mekapatiనెల్లూరు లోక్‌సభ అభ్యర్థిగా మేకపాటి రాజ మోహన్‌రెడ్డి మూడుసార్లు వరుసగా విజయం సాధించి హ్యాట్రిక్‌ కొట్టాడు. నెల్లూరుజిల్లా రాజకీయ చరిత్రలో ఆయన పేరిట ఇదో రికార్డు. 2009లో జరిగిన నియోజకవర్గాల పునర్విభజన వల్ల ఎస్సీ రిజర్వుడ్‌లో ఉన్నటువంటి నెల్లూరు లోక్‌సభ జనరల్‌లోకి మారడం జరిగింది. నెల్లూరు లోక్‌సభ నుండి తాను పోటీ చేయాలన్న ఆశతో అప్పుడు డీ-లిమిటేషన్‌ కమిటీలో సభ్యుడిగా వున్న స్వర్గీయ నేదురుమల్లి జనార్ధన్‌రెడ్డి నెల్లూరును ఆనుకుని వుండే సర్వేపల్లి నియోజకవర్గాన్ని తిరుపతి పార్లమెంటులోకి నెట్టేసి, నెల్లూరుకు 120కిలోమీటర్ల దూరంలో వున్న కందుకూరును నెల్లూరు లోక్‌సభ పరిధిలోకి తెచ్చారు. ఇంత కష్టపడ్డా కూడా 2009లో ఆయనకు నెల్లూరు లోక్‌సభ టిక్కెట్‌ ఇవ్వకుండా రాజ్యసభకు పంపించారు.

నెల్లూరు లోక్‌సభ జనరల్‌ అయ్యాక తొలి ఎంపీ మేకపాటి రాజమోహన్‌రెడ్డి. 2009లో వై.యస్‌. అనుకూల గాలిలో గెలిచాడు. 2012లో తిరిగి వైకాపా అభ్యర్థిగా నెల్లూరు లోక్‌సభకు జరిగిన ఉపఎన్నికలలో దాదాపు 3లక్షల మెజార్టీతో గెలిచాడు. 2014లో తిరిగి వైకాపా అభ్యర్థిగా మూడోసారి ముక్కీ మూలిగి 13వేల మెజార్టీతో గెలిచాడు. అది కూడా ఆత్మకూరులో ఆనం రామనారాయణరెడ్డి ఎలక్షన్‌ వదిలేయబట్టి ఎంపీగా ఈయన బయటపడ్డాడు. అంటే ఆ రెండేళ్లలోనే ఎంపీగా ఆయనపై వ్యతిరేకత బాగా పెరిగింది. లోక్‌సభ పరిధిలోని 7 అసెంబ్లీలో 5 నియోజకవర్గాలలో వైసిపి గెలిచింది. ఎంపీగా ఆయన మెజార్టీ లక్ష దాటాలి. కాని, క్రాస్‌ ఓటింగ్‌ బాగా జరిగి ఆయన మెజార్టీ 13వేలకు పడిపోయింది. 2014లోనే అంత నెగటివ్‌ వుంటే ఇంకో ఐదేళ్ల తర్వాత ఇంకెంత వ్యతిరేకత ఉం డాలి. కాబట్టి వచ్చే ఎన్నికల్లో నెల్లూరు లోక్‌సభ అభ్యర్థిగా కొత్తవారిని తెరమీదకు తేవాలనే ప్రయత్నాలు జరుగుతున్నట్లు తెలుస్తోంది. మేకపాటిని ఒంగోలుకో, నరసారావుపేటకో పంపించొచ్చు. ఆ రెండు చోట్లా మేకపాటికి మంచి పేరే వుంది. నెల్లూరు లోక్‌సభ పరిధిలో పంట రెడ్ల ఆధిపత్యం ఎక్కువ. వీళ్లకు ఆయన సెట్‌ కాడు. కాబట్టి ఆయన మెట్ట లోక్‌సభ లకు పోవడమే మేలు. ఈసారి పార్లమెంట్‌ అభ్యర్థుల సామర్ధ్యం కూడా అసెంబ్లీలపై ప్రభావం చూపుతుంది. పార్లమెంటు అభ్యర్థి గట్టోడైతే అది అసెంబ్లీ అభ్యర్థులకు కూడా కలిసొస్తుంది. కాబట్టి నెల్లూరు లోక్‌సభ అభ్యర్థిగా సరైన నాయకుడి కోసం అన్వేషణ జరుగుతున్నట్లు తెలుస్తోంది.

