ramnarఆనం రామనారాయణరెడ్డి తెలుగు దేశంపార్టీలో చేరాక ఆత్మకూరు నియో జకవర్గ ఇన్‌ఛార్జ్‌ బాధ్యతలు ఇచ్చారు. ఆయనకు ముందు ఇన్‌ఛార్జ్‌గా ఉన్న గూటూరు కన్నబాబును పక్కనపెట్టడం తెలిసిందే! ఆనం ఇన్‌ఛార్జ్‌ అయితే ఆత్మకూరు నియోజకవర్గంలో పెను రాజ కీయ మార్పులు చోటుచేసుకుంటాయని, వైకాపా నుండి పెద్దఎత్తున వలసలుంటా యని, వైసిపికి ఇక్కడ బలమైన ఎదురుదెబ్బ తగులుతుందని వూహించారు. అయితే ఇక్కడ అలాంటి అనూహ్య పరిణామాలేవీ సంభవించలేదు. రామనారాయణరెడ్డి తెలుగుదేశంలో చేరాడని చెప్పి అంతకు ముందు ఆయనతో వున్నోళ్లెవరూ ఎగేసుకు పోలేదు. వీళ్లంతా ఆచితూచి వ్యవహరిస్తూ స్థబ్దుగా వున్నారు.

ఆత్మకూరులో ఆనం రామనారాయణ రెడ్డికి ఏమంత అనుకూల వాతావరణం కూడా లేదు. పార్టీలోనే అసమ్మతి వుంది. గూటూరు కన్నబాబు ప్రత్యేకవర్గాన్ని మెయింటేన్‌ చేస్తున్నాడు. రేపు ఆనంకు అతను సహకరిస్తాడన్న ఆశలు కూడా లేవు. ఆనం కాంగ్రెస్‌లో మంత్రిగా వున్న సమయంలో ఆయన వర్గం ఇక్కడ బాగానే బలంగా వుండింది. ఆఖరకు మేకపాటి సొంత మండలమైన మర్రిపాడు మండ లంలో కూడా ఆనంకు బలమైన అనుచరు లుండినారు. మేకపాటి సొంత పంచా యితీ బ్రాహ్మణపల్లిలో ఆనం అనుచరులు సర్పంచ్‌గా గెలిచారు. కాని, ఆనం రామ నారాయణరెడ్డి 2014 ఎన్నికల్లో గట్టిగా పోరాడలేకపోవడంతో ఈ అనుచరగణ మంతా కూడా చెల్లాచెదురైంది. సొంత మండలమైన మర్రిపాడుపై మేకపాటి

వాళ్ళు మునుపటి పట్టును సాధించుకో గలిగారు. కాని కాంగ్రెస్‌లో నుండి తెలుగు దేశంలో చేరిన ఆనం మాత్రం గతంలో తన వెన్నంటి నడిచిన అనుచరులను తిరిగి తెచ్చుకోలేకపోతున్నాడు. దీనికి కారణం తెలుగుదేశం పార్టీలో వాళ్ళు ఇమడ లేకపోవడమే! వాళ్ళంతా కాంగ్రెస్‌లో ఉండగలిగారు, తర్వాత వైయస్సార్‌ కాంగ్రెస్‌లోకి పోగలిగారు. కాని, టిడిపి అంటే వీళ్లకు సరిపడడం లేదు. అందుకే ఆనం వెంట అనుచరులు పెద్దగా తెలుగు దేశంలో చేరలేదు. దీనికితోడు ఆత్మ కూరులో 'రెడ్డి' సామాజిక వర్గీయుల ఓట్లు 40వేల దాకా వున్నాయి. ఇది ఖచ్చితంగా వైకాపాకు సానుకూల అంశమే!

ఆత్మకూరులో తెలుగుదేశంకు అంత అనుకూలమైన వాతావరణమేదీ లేదు. ఆనం ఇక్కడ పాత బలాన్ని తెచ్చుకోవా లంటే బాగానే కసరత్తు చేయాల్సి వుంటుంది.

