aeorplaదగదర్తి విమానాశ్రయం కల సాకారానికి రోజులు దగ్గరపడ్డాయి. త్వరలోనే విమానాశ్రయం నిర్మాణానికి టెండర్లు పిలవడానికి అధికారులు రంగం సిద్ధం చేస్తున్నారు. మొదటి దశలో ఎయిర్‌పోర్టు నిర్మాణానికి అవసర మైన 1350 ఎకరాల భూసేకరణ పూర్తయ్యింది. భూసేకరణకు సంబంధించి రైతుల పరిహారానికి నిధులు మంజూరు చేసారు. అన్నీ అనుకూలిస్తే ఈ నెలలోనే ముఖ్యమంత్రి చేతులమీదుగా విమానాశ్రయానికి శంకుస్థాపన చేయించే అవకాశం కూడా వుంది.

దగదర్తి విమానాశ్రయం పదేళ్ళ స్వప్నం. దివంగత నేత వై.యస్‌.రాజ శేఖరరెడ్డి సీఎంగా వున్నప్పుడే దగదర్తి మండలం దామవరం వద్ద విమా నాశ్రయం ఏర్పాటుకు ప్రతిపాదనలు సిద్ధమయ్యాయి. 3వేల ఎకరాల్లో నిర్మించ తలపెట్టిన ఈ ఎయిర్‌పోర్టును అప్పట్లో సత్యం రామలింగరాజుకు చెందిన కంపెనీకి అప్పగించాలని నిర్ణయించారు. అయితే అప్పుడు సత్యం కంపెనీ కుంభకోణంలో ఇరుక్కోవడంతో ఆ ప్రతిపాదన అటకెక్కింది. వై.యస్‌. మరణించాక ఆ తర్వాత వచ్చిన ఇద్దరు సీఎంలు రోశయ్య, కిరణ్‌లు దీని జోలికే పోలేదు. 2014లో తెలుగుదేశం అధికారంలోకి వచ్చాక దీనిపై మళ్ళీ కదలిక వచ్చింది. బీద మస్తాన్‌రావు దీనిపై ప్రత్యేకచొరవ చూపారు. ఒక దశలో భూవివాదాల వల్ల ఎయిర్‌పోర్టు ఇక్కడ నుండి ఎగిరిపోయే పరిస్థితి వచ్చింది. జిల్లా కలెక్టర్‌ ముత్యాలరాజు చాకచక్యంగా వ్యవహరించి వివాదాలను పరిష్కరించి, ఎయిర్‌పోర్టుకు కావాల్సిన భూమిని సేకరించారు.

దగదర్తి ఎయిర్‌పోర్టు నిర్మాణానికి ఇప్పుడు అంతా క్లియర్‌గా వుంది. కలెక్టర్‌ ముత్యాలరాజు ఇటీవల అధికారులతో సమీక్ష నిర్వహించి అక్కడ ఎయిర్‌పోర్టు నిర్మాణానికి అడ్డంకులను తొలగించాలని ఆదేశించారు. ఈ నెలలో ఎయిర్‌పోర్టుకు శంకుస్థాపన జరిగితే ఏడాదిలోపే దానిని పూర్తి చేసుకోవడం పెద్ద సమస్య కాదు. అప్పుడు హైదరాబాద్‌ పోవాలన్నా, విశాఖ, ముంబై, ఢిల్లీలకు పోవాలన్నా నెల్లూరీయులు చెన్నై ఎయిర్‌పోర్టుకో, రేణిగుంట ఎయిర్‌పోర్టుకో పరుగులు తీయాల్సిన పని వుండదు.

airplaneఎన్నెన్ని ప్రకటనలు... ఎన్నెన్ని ప్రతిపాదనలు... ఎంతమంది పర్యటనలు... ఎన్నిసార్లు నోటిఫికేషన్లు... ఇదిగో ఎయిర్‌పోర్టు అంటే, అదిగా విమానం అంటూ ఇప్పటిదాకా ఊదరగొట్టారు. అంతెందుకు నిన్నగాక మొన్న మంత్రి నారాయణను పరామర్శించడానికి వచ్చిన కేంద్ర విమానయాన శాఖ మంత్రి అశోక్‌ గజపతిరాజు ఏం చెప్పాడు... త్వరలోనే నెల్లూరులో నుండి విమానం ఎగురుద్దని చెప్పాడు. ఆయన నెల్లూరులో నుండి విమానం టేకాఫ్‌ అవుద్దని చెప్పాడో, లేక నెల్లూరు మీదుగా విమానం పోతుందని చెప్పాడో అర్ధం కావడం లేదు. ఎందుకంటే ఆయన ఆ స్టేట్‌మెంట్‌ ఇచ్చిన రెండోరోజే అదే మంత్రి నారాయణను పరామర్శించడానికి నెల్లూరొచ్చిన ఎనర్జీ, పెట్టుబడుల శాఖ మంత్రి అజయ్‌జైన్‌ నెల్లూరు జిల్లా దగదర్తి మండలంలోని దామవరం వద్ద మంజూరైన ఎయిర్‌పోర్టును రద్దు చేస్తున్నట్లు, దీనిని మరో జిల్లాకు తరలిస్తున్నట్లు చెప్పి జిల్లా ప్రజల ఆశలపై నీళ్ళు చల్లాడు.

