bjp leadersభారతీయ జనతాపార్టీకి సంబంధించి నెల్లూరు జిల్లాకు ఒక ప్రత్యేకత వుంది. జాతీయ రాజకీయాల్లో వాజ్‌పేయి, అద్వాని, మురళీమనోహర్‌ జోషి వంటి సీనియర్‌ల తర్వాత పార్టీలో అంతటి సీనియార్టీ కలిగిన నాయకుడు, బీజేపీని ఆసాంతం చదివిన నేత, ప్రస్తుత ఉపరాష్ట్రపతి యం.వెంకయ్యనాయుడు నెల్లూరుజిల్లా వారు కావడమే ఆ ప్రాధాన్యత.

వెంకయ్యనాయుడు సొంతజిల్లాలో బీజేపీ పరిస్థితి గతంలో ఏంటి? ఇప్పుడెలావుంది? రేపు ఎలా వుండ బోతోంది? అన్నది ప్రశ్న! బీజేపీ పార్టీని స్థాపించాక ఈ రాష్ట్రంలో ఆ పార్టీ తొలిసారి పోటీ చేసిన 1983 ఎన్నికల్లో వెంకయ్యనాయుడు ఉదయగిరి అసెంబ్లీ నుండి ఎమ్మెల్యేగా గెలిచాడు. ఈ జిల్లాకు సంబంధించినంత వరకు బీజేపీకి అదే తొలిగెలుపు. ఇప్పటివరకు చివరి గెలుపు కూడా! ఎందుకంటే ఆ తర్వాత ఏ ఎన్నికల్లోనూ బీజేపీ గెలవలేదు. ఒంటరిగా పోటీ చేసిన ఎన్నికల్లోనే కాదు, తెలుగుదేశంతో పొత్తు కుదుర్చుకుని పోటీ చేసిన ఎన్నికల్లో కూడా ఆ పార్టీ గెలవలేదు. ఒకరకంగా చెప్పాలంటే 1980 దశకంలో జిల్లాలోని అన్ని నియోజకవర్గాల్లో ఆ పార్టీకి ఎంతో కొంత బలం ఉండేది. పటిష్టంగా పనిచేసే కార్యకర్తలుండేవాళ్ళు. వెంకయ్యనాయుడు లాంటి నాయకుడు రాష్ట్ర రాజకీయాల్లో, ఆ తర్వాత జాతీయ రాజకీయాల్లోకి వెళ్ళడం, పార్టీలో అంతర్గత విభేదాలు, తెలుగుదేశంతో పొత్తు ఆ పార్టీ బలాన్ని నిర్వీర్యం చేస్తూ వచ్చాయి. 1985 ఎన్నికల నుండి కూడా ఆ పార్టీ టీడీపీతో పొత్తు పెట్టుకోవడం, మళ్ళీ విడిపోవడం... ఇలాంటి చర్యల మూలంగా ఆ పార్టీ బలహీన పడింది. సొంతంగా ఎదగలేకపోయింది. చాలావరకు బీజేపీ కేడర్‌ ఇతర పార్టీలవైపు వెళ్ళిపోయింది. జిల్లాలో కేవలం కొద్దిమంది నాయకుల పార్టీగా మాత్రమే ఆ పార్టీ మిగిలిపోయింది.

ఇప్పుడు మరోసారి తెలుగుదేశంతో పొత్తు తెగిపోయింది. ఆ పార్టీతో పొత్తున్నప్పుడల్లా బీజేపీ నాయకులకు ఒకటి అరా సీట్ల నుండి మాత్రమే పోటీకి అవకాశమొచ్చేది. ఇప్పుడు రెండు లోక్‌సభ, 10 అసెంబ్లీ స్థానాలకు పోటీ చేయొచ్చు. దీనికితోడు స్థానిక సంస్థల పదవులకు సంబంధించి బోలెడు సీట్లున్నాయి. కనీసం ఎన్నికలను ఎదుర్కొనేంత సైన్యమన్నా బీజేపీలో వుందా? మనకు నిద్రలేస్తే సన్నపరెడ్డి సురేష్‌రెడ్డి, సురేంద్రరెడ్డి, కర్నాటి ఆంజనేయరెడ్డి, కందుకూరి సత్యనారాయణ, దువ్వూరు రాధాకృష్ణారెడ్డి... ఒక మాదిరి నాయకులుగా కనిపిస్తుంటారు. జిల్లా వ్యాప్తంగా పోటీలో నిలిచి సొంతంగా ఎన్నికలను ఎదుర్కొనే సామర్ధ్యం బీజేపీకి ఇప్పుడిప్పుడే వచ్చే అవకాశాలున్నాయా అన్నదే పెద్దప్రశ్న?

bjpజిల్లాలో దుగరాజపట్నం పోర్టును నిర్మించాలని డిమాండ్‌ చేస్తూ ఇటీవల బీజేపీ జిల్లా నాయకులు ధర్నాలు గట్రా చేస్తున్నారు. ఇదెలా వుందంటే అన్నం పెట్టాల్సినవాడే అడుక్కుతిన్నట్లుగా వుంది. దుగరాజపట్నం పోర్టును రాష్ట్ర ప్రభుత్వం నిర్మించాలంటూ వీళ్ళు చేస్తున్న డిమాండ్‌ విచిత్రంగా ఉంది.

