anam adalaఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ.

జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి ప్రతిచోటా ఓ బృందం

ఉంది. ముఖ్యంగా నెల్లూరు నగరాన్ని తన హస్త గతం చేసుకుని పాలించిన ఘనత ఆనం వివేకా నందరెడ్డిది. అన్న నగర రాజకీయాలతో కథ నడుపుతుంటే తమ్ముడు ఆనం రామనారాయణరెడ్డి రాష్ట్ర స్థాయిలో తమ ఉనికిని చాటుకుంటూ అటు తెలుగుదేశంలోనూ ఇటు కాంగ్రెస్‌లోనూ మంత్రిగా కూడా ఆనం హవా కొనసాగించాడు.

ముఖ్యంగా వై.యస్‌.రాజశేఖరరెడ్డి ఐదేళ్ళ పాల నలో ఆనం కుటుంబ రూపురేఖలే మారిపోయాయి. నెల్లూరుజిల్లాలో నేదురుమల్లి హవా తగ్గించే ప్రక్రి యలో భాగంగా ఆనం వారిని వై.యస్‌. నెత్తినెక్కించు కున్నాడు. వారికి అగ్రతాంబూలం ఇచ్చి జిల్లా రాజ కీయాలలోనే కాకుండా రాష్ట్ర రాజకీయాలలో కూడా ఆనం వారికి అనూహ్య గుర్తింపు లభించేలా చేశాడు. ఒక దశలో రామనారాయణరెడ్డి మంత్రివర్గంలో అత్యంత కీలకంగా వ్యవహరించే స్థాయిలో వారికి ప్రాధాన్యత కల్పించాడు.

వై.యస్‌. మరణానంతరం ఆయన చేసిన సహాయాన్ని వీళ్ళు మర్చిపోయారు

2009 సెప్టెంబర్‌ 2న వై.యస్‌.రాజశేఖరరెడ్డి దుర్మరణం పాలవడం అనంతరం జరిగిన అనేక రాజకీయ పరిణామాలతో ఆనం సోదరులు వై.యస్‌. వారసుడు జగన్‌మోహన్‌రెడ్డికి వ్యతిరేకంగా అడుగు వేయడం అప్పట్లోనే కాదు, ఇప్పటికి కూడా పెద్ద చర్చనీయాంశమే. జగన్‌ను వ్యతిరేకించినా, కాంగ్రెస్‌ లోనే కొనసాగి వుండినా పెద్ద తప్పై వుండేది కాదు. తెలుగుదేశంలో చేరి చంద్రబాబుకు జైకొట్టి అటు విజయమ్మని తమ్ముడు, జగన్‌ని అన్న తీవ్రస్థాయి పదజాలంతో విమర్శించడం దూషించడం ''ఆనం'' అభిమానులకే మింగుడు పడలేదు. ఆనంకి అగ్రస్థాన మిచ్చి చేరదీసి ఆదరించిన వై.యస్‌ సతీమణిని ఆయన కుమారుడిని ఇష్టమొచ్చినట్లు మాట్లాడటం చాలా మందికి నచ్చలేదు. రాజకీయంగా విశేష అనుభవం, చాణుక్యత కలిగిన ఆనం సోదరులు ఈ విధంగా ప్రవర్తించడం ఎవ్వరికీ ఇష్టం లేదు.

