cm'నిను వీడని నీడను నేనే' అంటూ నిప్పులాంటి వాడినని చెప్పుకునే చంద్రబాబును 'ఓటు-నోటు' కేసు వెంటాడుతోంది. మూడేళ్ళుగా వివిధ మలుపులు తిరుగుతున్న ఈ కేసు మళ్ళీ తెరమీదకొచ్చింది. 'మనవాళ్ళు బ్రీఫ్డ్‌మి' అన్న తియ్యని స్వరం చంద్ర బాబుదేనని చంఢీఘర్‌ ఫోరెన్సిక్‌ నిపు ణులు తేల్చిన నేపథ్యంలో ఇక కేసు విచారణకు ముందుకు తీసుకెళ్ళక తప్పని పరిస్థితి ఏర్పడింది.

ఇందుకోసమే తెలంగాణ ముఖ్య మంత్రి ఆ రాష్ట్ర డిజిపి మహేందర్‌రెడ్డి తోనూ, ఏసిబి డిజిపి ఏ.కె.ఖాన్‌తోనూ ప్రత్యేకంగా సమావేశమై ఈ కేసు విష యంపై చర్చించడం జరిగింది.

కొంచెం ఫ్లాష్‌బ్యాక్‌లోకి వెళితే... తెలంగాణలో జరిగిన ఎమ్మెల్సీ ఎన్నికలకు సంబంధించి నామినేటెడ్‌ ఎమ్మెల్సీ స్టీఫెన్‌ సన్‌ కొనుగోలుకు చంద్రబాబు శ్రీకారం చుట్టాడు. మధ్యవర్తుల ద్వారా ఆయనతో బేరం కుదిర్చారు. అప్పుడు తెలుగు దేశంలో వున్న రేవంత్‌రెడ్డి బ్యాగ్‌లో 50 లక్షల రూపాయలు తీసుకెళ్ళి స్టీఫెన్‌సన్‌కు ఇచ్చాడు. అదే సమయంలో చంద్రబాబు ఫోన్‌లో స్టీఫెన్‌సన్‌తో మాట్లాడాడు. ఇదంతా కూడా ఓ మీడియా సంస్థ వద్ద నుండి తీసుకున్న ఎక్విప్‌మెంట్‌తో పక్కాగా రికార్డ్‌ చేసిపెట్టారు. రేవంత్‌రెడ్డి డబ్బులు ఇస్తున్న వీడియో చిత్రాలు, చంద్రబాబు ఫోన్‌లో మాట్లాడిన వాయిస్‌ రికార్డ్‌ను తెలంగాణ ప్రభుత్వం బయటపెట్టింది. దీనిపై చాలాకాలం పెద్ద దుమారమే రేగింది. చంద్రబాబు తన ఫోన్‌ ట్యాపింగ్‌ చేసారంటూ తన

తప్పును కప్పిపుచ్చుకునేందుకు ఎదురు దాడికి కూడా సిద్ధమయ్యాడు. ఈ కేసులో రేవంత్‌రెడ్డిని జైలుకు కూడా పంపడం, బెయిల్‌పై ఆయన బయటకు రావడం జరిగింది. చంద్రబాబు మీద కూడా కేసు నమోదు చేస్తారని, ఆయన జైలుకు పోతారని, కొత్త సీఎం అభ్యర్థి ఎంపిక తప్పదని ప్రచారం కూడా జరిగింది. అయితే అప్పుడు కేంద్రమే జోక్యం చేసుకుందో, లేక రాజ్యాంగ శక్తులెవరన్నా మధ్యస్థం చేసారో గాని తెలంగాణ ప్రభుత్వం చంద్రబాబుకు తాత్కాలిక ఉపశమనం కలిగించింది. మద్యస్థంలో భాగంగా చంద్రబాబు హైదరాబాద్‌లో మనకు రావాల్సిన ఆస్తులను, హైదరాబాద్‌పై పదేళ్ళ పాటు మనకున్న హక్కులను అన్నింటిని వదిలేసుకుని కృష్ణ కరకట్టకు వచ్చేసాడు.