elections2014 ఎన్నికల్లో వైకాపా ఓటమికి ప్రధాన కారణాలు... చంద్రబాబు ఋణ మాఫీ, టీడీపీకి పవన్‌ కళ్యాణ్‌ మద్దతు పలకడం, నరేంద్రమోడీ ఆకర్షణ, కాంగ్రెస్‌ సీనియర్‌ నేతలంతా జగన్‌ కాదంటే టీడీపీలోకి వెళ్లడం, మతపరమైన ముద్రవల్ల బ్రాహ్మణులు, వైశ్యులు పూర్తిగా వైసిపిని వ్యతిరేకించడం, పచ్చ మీడియా వ్యతిరేక ప్రచారం, ఆర్ధికంగా టీడీపీ పైచేయిలో ఉండడం, ఎల్లోమీడియా విషప్రచారం వల్ల రాజులు దూరం కావడం, విభజన నేపథ్యంలో అనుభవజ్ఞుడైన చంద్రబాబు సీఎం అయితేనే సక్రమంగా జీతాలన్నా వస్తాయని ఉద్యోగులు భావించడం... కర్ణుడిచావుకు సవాలక్ష కారణాలన్నట్లు... వైకాపా ఓటమికి ఇన్ని కారణాలున్నాయి. ఇవే కాదు, వైకాపా ఓటమిలో టీడీపీ గెలుపులో న్యాయస్థానంకు సైతం పరోక్ష పాత్ర వుంది.

అంతకుముందున్న కాంగ్రెస్‌ ప్రభుత్వం స్థానిక సంస్థల ఎన్నికలను వాయిదా మీద వాయిదాలేసుకుంటూ వచ్చింది. 2014లో కొత్త ప్రభుత్వం ఏర్పడ్డాక స్థానిక ఎన్నికలకు పోవాలనే పరిస్థితి ఉండింది. అయితే హైకోర్టు అందుకు ఒప్పుకోలేదు. అసెంబ్లీ ఎన్నికలకు ముందే స్థానిక ఎన్నికలు జరపాలని ఆదేశించింది. దీంతో పంచాయితీలు, జిల్లా పరిషత్‌, మున్సిపల్‌ కార్పొరేషన్‌ల ఎన్నికలను అప్పటికప్పుడు హడావిడిగా జరిపారు. ఈ స్థానిక ఎన్ని కలు ముందుగా జరపడం వైకాపాకు తీరని నష్టం కలిగించింది. స్థానిక ఎన్నికలు జరక్కముందు గ్రామాలలో ఆ వర్గం ఈ వర్గం అని లేకుండా ప్రజలు సాధారణ స్థితిలో జగన్‌కు సానుభూతి పరులుగా వున్నారు. ఎప్పుడైతే స్థానిక ఎన్నికలు జరి గాయో అప్పుడు గ్రామాలలో గ్రూపులు సెట్‌ అయిపోయాయి. గ్రామాలలో పం తాలు, పట్టింపులు ఎక్కువ. ఒక నాయ కుడు ఒక పార్టీకి మద్దతు తెలిపితే ప్రత్యర్థి నాయకుడు అవతలిపార్టీ వైపు పోవడం సర్వసాధారణం. దీంతో వై.యస్‌.జగన్‌ సానుభూతిపరులు గ్రామాలలో వర్గ రాజకీయాల కారణంగా అసెంబ్లీ ఎన్ని కల్లోనూ వాళ్ళు తెలుగుదేశం వైపే వుండి పోయారు. ముందుగా స్థానిక ఎన్నికల కారణంగా జగన్‌కు ఓటేయాలన్న ప్రజ లలోని ఉత్సాహం అక్కడ కొంతవరకు తీరిపోయింది. అంత ఊపు అసెంబ్లీ ఎన్ని కలలో లేకుండా పోయింది.