రావద్దన్నా వచ్చిన ముఖ్యమంత్రి

మొహం చాటేసిన ఆనం కుటుంబసభ్యులు

తమనేదో పొడిచేస్తాడని చంద్రబాబు పంచన చేరిన వారికి చేదు అనుభవాలే మిగిలాయి. తన సహజ ప్రవర్తనతో బాబు వీరికి మొండిచేయి చూపిం చాడు. ఆనం వివేకానందరెడ్డి గత రెండు నెలలుగా తీవ్ర అనారోగ్యంతో ఆసుపత్రిలో చికిత్స పొందుతుంటే కనీసం చూడడానికి కూడా చంద్రబాబుకు మనసు రాలేదు. వివేకా పరిస్థితి రోజురోజుకీ విషమిస్తుందని తెలిసి గత గురువారం ఆయన స్టార్‌ ఆసుపత్రిలో వివేకాను పలకరించడానికి వెళ్తే పాపం వివేకా ముఖ్య మంత్రిని గుర్తుపట్టే స్థితిలో కూడా లేడని సమా చారం. ముఖ్యమంత్రిని రావద్దని ఆనం కుటుంబీకులు చెప్పినా వినకుండా ఆసుపత్రికి వెళ్ళిన బాబుకి ఆనం కుటుంబ సభ్యులందరూ ముఖం చాటేసి నిరసన తెలిపారు.

ఆనం ఆగమనంపై

పార్టీలో భిన్నాభిప్రాయాలు

ఈ క్రమంలో ఆనం రామనారాయణరెడ్డి త్వరలో వై.యస్‌.ఆర్‌ కాంగ్రెస్‌లో చేరబోతున్నారన్న వార్త ఒక్కసారిగా రాష్ట్రమంతా గుప్పుమంది. ఆయన ఆత్మకూరు లేదా వెంకటగిరి నుండి పోటీ చేస్తారని కూడా ప్రచారంలోకి వచ్చింది. దీనికి తగ్గట్లుగా రామనారాయణరెడ్డి బాహాటంగానే తెలుగుదేశాన్ని, పార్టీ అధ్యక్షుడిని విమర్శించడంతో వైసిపి ప్రవేశం ఖాయం అనే నిర్ణయానికి ఆనం అభిమానులు వచ్చేశారు. ఆయన ఏ పార్టీలో చేరినా పరవాలేదు ముందు తెలుగుదేశం నుండి బయటకు వస్తే చాలను కుంటున్న ఆయన అభిమానులు, వై.యస్‌.ఆర్‌. కాంగ్రెస్‌లో చేరితే బాగుంటుందనుకుంటుండిన ఆయన అనుయాయులు సంబరాలు కూడా చేసు కున్నారు. అయితే రాజశేఖరరెడ్డి కుటుంబాన్ని ముఖ్యంగా ఆయన శ్రీమతి విజయమ్మని, కుమారుడు జగన్‌ని అంతటి తీవ్ర విమర్శలు చేసిన వాళ్ళని ఎలా పార్టీలోకి ఆహ్వానిస్తారంటూ వైసిపిలోని ఓ వర్గం వాపోతోంది. రాజకీయాలలో విమర్శలు ప్రతి విమ ర్శలు, దూషణలు సహజమే కానీ ఆనం సోదరులు ఓ అడుగు ముందుకు వేసి చాలా ఎక్కువ స్థాయిలో ధ్వజమెత్తారు. ముఖ్యంగా విజయమ్మను రామనారా యణరెడ్డి కించపరచే విధంగా మాట్లాడితే జగన్‌ని వివేకానందరెడ్డి అసభ్య పదజాలంతో మాట్లాడాడు. వీరికా ఇప్పుడు వై.యస్‌.ఆర్‌ కాంగ్రెస్‌పార్టీ స్థానం కల్పించేదన్న అసంతృప్తి చాలామందిలో కనిపిస్తోంది. అయితే ఆనం వారికి కొద్దోగొప్పో వర్గం వుంది కాబట్టి, వారి రాక పార్టీకి అదనపు బలమే తప్ప నష్టం మాత్రం కాదన్న వాదన కూడా వినపడుతోంది.

బహుశా తమకి ఇంతటి పరిస్థితి వస్తుందని ఆనం వాళ్ళు కలలో కూడా ఊహించి వుండరేమో..! రాజకీయాల్లో విమర్శలు ప్రతివిమర్శలతో పాటు పార్టీ ఫిరాయింపులు కూడా సహజమే. కాని, జిల్లాలో అతిపెద్ద రాజకీయ కుటుంబమైన ''ఆనం'' వారికి ఇలాంటి సంకట స్థితి రావడం నిజంగా విధివైప రీత్యమే. ఒకప్పుడు వారి కోర్కెలతో, వారి కండిషన్స్‌తో వాళ్ళు పార్టీలో చేరేవాళ్ళు, కానీ ఇప్పుడు పార్టీ నిబంధనల మేరకే పార్టీలోకి రావడానికి ఆసక్తి చూపుతున్న వారి దీన స్థితి చూస్తుంటే... ఔరా! పాలిటిక్స్‌ & పాలిట్రిక్స్‌ అనిపిస్తుంది.

