kamala dalapathiఅరుణాచల్‌ ప్రదేశ్‌, అస్సోం, త్రిపుర వంటి ఈశాన్య రాష్ట్రాలలోనే తమ పార్టీ జెండాను పాతిన బీజేపీ అంతో ఇంతో అనువుగా వుండే ఆంధ్రప్రదేశ్‌ను వదిలిపెడు తుందా? ఈ రాష్ట్రంలో పాతుకుపోవడానికి ప్రయత్నించకుండా వుంటుందా? ఎట్టి పరిస్థితుల్లోనూ ఆంధ్రాను వదిలిపెట్టదు. ఇప్పుడు కాకపోతే రేపు... ఏపిలో పట్టు సాధిస్తామనే ధీమా ఆ పార్టీలో వుంది. రేపు పట్టు సాధించాలంటే ఈరోజే అడుగు వేయడం మొదలుపెట్టాలి.

ఆ దిశగానే బీజేపీ ప్రయత్నాలు మొదలయ్యాయి. రెండు ప్రాంతీయ పార్టీలు బలంగా వుండే రాష్ట్రంలో ఒక జాతీయ పార్టీ బలం పెంచుకోవాలంటే సాధ్యమయ్యే విషయం కాదు. రెండు ప్రాంతీయపార్టీలలో ఒక పార్టీని తెరమరుగు చేస్తేనే ఆ స్థానంలో జాతీయపార్టీ రావడానికి ఆస్కారం ఉంటుంది. ఆ ప్రణాళికనే బీజేపీ ఏపిలోనూ అమలు చేయడానికి శ్రీకారం చుట్టింది. ఇందులో భాగంగానే పొమ్మన కుండానే టీడీపీకి పొగబెట్టి ఎన్డీఏ నుండి ఆ పార్టీని బయటకు నెట్టింది. 2019 ఎన్నికల్లో అధికారంలోకి రావాలనే ఆశ బీజేపీకి లేదు, కాకపోతే తెలుగుదేశం ఓడిపోవాలనేది వాళ్ళ టార్గెట్‌! వైసిపి అధికారంలోకి వస్తే జగన్‌ రాష్ట్ర రాజకీయాలకు మాత్రమే పరిమితం అవుతాడు. అదే చంద్రబాబు మళ్ళీ గెలిస్తే జాతీయ రాజకీయాలలో కూడా బీజేపీకి పుండు అవుతాడు.

టిడిపి ఓడిపోవాలన్నదే లక్ష్యం

రాష్ట్రంలో బీజేపీ బలపడాలి, టీడీపీ బలహీనపడాలి. ఇందుకోసం మొదట తీసుకున్న నిర్ణయం చంద్రబాబుకు అభి మానపాత్రుడిగా వున్న తమ పార్టీ రాష్ట్ర అధ్యక్షుడు కంభంపాటి హరిబాబును అధ్యక్ష పదవి నుండి తప్పించడం... ఆ పనైపో యింది. ఇప్పుడు కొత్త అధ్యక్షుడిగా కాపు సామాజికవర్గానికి చెందిన వాళ్ళను పెట్టడం. ఇందులో భాగంగానే సోము వీర్రాజు, కన్నా లక్ష్మీనారాయణ, పైడి కొండల మాణిక్యాల రావుల పేర్లు తెరమీద కొచ్చాయి. అలాగే ఎన్టీఆర్‌ కుటుంబానికి చెందిన మాజీ కేంద్రమంత్రి దగ్గుపాటి పురంధేశ్వరి పేరు కూడా ప్రధానంగా రేస్‌లో వున్నట్లు తెలుస్తోంది. టీడీపీని నిర్వీర్యం చేసి తాము బలపడాలనేది బీజేపీ అనుసరించనున్న వ్యూహం! ఇం దుకు ఎన్టీఆర్‌ కుటుంబాన్ని వాడుకుం టుందో? లేదా కాపు సామాజికవర్గాన్ని మార్గంగా ఎంచుకుంటుందో త్వరలోనే తేలబోతోంది!