ఇప్పుడు ఎమ్మెల్సీ స్టీఫెన్‌సన్‌తో మాట్లాడిన వాయిస్‌ చంద్రబాబుదేనని ఫోరెన్సిక్‌ నిపుణులు తేల్చారు. రేవంత్‌రెడ్డి డబ్బులు ఇస్తున్న దృశ్యం సజీవ సాక్ష్యంగా వుంది. ఈ కేసును నీరుగార్చి చంద్రబాబును కాపాడాల్సిన అవసరం కేసీఆర్‌కు లేదు. గతంలో కాపాడుదామనుకున్న కేంద్రప్రభుత్వాన్ని చంద్రబాబు శత్రువుగా చేసుకున్నాడు. కర్నాటక ఎలక్షన్‌లలో కలబెట్టి చంద్రబాబు అనవసరంగా బీజేపీతో కయ్యానికి కాలు దువ్వాడు. కాబట్టి కేంద్రం ఒత్తిడి ఎలాగూ వుంటుంది. తనపైకి ఒంటి కాలిమీదకు లేస్తున్న ప్రస్తుత కాంగ్రెస్‌ నాయకుడు రేవంత్‌రెడ్డికి ముకుతాడు వేయాలంటే ఈ కేసును మరింతగా బిగించాల్సిన పరిస్థితి కేసీఆర్‌ ముందుంది. కాబట్టి ఆయన ఈ కేసు విషయంలో పి.వి.నరసింహరావు సూచించిన 'చట్టం తన పని తాను చేసుకుపోతుంది' అనే సిద్ధాంతాన్ని పాటించక తప్పదు. అలా చట్ట ప్రకారం వెళితే చంద్రబాబును చక్రబంధంలో ఇరికించినట్లే!

chandraతప్పు చేయనివాడిలో భయం కనిపించదు. తప్పు చేసినవాడి కళ్ళల్లో భయం కనిపిస్తుంది. తప్పు చేసినవాడి మాటల్లోనూ ఆ భయం దొర్లుతుంది. గుండెల్లో ఆ భయం ఏర్పడ్డప్పుడే నా మీద కేసులు పెట్టాలని చూస్తున్నారు, నా మీదకు వాళ్లొచ్చి నప్పుడు ప్రజలంతా నాకు రక్షణ కవచంలా ఏర్పడి నన్ను కాపాడుకోవాలనే మాటలు వస్తుంటాయి.

నవ్యాంధ్ర ముఖ్యమంత్రి చంద్రబాబుకు ఇటీవల కేసుల భయం పట్టుకుంది. ఆమధ్య 'ఓటుకు నోటు' కేసులో ఇరుక్కుని తెలంగాణ ముఖ్యమంత్రి కేసీఆర్‌కు భయపడి కృష్ణా నది కర కట్టకు చేరుకున్నాడు. ఉమ్మడి రాజధాని హైదరాబాద్‌పై మనకు పదేళ్ళ హక్కున్నప్పటికి, అక్కడి ఆస్తులలో వాటా వున్నప్పటికీ అన్నిటినీ వదిలేసి వచ్చాడు.

రాష్ట్రంలో జగన్‌ మండించిన ప్రత్యేకహోదా ఉద్యమం పుణ్యాన చంద్రబాబుకు బీజేపీతో స్నేహాన్ని వదులుకోక తప్ప లేదు. ఎన్డీఏ నుండి బయటకు వచ్చాక బీజేపీపై విమర్శలు బాగానే చేసాడు. అంతేకాదు, కర్నాటక ఎన్నికల్లో బీజేపీని ఓడించాలంటూ తెలుగుప్రజలకు పిలుపునిచ్చాడు. ఇవన్నీ కూడా బీజేపీ అధిష్టానం వద్ద రికార్డై వున్నట్లు తెలుస్తోంది. ఈ నాలు గేళ్లలో చంద్రబాబు పాలనపై అనేక అవినీతి ఆరోపణలున్నాయి. కేంద్రం ఇచ్చిన నిధులను దారిమళ్ళించడంతో పాటు పోలవరం పేరుతో అంచనాలను భారీగా పెంచడం, విదేశీ పర్యటనలు పేరుతో చేసిన దుబారా, రాజధాని పేరుతో చేసిన అక్రమాలు, పుష్కరాల పేరు చెప్పి కోట్ల నిధుల దుర్వినియోగం... వంటి పాయింట్లెన్నో వున్నాయి. అదీగాక చంద్రబాబు మీద 18 కేసులు స్టేలో వున్నాయి. ఓటు-నోటు కేసు సంగతి ఇంకా తేలలేదు. వీటన్నింటికి మించి రాష్ట్రానికి పంపిస్తున్న కొత్త కరెన్సీని డంపింగ్‌ చేసారనే ఆరోపణలున్నాయి. వీటిలో దేనిమీద దర్యాప్తు చేయిం చినా చంద్రబాబు ఎక్కడోచోట దొరికిపోతాడు.