ఆదాల రాకపై వైసిపి శ్రేణుల ఆసక్తి..!

ఇదే సమయంలో ఆదాల ప్రభాకర్‌రెడ్డి పేరు కూడా వైసిపి వర్గాల్లో తీవ్ర చర్చకు వస్తోంది. ఆదాల అజాతశత్రువు. ఆయన వల్ల ఎదుటివారికి లాభమే తప్ప ఎదుటి వారి దగ్గర నుండి తానేమీ ఆశించడన్న పేరు కూడా ప్రభాకర్‌రెడ్డికి వుంది. ముఖ్యంగా వై.యస్‌. గురించి గాని, జగన్‌ గురించి గాని ఆయన ఎక్కడా తీవ్రస్థాయి విమర్శలు చేయలేదు. తన పని తాను చేసుకుపోతాడు తప్ప వివాదాల జోలికి వెళ్ళడు. ఒక పర్యాయం మంత్రిగా, మూడు పర్యాయాలు, ఎమ్మెల్యేగా ప్రజల్లో మంచి పేరు తెచ్చుకున్నాడు. ఆయన ఏ పార్టీలో చేరినా తన ప్రభావాన్ని ప్రభంజనంలా చూపించగలడన్న ధీమా అందరిలోనూ ఉంది. తెలుగుదేశం పార్టీ నెల్లూరు రూరల్‌ నియోజకవర్గ ఇన్‌ఛార్జ్‌గా ఆయన ప్రస్తుతం వున్నప్పటికీ తెలుగుదేశంలో కొనసాగడం ఆయన అనుచరులకే కష్టంగా ఉన్నట్లు తెలుస్తోంది. ఆదాల ప్రభాకర్‌రెడ్డికి రాజకీయ అనుభవంతో పాటు అనుచరగణం కూడా ఎక్కువే. ఆయనకంటూ ఓ వర్గాన్ని ఆయనదంటూ బృందాన్ని ఎప్పుడూ దగ్గర పెట్టుకుని వుంటాడు. కుళ్ళు, కుట్ర కుతంత్రం అంటే ఆయనకు తెలియదు. తాను గెలవడం తన పార్టీ అభ్యర్థులందరినీ గెలిపించుకోవడమే ధ్యేయంగా పని చేస్తాడు. ఎప్పుడు పార్టీ పక్షపాతిగానే వుంటాడు తప్ప వ్యక్తిత్వ శత్రుత్వం చూపించడు. తానెక్కడుంటే అక్కడే కమిట్‌మెంట్‌తో పనిచేస్తాడనే పేరుంది. ఇప్పుడు ఆదాల పేరు కూడా వైసిపి శ్రేణుల్లో ప్రముఖంగా వినిపిస్తోంది. ఆయన ఏ సీటులో పోటీ చేసినా గెలుపు గ్యారంటీ అనే పేరుంది. ఆనంతో పాటు ఆదాల కూడా వచ్చేస్తే ఇక జిల్లాలో వైసిపికి తిరుగుండదన్నది వారి అభిప్రాయం.

జిల్లాకు చెందిన నాయకులు ఇప్పటికే ఆదాలతో మంతనాలు ప్రారంభించినట్లు సమాచారం. ఏది ఏమైనా జగన్‌ పాదయాత్ర ముగిసేవరకూ ఈ అభ్యర్థుల విషయంలో స్పష్టత వచ్చే అవకాశాలు కనిపించడం లేదు.

