akramanఆక్రమణలకు, ఆక్రమణదారులకు అభయహస్తం ఆక్రమణల క్రమబద్ధీకరణ కార్యక్రమం. గత కాంగ్రెస్‌ ప్రభుత్వంలోనే ఈ సంస్కృతి మొదలుకాగా, నేటి తెలుగు దేశం ప్రభుత్వం కూడా దానిని కొనసాగి స్తోంది. ప్రభుత్వ స్థలాలను, ఇరిగేషన్‌ కాలువల స్థలాలను, ఇతర పోరంబోకు స్థలాలను ఆక్రమించుకుని వున్నారా... వెంటనే క్రమబద్దీక రించుకోండి... ఇదీ ప్రభుత్వం ప్రకటిస్తున్న ఆఫర్‌.

తాజాగా ఆక్రమణదారులకు రాష్ట్ర ప్రభుత్వం ఈ బంపర్‌ ఆఫర్‌ను ప్రకటిం చింది. 2014 జనవరికి ముందు ఆక్ర మించుకున్న స్థలాలను క్రమబద్దీకరించు కోవాలంటూ రాష్ట్ర ప్రభుత్వం జి.ఓ విడు దల చేసింది. నెల్లూరు కార్పొరేషన్‌తో పాటు కావలి, గూడూరు, సూళ్లూరుపేట, వెంకటగిరి, నాయుడుపేట, ఆత్మకూరు మున్సిపాల్టీల పరిధిలో ఆక్రమణలకు ఈ జి.ఓ వర్తిస్తుంది. 23వ తేదీ నుండి ఆక్రమ ణల క్రమబద్దీకరణ మొదలుపెట్టారు. మొత్తం 10రోజుల్లో ఈ తంతును ముగిం చాలని అధికారులు నిర్ణయించారు. ఆక్రమణదారుల నుండి ఫీజులు వసూలు చేసి తర్వాత వారికి పొజిషన్‌ సర్టిఫికేట్‌లు మంజూరు చేయనున్నారు. నాలుగు రూపా యలు ఖర్చయినా ఆక్రమణదారులకు ఇది ఒక భరోసా.

jcbఏ పనన్నా సమర్ధవంతంగా పూర్తి చేయాలంటే ధైర్యమన్నా ఉండాలి, పక్కా ప్లానింగ్‌ అన్నా ఉండాలి. దురదృష్టం... మన పాలకుల వద్ద ఆ రెండూ లేకుండా పోయాయి. నెల్లూరు నగరంలో ఆక్రమ ణల తొలగింపు మళ్లీ వాయిదా పడింది. అదేదో పనికి ఆషాఢం సొడ్డు దొరికినట్లు, ఆక్రమణలు తొలగించడానికి మన వాళ్లకు పండుగలు అడ్డొచ్చాయి.

2015 నవంబర్‌లో వచ్చిన వరద లకు నెల్లూరు నగరంలో పలు కాలనీలు ముంపుకు గురికాగా, ముఖ్యమంత్రి చంద్రబాబు స్వయంగా వచ్చి పరిశీలించి కాలువలపై ఆక్రమణలను తొలగించాలని ఆదేశించడం తెలిసిందే! అప్పట్లో రెండ్రో జులు మంత్రి నారాయణ మిషన్‌లను తెప్పించి హడావిడి చేసాడు. నీ నారా యణ ఆసుపత్రి కూడా కాలువమీదే వుంది, కాబట్టి ముందు నీది పగల గొట్టుకో అని ఎమ్మెల్యేలు కోటంరెడ్డి, అనిల్‌లు హెచ్చరించేసరికి అసలు ఆక్రమ ణల తొలగింపే అటకెక్కింది. దాదాపు సంవత్సరం పాటు ఈ సబ్జెక్ట్‌ను కదిలించ లేదు. మొన్న హైదరాబాద్‌లో వరదలు రావడం, కాలువల మీద ఆక్రమణలను కేసీఆర్‌ అడ్డంగా పగలగొట్టించడంతో చంద్రబాబుకు నెల్లూరు గుర్తొస్తుంది. మళ్లీ వర్షాల సీజన్‌ వస్తుంది. ఈసారి కూడా నెల్లూరులో సీన్‌ రిపీట్‌ అయితే జనం మనల్ని తిట్టుకుంటారు. వెంటనే ఆక్ర మణల తొలగింపు చేపట్టండని ఆదేశిం చడంతో మంత్రి నారాయణ రంగంలోకి దిగి పాత మ్యాప్‌లను మళ్లీ ఓపెన్‌ చేసి ఆక్రమణల తొలగింపుకు శ్రీకారం చుట్టారు. ఈ నెల 8వ తేదీ రామిరెడ్డి కాలువపై మద్రాసు బస్టాండ్‌ ప్రాంతంలో కొంత ఉద్రిక్తత పరిస్థితి మధ్య ఆక్రమ ణలు తీసేయడం మొదలుపెట్టారు. 9వ తేదీకి మళ్లీ సీన్‌ రిపీట్‌! మూలాపేటలోని ఉమామహేశ్వరస్వామి గుడి సమీపంలో ఆక్రమణల తొలగింపును నగర ఎమ్మెల్యే పి.అనిల్‌కుమార్‌యాదవ్‌ అడ్డుకున్నారు. దీంతో అధికారులు, పోలీసులు ఏమీ చేయలేక వెనుదిరిగారు. 12వ తేదీ దసరా, ఆ తర్వాత రొట్టెల పండుగ వున్నాయి కాబట్టి, ఆ పండుగలు పోయాకే తిరిగి ఆక్రమణలు తొలగింపు చేపట్టాలని నిర్ణయించారు.