chakraమన ప్రత్యర్థి మీద అనవసరంగా బురద చల్లుతున్నప్పుడు, మన ప్రత్యర్థిని అక్రమ కేసుల్లో ఇరికించి కోర్టు మెట్లెక్కించినప్పుడు, అతనిపై అవినీతి ముద్రవేసి లక్ష కోట్లు తిన్నాడని అనుకూల మీడియాలో కథనాలు ప్రసారం చేయించినప్పుడు వచ్చే ఆ కిక్కే వేరప్పా... ఒకటా... రెండా దాదాపు ఆరేళ్ళ నుండి ఇలాంటి కిక్కునే అనుభవిస్తున్నాడు చంద్రబాబునాయుడు. ప్రతిపక్ష నేత జగన్‌పై ఎనిమిదేళ్లుగా బురదచల్లుతున్నాడు. తన వాళ్ళచేత చల్లిస్తున్నాడు. ఆ సీన్‌ చూసి పైశాచికానందం పొందుతూ వచ్చాడు. జగన్‌ను ఎన్ని రకాలుగా ఆడిపోసుకోవాలో ఆడిపోసుకున్నారు. ఇప్పుడు సీన్‌ రివర్స్‌ అవుతుందా? చంద్రబాబు చక్ర బంధంలో చిక్కుకోనున్నాడా? ఆయనను సమ స్యలు చుట్టుముడుతున్నాయా?

ప్రస్తుత రాజకీయ పరిణామాలు చూస్తుంటే రాజకీయ విశ్లేషకులకు ఇలాంటి అను మానాలే కలుగుతున్నాయి.

కేంద్ర ప్రభుత్వం ఈ టర్మ్‌కు సంబం ధించి చివరి బడ్జెట్‌ ప్రవేశపెట్టిన తర్వాత రాష్ట్ర రాజకీయాల్లో అనూహ్య పరిణామాలు చోటు చేసుకున్నాయి. జగన్‌ ప్రత్యేకహోదా ఉద్యమాన్ని ఉదృతం చేయడంతో చంద్ర బాబుకు ఊపిరాడలేదు. ఆయన కూడా జగన్‌ బాటలోకి రాక తప్పలేదు. ఈ నేప థ్యంలోనే ఆయన ఎన్డీఏతో తెగదెంపులు చేసుకుని బయటకు పోవడం జరిగింది. బీజేపీతో కటీఫ్‌ చెప్పాడనేగాని ఆయన మనసు మనసులో లేదు. మునుపటిలా ప్రశాంతంగా లేడు. ఇటీవల చోటుచేసు కున్న రాజకీయ పరిణామాలేవీ ఆయనకు మింగుడుపడడం లేదు. తన వాడు, మంచి వాడు అనుకున్న పవన్‌ కళ్యాణే అనూ హ్యంగా అడ్డం తిరిగాడు. తన మీద కాకుండా ఏకంగా తన కొడుకు లోకేష్‌ మీద పవన్‌ అవినీతి ఆరోపణలు చేయ డాన్ని చంద్రబాబు జీర్ణించుకోలేకపోతు న్నాడు. లోకేష్‌ను తన రాజకీయ వార సుడిగా తెరమీదకు తెచ్చాడాయన. చంద్ర బాబు మీద అవినీతి ఆరోపణలు చేస్తే అదోరకం. 40ఏళ్ల సీనియర్‌ కాబట్టి వాటిని తట్టుకుని నిలబడగలడు. తాను నిప్పు అని పచ్చమీడియా చేత చెప్పించు కోగలడు. ఎందుకంటే ఈ వయసులో ఎన్ని అవినీతి ఆరోపణలు చేసినా ఆయనకు పోయేదేమీ లేదు. దుమ్ము దులుపుకుని పోతుంటాడు. కాని లోకేష్‌ మీద అవినీతి ఆరోపణలే ఓ పట్టాన మింగుడు పడేవి కావు. ఎందుకంటే లోకేష్‌ రాజకీయ ప్రయాణం ఇప్పుడే మొదలైంది. తండ్రి చాటు బిడ్డ. జగన్‌లా రాటుదేలిన నాయ కుడు కాదు. ప్రజాక్షేత్రంలో నిలిచి గెలిచిన యువకుడూ కాదు. అడ్డదారిలో మంత్ర య్యాడు. ఇలాంటి లోకేష్‌ను ఒక పరిణితి చెందిన రాజకీయ నేతగా తీర్చిదిద్దాలంటే చంద్రబాబు బాగా తోమాలి. ఆయన తోముడు మొదలుపెట్టే లోపే లోకేష్‌ పెద్ద అవినీతిపరుడంటూ పవన్‌ పెద్ద బండ వేసాడు. వైసిపి నేతలు ఇలాంటి ఆరో పణలు చేసుంటే పెద్దగా ప్రభావం వుండేది కాదు. నిన్నటి వరకు తెలుగుదేశం మద్దతు దారుగా వున్న పవన్‌ చేసే సరికే చంద్ర బాబుకు చివుక్కుమంది.