అప్పుడంటే కోర్టు ఆదేశాల వల్ల అసెంబ్లీ ఎన్నికలకు ముందు స్థానిక ఎన్ని కలను జరపాల్సి వచ్చింది. ఈసారి ఒక సారి స్థానిక ఎన్నికలను వాయిదా వేసినా అసెంబ్లీ ఎన్నికల తర్వాతే జరపొచ్చు. అప్పుడైతే ఏ సమస్యా ఉండదు. అధికారం లోకి ఏ పార్టీ వస్తే స్థానిక ఎన్నికల్లోనూ ఆ పార్టీ మద్దతుదారులే ఎక్కువుగా గెలు స్తారు. అభ్యర్థులకు పెద్దగా డబ్బు ఖర్చు కూడా వుండదు. ఎక్కువ స్థానాలు ఏక గ్రీవమయ్యే అవకాశం కూడా వుంది.

కాని, చంద్రబాబు స్థానిక ఎన్నికలను వాయిదా వేయాలనుకోవడం లేదు. అసెంబ్లీ ఎన్నికలకు ముందే జరపాలను కుంటున్నాడు. అసెంబ్లీ ఎన్నికలు పూర్తిగా ఎలక్షన్‌ కమిషన్‌ కంట్రోల్‌లో జరుగు తాయి. స్థానిక ఎన్నికలైతే అధికారాన్ని

ఉపయోగించుకోవడానికి అవకాశముం టుంది. అధికారముంది, కావాల్సినంత డబ్బుంది కాబట్టి మెజార్టీ స్థానిక సంస్థలను చేతిలోకి తీసుకోవచ్చు. స్థానిక సంస్థల్లో పైచేయి సాధిస్తే, వైకాపా కేడర్‌లో నిరు త్సాహం వస్తుంది. అసెంబ్లీ ఎన్నికల్లోనూ టీడీపీయే గెలుస్తుందన్న సంకేతాలు పం పొచ్చు. వైసిపికి బలమైన అభ్యర్థులు లేకుండా చేసి గెలుపును సులువు చేసుకో వచ్చు. ఒకవేళ స్థానిక ఎన్నికల్లో ప్రభుత్వ వ్యతిరేకత కనిపిస్తే అసెంబ్లీ ఎన్నికలనాటికి దానిని సరిదిద్దుకునే మార్గాలు వెదకొచ్చు. స్థానికసంస్థల ఎన్నికల ద్వారా రెండు విధాలుగా తనకే ప్రయోజనం ఉండడంతో చంద్రబాబు అసెంబ్లీకంటే ముందే స్థానిక ఎన్నికలకు ఉత్సాహం చూపుతున్నట్లు తెలుస్తోంది.

kulamఒక వైఫల్యాన్ని కప్పిపుచ్చుకోవడానికి ఇంకో వైఫల్యం... ఒక తప్పును కప్పిపుచ్చుకోవడానికి మరో తప్పు... ఇట్లాంటి ప్రయత్నాల వల్ల తాత్కలిక ఉపశమనం కలగవచ్చేమోగాని, చరిత్రలో శాశ్వత దోషులుగా, చరిత్రహీనులుగా మిగిలిపోతారు. ఒక సమస్య నుండి మరో సమస్యపైకి ప్రజల దృష్టిని మళ్లించడంలో ముఖ్యమంత్రి చంద్రబాబునాయుడు మాస్టర్‌ డిగ్రీ చేసి వున్నాడు. గోదావరి పుష్కరాల మృతుల సంఘటనను డైవర్ట్‌ చేయడానికి ఒక ఇష్యూ, అమరావతి రాజధాని నిర్మాణంలోని లోపాలను కప్పిపుచ్చడానికి ఇంకో అంశం... జేసీ బస్సు ప్రమాద సంఘటనను డైవర్ట్‌ చేయడానికి ఇంకో సబ్జెక్ట్‌... కేంద్రం ప్రత్యేక హోదా ఇవ్వలేమని చెప్పినప్పుడు ప్రజల దృష్టిని దానిపై నుండి తప్పించడానికి మరో సీన్‌... ఇలా తన పాలనలోని ప్రతి వైఫల్యాన్ని కూడా ప్రజల కళ్ళు పడకుండా ఏదో ఒక అంశాన్ని తెరమీదకు తెచ్చి మళ్లిస్తున్నాడు. అదృష్టం కొద్ది రాష్ట్రం లోని పచ్చమీడియా సంస్థలు ఆయనకు పూర్తిగా సహకరిస్తున్నాయి.

