kulam2014 ఎన్నికల్లో అధికారం కోసం, తన పార్టీ గెలుపు కోసం చంద్రబాబునాయుడు ఏ కులాలనైతే రెచ్చగొట్టాడో, పదవుల పేరుతో, ప్రయోజనాల పేరుతో ఏ ప్రజలనైతే చీలగొట్టాడో అవే కులాలు ఇప్పుడు చంద్రబాబు పాలిట శాపంగా మారాయి. ఆ కులాలన్నీ చంద్రబాబుకు వ్యతిరేకంగా మారుతున్నాయి. ఓ పక్క మతాలను మరచిపోదాం, కులాలను నిర్మూలిద్దా మంటూ పోరాటాలు జరుగుతుండగా, చంద్రబాబు 2014 ఎన్నికల్లో కులం కార్డులు ప్రయోగించే అధికారంలోకి వచ్చాడు. ఒక్కో కులానికి ఒక్కో రకమైన హామీ ఇచ్చారు. కులాల వారీగా కార్పొ రేషన్లు, పథకాలు చేపట్టారు. కాని, ప్రజా స్వామ్య వ్యవస్థలో కుల రాజకీయాలను ఎక్కువకాలం చేయలేరు. కులాల పరంగా ఓటు బ్యాంకును ఎక్కువకాలం నిలుపుకోలేరు.

ఇన్నేళ్ళ రాజకీయ చరిత్రలో ఏపి రాజ కీయాలపై కుల ప్రభావం చాలా తక్కువుగా వుండేది. ఇక్కడ కులంకంటే నాయకుల గుణ గుణాలకు ప్రాధాన్యత ఉండేది. మొదటిసారి 2014 ఎన్నికల్లో చంద్రబాబు కులం కార్డును బలంగా ప్రయోగించాడు. రాష్ట్రాన్ని కులాల కాష్టంగా మార్చాడు. రిజర్వేషన్లు, కార్పొ రేషన్లు, ప్రత్యేక నిధుల పేరుతో రాష్ట్రంలోని దాదాపు అన్ని కులాలను రొచ్చులోకి దించి వున్నాడు.

ఇప్పుడు అవే కులాలు చంద్రబాబుకు కంపరం తెప్పిస్తున్నాయి. కాపు రిజర్వేషన్ల కోసం ముద్రగడ పద్మనాభం చేస్తున్న పోరాటంతో ఇప్పటికే చంద్రబాబుకు తల బొప్పి కట్టింది. చంద్రబాబు చేతిలో మోస పోయామని కాపులు ఇప్పటికే ఆగ్రహంతో వున్నారు. 2014 ఎన్నికల్లో కాపులకు రిజర్వేషన్లు కల్పిస్తామని ఓట్లేయించుకున్న చంద్రబాబు అధికారంలోకి వచ్చాక ఆ హామీని అటకెక్కించడం తెలిసిందే! కేవలం కాపు కార్పొరేషన్‌ ఒకటి ఏర్పాటు చేసి చేతులు దులుపుకున్నాడు. రాష్ట్ర వ్యాప్తంగా ఇప్పుడు కాపులు బాబుకు వ్యతిరేకంగా వున్నారు. కాపు రిజర్వేషన్ల పేరుతో చంద్ర బాబు బలహీన వర్గాల వారిలోనూ అల జడి రేపారు. కాపులను బీసీలలో చేర్పిస్తే ఇప్పటివరకు తెలుగుదేశం పార్టీకి అండగా నిలిచిన బీసీ కులాలన్నింటికీ ఇబ్బందే! చంద్రబాబు బీసీలలో కాపులను చేరుస్తా మని హామీ ఇచ్చాకే బీసీలలోనూ చీలక వచ్చింది. బీసీలు చంద్రబాబు వ్యతిరేక మవుతున్నారు.

ఇక మాదిగ రిజర్వేషన్‌ పోరాట సమితి, మాలమహానాడుల మధ్య జరుగు తున్న వర్గీకరణ పోరులో కూడా చంద్ర బాబు నలిగిపోతున్నాడు. రిజర్వేషన్‌ వర్గీ కరణకు మద్దతునిస్తారనే ఉద్దేశ్యంతో మందా కృష్ణ 2014 ఎన్నికల్లో ఎన్డీఏ కూటమికి మద్దతు పలికాడు. అయితే పార్టీ అధికారంలోకి వచ్చాక వర్గీకరణ ఊసే లేదు. మాదిగ కులస్థులలో ఇది తీవ్ర ఆగ్రహం కలిగిస్తోంది. వచ్చే ఎన్నికల నాటికి మాదిగ వర్గీయులు చంద్రబాబుకు దూరమయ్యే పరిస్థితి వచ్చింది.