నాలుగేళ్లుగా ప్రతిపక్ష వైకాపా చంద్ర బాబు అవినీతి అక్రమాలపై దుమ్మెత్తి పోస్తూనే వుంది. అయినా కూడా చంద్ర బాబు ఏరోజూ లెక్క చేయలేదు. వైకాపాకు చెందిన ముగ్గురు ఎంపీలను, 23మంది ఎమ్మెల్యేలను కొనేసాడు. అసెంబ్లీలో ప్రతి పక్షం నోరు నొక్కే ప్రయత్నం చేసాడు. రాష్ట్రంలో ఎక్కువ శాతం మీడియా ఆయన పట్ల అనుకూలంగా వుండడం కూడా చంద్రబాబుకు కలిసొచ్చింది. పోలవరం అంచనాలు భారీగా పెంచినా, అమరావతి భూములతో వ్యాపారం మొదలుపెట్టినా, పట్టిసీమ, పుష్కరాల పేరుతో అంతులేని అవినీతి జరిగినా, తెలంగాణ 'ఓటు- నోటు' వ్యవహారంలో పబ్లిక్‌గా దొరికినా కేంద్రంలో భాగస్వామిగా వుండడం, న్యాయవ్యవస్థలో సైతం పచ్చపాతవాదు లుండడం, అన్నింటికి మించి ప్రభుత్వ వైఫల్యాలను బయట ప్రపంచానికి కని పించకుండా తమ కెమెరాలతో కప్పిపెట్టే మీడియా వుండడంతో ఇప్పటిదాకా ఆయన ఆడిందే ఆట పాడిందే పాట అన్నట్లుగా సాగింది.

ఇకముందు అలా వుండదు. రాష్ట్రంలో ప్రతిపక్షాలన్నీ ప్రభుత్వ అవినీతిపై విమర్శ నాస్త్రాలు ఎక్కుపెట్టాయి. ప్రత్యేకహోదా విషయంలో ఆయన అనుసరించిన రెండు నాల్కల ధోరణితో పార్టీకి మైలేజీ తగ్గి పోయింది. ఇప్పుడు వైసిపి, వామపక్షాలే కాకుండా నిన్నటివరకు మిత్రపక్షంగా వున్న బీజేపీ కూడా చంద్రబాబు అవినీతిపై ఆరోపణలు ఎక్కుపెట్టింది. పోలవరం, పట్టిసీమ వంటి ప్రాజెక్టుల్లో నెలకొన్న అవి నీతిని లెక్కలతో సహా చెప్పిమరీ కడిగేస్తు న్నారు. ఏపికి కేంద్రం పంపిన నిధులకు, చంద్రబాబు కేంద్రానికి పంపిన యూసిలకు పొంతన కుదరడం లేదు. చేయని పనులను చేసినట్లుగా, కట్టని భవనాలను కట్టినట్లుగా ఇక్కడ నుండి యూసిలు పంపారని తెలుస్తోంది. ఇక పోలవరం అక్రమాలైతే యూపిఏ హయాంలో జరిగిన కామన్‌వెల్త్‌ క్రీడల స్కాంను మరపిస్తున్నాయని సమా చారం. అక్రమాలను బీజేపీ నాయకులే లెక్కలతో సహా చెబుతున్నారు.

ఇటు చూస్తే తమకు అడ్డం తిరిగిన నాయకులను నరేంద్రమోడీ, అమిత్‌షాలు తొక్కుకుంటూ వస్తున్నారు. చంద్రబాబు విధిలేని పరిస్థితుల్లో వారికి అడ్డం తిరి గాడు. మనసులో వారి పట్ల భయం అలాగే వుంది. ఆయనపై 18కేసులు స్టేలో వున్నాయి. వీటిలో 'ఓటు-నోటు' కేసుపై స్టే ఎత్తేస్తే చాలు... చంద్రబాబుకు చుక్కలే! ఎమ్మెల్యేలు, ఎంపీల కొనుగోలు వ్యవహారం పబ్లిక్‌గానే జరిగింది. ఏ డబ్బులతో వీరిని కొన్నారనే సమాచారం కూడా కేంద్రం వద్ద ఉన్నట్లు తెలుస్తోంది. పోలవరం అక్రమాల లెక్కలు కూడా కేంద్రం వద్ద వున్నాయి. అమరావతికి ఇచ్చిన నిధుల వినియోగం పైన, పోలవరం నిర్మాణంపైనా సిబిఐ లేదా ఇంకేదైనా సంస్థ చేత విచారణ జరిపిస్తే చాలు... చంద్రబాబు బొక్కలు బయటపడతాయి. దీనికితోడు ఈమధ్య ఆయన కాంగ్రెస్‌కు దగ్గరవుతున్నాడన్న సమాచారం కూడా కేంద్రం వద్ద వుంది. ఈ పరిణామాల నేపథ్యంలో మోడీ, అమిత్‌షాలు ఆయనపై ఎప్పుడు పంజా విసురుతారో చెప్పలేని పరిస్థితి నెలకొంది.