అలాంటి డైవర్షనే ఇప్పుడు ఇంకోటి తెరమీదకొచ్చింది. కేంద్రం బాధ్యతగా వున్న పోలవరం ప్రాజెక్ట్‌ను నేను కడతానంటూ తెచ్చుకున్నాడు. కేంద్రం కూడా వద్దనకుండా అప్పగించింది. ఈయనేమో ధారాళంగా అంచనాలు పెంచుకుంటూ పోయాడు. వాళ్లేమో 2014 అంచనా వ్యయాన్ని దాటి రామంటూ, ఇప్పటివరకు అయిన ఖర్చులకు లెక్కలడిగారు. అక్కడ కరెక్ట్‌గా లెక్కలు తీస్తే లెక్కలేనన్ని బొక్కలు బయటపడతాయి. పోలవరం లెక్కల విషయంలో కేంద్రం గట్టిగా ఉండేసరికి, ఈయన అడిగినన్ని నిధులు ఇయ్యకపోతుండే సరికి పోలవరం ప్రాజెక్ట్‌ను నేను కట్టలేనని, ఇప్పుడే కేంద్రానికి వదిలేస్తానని అసెంబ్లీలో ప్రకటించాడు. ఈ మూడున్నరేళ్ళ చంద్రబాబు పాలనలో ఇదో పెద్ద వైఫల్యం. 2018కల్లా పోలవరాన్ని పూర్తి చేసి అన్ని జిల్లాలకు నీళ్లిస్తామని గతంలో గంభీరంగా ప్రకట నలు చేసారు. జగన్‌ను పత్రికలలో నోట్‌ చేసుకోమని చెప్పారు. 2018కి కాదు కదా ఏ సంవత్సరంలో పూర్తవుతుందో కూడా చెప్పలేని పరిస్థితి. పోలవరం వైఫల్యం చంద్రబాబును తల దించుకునేలా చేసింది. దీని నుండి ప్రజల దృష్టిని మరల్చడానికి ఆయన వదిలిన మరో బ్రహ్మాస్త్రం కాపు రిజర్వేషన్లు. కాపు రిజర్వేషన్లపై అధ్య యనం కోసం ఏర్పాటు చేసిన జస్టిస్‌ మంజునాథ్‌ కమిషన్‌ నివేదిక ఇవ్వకుం డానే కాపులను బీసీలలో చేర్చి 5శాతం రిజర్వేషన్లు కల్పిస్తూ శాసనసభలో తీర్మానం చేయించారు. ఈ తీర్మానాన్ని ఆమోదించ మంటూ కేంద్రానికి పంపారు.

