tdpచంద్రబాబునాయుడు చేతిలోకి తెలుగుదేశం పార్టీ వచ్చాక జరిగిన అన్ని ఎన్నికలలోనూ జిల్లాలో ఒక అసెంబ్లీ స్థానాన్ని మహిళలకు ఇస్తూ వచ్చాడు. 1999లో వెంకట గిరిని సినీ నటి శారదకు, 2004లో గూడూరును ఉక్కాల రాజేశ్వ రమ్మకు, 2014 ఎన్నికల్లో గూడూరు సీటును డాక్టర్‌ బి.జ్యోత్స్న లతకు ఇచ్చారు. 2009 ఎన్నికల్లో మాత్రం ఆ కాన్సెప్ట్‌ను అమలు చేయలేదు. వచ్చే ఎన్నికల్లో మాత్రం ఒక సీటును మహిళలకు గాని లేదంటే మైనార్టీలకు గాని ఇచ్చే అవకాశాలు కనిపిస్తున్నాయి. గత ఎన్నికల్లో మహిళలకు ఇచ్చిన గూడూరు సీటును ఈసారి వైకాపా నుండి జంప్‌ చేయించిన సిటింగ్‌ ఎమ్మెల్యే పాశం సునీల్‌ కుమార్‌కే ఇవ్వొచ్చు. కాబట్టి అక్కడ ఆశ లేదు. వున్న అవకాశమల్లా నెల్లూరుసిటీ లేదంటే సూళ్ళూరుపేట! ఈ రెండు సీట్లలోనే ప్రయో గాలు చేయగలరు! మహిళలకు నెల్లూరుసిటీ లేదా సూళ్లూరుపేట లలో దేనినైనా ఇవ్వొచ్చు. సూళ్ళూరుపేట అయితే ఎస్సీ మహిళను ఎంపిక చేయాల్సి ఉంటుంది. ఈ నియోజకవర్గంలో టీడీపీ ఇన్‌ఛార్జ్‌ పరసా రత్నం మీద వ్యతిరేకత బలంగా వుంది. స్థానికంగా వున్న టీడీపీ నాయకులు ఈసారి అభ్యర్థిని మార్చాలని కోరుతున్నట్లు తెలుస్తోంది. ఈ నేపథ్యంలో ఇక్కడ మహిళా అభ్యర్థి పోటీకి అవకాశముంది. ఇక రెండోది నెల్లూరు నగరం. ఇక్కడ జనరల్‌ మహిళ లేదంటే మైనార్టీలకు సీటివ్వడానికి అవకాశముంది. మహిళలకే సీటివ్వాలనుకుంటే మాజీమున్సిపల్‌ ఛైర్‌పర్సన్‌ టి.అనూరాధతో పాటు పార్టీలో ఇటీవల కీలకంగా మారిన వసంత లక్ష్మి ఛారిటబుల్‌ ట్రస్ట్‌ ఛైర్మెన్‌ శ్రీమతి వసంతలక్ష్మి లాంటి వాళ్ళున్నారు. నెల్లూరు నగరంలో ముస్లింల ఓట్ల శాతం ఎక్కువ కాబట్టి ఆ వర్గానికి చెందిన వారికి కూడా అవకాశముంది. మేయర్‌ అబ్దుల్‌ అజీజ్‌ ఈ ప్రయత్నాల్లోనే వున్నట్లు తెలుస్తోంది. జిల్లాలో వున్న 10సీట్లలో టీడీపీ నుండి ఒక సీటు మైనార్టీలకు గాని మహిళలకు గాని గ్యారంటీ అని చెప్పొచ్చు.

tddతిరుమల తిరుపతి దేవస్థానం పాలక వర్గాన్ని త్వరలో భర్తీ చేసే అవకాశా లున్నాయి. టీటీడీ ఛైర్మెన్‌ పదవి కోసం రాయపాటి సాంబశివరావు, మురళీ మోహన్‌లు తీవ్ర ప్రయత్నాలు చేశారు. అయితే ఎంపీలకు టీటీడీ ఛైర్మెన్‌ ఇచ్చేది లేదని చంద్రబాబు తేల్చి చెప్పినట్లు తెలుస్తోంది.