ఎయిర్‌పోర్టు రద్దుకు భూసేకరణే పెద్ద కారణంగా కనిపి స్తోంది. దామవరం వద్ద ప్రభుత్వ భూములతో పాటు ప్రైవేట్‌ భూములు కూడా ఉన్నాయి. ప్రైవేట్‌ భూములకు అధికరేట్లు ఇప్పిస్తామని చెప్పి స్థానిక అధికారపార్టీ నాయకులు ఇక్కడ రైతులను రెచ్చగొట్టారు. దీనికి వాళ్ళు ఎకరాకు ఇంతని చెప్పి ముందుగానే కమిషన్‌ కూడా మాట్లాడుకున్నారు. దీంతో ఎయిర్‌పోర్టు కోసం సేకరించే భూములకు రైతులు భారీగా నష్టపరిహారాన్ని ఆశించ సాగారు. వారికి నాయకులు కూడా ఆ స్థాయిలో ఆశలు కల్పిం చారు. అదీగాక ఇక్కడ భూముల ఆక్రమణ, రికార్డులు తారుమారు చేయడం వంటి లొసుగులున్నాయి. ఇక్కడ ఎయిర్‌పోర్టు నిర్మాణం పెద్ద తలనొప్పిగా మారడంతో రద్దు చేసినట్లు తెలుస్తోంది.

పోర్టు దగ్గర ఎయిర్‌పోర్టా!

కృష్ణపట్నం పోర్టుకు సమీపంలో ఎయిర్‌పోర్టు రానుందనే ప్రచారం వూపందుకుంది. నెల్లూరుజిల్లా ఎయిర్‌పోర్టును మరో జిల్లాకు తరలించినట్లు చెప్పారు. వాస్తవానికి నెల్లూరుజిల్లాలో కాకుండా ఇంకే జిల్లాలోనూ ఇప్పటికిప్పుడు ఎయిర్‌పోర్టు అవసరం లేదు. కృష్ణా జిల్లా నుండి శ్రీకాకుళం దాకా చూస్తే మూడు ఎయిర్‌పోర్టులున్నాయి. గుంటూరుజిల్లా వాళ్లకు కూడా గన్నవరం ఎయిర్‌పోర్టు దగ్గర. అనంతపురం జిల్లాలో పుట్టపర్తి వద్ద, చిత్తూరు జిల్లాలో రేణిగుంట ఎయిర్‌పోర్టులున్నాయి. కడపలో ఇటీవలే ఎయిర్‌పోర్టును ప్రారంభిం చారు. ఇక కర్నూలుకు ఇప్పుడు ఎయిర్‌పోర్టు పెద్దగా అవసరం లేదు. వాళ్లకు హైదరాబాద్‌ రెండున్నర గంటల ప్రయాణం. ఇప్పుడున్న పరిస్థితుల్లో రాష్ట్రంలో ఎయిర్‌పోర్టు అవసరం ప్రధానంగా నెల్లూరుజిల్లాకే వుంది. అదీగాక విశాఖ తర్వాత రాష్ట్రంలో పారిశ్రామికంగా అభివృద్ధి చెందుతున్న జిల్లా కూడా ఇదే కావడంతో ఎయిర్‌పోర్టు దామవరం వద్ద కాకపోయినా త్వరలో మరో దగ్గర మంజూరయ్యే అవకాశముంది.