2014 ఎన్నికల్లో కాపు రిజర్వేషన్‌ల సబ్జెక్టే లేదు. అప్పుడు రాష్ట్రమంతా విభజన కాక మీద వుండింది. కాపులకు రిజర్వేషన్ల ఆలోచన లేదు. కాని, అధికారాన్ని ఎలా గైనా చేజిక్కించుకోవాలన్న యావతో చంద్ర బాబే కాపు రిజర్వేషన్‌ల తుట్టెను కలబె ట్టాడు. తాను అధికారంలోకి వస్తే కాపు లను బీసీలలో చేరుస్తానన్నాడు. ఆ ఎన్ని కల్లో కాపులు చంద్రబాబుకే జై కొట్టారు. టీడీపీ అధికారంలోకి వచ్చింది. కాపు రిజర్వేషన్ల అంశం తెరమీదకొచ్చింది. కాపు ఉద్యమనేత ముద్రగడ పద్మనాభం కాపులకు రిజర్వేషన్‌లు కల్పించాలంటూ చేపట్టిన ఉద్యమం వేడెక్కింది. ఈ దశలో కాపులను చల్లార్చేందుకు చంద్రబాబు మంజునాథ కమిషన్‌ను ఏర్పాటు చేశాడు. ఆ కమిటీ రాష్ట్రంలోని అన్ని జిల్లాల్లో పర్యటించి వివరాలు సేకరించింది.

అయితే రాష్ట్ర ప్రభుత్వానికి జస్టిస్‌ మంజునాథ్‌ మొన్నటివరకు నివేదిక ఇవ్వ లేదు. కమిటి ఛైర్మెన్‌ హోదాలో జస్టిస్‌ మంజునాథ్‌ రిపోర్ట్‌ ఇవ్వాలి. కాని, పోల వరం సబ్జెక్ట్‌ను బలహీనపరచడానికి చంద్రబాబు అప్పటికప్పుడు మంజునాథ్‌ రిపోర్ట్‌తో పనిలేకుండానే కాపు రిజర్వేషన్ల పై తీర్మానం చేయించాడు. తాంబూళాలు ఇచ్చేసాను తన్నుకుచావండంటూ కాపులు - బీసీల మధ్య మంట వెలిగించాడు.

అసెంబ్లీ తీర్మానంతో ప్రస్తుతానికి కాపులు కూల్‌ అయ్యారు. కాని, 1983 నుండి తెలుగుదేశం పార్టీకి పునాదులుగా నిలబడ్డ బలహీనవర్గాల ప్రజలే రగిలిపో తున్నారు. నమ్మిన పాపానికి చంద్రబాబు తమను మోసం చేసాడని ఆగ్రహిస్తున్నారు. బీసీలకు అన్యాయం జరగదని చంద్రబాబు చెబుతున్నా, అక్కడ సీన్‌ మాత్రం వేరే విధంగా వుండబోతోంది. బీసీల రిజర్వే షన్‌లతో సంబంధం లేకుండా కాపులకు ప్రత్యేకంగా రిజర్వేషన్లు కల్పిస్తామని తెలుగుదేశం నాయకులు నమ్మబలుకుతు న్నారు. ఇది సాధ్యమైతే అటు బీసీలు, ఇటు కాపులు చల్లబడతారు. రాజకీయంగా చంద్రబాబుకు ప్రయోజనమవుతుంది. ఎన్ని రిజర్వేషన్‌లు పెంచినా అగ్రవర్ణాల పేదలు చేతలుడిగి చూస్తుండి పోవడమే తప్ప ఏమీ చేయలేరు కదా!

కాని, ఇది సాధ్యమేనా? కాపుల రిజ ర్వేషన్‌లను ఏ విధంగా అమలు చేస్తారు? మొత్తం రిజర్వేషన్లు 50శాతానికి మించ కూడదని సుప్రీంకోర్టు ఎప్పుడో చెప్పింది. కేంద్ర ప్రభుత్వం కూడా దీనికే గట్టిగా కట్టుబడి వుంది. గుజరాత్‌ ఎన్నికల్లో బీజేపీకి పటేళ్ళ నుండి ముప్పు పొంచి వుంది. మాకూ రిజర్వేషన్లు కావాలంటూ అక్కడ పటేళ్లు ఉద్యమం చేయడం తెలి సిందే! మోడీ తలచుకుంటే ఎన్నికల దృష్టితో ఆలోచించి వారికి రిజర్వేషన్‌లు అమలు చేసి ఉండొచ్చు. కేంద్రంలో ఆమోదం కూడా వారికి పెద్ద పని కాదు. రిజర్వేషన్‌లు 50శాతంకు మించకూడదనే సుప్రీం మార్గదర్శకాలను కేంద్రం పాటి స్తుంది. తమ సొంత రాష్ట్రంలోనే 50శాతం రిజర్వేషన్‌ల పరిధిని దాటని మోడీ మరి ఆంధ్రప్రదేశ్‌ అసెంబ్లీ చేసిన తీర్మానాన్ని అంగీకరిస్తారా? కాపులకు రిజర్వేషన్‌లు కోరుతూ ఏపి నుండి, ముస్లింలకు 12 శాతం రిజర్వేషన్లు కోరుతూ తెలంగాణ నుండి కేంద్రానికి తీర్మానాలు వెళ్ళాయి. కేంద్రం ఎట్టి పరిస్థితుల్లోనూ ఈ రెండు తీర్మానాలను ఆమోదించదు. కేంద్రం తిరస్కరిస్తే, నేను రిజర్వేషన్లు ఇవ్వాలనే చూసాను, కేంద్రం కనికరించలేదని ఆ తప్పును కేంద్రంపైకి నెట్టొచ్చనే ఆలోచన కూడా చంద్రబాబులో వుంది.