cm anam brosతెలుగుదేశంపార్టీలో చేరినప్పటి నుండి కూడా మనశ్శాంతి కరువై, పూలమ్మిన చోటే కట్టెలమ్ముకున్నట్లుగా వున్న ఆనం వివేకా నందరెడ్డి, ఆనం రామనారాయణరెడ్డిలు 2వ తేదీ సీఎం చంద్రబాబును కలిసారు. జిల్లా రాజకీయాల గురించి కాకుండా తమ రాజకీయ భవిష్యత్‌ గురించి ఆయనతో చెప్పుకున్నారు. ఆనం సోదరులు తెలుగు దేశంలో చేరారనేగాని, పార్టీలో వీరికి సరైన ప్రాధాన్యత లేదు. కాంగ్రెస్‌లో రాజాలు మాదిరిగా ఏలిన ఈ బ్రదర్స్‌కు తెలుగుదేశంలో ఇమడడం కష్టంగానే వుంది. అయినా రాజకీయంగా ఇంకో ప్రత్యామ్నాయ మార్గం లేకపోవడంతో తెలుగుదేశంనే అంటి పెట్టుకుని వున్నారు. పార్టీలో చేరాక ఆనం రామనారాయణరెడ్డికి ఆత్మకూరు ఇన్‌ఛార్జి ఇవ్వడం తప్పించి ఇంకేమీ చేయలేదు. ఆనం సోదరులు ఎమ్మెల్సీ డిమాండ్‌ చేస్తున్నారు. దానిపై చంద్రబాబు ఇంతవరకు హామీ ఇవ్వలేదు. త్వరలో గవర్నర్‌ కోటాలో రెండు ఎమ్మెల్సీ సీట్లు భర్తీ చేయాలి. వీటిలో ఒక దానిని జమ్మలమడుగు రామసుబ్బారెడ్డికి ఇచ్చారు. కాబట్టి రెండో ఎమ్మెల్సీని రెడ్లకు ఇవ్వలేడు. దీంతో ఇప్పట్లో ఆనం సోదరులకు ఎమ్మెల్సీ అవకాశం లేనట్లే! కాని నిన్న సీఎంను కలిసిన బ్రదర్స్‌, గవర్నర్‌ కోటాలో ఎమ్మెల్సీని అడిగినట్లు తెలుస్తోంది. తమకు ఏదో ఒక పదవి వుంటేగాని పార్టీలో తమ ప్రాధాన్యత పెరగదని వారి ఉద్దేశ్యం. ఒకవేళ ఎమ్మెల్సీ ఇవ్వలేని పక్షంలో 'నుడా' ఛైర్మెన్‌తోనైనా సర్దుకుపోవడానికి బ్రదర్స్‌ సిద్ధంగా వున్నట్లు, ఆ విధంగా చంద్రబాబుకు సంకేతాలు ఇచ్చినట్లు తెలుస్తోంది.

ram kamతెలుగుదేశంపార్టీకి సంస్థాగతంగా కీలక విభాగం పోలిట్‌బ్యూరో. ఇందులో సభ్యుడిగా వుండడం ప్రతిష్టాత్మకంగా భావిస్తారు నాయకులు. పోలిట్‌బ్యూరో అంటే పార్టీ అధ్యక్షుడి తర్వాత నిర్ణయాలు తీసుకోవడంలో కీలక వ్యవస్థ. ప్రస్తుతం నెల్లూరుజిల్లా నుండి సోమిరెడ్డి చంద్రమోహన్‌రెడ్డి పోలిట్‌బ్యూరో సభ్యులుగా వున్నారు. ఇప్పుడాయనను మంత్రి వర్గానికి తీసుకున్నారు. కాబట్టి పోలిట్‌బ్యూరోలో ఆయన స్థానాన్ని జిల్లా నుండి ఒకరిద్దరు నాయకులు ఆశిస్తున్నట్లు తెలుస్తోంది.

తెలుగుదేశం పార్టీలో చేరారనేగాని ఇంతవరకు ఆనం సోదరులను సంతుష్టపరిచే విధంగా పార్టీ అధిష్టానం నిర్ణయాలు లేవు. ఆనం రామ నారాయణరెడ్డికి ఆత్మకూరు ఇన్‌ఛార్జ్‌ బాధ్యతలు అప్పగించడం తప్పితే వాళ్లకు అదనంగా చేసిందేమీ లేదు. వాళ్లకు కాంగ్రెస్‌పార్టీలో ఉన్నప్పటి విలువలో కనీసం పదోవంతు విలువ కూడా తెలుగుదేశంలో లేకుండా పోయింది. కనీసం గల్లీ లీడర్లు కూడా వాళ్లను లెక్క చేయకుండా, ఈ పార్టీలో చేరి పొరపాటు చేసామనే పరిస్థితిని వాళ్లకు కల్పిస్తున్నారు. ఇటీవల స్థానిక సంస్థల కోటాలో గాని, గవర్నర్‌ కోటాలో గాని ఎమ్మెల్సీ సీటును ఆశించి భంగపడ్డారు. చంద్రబాబుపై పూర్తి అసంతృప్తితో వున్న ఆనం సోదరులకు పోలిట్‌బ్యూరోలో సభ్యత్వం దక్కే అవకాశముందని టాక్‌.