anam brosవి.ఆర్‌ విద్యాసంస్థలు... ఒకప్పుడు వెంకటగిరి రాజా విద్యాసంస్థలు అని పేరు. గత మూడు దశాబ్దాలుగా వివేకా నందరెడ్డి విద్యాసంస్థలుగా పేరుబడ్డాయి. ఈ విద్యాసంస్థలు ఆనం కుటుంబం చేతు ల్లోకి వచ్చాక వెంకటగిరి రాజాల పేరు మరుగునపడిపోయింది. వాళ్ళ పేరు సంబంధిత విద్యాసంస్థల డాక్యుమెంట్లలో తప్పితే ఎక్కడా కనిపించేది కాదు. విద్యా సంస్థలపై మొత్తం పెత్తనం ఆనందే అయ్యింది. కరస్పాండెంట్లు వాళ్ళే, కోశాధి కారులు వాళ్ళ మనుషులే. విఆర్‌ విద్యా సంస్థలను దాదాపు మూడు దశాబ్దాలకు పైగా తమ గుప్పిట్లో పెట్టుకుని నడిపిం చారు. అయితే ఇన్నేళ్ళ పాటూ విఆర్‌ విద్యాసంస్థలు వారి చేతుల్లో అక్రమంగానే వున్నాయనే విషయం నిన్నటి సుప్రీం కోర్టు తీర్పుతో వెల్లడైంది. 1986లో జరిగిన ఎన్నికల ద్వారా ఎన్నికైన పాలకవర్గం ఎన్నిక చెల్లదంటూ 27వ తేదీన సుప్రీం కోర్టు తుది తీర్పు వెలువరించింది. ఇదే ఫైనల్‌ తీర్పు కావడంతో విఆర్‌ విద్యా సంస్థలపై ఆనం ప్రాభవానికి తెరదించి నట్లయ్యింది. ఈ ఏడాది జులై లోపు కొత్త కమిటీని ఎన్నుకోవాలని కూడా సుప్రీం కోర్టు సూచించింది.

హిందూ మత ప్రాధాన్యతతో వెంకట గిరి రాజాలు 1875లో విఆర్‌ విద్యాసంస్థ లను ప్రారంభించారు. ఇవి అంచెలం చెలుగా విస్తరిస్తూ వచ్చాయి. 1940 నుండి విఆర్‌ విద్యాసంస్థల పాలకవర్గానికి ఎన్ని కలు నిర్వహించసాగారు. విఆర్‌ విద్యా సంస్థల కమిటీకి 1950, 1960, 1970 లలో ఎన్నికలు జరిగాయి. 1970లో ప్యాట్రన్‌గా వున్న పెద్ద రాజా యాచేంద్ర చనిపోయారు. అప్పుడు అధ్యక్షుడిగా వున్న కుమార రాజాను ప్యాట్రిన్‌గా, ఆనం వెంకటరెడ్డిని కొత్త అధ్యక్షుడిగా కమిటీ సభ్యులు ఎన్నుకున్నారు. ప్రతి ఐదేళ్ళకోసారి నిర్వహించాల్సిన ఎన్నికలను జరపకుండా ఆనం వాళ్ళు కాలాన్ని నెట్టుకు రాసాగారు. 1985లో విఆర్‌ విద్యాసంస్థల పాలక వర్గానికి ఎన్నికలు జరపాలంటూ ఏబివిపి నాయకులైన కోటంరెడ్డి శ్రీధర్‌రెడ్డి, ఆమం చర్ల శంకరనారాయణ, నందిమండలం చంద్రశేఖర్‌రాజులు నిరాహారదీక్షకు కూర్చున్నారు. ఈ విషయం ముఖ్యమంత్రి ఎన్టీఆర్‌ దాకా వెళ్లడంతో ఆయన స్పందిం చారు. నెల్లూరొచ్చి విఆర్‌ పాలకవర్గానికి ఎన్నికలు జరిపిస్తానని హామీ ఇచ్చి వీరిచేత దీక్షను విరమింపజేసారు. వీళ్ళు ఎన్నికల నైతే పెట్టించగలిగారు గాని ఆనం వాళ్ళు ఇంకో రూట్లో వెళ్ళి వీరి ప్రయత్నాలకు గండికొట్టారు. అప్పటి వరకు కమిటీలో సభ్యులుగా మెజార్టీవాళ్ళు ఆనంకే మద్ద తుగా వుండడంతో బైలాను సవరించారు. పూర్వవిద్యార్థులకు ఓట్లు లేకుండా చేసి 1986లో ఎన్నికలు నిర్వహించారు. అయితే పూర్వవిద్యార్థులు దీనిపై నెల్లూరు సివిల్‌ కోర్టులో కేసు వేయడంతో ఫలితాలు వెల్లడించలేదు. 1993లో పూర్వవిద్యార్థు లకు వ్యతిరేకంగా తీర్పు వెలువడింది. దీంతో 1986లో జరిగిన ఎన్నికలకు సంబంధించి 1993లో ఫలితాలను వెల్ల డించారు. ఆ ఫలితాల ద్వారా ఆనం వివేకానందరెడ్డి కరస్పాండెంట్‌గా భారీ మెజార్టీతో గెలిచాడు. పూర్వవిద్యార్థుల ఓట్లు వుంటే ఫలితం ఇంకో విధంగా ఉండేదేమో! ఆనంవాళ్ళు దీనిని గ్రహించే పూర్వవిద్యార్థులకు ఓట్లు లేకుండా చేసారు.