దీంతో తెరపైకి కొత్త ఆశావహులొచ్చారు. ఇందులో నెల్లూరు జిల్లా నాయకులు కూడా ఉండడం విశేషం. 2014ఎన్నికల్లో నెల్లూరు లోక్‌సభ నుండి పోటీ చేసి గట్టి పోటీనిచ్చి ఓడిపోయిన మాజీమంత్రి ఆదాల ప్రభాకర్‌రెడ్డి రాష్ట్రస్థాయి కార్పొరేషన్‌ ఛైర్మెన్‌ పదవిని ఆశిస్తున్నాడు. చంద్రబాబు మనసుపెట్టి ఆదేశిస్తే టీటీడీ ఛైర్మెన్‌గా పనిచేసి చరిత్రలో నిలిచిపోవాలని భావిస్తున్నాడు. 2014 ఎన్నికల్లో అన్ని విధాలా నష్టపోయిన ఆయనకు పార్టీ అధికారంలోకి వచ్చాక ఎటువంటి పదవులు ఇవ్వలేదు. పార్టీలో మాత్రం బాధ్యతలు పెంచారు.

రాజధాని కమిటీసభ్యులుగా వున్న బీద మస్తాన్‌రావు బీసీ వర్గాల తరపున టీటీడీ ఛైర్మెన్‌ పదవిని ఆశిస్తున్నట్లు తెలుస్తోంది. పార్టీకి విధేయుడు బిఎంఆర్‌. పార్టీకి ఆర్ధికంగా కూడా అండగా నిలిచాడు. పార్టీని కష్టకాలంలో వీడకుండా నడిచాడు. 2014 ఎన్నికల్లో కావలి నుండి ఓడిపోయిన ఆయన ఆ తర్వాత రాజ్యసభ సీటును ఆశించాడు. అయితే అది నెరవేరలేదు. ఇప్పుడు టీటీడీ ఛైర్మెన్‌ పదవికి రేస్‌లో వున్నట్లు తెలుస్తోంది. అలాగే నెల్లూరు మాజీ మున్సిపల్‌ ఛైర్‌పర్సన్‌ టి.అనూరాధ పేరు కూడా మహిళా కోటాలో టీటీడీ బోర్డు సభ్యురాలుగా వినిపిస్తోంది. జిల్లాలో ఎవరికి ఛైర్మెన్‌ పదవి వచ్చినా రాకున్నా వీరిలో ఒకరికి మాత్రం టీటీడీ ట్రస్ట్‌ బోర్డు సభ్యులుగా అవకాశం రావచ్చు.

anuradhaతెలుగుదేశంపార్టీకి సంబంధించి జిల్లాలో చెప్పుకో దగ్గ మహిళా నాయకురాలు టి.అనూరాధ! పార్టీలో ఎంపీ, జడ్పీ ఛైర్‌పర్సన్‌ల స్థాయిలో పనిచేసిన మహిళా నాయకురాళ్ళు ఇప్పుడు కనిపించకపోయినా, అనూరాధ మాత్రం మొదటి నుండి ఇప్పటి వరకు పార్టీలో ఒకే స్థాయిలో వుంది. ఒకే పని విధానంతో నడుస్తోంది.

2000 సంవత్సరంలో నెల్లూరు మున్సిపల్‌ ఛైర్‌ పర్సన్‌గా విజయం సాధించిన ఆమె ఐదేళ్లపాటు ఆ పదవిలో పద్ధతిగా రాణించింది. ఆనం వివేకా వంటి రాజకీయ ఎక్స్‌పర్ట్‌ను బలంగానే ఢీకొట్టి నిలిచింది. భర్తచాటు భార్యగా రాజకీయాల్లోకి వచ్చినా, మున్సిపల్‌ ఛైర్‌పర్సన్‌గా తన పరిపాలనలో భర్త ముద్ర లేకుండా చేసుకుని పరిపూర్ణ మహిళా నాయకురాలిగా గుర్తింపు పొందింది. పార్టీ అధికారంలో లేని ఈ పదేళ్లు కూడా పార్టీని వీడకుండా అంటిపెట్టుకుని వుంది. జిల్లాలో మహిళానాయకురాళ్ల పరంగా చూస్తే ప్రాధాన్యతనివ్వాల్సిన నాయకురాలు అనూరాధ. నామినేటెడ్‌ పదవుల్లో ఆమె 'నుడా' ఛైర్మెన్‌ను ఆశించింది. కాని దానిని కోటంరెడ్డి శీనయ్యకు దాదాపు ఖరారు చేశారు. దీంతో ఆమెను టీటీడీ బోర్డు సభ్యురాలిగానో, లేక మహిళా కమిషన్‌ సభ్యు రాలిగానో నియమిస్తారని సమాచారం. కాని ఆమె మాత్రం ఛైర్మెన్‌ స్థాయి పోస్ట్‌కే పట్టుబడుతున్నట్లు తెలుస్తోంది.

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…

Newsletter