మరోపక్క చూస్తే వైకాపా రాజ్యసభ సభ్యుడు విజయసాయిరెడ్డి ఢిల్లీ లెవల్లో ఆయనకు చుక్కలు చూపిస్తున్నాడు. భారత్‌లో బ్యాంకులకు వేలకోట్లు అప్పులు ఎగ్గొట్టి లండన్‌లో దాక్కున్న విజయ్‌ మాల్యాను చంద్రబాబు కలిసాడని, ఆయన వద్ద 150కోట్ల పార్టీ ఫండ్‌ తీసుకున్నాడని విజయసాయిరెడ్డి చేసిన ఆరోపణలు ఏపి రాజకీయాలలోనే కాక, ఢిల్లీ రాజకీయా లలోనూ ప్రకంపనలు సృష్టిస్తున్నాయి. ఈ చిక్కులనుండి బయటపడాలని జాతీయ రాజకీయాలలో తన ప్రభావం చూపాలని చెప్పి ఆయన ఢిల్లీ వెళ్ళినా పెద్దగా ఫలితం కానరాలేదు.

మొత్తానికి చంద్రబాబు పరిస్థితి చక్రబంధంలో ఇరుక్కున్నట్లయ్యింది. ఈ నాలుగేళ్లు అడ్డు అదుపు లేకుండా ఏలాడు. ఈ నాలుగేళ్లలో చేసిన అక్రమాలే ఇప్పుడు పాపాలుగా శాపాలై వెంటాడుతున్నాయి.

akhilapakshamరామయ్య ఇంట కొడుకు పెళ్ళి జరుగుతుంది. పెళ్ళి పనులన్నీ తన స్నేహితులైన చంద్రయ్య, రాజయ్యలకు అప్పగించాడు. చంద్రయ్యకు పని కంటే కూడా మాటలెక్కువ. రాజయ్యకు మాటలకంటే పని మీద ధ్యాస ఎక్కువ. పెళ్ళి ఏర్పాట్లన్నీ రాజయ్య దగ్గరుండి చూసుకుంటున్నాడు. చంద్రయ్య మాత్రం నలుగురిని పోగేసుకుని తాను అంతటివాడినని ఇంతటి వాడినని డబ్బా కొట్టుకునే వాడు. పెళ్ళి పనులు చివరి దశలో వుండగా, అక్కడకు రామయ్య రావడాన్ని చంద్రయ్య చూసాడు. వెంటనే మాటలు కట్టేసి పెళ్ళి పనుల వద్దకు పరుగెత్తి అక్కడున్న టెంకాయ మట్టలను గుంజలకు కడుతూ నుదుటన చెమటను తుడుచుకుంటున్నట్లు ఫోజివ్వసాగాడు. పని అయ్యేదాకా కష్టపడింది రాజయ్య... చివరి దశలో పనిలో అడుగుపెట్టి... నేను పని చేయడం వల్లే అన్ని పనులు పూర్తయ్యాయి అన్నట్లు కలరింగ్‌ ఇవ్వాలనుకున్నాడు చంద్రయ్య. కాని, రాజయ్య, చంద్రయ్యలలో ఎవరి బుద్ధి ఏమిటో తెలిసిన వాడు రామయ్య.

ఇప్పుడు రామయ్య లాంటివారే ఆంధ్రా ప్రజలు. ప్రత్యేకహోదా కోసం చిత్తశుద్ధితో నాలుగేళ్ళ నుండి పోరాటం చేస్తున్న వై.యస్‌.జగన్మోహన్‌రెడ్డిని నమ్ముతారా? లేక నాలుగేళ్ళ నుండి ప్యాకేజీ పాట పాడుతూ నాలుగురోజుల క్రితమే హోదా మాట మార్చిన చంద్రబాబును విశ్వసిస్తారా? అన్నదే చూడాలి! రాష్ట్రంలో ప్రత్యేకహోదా ఉద్యమం బాగా రగులుకుంది. ప్రజల్లో చైతన్య మొచ్చింది. అన్ని రాజకీయ పక్షాలు కూడా హోదా కోసం గళమెత్తాయి. రాష్ట్ర రాజకీయాలలో ప్రత్యేకహోదాపై మొదటి నుండి గట్టిగా నిలబడింది, గట్టిగా పట్టుబట్టింది వై.యస్‌. జగన్మోహన్‌రెడ్డి. ప్రత్యేకహోదా ఉద్యమాన్ని ప్రజల్లోకి తీసుకెళ్ళి ప్రజల మద్దతుతో ముందుకు నడిపాడు.