అయితే ఈసారి జనం అంత అమా యకంగా లేరు. కాపు రిజర్వేషన్‌లతో ఆయన పార్టీకి దన్నుగా వున్న బీసీలను కొంత వరకు దూరం చేసుకున్నాడు. రేపు కాపు రిజర్వేషన్‌ల తీర్మానాన్ని కేంద్రం తిప్పి పంపినా బీసీలలో ఇప్పుడొచ్చిన కసి సమసిపోదు. ఇక కాపు రిజర్వేషన్‌ల తీర్మానాన్ని కేంద్రం తిప్పి పంపితే... రాష్ట్ర వ్యాప్తంగా కాపులు తెలుగుదేశంకు పూర్తిగా దూరమైనట్లే! మొత్తానికి రిజర్వేషన్ల పేరుతో తాను రాజేసిన కులం మంటలే చంద్రబాబుకు సెగ పుట్టించనున్నాయన్నది భవిష్యత్‌ నిజం!

Page 1 of 55

newsbottomad

ఎక్కువగా చదివిన వార్తలు

  • మంత్రి పోటీలో లేకుంటే.. మేమే...
    నెల్లూరు నగరం నుండి మంత్రి నారాయణ పోటీ చేస్తే... గెలుపు ఆయనదే! నెల్లూరు నగర టీడీపీ నాయకుల స్టేట్‌మెంట్‌ ఇది. ఇది పైకి మాత్రమే! ఆయన పోటీ చేయకుంటే మాత్రం సీటు మాకే ఇవ్వాలి. ఇదీ నాయకుల మనసులోని మాట. సీటును…
  • పోలవరం... ఇక కలవరం
    ఈ ప్రాజెక్ట్‌ నువ్వే చెయ్యాలి బాబూ అని వాళ్ళు అడగలేదు... ఆ ప్రాజెక్ట్‌ వాళ్ళ బాధ్యత... పూర్తి చేయాల్సింది వాళ్ళు... రాష్ట్ర విభజన చట్టంలో క్లియర్‌గా వుంది. ఈయన తగుదునమ్మా అంటూ వెళ్ళాడు... పోలవరం ప్రాజెక్ట్‌ నిర్మాణ బాధ్యత మేమే తీసుకుంటామన్నాడు.…
  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • ప్రాణాలను మింగుతున్న చెరువులు
    అన్నెంపున్నెం ఎరుగని, ఆడుతూపాడుతూ తిరిగే ముగ్గురు చిన్నారులను చెరువు మృత్యుకౌగిలిలోకి తీసుకెళ్లింది. ముగ్గురు చెరువులో మునిగి విగతజీవులుగా మారారు. తమ బిడ్డలు ఇక లేరని తెలియడంతో తల్లిదండ్రులు గుండెలవిసేలా రోధించారు. ఈ హృదయ విదారక ఘటన నెల్లూరుజిల్లా దొరవారిసత్రం మండలం వడ్డికండ్రిగ…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…

Newsletter