chandruluజిల్లాలో ఈసారి తీవ్ర వర్షాభావ పరిస్థితులు నెల కొనడం తెలిసిందే! జిల్లాలో ఎక్కడా పూర్తి స్థాయిలో చెరువులు నిండిన దాఖలాలు లేవు. ఈ దశలో ఎగువ జిల్లాల్లో కురిసిన వర్షాల మూలంగా సోమశిలకు 50 టిఎంసీలకు పైగా నీళ్ళు రావడం తెలిసిందే! వర్షాభావ పరిస్థితుల వల్ల గత ఏడాది జిల్లాలో రెండో పంట లేకుండాపోయింది. ఈసారి పంటకైనా నీళ్ళుంటాయా లేదా అని సందేహిస్తున్న పరిస్థితుల్లో సోమశిలకు నీళ్ళు రావడం, సోమశిల, కండ్లేరు ఆయకట్టు క్రింద రైతులు ఆనందంగా పంటలు వేయడం జరిగింది. ఇటీవల జరిగిన ఐఏబి సమావేశంలోనూ 5లక్షల ఎకరాలకు నీళ్లందించాలని నిర్ణయించారు.

అయితే అధికారికంగా 5లక్షల ఎకరాలకే అని చెప్పినా అనధికారికంగా మరో రెండు లక్షల ఎకరాల వరకు రైతులు నీళ్ళను వాడుకుంటుంటారు. సోమశిల, కండ్లేరులలో నీటిని సాగునీటి అవసరాలకే కాకుండా చెన్నై, తిరుపతిలకు పంపించాలి. జిల్లాలో తాగునీటి అవసరాలకు వాడుకోవాలి. డెడ్‌స్టోరేజ్‌లో కొంత పెట్టాలి. పైర్లు కోత కొచ్చే దశలో నీళ్ళు లేకపోతే చేతికొచ్చే పంటను కోల్పోయే పరిస్థితి... ఈ పరిస్థితిని వూహించే జిల్లా మంత్రి, వ్యవసాయమంత్రి సోమిరెడ్డి చంద్రమోహన్‌రెడ్డి ఇటీవల జన్మభూమి పర్యటనకు కోడూరుపాడు వచ్చిన ముఖ్యమంత్రి చంద్రబాబునాయుడు దృష్టికి ఈ సమస్యను తీసుకెళ్లాడు. ఆయన సానుకూలంగా స్పందించారు. పోతిరెడ్డిపాడు హెడ్‌రెగ్యులేటర్‌ వద్ద నుండి సోమశిలకు 5.5టీఎంసీల నీటి విడుదలకు సీఎం ఆదేశించాడు. సోమిరెడ్డి కృషితో ఈ పంటను గట్టెక్కించినట్లే!

kulamగత ఎన్నికల్లో తెలుగుదేశం అధికారంలోకి రావడానికి పలు కారణాలున్నాయి. ప్రతి కారణం కూడా చంద్రబాబుకు ఎన్నో కొన్ని ఓట్లు తెచ్చిపెట్టింది. అలాంటి కారణాలలో ఒకటే కులం కార్డు.

మనకు తెలిసిన చరిత్రలో ఎప్పుడు కూడా ఏపిలో కుల రాజకీయాలు ఉండేవి కావు. కులం, మతం కన్నా కూడా సిద్ధాంతాల పట్ల నమ్మకం, పార్టీ అధినాయకుల పట్ల అభిమానంతోనే రాజకీయాలు నడిచేవి. ఇన్నేళ్ళ చరిత్రలో కులపరంగా ప్రజలు చీలిన సందర్భాలు లేవు. నాయకుడిని లేదా ప్రభుత్వాన్ని అభిమానించినా వ్యతిరేకిం చినా రాష్ట్ర వ్యాప్తంగా కూడా ఫలితాల సరళి ఒకే విధంగా వుండేది. ఒక జిల్లాలో ఒక పార్టీకి, ఇంకో జిల్లాలో ఇంకో పార్టీకి అధికంగా సీట్లు రావడంమంటూ ఉండేది కాదు. 2009 ఎలక్షన్‌ల దాకా కూడా రాష్ట్రంలో ఇదే వాతావరణం కొనసాగింది.