నరేంద్రమోడీ, అమిత్‌ల జోడీ అంటే ఇప్పటికే చాలామందికి భయం పట్టుకుంది. తమను ధిక్కరించిన శశికళ చేత ఊచలు లెక్కపెట్టిస్తున్నారు. పశుదాణా కేసులో లాలూ ప్రసాద్‌యాదవ్‌ చేత చిప్పకూడు తినిపిస్తున్నారు. వాళ్ళు పగబట్టి తనకూ ఆ గతి పట్టిస్తారేమోనని బాబు భయం. అందుకే తనను కాపాడం డంటూ ప్రజలను వేడుకుంటున్నాడు.

chakraమన ప్రత్యర్థి మీద అనవసరంగా బురద చల్లుతున్నప్పుడు, మన ప్రత్యర్థిని అక్రమ కేసుల్లో ఇరికించి కోర్టు మెట్లెక్కించినప్పుడు, అతనిపై అవినీతి ముద్రవేసి లక్ష కోట్లు తిన్నాడని అనుకూల మీడియాలో కథనాలు ప్రసారం చేయించినప్పుడు వచ్చే ఆ కిక్కే వేరప్పా... ఒకటా... రెండా దాదాపు ఆరేళ్ళ నుండి ఇలాంటి కిక్కునే అనుభవిస్తున్నాడు చంద్రబాబునాయుడు. ప్రతిపక్ష నేత జగన్‌పై ఎనిమిదేళ్లుగా బురదచల్లుతున్నాడు. తన వాళ్ళచేత చల్లిస్తున్నాడు. ఆ సీన్‌ చూసి పైశాచికానందం పొందుతూ వచ్చాడు. జగన్‌ను ఎన్ని రకాలుగా ఆడిపోసుకోవాలో ఆడిపోసుకున్నారు. ఇప్పుడు సీన్‌ రివర్స్‌ అవుతుందా? చంద్రబాబు చక్ర బంధంలో చిక్కుకోనున్నాడా? ఆయనను సమ స్యలు చుట్టుముడుతున్నాయా?

ప్రస్తుత రాజకీయ పరిణామాలు చూస్తుంటే రాజకీయ విశ్లేషకులకు ఇలాంటి అను మానాలే కలుగుతున్నాయి.