అయితే పూర్వవిద్యార్థులైన ఆమంచర్ల శంకరనారాయణ, గూడూరు విజయరామి రెడ్డి, పోతుల రమణయ్యలు నెల్లూరు సివిల్‌ కోర్టు ఇచ్చిన తీర్పుపై 1996లో హైకోర్టును ఆశ్రయించారు. దాదాపు 15ఏళ్ళ తర్వాత ఈ కేసు 2015లో విచారణకొచ్చింది. ఆడిటర్‌ ఆమంచర్ల శంకరనారాయణ పట్టు వదలని విక్రమార్కుడిలా ఈ కేసు గురించి పోరాడాడు. వాదోపవాదనల తర్వాత 2017 మార్చి 6వ తేదీన ఆనం వివేకా నందరెడ్డి కరస్పాండెంట్‌గా కొనసాగుతున్న పాలకవర్గం చెల్లదని హైకోర్టు తీర్పుని చ్చింది. వెంటనే విఆర్‌ విద్యాసంస్థలకు ప్రత్యేక అధికారిని నియమించాలని కూడా ఆదేశించింది. ఈ తీర్పును పునఃపరిశీ లించాలని ఆనం వేసిన పిటిషన్‌ను హైకోర్టు కొట్టేసింది. దీంతో చివరి ప్రయత్నంగా ఆనం సోదరులు సుప్రీంకోర్టుకు వెళ్ళారు. కేసు పూర్వాపరాలను పూర్తిగా పరిశీ లించిన సర్వోన్నత న్యాయస్థానం ఆనంకు వ్యతిరేకంగానే తీర్పునిచ్చింది. అంటే ఈ తీర్పు ప్రకారం 1993 నుండి ఇప్పటివరకు దాదాపు 35ఏళ్ళ పాటు చట్టవిరుద్ధంగానే విఆర్‌ విద్యాసంస్థలపై ఆనం వాళ్ళు పెత్తనం చెలాయించారన్నది అర్ధమవు తుంది. విఆర్‌ విద్యాసంస్థల చరిత్రలో వెలుగు, చీకట్లు అన్నీ కూడా ఈ 35ఏళ్ల లోనే జరిగిపోయాయి. విఆర్‌ విద్యాసంస్థ లలో సీటు దొరకడం గగనం అనే పరిస్థితి నుండి, అసలు సీట్లే భర్తీకాని నేటి పరిస్థితి వరకు ఎన్నో మలుపులు చూసాం. విఆర్‌ ప్రాథమిక పాఠశాల నుండి హైస్కూల్‌, ఇంటర్‌, డిగ్రీ, న్యాయకళాశాల, విఆర్‌ ఐఏఎస్‌, విఆర్‌ ఐపిఎస్‌, విఆర్‌ బి.ఇడి... ఇలా అన్ని దశలనూ చూసాం. హిందూ విద్యాసంస్థలుగా నెలకొల్పబడ్డ విఆర్‌ విద్యాసంస్థల ముందు అన్యమత విగ్రహాలు నెలకొల్పడం చూసాం. విఆర్‌ విద్యాసం స్థలు విద్యారంగంలో వెలిగిపోవడం కాని, కాలక్రమేణా గత వైభవాన్ని కోల్పోవడం కాని... అంతా ఈ మూడున్నర దశాబ్దాల కాలంలోనే జరిగింది.