రాష్ట్ర విభజన జరిగిన వేళా విశేషమో లేక వై.యస్‌.జగన్మోహన్‌రెడ్డి సొంతంగా పార్టీ పెట్టడం వల్లనో రాష్ట్రంలో కుల రాజకీయాలకు బీజం పడింది. తెలుగుదేశంకు ఒక కులం, వైకాపాకు ఒక కులం ముద్ర వేశారు. అంతకుముందు చిరంజీవి పెట్టిన ప్రజారాజ్యం పార్టీకి కూడా కులం ముద్ర వుండడం చూసాం.

అయితే 2014 ఎన్నికల్లో ఈ కులం రాజకీయాలను అందరికంటే బాగా వాడుకుంది మాత్రం చంద్రబాబే! ఈయన రాజకీయ చాణక్యం, తెలివి తేటల ముందు జగన్‌ చాలలేదు. పవన్‌ కళ్యాణ్‌ను రంగంలోకి దించడం ద్వారానేమీ, కాపు రిజర్వేషన్‌ల హామీతోనైతేనేమీ కాపుల ఓట్లను రాబట్టాడు. వై.యస్‌ కుటుంబంపై విషప్రచారం చేయించి క్షత్రియులను వారికి వ్యతిరేకం చేసాడు. వై.యస్‌. కుటుంబంపై ఎల్లో మీడియా ద్వారా మత ముద్ర వేయించి వైశ్యులు, బ్రాహ్మణులను పూర్తిగా తన వైపుకు లాక్కున్నాడు. ఎస్సీ వర్గీకరణ హామీ, రజకులను ఎస్టీల్లో చేర్చడం, మత్స్యకారులను ఎస్సీలలో చేర్చడం వంటి హామీలతో వారి ఓట్లను రాబట్టారు. ఆ ఎన్నికల వరకు చంద్రబాబుకు కులం కార్డు బాగానే ఉపయోగపడింది.

ఇదే కులం కార్డు రేపటి ఎన్నికల్లో ఆయనకు రివర్స్‌ అవుతుందా? కాపులకు 5శాతం రిజర్వేషన్లు కల్పిస్తూ అసెంబ్లీలో తీర్మానం చేయించి కేంద్రప్రభుత్వానికి పంపారు బాగానే వుంది... కేంద్రం దీనిని ఆమోదించే పరిస్థితి లేదు. ఎందుకంటే గుజరాత్‌ ఎన్నికలను పెట్టుకుని రాజకీయంగా నష్టం జరుగుతుందని తెలిసి కూడా మోడీ పటేళ్ళ రిజర్వేషన్‌కు అంగీకరించలేదు. కాబట్టి కాపు రిజర్వేషన్‌ల తీర్మానాన్ని కేంద్రం ఎట్టి పరిస్థితుల్లోనూ అంగీకరించదు. కేంద్రం అంగీకరించకపోతే తప్పును బీజేపీ మీదకు తోసేయొచ్చని చంద్రబాబు భావిస్తుండొచ్చు. కాపులు అమాయకులైతే ఆ విధంగా జరగొచ్చు. కాని ఎన్నికలలోపు వాళ్ళకు అధికారికంగా రిజర్వేషన్‌లు రాకపోతే ప్రభుత్వంపై తిరగబడే అవకాశముంది.

కాపులకు రిజర్వేషన్‌లు వస్తాయో లేదో గాని ఈ అంశం మూలంగా ఇప్పటివరకు తెలుగుదేశంకు గట్టి ఓటు బ్యాంకుగా వున్న బీసీలలో మాత్రం చీలిక వచ్చింది. కాపు రిజర్వేషన్‌లను వ్యతిరేకిస్తూ ఇటీవల వాళ్ళు తెలుగుదేశం ప్రభుత్వానికి వ్యతిరేకంగా రాష్ట్ర వ్యాప్తంగా ఆందోళనలు నిర్వహించడం చూసాం. ప్రతి ఎన్నికల్లోనూ తెలుగుదేశంకు నికరంగా పడే ప్రతి వంద బి.సి ఓట్లలో 10ఓట్లు చీలినా, అది పార్టీకి ఎంతో నష్టం చేయగలదు. కాపు రిజర్వేషన్‌ల మూలంగా కొద్ది శాతంలో అయినా తెలుగుదేశం బీసీల ఓట్లను కోల్పోతుందన్నది వాస్తవం.