కేంద్ర ప్రభుత్వం ఈ టర్మ్‌కు సంబం ధించి చివరి బడ్జెట్‌ ప్రవేశపెట్టిన తర్వాత రాష్ట్ర రాజకీయాల్లో అనూహ్య పరిణామాలు చోటు చేసుకున్నాయి. జగన్‌ ప్రత్యేకహోదా ఉద్యమాన్ని ఉదృతం చేయడంతో చంద్ర బాబుకు ఊపిరాడలేదు. ఆయన కూడా జగన్‌ బాటలోకి రాక తప్పలేదు. ఈ నేప థ్యంలోనే ఆయన ఎన్డీఏతో తెగదెంపులు చేసుకుని బయటకు పోవడం జరిగింది. బీజేపీతో కటీఫ్‌ చెప్పాడనేగాని ఆయన మనసు మనసులో లేదు. మునుపటిలా ప్రశాంతంగా లేడు. ఇటీవల చోటుచేసు కున్న రాజకీయ పరిణామాలేవీ ఆయనకు మింగుడుపడడం లేదు. తన వాడు, మంచి వాడు అనుకున్న పవన్‌ కళ్యాణే అనూ హ్యంగా అడ్డం తిరిగాడు. తన మీద కాకుండా ఏకంగా తన కొడుకు లోకేష్‌ మీద పవన్‌ అవినీతి ఆరోపణలు చేయ డాన్ని చంద్రబాబు జీర్ణించుకోలేకపోతు న్నాడు. లోకేష్‌ను తన రాజకీయ వార సుడిగా తెరమీదకు తెచ్చాడాయన. చంద్ర బాబు మీద అవినీతి ఆరోపణలు చేస్తే అదోరకం. 40ఏళ్ల సీనియర్‌ కాబట్టి వాటిని తట్టుకుని నిలబడగలడు. తాను నిప్పు అని పచ్చమీడియా చేత చెప్పించు కోగలడు. ఎందుకంటే ఈ వయసులో ఎన్ని అవినీతి ఆరోపణలు చేసినా ఆయనకు పోయేదేమీ లేదు. దుమ్ము దులుపుకుని పోతుంటాడు. కాని లోకేష్‌ మీద అవినీతి ఆరోపణలే ఓ పట్టాన మింగుడు పడేవి కావు. ఎందుకంటే లోకేష్‌ రాజకీయ ప్రయాణం ఇప్పుడే మొదలైంది. తండ్రి చాటు బిడ్డ. జగన్‌లా రాటుదేలిన నాయ కుడు కాదు. ప్రజాక్షేత్రంలో నిలిచి గెలిచిన యువకుడూ కాదు. అడ్డదారిలో మంత్ర య్యాడు. ఇలాంటి లోకేష్‌ను ఒక పరిణితి చెందిన రాజకీయ నేతగా తీర్చిదిద్దాలంటే చంద్రబాబు బాగా తోమాలి. ఆయన తోముడు మొదలుపెట్టే లోపే లోకేష్‌ పెద్ద అవినీతిపరుడంటూ పవన్‌ పెద్ద బండ వేసాడు. వైసిపి నేతలు ఇలాంటి ఆరో పణలు చేసుంటే పెద్దగా ప్రభావం వుండేది కాదు. నిన్నటి వరకు తెలుగుదేశం మద్దతు దారుగా వున్న పవన్‌ చేసే సరికే చంద్ర బాబుకు చివుక్కుమంది.

నాలుగేళ్లుగా ప్రతిపక్ష వైకాపా చంద్ర బాబు అవినీతి అక్రమాలపై దుమ్మెత్తి పోస్తూనే వుంది. అయినా కూడా చంద్ర బాబు ఏరోజూ లెక్క చేయలేదు. వైకాపాకు చెందిన ముగ్గురు ఎంపీలను, 23మంది ఎమ్మెల్యేలను కొనేసాడు. అసెంబ్లీలో ప్రతి పక్షం నోరు నొక్కే ప్రయత్నం చేసాడు. రాష్ట్రంలో ఎక్కువ శాతం మీడియా ఆయన పట్ల అనుకూలంగా వుండడం కూడా చంద్రబాబుకు కలిసొచ్చింది. పోలవరం అంచనాలు భారీగా పెంచినా, అమరావతి భూములతో వ్యాపారం మొదలుపెట్టినా, పట్టిసీమ, పుష్కరాల పేరుతో అంతులేని అవినీతి జరిగినా, తెలంగాణ 'ఓటు- నోటు' వ్యవహారంలో పబ్లిక్‌గా దొరికినా కేంద్రంలో భాగస్వామిగా వుండడం, న్యాయవ్యవస్థలో సైతం పచ్చపాతవాదు లుండడం, అన్నింటికి మించి ప్రభుత్వ వైఫల్యాలను బయట ప్రపంచానికి కని పించకుండా తమ కెమెరాలతో కప్పిపెట్టే మీడియా వుండడంతో ఇప్పటిదాకా ఆయన ఆడిందే ఆట పాడిందే పాట అన్నట్లుగా సాగింది.