aeroనెల్లూరుజిల్లా దగదర్తి మండలం దామవరం వద్ద హైవే పక్కన ఎయిర్‌ పోర్టు... దివంగత నేత డాక్టర్‌ వై.యస్‌. రాజశేఖరరెడ్డి హయాంలో పురుడు పోసు కున్న కల. ఎయిర్‌పోర్టు కోసం ఇక్కడ భూసేకరణ జరిగింది. సర్వే ముగిసింది, నిధులు మంజూరు కూడా అయ్యాయి. ఇక కేంద్ర విమానయాన మంత్రిత్వశాఖ ఆధ్వర్యంలో ఎయిర్‌పోర్టుకు శంకుస్థాపనే తరువాయి అనుకుంటున్న తరుణంలో ఇక్కడ విమానాలు ఎగరడం మాట అటుంచి అసలు ఎయిర్‌పోర్టే ఎగిరిపో యిందని తెలుస్తోంది. ఎగిరి ఎక్కడికో పోలేదు, నెల్లూరు జిల్లాలోనే ముత్తుకూరు మండలంలో రిలయన్స్‌ పవర్‌ ప్రాజెక్ట్‌ కోసం సేకరించిన 2వేల628 ఎకరాల భూముల్లో ఈ ఎయిర్‌పోర్టు నిర్మాణం కాను న్నట్లు సూచాయగా తెలుస్తోంది. దేశం లోనే పెద్ద పోర్టుగా, ఎగుమతులు, దిగు మతులలో దూసుకుపోతున్న కృష్ణపట్నం పోర్టు యాజమాన్యం ఒత్తిడితోనే ఎయిర్‌ పోర్టును అక్కడనుండి ఇక్కడకు మార్చినట్లు తెలుస్తోంది. కృష్ణపట్నం పోర్టుకు అనుసం ధానంగా, పోర్టు వాణిజ్యానికి అనుకూ లంగా ఉంటుందన్న ఉద్దేశ్యంతో పాటు, రిలయన్స్‌ కోసం సేకరించిన భూములు ఎలాగూ ఖాళీగా వున్నాయి కాబట్టి భూ సేకరణ సమస్య కూడా లేకపోవడంతో ఇక్కడ ఎయిర్‌పోర్టు నిర్మాణానికి పచ్చ జెండా ఊపారని సమాచారం.

దామవరం వద్ద ఎయిర్‌పోర్టు అయితే నెల్లూరుజిల్లా ప్రయాణీకులతో పాటు ప్రకాశం జిల్లా ప్రయాణీకులకు కూడా అనువుగా ఉండేది. ముఖ్యంగా పడమర మండలాల వారికి చాలా సౌకర్యంగా ఉండేది. దామవరం అయితే హైవేకు పక్కనే ఉండడం, జిల్లాలోని అన్ని వైపుల నుండి హైవేలోకి మంచి కనెక్టివిటీ ఉం డడం వల్ల ప్రయాణీకులకు సులువుగా ఉండేది. ఇప్పుడు రిలయన్స్‌ కోసం సేక రించిన భూముల్లో ఎయిర్‌పోర్టు పెడితే జిల్లాలో అదొక కొసన అవుతుంది. అదీగాక రోడ్డు కనెక్టివిటీ సరిగా లేదు. ఏ ప్రాంతం వాళ్లైనా నెల్లూరు, ముత్తుకూరు రోడ్డు ద్వారా అక్కడికి చేరుకోవాలి. ఇప్పటికే ఆ రోడ్డులో ట్రాఫిక్‌ నరకంగా వుంటుంది. ఇక ఎయిర్‌ పోర్టు పడితే పెరిగే ట్రాఫిక్‌తో అరగంట ప్రయాణం ఒకటిన్నర గంట అయినా ఆశ్చర్యపోనవసరం లేదు.

అయితే ఒకటి నిజం... కృష్ణపట్నం పోర్టుకు అనుసంధానంగా ఎయిర్‌పోర్టు ఇక్కడ వస్తే ప్రయాణీకుల సౌకర్యం మాట అటుంచి, పారిశ్రామికాభివృద్ధికి అవకాశం ఉంటుంది. కృష్ణపట్నం పోర్టుకు ఎయిర్‌ కార్గో పెరుగుతుంది. పారిశ్రామికవేత్తలు, వ్యాపార దిగ్గజాలు రాకపోకలు సాగించ డానికి అనువుగా వుంటే పరిశ్రమలు పెరగవచ్చు. రిలయన్స్‌ భూముల్లో ఎయిర్‌ పోర్టు ఖాయమైతే ముత్తుకూరు రోడ్డులో రియల్‌ భూమ్‌ మళ్ళీ ఒక ఊపు ఊపొచ్చు.

Page 1 of 2

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…

Newsletter