ఇక మత్స్యకారులలోనూ ఇప్పటివరకు తెలుగుదేశంకు గట్టి పట్టుంది. తమను ఎస్సీలలో చేర్చాలంటూ వాళ్ళు ఆందోళన బాట పట్టారు. అది ఇప్పట్లో సాధ్యమయ్యేది కాదు. ఇక రజకులను ఎస్టీల్లో చేర్చడం కూడా సాధ్యం కాని పనే!

గత ఎన్నికల్లో టీడీపీకి సంపూర్ణ మద్దతు పలికిన వైశ్యులు, బ్రాహ్మణులు కూడా ఈసారి ఆ పార్టీ వైపు పూర్తిగా నిలిచే అవకాశాలు లేవు. వ్యాపారులపై కొనసాగుతున్న వేధింపులతో వైశ్యులు కొంత దూరమయ్యారు. రాష్ట్రంలో పలు చోట్ల దేవాలయాలు కూల్చడం, హిందూ వ్యతిరేక ధోరణుల వంటివాటి మూలంగా ప్రభుత్వంపై బ్రాహ్మణుల లోనూ అసంతృప్తి వుంది. ఈ కులాలన్నింటిలో వచ్చిన అసమ్మతి ఓట్ల రూపంలోకి మళ్ళితే చంద్రబాబుకు తీరని నష్టమే!

pawanనేనెందుకు పార్టీ పెట్టానో నాకే తెలి యదు, నేనెందుకు ప్రచారం చేస్తున్నానో నాకే తెలియదు, ఎన్ని సీట్లకు పోటీ చేయాలో నాకే తెలియదు... అన్నంత అజ్ఞానంలో వున్న హీరో పవర్‌స్టార్‌ పవన్‌ కళ్యాణ్‌, ఒక దశ దిశ నిర్దేశం లేకుండా రాజకీయపార్టీని స్థాపించిన వ్యక్తి. పార్టీని పెట్టి కూడా ఎన్నికల్లో పోటీ చేయని నాయకుడు పవన్‌ కళ్యాణ్‌. ఆయన ఎందుకు పార్టీ పెట్టాడన్నది ఆయనకు తెలియకపోయినా, ఈ నాలుగేళ్ల కాలంలో ఆంధ్రప్రదేశ్‌ ప్రజలకు మాత్రం తెలిసి పోయింది. కేవలం చంద్రబాబు కోసమే ఆయన రాజకీయాలలోకి వచ్చాడు. రాజ కీయ పార్టీ పెట్టాడు. తనకొక సొంత లక్ష్యం అన్నది లేకుండా, కేవలం చంద్రబాబును కాపాడడం కోసం ఆయన అప్పుడప్పుడూ ప్రజల మధ్యకు రావడం, ప్రభుత్వాన్ని వదిలేసి ప్రతిపక్షంపై విమర్శలు చేయడం వంటివి ఆయన మీద జుగుప్సా కలిగేలా చేసాయి. వైయస్సార్‌ కాంగ్రెస్‌పార్టీ వాళ్ళు మొన్నటివరకు పవన్‌ను శత్రువుగా భావించ లేదు. ఆయనపై విమర్శలకు పాల్పడలేదు. కాని పవనే అనవసరంగా వైసిపి కేడర్‌ను రెచ్చగొట్టాడు. దీంతో పవన్‌ - వైసిపిల మధ్య రాజకీయ వైరం సినిమాకు కూడా పాకింది. పవర్‌స్టార్‌ నటించిన 'అజ్ఞాత వాసి' సినిమా ఈనెల 10న విడుదల కావడం తెలిసిందే! పవన్‌ కోసం కృత జ్ఞతగా చంద్రబాబు ప్రభుత్వం ఈ సిని మాను రోజుకు ఏడు షోలు ప్రదర్శించ డానికి అనుమతినిచ్చింది. పవన్‌కు చంద్ర బాబు ఈ విధంగా సహకరించాడు. అదే సమయంలో వైసిపి శ్రేణులు, వై.యస్‌. అభిమానులు అధికారికంగా కాకపోయినా అనధికారికంగా ఈ సినిమాను చూడకూడదని ఎవరిపాటికి వాళ్ళు బహిష్కరించారు. ఈ సినిమాను చూడకూడదనే సంకేతాలు ఒకరి నుండి ఒకరికి బాగానే పాకాయి. చాలామంది పవన్‌ వైఖరికి నిరసనగా ఈ సినిమాకు స్వీయనిషేధం విధించుకున్నారు. వై.యస్‌. అభిమానులైతే ఈ సినిమా అట్టర్‌ ఫ్లాప్‌ కావాలని, హిట్‌ అయితే పవన్‌కు కొమ్ములొస్తాయని భావించారు. ఆశించి నట్లే ఈ సినిమా అట్టర్‌ఫ్లాప్‌ కావడం వైకాపా అభిమానులకు ఎనలేని ఆనందా నిచ్చింది. ఎన్టీఆర్‌ తెలుగుదేశం పార్టీని పెట్టాడు. ప్రభుత్వాన్ని ఏలాడు. రాష్ట్ర రాజకీయ చరిత్రలో ఏరోజూ ప్రజలు గాని, ఆయన రాజకీయ ప్రత్యర్థులు గాని ఆయన కుటుంబసభ్యుల సినిమాలను చూడకుండా వుండాలనుకోలేదు. రాజకీయాలను, కళ లను వేరుగా చూసారు. ఎన్టీఆర్‌కు ఒక క్లారిటీ వుంది. ఆయన లక్ష్యం క్లియర్‌గా వుంది. ఇక్కడ పవన్‌కు అది లేదు. ఎవరి కోసమో పని చేస్తున్నట్లుగా ఆయన వ్యవ హారశైలి ఉంటుండడం వల్లే రాజకీయాల లోనే కాదు, సినిమాలలో కూడా అటూ ఇటూ కాకుండా పోతున్నాడు.