ఆనం బ్రదర్స్‌ రాజకీయాలకు ఎంత ప్రాధాన్యతనిచ్చారో, ఈ విద్యాసంస్థలపై తమ ఆధిపత్యాన్ని నిలబెట్టుకోవడానికి కూడా అంతే ప్రాధాన్యతనిచ్చారు. కేవలం విద్యాసంస్థలను తమ చేజారకుండా కాపాడుకోవడం కోసమే తెలుగుదేశంలో చేరారు. ఆఖరకు మంత్రి నారాయణను సైతం ప్రసన్నం చేసుకునే పరిస్థితికొచ్చారు. 2014లో కాంగ్రెస్‌ ప్రభుత్వం వున్నంత వరకు విఆర్‌ విద్యాసంస్థల వ్యవహారాలలో ఎవరు కూడా వేలుపెట్టడానికి సాహసించే వాళ్ళు కాదు. కాని తెలుగుదేశం అధికారం లోకి వచ్చాక మంత్రి నారాయణ విఆర్‌ విద్యాసంస్థల కార్యకలాపాలలో తల దూర్చినా, ఆనంవాళ్ళు ఆయనను నిలువ రించలేకపోయారు. విఆర్‌ను చేజార కుండా చూడడానికి వాళ్ళు ఎంతగా పాకు లాడినా... సుప్రీం కోర్టు తీర్పుతో ఆ ప్రయ త్నాలన్నీ వృధాగానే మిగిలిపోయాయి.

anam brosనెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది మార్చి 6వ తేదీన హైకోర్టు ధర్మాసనం ఇచ్చిన తీర్పును సవాల్‌ చేస్తూ కరస్పాండెంట్‌ ఆనం వివేకానందరెడ్డి దాఖలు చేసిన రివ్యూ పిటిషన్‌ను ఈ నెల 11వ తేదీన హైకోర్టు కొట్టి వేసింది. దీంతో వి.ఆర్‌ విద్యాసంస్థలను తమ చేతుల్లో నుండి పోకుండా చూసుకోవాలనుకున్న ఆనం సోదరుల ఆశలు గల్లంతయ్యాయి.