ప్రత్యేకహోదా కోసం గట్టిగా పోరా డాల్సిన రాష్ట్ర ప్రభుత్వం మాత్రం ఈ విషయంలో నిమ్మకు నీరెత్తినట్లుగా వ్యవహరించింది. కేంద్రం ప్రత్యేకహోదా ఇచ్చేది లేదని ప్రత్యేకప్యాకేజీ మాత్రమే ఇస్తామన్నప్పుడు అదే మహాప్రసాదం అన్నట్లుగా అంగీకరించిందేగాని హోదా ఎందుకు ఇవ్వరని ఏ రోజూ అడగలేదు.

ఈరోజు బీజేపీతో విభేదాలొచ్చేసరికి, ప్రతిపక్షం హోదా ఉద్యమాన్ని ప్రజల్లోకి బలంగా తీసుకెళ్ళేసరికి ఉలికిపాటు మొద లైంది. ప్రత్యేకహోదా ఉద్యమాన్ని హైజాక్‌ చేసే ఎత్తుగడలకు శ్రీకారం చుట్టింది. తెలుగుదేశం పార్టీ అధికారంలోకి వచ్చాక ఏనాడూ అఖిలపక్ష సమావేశం జరపలేదు. అమరావతిని రాజధానిగా నిర్ణయించేట ప్పుడు తెలుగుదేశంకు అఖిలపక్షాలు గుర్తుకురాలేదు. రాజధాని అన్నది తెలుగు దేశం రియల్‌ఎస్టేట్‌ వ్యాపారం కాదు. 13జిల్లాల ప్రజలకు సంబంధించిన అంశం. భావితరాలను దృష్టిలో పెట్టుకుని నిర్ణయించాల్సిన విషయం. ఆరోజు ఏ పక్షాన్ని పిలవకుండానే ఏకపక్షంగా అమ రావతిని రాజధానిగా నిర్ణయించేసారు. ఆ తర్వాత నాలుగేళ్ళలో ఏ అంశంపైన కూడా ప్రతిపక్షాన్ని పిలిచి అడగాలన్న స్పృహ ఈ ప్రభుత్వానికి తట్టలేదు. ప్రత్యేక హోదా ఉద్యమాన్ని ప్రభుత్వమే నాలుగేళ్ళుగా తొక్కి పట్టాలని చూసినా ప్రధాన ప్రతిపక్షం వైసిపి, ఇక వామపక్షాలు ఏదో రూపంలో ముందుకు తీసుకుపోతూనే వున్నాయి. ప్రత్యేకహోదా ఉద్యమం పరి పక్వ దశకు వచ్చిందని, హోదాకు జైకొట్టక పోతే ఆంధ్రా జనం తమను ఛీకొట్టడం ఖాయమని భావించిన చంద్రబాబు 'యూ' టర్న్‌ తీసుకున్నాడు. ఉద్యమాన్ని పూర్తిగా హైజాక్‌ చేసి పచ్చముద్ర వేసుకునేందుకు అఖిలపక్షం నాటకం మొదలుపెట్టాడు. ఈ అఖిలపక్షం సమావేశంకు ప్రధాన ప్రతి పక్షం వైసిపితో పాటు బీజేపీ, జనసేన వంటి పార్టీలు హాజరు కాలేదు. వామ పక్ష నాయకులు వెళ్ళినా ఈ నాలుగేళ్ళు ఎక్కడ నిద్రపోతున్నారంటూ చంద్రబాబు ముఖాన్నే కడిగేసి బయటకొచ్చారు.

హోదా అంటే జైలుకే అని బెదిరించిన నాయకులే ఆ ఉద్యమానికి సారధ్యం వహిస్తామని చెప్పడం చూస్తుంటే గొర్రెల మందకు తోడేళ్లను కాపలా పెట్టడమే అవుతుంది. ఇలాంటి నాయకుల చేతుల్లోకి ఉద్యమం పోతే చివరకు అది ఏ దారి పడుతుందో తెలియదు. చంద్రబాబు హోదా ఉద్యమ హైజాక్‌ ప్లాన్‌కు ప్రతి పక్షాలు బలంగానే బ్రేక్‌ చేశాయి.

Page 1 of 8

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…

Newsletter