ఇంకోపక్క చూస్తే జిల్లాలో మంత్రి పదవులు, ఎమ్మెల్సీలు, నామినేటెడ్‌ పదవులన్నీ తూర్పు డెల్టా నాయకులకే దక్కుతున్నాయి. మెట్ట ప్రాంతం కేడర్‌ను, లీడర్లను పార్టీ చిన్నచూపు చూస్తుండడం వల్ల, ఎన్నికలప్పుడు ప్రజలు కూడా పార్టీని చిన్నచూపు చూస్తున్నారు. కనీసం పార్టీ పదవుల విషయంలోనైనా మెట్టప్రాంతం నాయకులను గుర్తించి, ఆ ప్రాంతం వారికి పోలిట్‌బ్యూరోలో స్థానం కల్పించాలని మెట్టప్రాంతం కార్యకర్తలు కోరుతు న్నారు. మెట్ట ప్రాంతాలైన ఉదయగిరి, రాపూరు, వెంకటగిరి ప్రాంతాలను తీసుకుంటే మాజీఎమ్మెల్యే కంభం విజయరామిరెడ్డి సీనియర్‌ నాయకుడు. 1985 నుండి పార్టీని నమ్ముకుని ఉన్నాడు. ఇటీవల కాంగ్రెస్‌లోకి వెళ్లినా గోడకు కొట్టిన బంతిలా తిరిగొచ్చేసాడు. ఉదయగిరి నియోజకవర్గంలో ఆర్ధికంగా శక్తివంతుడైన మేకపాటి సోదరులను మోటుకుంటూ పార్టీ కేడర్‌ను కాపాడుకొస్తున్నాడు. డబ్బులు చల్లనిదే నాయకుల వెనుక నలుగురు మనుషులు రాని నేటిరోజుల్లో కూడా కంభంకు రూపాయి ఖర్చు పెట్టకుండా వచ్చే మనుషులున్నారు. 1999లో పార్టీ జిల్లా అధ్యక్షుడిగా కూడా పని చేశారు. ఆయన ఆధ్వర్యంలోనే అప్పుడు జిల్లాలో తెలుగుదేశంపార్టీ మెజార్టీ సీట్లు గెలిచింది. మెట్ట ప్రాంతానికి చెందిన నాయకులను గుర్తిస్తే ఈ ప్రాంతంలో పార్టీ బలపడుతుందని ఈ ప్రాంతం కార్యకర్తల వాదన. మరి ఇది చంద్ర బాబు చెవికి చేరుతుందా, లేదా అరణ్యరోదనగానే మిగులుతుందో చూద్దాం!

Page 1 of 4

newsbottomad

ఎక్కువగా చదివిన వార్తలు

  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నంద్యాల ఎన్నికలో... పెట్టుబడిదారులూ నెల్లూరోళ్ళే!
    నంద్యాల ఎన్నికల ప్రచారంలో నెల్లూరు జిల్లాకు చెందిన ఇరు పార్టీల నాయకులు హల్‌చల్‌ చేస్తున్నారు. తామే పోటీ చేసినంత కసిగా పని చేస్తున్నారు. అయితే నంద్యాల ఎన్నికలకు ప్రచారకర్తలే కాదు పెట్టుబడి దారులు కూడా నెల్లూరోళ్ళేనని సమాచారం. నంద్యాల వైకాపా అభ్యర్థి…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…
  • ఉపరాష్ట్రపతి పదవికి వెంకయ్య రాజీనామా!
    ఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా…
  • బెట్టింగ్‌ తీగ లాగుతూనే వున్నారు... డొంక కదులుతూనే ఉంది
    నెల్లూరుజిల్లాకు పిహెచ్‌డి రామకృష్ణ అనే ఒక ఎస్పీ వస్తాడని, బెట్టింగ్‌ రాయుళ్ళపై ఈ స్థాయిలో విరుచుకు పడతాడని, బుకీల బొక్కలు విరిచేస్తాడని ఎవరూ ఊహించ లేదు. అసలు బెట్టింగ్‌పై ఈ స్థాయిలో పోలీస్‌ ఆపరేషన్‌ వుంటుందని ఎవరూ అంచనా కూడా వేయలేదు.…

Newsletter