ఇకముందు అలా వుండదు. రాష్ట్రంలో ప్రతిపక్షాలన్నీ ప్రభుత్వ అవినీతిపై విమర్శ నాస్త్రాలు ఎక్కుపెట్టాయి. ప్రత్యేకహోదా విషయంలో ఆయన అనుసరించిన రెండు నాల్కల ధోరణితో పార్టీకి మైలేజీ తగ్గి పోయింది. ఇప్పుడు వైసిపి, వామపక్షాలే కాకుండా నిన్నటివరకు మిత్రపక్షంగా వున్న బీజేపీ కూడా చంద్రబాబు అవినీతిపై ఆరోపణలు ఎక్కుపెట్టింది. పోలవరం, పట్టిసీమ వంటి ప్రాజెక్టుల్లో నెలకొన్న అవి నీతిని లెక్కలతో సహా చెప్పిమరీ కడిగేస్తు న్నారు. ఏపికి కేంద్రం పంపిన నిధులకు, చంద్రబాబు కేంద్రానికి పంపిన యూసిలకు పొంతన కుదరడం లేదు. చేయని పనులను చేసినట్లుగా, కట్టని భవనాలను కట్టినట్లుగా ఇక్కడ నుండి యూసిలు పంపారని తెలుస్తోంది. ఇక పోలవరం అక్రమాలైతే యూపిఏ హయాంలో జరిగిన కామన్‌వెల్త్‌ క్రీడల స్కాంను మరపిస్తున్నాయని సమా చారం. అక్రమాలను బీజేపీ నాయకులే లెక్కలతో సహా చెబుతున్నారు.

ఇటు చూస్తే తమకు అడ్డం తిరిగిన నాయకులను నరేంద్రమోడీ, అమిత్‌షాలు తొక్కుకుంటూ వస్తున్నారు. చంద్రబాబు విధిలేని పరిస్థితుల్లో వారికి అడ్డం తిరి గాడు. మనసులో వారి పట్ల భయం అలాగే వుంది. ఆయనపై 18కేసులు స్టేలో వున్నాయి. వీటిలో 'ఓటు-నోటు' కేసుపై స్టే ఎత్తేస్తే చాలు... చంద్రబాబుకు చుక్కలే! ఎమ్మెల్యేలు, ఎంపీల కొనుగోలు వ్యవహారం పబ్లిక్‌గానే జరిగింది. ఏ డబ్బులతో వీరిని కొన్నారనే సమాచారం కూడా కేంద్రం వద్ద ఉన్నట్లు తెలుస్తోంది. పోలవరం అక్రమాల లెక్కలు కూడా కేంద్రం వద్ద వున్నాయి. అమరావతికి ఇచ్చిన నిధుల వినియోగం పైన, పోలవరం నిర్మాణంపైనా సిబిఐ లేదా ఇంకేదైనా సంస్థ చేత విచారణ జరిపిస్తే చాలు... చంద్రబాబు బొక్కలు బయటపడతాయి. దీనికితోడు ఈమధ్య ఆయన కాంగ్రెస్‌కు దగ్గరవుతున్నాడన్న సమాచారం కూడా కేంద్రం వద్ద వుంది. ఈ పరిణామాల నేపథ్యంలో మోడీ, అమిత్‌షాలు ఆయనపై ఎప్పుడు పంజా విసురుతారో చెప్పలేని పరిస్థితి నెలకొంది.

మరోపక్క చూస్తే వైకాపా రాజ్యసభ సభ్యుడు విజయసాయిరెడ్డి ఢిల్లీ లెవల్లో ఆయనకు చుక్కలు చూపిస్తున్నాడు. భారత్‌లో బ్యాంకులకు వేలకోట్లు అప్పులు ఎగ్గొట్టి లండన్‌లో దాక్కున్న విజయ్‌ మాల్యాను చంద్రబాబు కలిసాడని, ఆయన వద్ద 150కోట్ల పార్టీ ఫండ్‌ తీసుకున్నాడని విజయసాయిరెడ్డి చేసిన ఆరోపణలు ఏపి రాజకీయాలలోనే కాక, ఢిల్లీ రాజకీయా లలోనూ ప్రకంపనలు సృష్టిస్తున్నాయి. ఈ చిక్కులనుండి బయటపడాలని జాతీయ రాజకీయాలలో తన ప్రభావం చూపాలని చెప్పి ఆయన ఢిల్లీ వెళ్ళినా పెద్దగా ఫలితం కానరాలేదు.

మొత్తానికి చంద్రబాబు పరిస్థితి చక్రబంధంలో ఇరుక్కున్నట్లయ్యింది. ఈ నాలుగేళ్లు అడ్డు అదుపు లేకుండా ఏలాడు. ఈ నాలుగేళ్లలో చేసిన అక్రమాలే ఇప్పుడు పాపాలుగా శాపాలై వెంటాడుతున్నాయి.

Page 1 of 14

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…

Newsletter