12వ తేదీ దసరా, ఆ తర్వాత రోజు నుండి రొట్టెలపండుగనే విషయం మన మంత్రికి, నగర పాలకులకు, అధికారులకు ముందుగా తెలియదా? అదేదో మొదలు పెట్టేది పండుగలు పోయాకే మొదలుపెట్టి ఉండొచ్చు కదా!

అసలు అంతదాకా ఎందుకు.. ఆక్ర మణల తొలగింపుపై చిత్తశుద్ధి ఉండుంటే బాధితులకు ఈ గ్యాప్‌లోనే ప్రత్యా మ్నాయం చూపించి ఉండొచ్చు. నెల్లూరు జంట ఎమ్మెల్యేలు కోరుకునేది కూడా బాధితులకు నీడకల్పించి, మౌలిక వస తులు ఏర్పాటు చేయమనే!

వైయస్సార్‌ నగర్‌లో బాధితు లకు ఇళ్లు ఇస్తామని మంత్రి నారాయణ చెబుతున్నాడు. ఆ పనేదో కనీసం ఆరు నెలల ముందే చేసి ఉండొచ్చు. అక్కడ రోడ్లు, కరెంట్‌, తాగునీళ్ల వంటి కనీస వస తులు ఏర్పాటు చేసివుంటే ఈరోజు ఆక్రమణల తొలగింపుకు ఎవరూ అడ్డు పడేవాళ్లు కారు.

kaluva akramanaదాహం వేసినప్పుడు బావి తవ్వు కోవడం ప్రభుత్వాలకు అలవాటై పోతుంది. అయితే ఆ విధంగా తవ్వినా ఫర్వాలేదు. కాని తవ్వుతున్నట్లు నటిస్తుం డడంతోనే వచ్చిన ఇబ్బందంతా!

గత యేడాది నవంబర్‌లో వచ్చిన వర్షాలు, వరదలకు నెల్లూరు లోని పలు ప్రాంతాలు మునిగిపోవడం చూసాము. కొన్ని కాలనీలలో అయితే నాలుగురోజుల దాకా తెప్పల్లో వెళ్లి బాధితులకు ఆహారపొట్లాలు, మంచినీళ్లు అందించాల్సి వచ్చింది. ఇంత తీవ్ర పరిస్థితులు తలెత్తడానికి కారణం నగరంలో పంట కాలువల ఆక్రమణలేనని అప్పుడు అధికారులు గుర్తించారు. పంటకాలువల ఆక్రమణలపై అప్పటికప్పుడు 200 మంది దాకా రెవెన్యూ సిబ్బందిని దించి సర్వేలు చేయించారు. పంటకాలువల ఆక్రమణలకు సంబంధించి నగరంలో మార్కింగ్‌ కూడా ఇచ్చారు. ఈ మార్కింగ్‌ ప్రకారం ఆక్రమణలు తొలగిస్తే వేలాది ఇళ్లతో పాటు హోటళ్లు, పలు వాణిజ్య భవనాలు కూడా పోతాయి. పెద్దపెద్ద కాంప్లెక్స్‌ల సంగతి పక్కనపెడితే, బీద, బిక్కి బాధితులకు 5వేల ఇళ్లు కట్టిస్తామని, ఆరునూరైనా ఆక్రమణలు తొలగించి తీరుతామని ఆరోజు మంత్రి నారాయణ గట్టిగానే చెప్పాడు. ఆరోజు మంత్రులు, అధికారుల ప్రకటనలు ఎలా వున్నాయంటే ఒకటి, రెండు వారాల్లో ఆక్రమణల తొలగింపు పూర్తవుతుందన్నట్లు మాట్లాడారు.

ఆ తర్వాత ఆక్రమణల తొలగింపు రాజకీయ రంగు పులుముకుంది. బాధితులకు నీడ కల్పించిన తర్వాతే ఆక్రమణలు తొలగించాలంటూ నెల్లూరు నగర, గ్రామీణ ఎమ్మెల్యేలు ఆందోళన చేపట్టారు. దీంతో పాటు మంత్రికి చెందిన నారాయణ మెడికల్‌ కాలేజీ ప్రాంగణమే పంట కాలువను ఆక్రమించి కట్టారనే వివాదం తలెత్తింది. దీంతో అసలు ఆక్రమణల తొలగింపు ఊసే లేకుండా పోయింది. మళ్లీ ఇది గుర్తుకు రావాలంటే నవంబర్‌ వర్షాలు రావాల్సిందే!

Page 1 of 2

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…

Newsletter