చిన్న ఉదాహరణ తీసుకుందాం. ఒక ఊరిలో బస్సులను ముందుగా నడపాలా? బస్టాండ్‌ను ముందుగా కట్టాలా? ప్రయా ణీకుల సంఖ్యను బట్టి బస్సులు నడుపు తారు. బస్సుల సంఖ్యను బట్టి బస్టాండ్‌ కడతారు. నెల్లూరుజిల్లాలో వున్న ఒక్క పోర్టుకే వ్యాపారం లేదు. అనుకున్నన్ని పరి శ్రమలు రాలేదు. వై.యస్‌. హయాంలో ఐరన్‌ వోర్‌ ఎగుమతి, పవర్‌ ప్రాజెక్టులకు బొగ్గు దిగుమతి బాగా వుండింది. పరి శ్రమలు బాగా వచ్చాయి. వ్యాపారం ఊపందుకుంటున్న సమయంలో వై.యస్‌. చనిపోవడం, జిల్లాలో పారిశ్రామిక ప్రగతి ఆగిపోవడం జరిగింది. 41బెర్త్‌లు లక్ష్యంగా మొదలైన కృష్ణపట్నం పోర్టు 13బెర్త్‌ల వద్దే ఆగిపోయింది.

ఎక్కువుగా పోర్టులు కట్టగానే పనై పోదు. పోర్టులో ఎగుమతులు, దిగుమతు లకు తగ్గట్లుగా వ్యాపారం ఉండాలి. పరి శ్రమలు రావాలి, మౌలిక వసతులు పెర గాలి. ఎన్డీఏ ప్రభుత్వం వచ్చాక పారిశ్రా మికంగా నెల్లూరుజిల్లాకు ఏం ఒరిగింది. కోస్టల్‌ కారిడార్‌ అన్నారు. బకింగ్‌హోమ్‌ కెనాల్‌ పునరుద్ధరణ ద్వారా జలరవాణాకు మహర్ధశ అన్నారు. సిఇజడ్‌ అని హామీ ఇచ్చారు. ఇంతవరకు ఏ ఒక్కటీ కార్య రూపం దాల్చలేదు. ముందు కేంద్ర ప్రభుత్వం ద్వారా రావాల్సినవి అన్నీ వస్తే ఆ తర్వాత పోర్టు ఒకటి కాదు, రెండు కట్టుకున్నా ఉపయోగముంటుంది.

bjpఆంధ్రప్రదేశ్‌ బీజేపీ నాయకులు మూడేళ్ళుగా ఓ సందిగ్ధావస్థలో వున్నారు. వాళ్ల మనసుల్లో వున్న భావాలను బయటకు చెప్పలేకపోతూ వచ్చారు. కేంద్రంలో మాది నీతివంతమైన పాలన అని చెప్పుకోగలిగారేగాని, రాష్ట్రంలో జరుగుతున్న ప్రభుత్వ అవినీతిని ప్రశ్నించలేకపోయారు. ప్రధానిగా నరేంద్ర మోడీ చేస్తున్న

అభివృద్ధిని చెప్పుకోగలిగారేగాని రాష్ట్ర ముఖ్యమంత్రి చంద్రబాబునాయుడు అభివృద్ధి ముసుగులో చేపట్టిన అక్రమాలను ఎదిరించలేకపోయారు. దీనికంతటికీ కారణం మిత్రపక్షం అనే ధర్మం అడ్డు రావడం. తెలుగుదేశం ప్రభుత్వంలో తామూ భాగస్వాములమై ఉండడం.

దాదాపు మూడేళ్ళుగా ఈ రాష్ట్రంలో బీజేపీ నాయకులందరు కూడా తమ నోర్లు కట్టేసుకున్నారు. రాష్ట్ర ప్రభుత్వ విధానాలు తమకు నచ్చకున్నా, చంద్రబాబు పరిపాలన ఘోరంగా వుండి ప్రజలు సమస్యలు ఎదుర్కొంటున్నా ఇంతకాలం బీజేపీ నాయకులు ప్రజల పక్షాన నిలబడి పోరాడలేకపోయారు. మిత్రపక్షం అనే ముసుగు వారి కాళ్ళకు బంధాలు బిగిస్తూ వచ్చింది. అదీగాక బీజేపీ రాష్ట్ర అధ్యక్షుడిగా ఉన్న కంభంపాటి హరిబాబు గాని, బీజేపీ నుండి మంత్రి పదవులు పొందిన కామినేని శ్రీనివాస్‌, పైడికొండల మాణిక్యాలరావులు గాని తెలుగుదేశమే మా పార్టీ, చంద్రబాబే మా నాయకుడు అన్నంతగా లీనమైపోవడంతో మిగతా బీజేపీ నాయకులకు వాయిస్‌ లేకుండా పోయింది.