1875 ప్రాంతంలో వెంకటగిరి రాజాలు విఆర్‌ విద్యా సంస్థలను ప్రారంభించారు. 1970 వరకు విఆర్‌ విద్యాసంస్థలపై వెంకటగిరి రాజాల పెత్తనమే సాగింది. 1970లో పెద్ద రాజాయాచేంద్ర మరణంతో ఆనం కుటుంబం ప్రవేశించింది. ఆ ఏడాది జరిగిన ఎన్నికల్లో విఆర్‌ విద్యాసంస్థల కమిటీకి ఆనం వెంకటరెడ్డి అధ్యక్షుడయ్యాడు. అప్పటినుండి ఆనం వాళ్ళే పెత్తనం చేయసాగారు. 1970 నుండి 1985 వరకు విఆర్‌ కమిటీకి ఎన్నికలు జరుపకుండా ఆనం కుటుంబమే నేతృత్వం వహిస్తూ వచ్చింది. కమిటీకి వెంటనే ఎన్నికలు జరపాలంటూ అప్పట్లో ఏబివిపి నాయకులుగా వున్న కోటంరెడ్డి శ్రీధర్‌రెడ్డి, ఆమంచర్ల శంకరనారాయణ, చంద్రశేఖర్‌రాజులు నెల్లూరులో ఆరు రోజుల పాటు నిరాహారదీక్ష చేసారు. అప్పుడు ముఖ్యమంత్రిగా వున్న ఎన్టీఆర్‌ ఎన్నికలు నిర్వహిస్తామని ఇచ్చిన హామీతో వీళ్ళు దీక్ష విరమించారు. ఇచ్చిన మాట ప్రకారం ఎన్టీఆర్‌ విఆర్‌ విద్యా సంస్థల కమిటీకి 1986లో ఎన్నికలు పెట్టించారు. అయితే పూర్వవిద్యార్థుల ఓట్లతో ఎన్నికలు నిర్వహిస్తే తమకు వ్యతిరేకంగా ఫలితాలు వస్తాయని వూహించిన ఆనం సోదరులు బైలాను సవరించి, పూర్వ విద్యార్థులకు ఓట్లు లేకుండా చేసి ఎన్నికలు పెట్టారు. అప్పుడే తమ ఓట్లను తొలగించడాన్ని సవాల్‌ చేస్తూ పూర్వవిద్యార్థులు నెల్లూరు సివిల్‌ కోర్టులో పిటిషన్‌ వేశారు. దీంతో కోర్టు ఎన్నికల కౌంటింగ్‌ను నిలిపేసింది. 1993లో కోర్టు పూర్వవిద్యార్థుల పిటిషన్‌ను కొట్టి వేయడంతో 1986లో జరిగిన ఎన్నికల ఓట్లను అప్పుడు లెక్కించారు. ఆనం వివేకానందరెడ్డి కరస్పాండెంట్‌ మరియు కార్యదర్శిగా, ఆనం రామనారాయణరెడ్డి అధ్యక్షుడిగా, మరో ఏడు మంది సభ్యులుగా ఎన్నికయ్యారు. క్రింది కోర్టు తమ పిటిషన్‌ను కొట్టి వేసినా విఆర్‌ పూర్వవిద్యార్థులైన ఆమంచర్ల శంకరనారాయణ, గూడూరు విజయరామిరెడ్డి, పాతూరు రమణయ్యలు ఆ కేసును వదల్లేదు. 1996లో హైకోర్టును ఆశ్రయించి న్యాయపోరాటం చేసారు. వారి పోరాట ఫలితమే విఆర్‌ విద్యాసంస్థల కమిటీని రద్దు చేస్తూ ఈ ఏడాది మార్చిలో హైకోర్టు ధర్మాసనం ఇచ్చిన తీర్పు. ఈ తీర్పును పున పరిశీలించాలంటూ ఆనం వివేకానందరెడ్డి వేసిన రివ్యూ పిటిషన్‌ను తాజాగా హైకోర్టు కొట్టివేయడంతో విఆర్‌ విద్యాసంస్థలపై ఆనం సోదరుల ఆశలు అడుగంటినట్లయ్యాయి.

Page 1 of 6

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • నడిచినా... నిద్రించినా... ఏడాదంతా ప్రజల మధ్యే...
    ప్రజలే దేవుళ్ళు, వారి ఇళ్ళే తనకు గుళ్ళు అని భావించి అనుక్షణం వారి మధ్యే వుంటూ వారి సమస్యలు తెలుసుకుంటూ వారి కష్ట సుఖాలలో తోడుండాలని కోరు కునే ప్రజా నాయకుడు నెల్లూరు గ్రామీణ ఎమ్మెల్యే కోటంరెడ్డి శ్రీధర్‌రెడ్డి. నిద్ర లేచింది…
  • హోదా పోరుతో... వ్యతిరేకత పోగొట్టుకున్నారు
    నెల్లూరుజిల్లాతో సంబంధం వున్న లోక్‌ సభ సభ్యులు మేక పాటి రాజమోహన్‌ రెడ్డి(నెల్లూరు), వెలగ పూడి వరప్రసాద్‌ (తిరుపతి)లు ప్రత్యేక హోదా ఉద్యమంలో కీలకపాత్ర పోషించారు. హోదా ఉద్యమంలో చురుకుగా పాల్గొనడం ద్వారా తమ తమ నియోజకవర్గాలలో తమ పట్ల నెలకొన్న…

Newsletter