Page 1 of 3

newsbottomad

ఎక్కువగా చదివిన వార్తలు

  • దండగ... పండగ...
    పర్యాటక అభివృద్ధి అంటే సంవత్సరంలో 365రోజులు జరగాల్సిన ప్రక్రియ. దానిని రెండుమూడు రోజులు జాతరగా మార్పు చేయడం సబబు కాదు. మూడురోజుల సంబడం కోసం మూడు కోట్లు తగలెయ్యడం కరెక్ట్‌ కాదు. ఆ నిధులనే పర్యాటక కేంద్రాల అభివృద్ధికి వెచ్చిస్తే సంవత్సరం…
  • సినిమానూ వదలని సెగ
    నేనెందుకు పార్టీ పెట్టానో నాకే తెలి యదు, నేనెందుకు ప్రచారం చేస్తున్నానో నాకే తెలియదు, ఎన్ని సీట్లకు పోటీ చేయాలో నాకే తెలియదు... అన్నంత అజ్ఞానంలో వున్న హీరో పవర్‌స్టార్‌ పవన్‌ కళ్యాణ్‌, ఒక దశ దిశ నిర్దేశం లేకుండా రాజకీయపార్టీని…
  • సమన్వయ లోపం... వైకాపాకు శాపం!
    2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు…
  • అజీజ్‌ బ్రదర్స్‌పై కేసు
    నెల్లూరు నగరపాలక సంస్థ మేయర్‌ అబ్దుల్‌ అజీజ్‌కు షాక్‌ తగిలింది. ఆయన పైన ఆయన తమ్ముడు, కార్పొరేటర్‌ జలీల్‌ మీద చెన్నైలో చీటింగ్‌ కేసు నమోదైంది. మేయర్‌ అజీజ్‌కు చెందిన స్టార్‌ ఆగ్రో కంపెనీలో వాటా కోసం తాము ఇచ్చిన 42కోట్ల…
  • నెల్లూరుజిల్లా ప్రగతిలో... వై.యస్‌. మార్క్‌ తప్పితే... బాబు బ్రాండ్‌ ఏది?
    మొన్న కోడూరుపాటు జన్మభూమి గ్రామ సభలో ముఖ్యమంత్రి చంద్రబాబునాయుడు మాటలు కోటలు దాటాయి. గాల్లోనే మేడలు కట్టారు. 2019కల్లా దగదర్తి ఎయిర్‌పోర్టును పూర్తి చేస్తామన్నారు. కృష్ణపట్నంపోర్టులో సెజ్‌ను ఏర్పాటు చేసి పారిశ్రామికంగా అభివృద్ధి చేస్తామన్నారు. నెల్లూరు నుండి చెన్నై దాకా ఇండస్ట్రియల్‌…

Newsletter