అయితే ఇంతకాలం తెలుగుదేశం మీద నిలువునా రగిలిపోతూ బయటకు చెప్పుకోలేక బాధపడుతున్న బీజేపీ నాయకులకు వైకాపా అధినేత వై.యస్‌.జగన్‌ ద్వారా ఓ మంచి అవకాశం వచ్చింది. వై.యస్‌.జగన్‌కు ప్రధాని అపాయింట్‌మెంట్‌ ఇవ్వడంపై తెలుగుదేశం నాయకులు తీవ్రస్థాయిలో విమర్శలకు దిగడం తెలిసిందే!

తొలిసారిగా తెలుగుదేశంపై తిరగబడే అవకాశం బీజేపీ నాయకులకు ఈ రూపంలో వచ్చింది. ఇప్పటివరకు వున్న మిత్రపక్షం ఆంక్షలను పక్కనపెట్టేసి బీజేపీ నాయకులందరూ కూడా తెలుగుదేశంపై తీవ్ర స్థాయిలో విరుచుకుపడ్డారు. మా మోడీనే విమర్శిస్తారా? జగన్‌తో మాట్లాడకూడదని రాజ్యాంగంలో రాసుందా? ఒక ప్రతిపక్ష నేత ప్రధానిని కలిస్తే తప్పేంటంటూ పచ్చనేతలపై ముప్పేట దాడి చేశారు. ఎమ్మెల్సీ సోము వీర్రాజు, బీజేఎల్పీ నేత విష్ణుకుమార్‌రాజులతో పాటు అన్ని జిల్లాల్లోనూ బీజేపీ నేతలు టీడీపీపై విమర్శలతో విరుచుకుపడ్డారు. మన ప్రధానిని వాళ్ళు అన్నేసి మాటలంటుంటే మీరు నోరు మూసుకుని వుంటారా అని గదమాయించేసరికి బీజేపీ మంత్రులు కామినేని శ్రీనివాస్‌, మాణిక్యాలరావులు కూడా నోర్లు తెరచి దేశం నాయకుల తీరును తప్పుపట్టారు.

రాష్ట్రంలో విస్తరించాలని, పార్టీని ఇంకా శక్తివంతం చేయాలన్న స్థానిక నాయకుల ఆకాంక్షకు తెలుగుదేశంతో పొత్తే ప్రతిబంధకమవుతుంది. ఆ పార్టీతో పొత్తు లేకపోయి వుంటే ఈ పాటికి రాష్ట్రంలో బీజేపీ ఒక బలమైన పక్షంగానే ఎదిగి ఉండేది. కనీసం ఇప్పటి నుండైనా తెలుగుదేశాన్ని వదిలించుకుని రాష్ట్రంలో సొంతంగా ఎదుగుదామన్న బీజేపీ నేతల ఆశలకు జరిగిన సంఘటనలను అంకురార్పణగా చెప్పుకోవచ్చు.

newsbottomad

ఎక్కువగా చదివిన వార్తలు

  • నారాయణను వదలని అనిల్‌
    మున్సిపల్‌ మంత్రి నారాయణకు ఎవరితోనూ సమస్యలు లేవు. ప్రతిపక్ష నాయకులు కూడా ఆయనపై పెద్దగా విమర్శలు చేయరు. కాని, నెల్లూరు నగర ఎమ్మెల్యే పి.అనిల్‌కుమార్‌యాదవ్‌ మాత్రం నారాయణకు చుక్కలు చూపిస్తున్నాడు. ఆయనకు కొరుకుడు పడని కొయ్యగా మారాడు. ఈ నాలుగేళ్ళలో మంత్రి…
  • వేసవి సెలవులు... వినోదం కావాలే గాని విషాదం కాదు
    వేసవి సెలవులు వచ్చేస్తున్నాయి. ఇప్పటికే టెన్త్‌, ఇంటర్‌ పరీక్షలు ముగిసాయి. వీళ్ళతో పెద్ద సమస్య లేదు. టెన్త్‌ వ్రాసిన వాళ్ళు ఇంటర్మీ డియట్‌కు, ఇంటర్‌ వ్రాసిన వాళ్ళు ఎంసెట్‌కు ప్రిపేరవడంతోనే సెలవులు దాటిపోతాయి. లోయర్‌ క్లాస్‌లకు ఈ నెలాఖరు నుండే సెలవులు.…
  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • వైసిపి వైపు నేతల చూపు
    నవ్యాంధ్రలో శరవేగంగా చోటుచేసుకుంటున్న రాజకీయ మార్పు ప్రభావం నెల్లూరుజిల్లాపై కూడా ఎక్కువగానే కనిపిస్తోంది. ఇప్పటివరకు స్తబ్ధుగా వున్న జిల్లా రాజకీయం ఇప్పుడిప్పుడే ఊపందుకుని వేసవి తాపంతో పాటు వేడెక్కుతోంది. జిల్లాలోని పది నియోజకవర్గాలలో వైసిపికి ఇప్పటికే సమన్వయకర్తలున్నారు. వారే రేపు రాబోయే…

Newsletter