడ ఆదాల ప్రభాకర్‌రెడ్డిని ఇన్‌ఛార్జ్‌గా పెట్టారు. జిల్లాలో వున్న 10 అసెంబ్లీలలో నెల్లూరు రూరల్‌ చాలా కీలకమైంది. ఎక్కువ ఇసుకరీచ్‌లు ఉండేది ఈ నియోజకవర్గ పరిధిలోనే! ఇసుక రీచ్‌ల టెండర్లు జరిగి వుంటే ఆదాల పాత్ర ఇక్కడ చాలా కీలకంగా ఉండేది.

అదీగాక రాబోయే ఎన్నికల పరిస్థితి ఎలా వుంటుందో చెప్పలేం. ఆరోజు ఆదాల పార్లమెంటుకు పోతాడో లేక నెల్లూరు రూరల్‌కే ఉంటాడో... అదీ ఇదీ కాకుంటే పార్టీనే మారాల్సి వస్తుందో ఎవరూ వూహించలేరు. కాని ఒక అసెంబ్లీకి ఇన్‌ఛార్జ్‌గా ఉండడమంటే ఆ సీటుపై కర్చీఫ్‌ వేసి పెట్టుకున్నట్లే లెఖ్ఖ!

రెండేళ్ల నుండి నెల్లూరురూరల్‌ను కనిపెట్టుకుని వుంటే, ఒక్కసారిగా నారాయణ పేరు తెరమీదకు రావడం ఆదాలకు మింగుడుపడలేదు. అందుకే తనదైన శైలిలో చంద్రబాబుకు నిరసన తెలిపి, నెల్లూరురూరల్‌ ఇన్‌ఛార్జ్‌ బాధ్యతలు తన చేజారకుండా చూసుకున్నాడు. మరోమారు అధిష్టానం ఇలాంటి ఆలోచన చేయకుండా ఉండేందుకు ఆదాల స్పీడయ్యాడు. రూరల్‌ నియోజకవర్గ పరిధిలో కార్యక్రమాల పేరిట చురుగ్గా తిరుగుతున్నాడు.

 రాజ్యసభ రెబల్ అభ్యర్థులు చైతన్య రాజు, ఆదాల ప్రభాకర్ రెడ్డి నామినేషన్లు సక్రమమే అని ఎన్నికల రిటర్నింగ్ అధికారి సదారామ్ ప్రకటించారు .  వారిద్దరి నామినేషన్లు సక్రమంగానే ఉన్నాయని ఎన్నికల కమిషన్ తేల్చింది. ఈ సందర్భంగా రాజ్యసభ బరిలో ఉన్న కాంగ్రెస్ రెబల్ అభ్యర్థి ఆదాల ప్రభాకర్ రెడ్డి మాట్లాడుతూ  ఎన్ని దుర్మార్గాలు చేసినా చివరికి న్యాయం గెలిచిందన్నారు.
 
తమ నామినేషన్లను తిరస్కరించేందుకు కాంగ్రెస్ పెద్దలు శతవిధాలా యత్నించారని ఆయన బుధవారమిక్కడ వ్యాఖ్యానించారు. తనను, చైతన్య రాజును  గత రెండు రోజుల నుంచి నిద్ర లేకుండా హింసించారని ఆదాల అన్నారు. తమకు మద్దతు ఇచ్చి నామినేషన్లపై సంతకాలు చేసిన ఎమ్మెల్యేలను ఇబ్బందులకు గురి చేశారని ఆయన తెలిపారు.  వివరణ లేఖలు ఇవ్వాలంటూ తమను వేధించారన్నారు.
 
రిటర్నింగ్ అధికారిపై కూడా తీవ్ర ఒత్తిడి ఒత్తిడి తెచ్చారని ఆదాల అన్నారు. గతంలో ఎన్నడూ లేనివిధంగా రాష్ట్ర ఎన్నికల అధికారిని స్క్రూటినీ ప్రక్రియకు రప్పించారని ఆయన పేర్కొన్నారు. ఎన్నికల చట్టం నిబంధన 33 ప్రకారం ప్రతిపాదకుల ఉపసంహరణ అంశమే లేదని అన్నారు.

newsbottomad

ఎక్కువగా చదివిన వార్తలు

  • దుగరాజపట్నం పోయింది... ఇక రామాయపట్నం మిగిలింది
    దుగరాజపట్నం పోర్టు ఇక లేదనే విషయం తేటతెల్లం కావడం తెలిసిందే! ఈ పోర్టు వల్ల లాభం లేదని కూడా 'నీతి అయోగ్‌' పేర్కొంది. దీంతో ఇప్పుడు రామాయపట్నం పోర్టు రాజకీయ నాయకుల ప్రచారాస్త్రమైంది. కావలి సమీపంలోని రామాయపట్నం పోర్టు సాధన కోసం…
  • ఠారెత్తిస్తున్న సూరీడు
    మే నెల... రాళ్ళు, రోళ్ళు పగిలే ఎండలు... దీనికితోడు వడగాల్పులు... పగలు లేదు రాత్రి లేదు... ఎప్పుడైనా ఉక్కపోతే. ఈ వేసవిలో 38డిగ్రీలతో మొదలైన ఉష్ణో గ్రతలు ఇప్పుడు 45డిగ్రీలను తాకాయి. 14వ తేదీ 43డిగ్రీల ఉష్ణోగ్రత నమోదు కాగా 15వ…
  • మండుటెండల్లో... వణుకుతున్న చంద్రన్న!
    అసలు ఢిల్లీలో ఏం జరిగింది? ఏం జరుగుతోంది? ఏం జరగబోతోంది? నాకిప్పుడే తెలియాలి అన్నంత ఉద్వేగానికి లోనవుతున్నాడు ముఖ్యమంత్రి చంద్రబాబు నాయుడు. వైసిపి అధినేత జగన్‌కు ప్రధాని నరేంద్రమోడీ అపాయింట్‌మెంట్‌ ఇవ్వడాన్ని ఆయన ఓ పట్టాన జీర్ణించు కోలేకపోతున్నాడు. ఆయన అమెరికాలో…
  • పాపం పండెన్‌!
    నరేంద్ర మోడీ పక్కసీట్లో విమానయానం... చంద్రబాబునాయుడుతో హెలికాఫ్టర్‌ ప్రయాణం... అహ్మద్‌ పటేల్‌తో బ్రేక్‌ఫాస్ట్‌... గులాంనబీ ఆజాద్‌తో లంచ్‌... రాహుల్‌గాంధీతో డిన్నర్‌... సోనియాగాంధీతో కప్పు కాఫీ కుదిరితే నాలుగు మాటలు అన్నట్లుగా వ్యవహరించే శాసనమండలి సభ్యులు వాకాటి నారాయణరెడ్డికి ఇప్పుడు బ్రేక్‌ఫాస్ట్‌, లంచ్‌,…
  • ఎగరకుండానే వెళ్ళిపోయింది!
    ఎన్నెన్ని ప్రకటనలు... ఎన్నెన్ని ప్రతిపాదనలు... ఎంతమంది పర్యటనలు... ఎన్నిసార్లు నోటిఫికేషన్లు... ఇదిగో ఎయిర్‌పోర్టు అంటే, అదిగా విమానం అంటూ ఇప్పటిదాకా ఊదరగొట్టారు. అంతెందుకు నిన్నగాక మొన్న మంత్రి నారాయణను పరామర్శించడానికి వచ్చిన కేంద్ర విమానయాన శాఖ మంత్రి అశోక్‌ గజపతిరాజు ఏం…

Newsletter