ఇక తాజాగా జరిగిన సంఘటన తెలుగుదేశం పార్టీకి రాజకీయంగా తీరని నష్టం కలిగించేదే! ఎన్నికలకు ముందు బ్రాహ్మణ కార్పొరేషన్‌ ఏర్పాటు చేయండని బ్రాహ్మణులెవరూ కోరలేదు. కాని అధికా రంలోకి వచ్చాక చంద్రబాబే బ్రాహ్మణ కార్పొరేషన్‌ ఏర్పాటు చేశారు. మాజీ చీఫ్‌ సెక్రటరీ, నిజాయితీపరుడైన ఐవిఆర్‌ కృష్ణా రావును దానికి ఛైర్మెన్‌గా నియమించారు. బ్రాహ్మణ కార్పొరేషన్‌ ఛైర్మెన్‌గా ఆయన పని ఆయనను చేసుకోనిస్తే బాగుండేది. కాని బ్రాహ్మణ కార్పొరేషన్‌లోనూ తెలుగు దేశం రాజకీయ జోక్యం పెరిగింది. ఎప్పుడూ తటస్థంగా వివాదాలకు అతీ తంగా వుండే కృష్ణారావు కార్పొరేషన్‌పై రాజకీయ ఆధిపత్యాన్ని సహించలేకపో యాడు. దీనికితోడు సోషల్‌ మీడియాలో ప్రభుత్వ వ్యతిరేక పోస్టింగ్‌లను పోస్ట్‌ చేసాడని కృష్ణారావుపై ఆరోపణలు... ఈ నేపథ్యంలోనే పార్టీకి రాజకీయ మైలేజీ రావడం లేదంటూ ఆయనను బ్రాహ్మణ కార్పొరేషన్‌ ఛైర్మెన్‌ పదవి నుండి అవమాన కర రీతిలో తొలగించడం రాష్ట్ర వ్యాప్తంగా వున్న బ్రాహ్మణులలో ఆగ్రహం కలిగిం చింది. ఐవిఆర్‌ కృష్ణారావు గౌరవప్రదమైన వ్యక్తి. ఆయనపై అందరికీ అభిమాన ముంది. అలాంటి వ్యక్తిని అవమానిస్తే బ్రాహ్మణులు వూరుకుంటారా?

ఇలా రాష్ట్రంలో చంద్రబాబు స్వార్ధం కోసం ప్రతి కులాన్ని కలబెట్టాడు. ఇప్పుడు ఆ కులాల రొచ్చులో తానూ మునిగిపోయే పరిస్థితి తెచ్చుకున్నాడు.

silpaసాధారణ ఎన్నికల కంటే ఒక ట్రెండు సంవత్సరాల ముందు వచ్చే ఉపఎన్నిక ఏదయినా అధికారంలో వున్న పార్టీకి అగ్ని పరీక్ష వంటిదే! రాష్ట్రంలో ఆయా పార్టీల స్థితిగతులు బయటపడేది కూడా ఉపఎన్నికల ద్వారానే! అధికార పార్టీకి ప్రజాదరణ పెరిగిందా, కోల్పోయిందా అన్నది కూడా ఉపఎన్నికల ఫలితాలలో తేట తెల్లం అవుతుంటుంది.

రాష్ట్రంలో ఏ పార్టీ పరిస్థితి ఏంటి, భవిష్యత్‌ రాజకీయాలు ఏ విధంగా ఉండబోతున్నాయన్నదానికి కొలమా నంగా నంద్యాల ఉపఎన్నిక వచ్చి పడింది. భూమా నాగిరెడ్డి మరణంతో కర్నూలు జిల్లాలోని నంద్యాల అసెంబ్లీ సీటుకు ఉపఎన్నిక వచ్చింది. బహుశా కొద్ది రోజుల్లోనే దీనికి నోటిఫికేషన్‌ వెలువడవచ్చు.

మన రాష్ట్రంలో ఒక సాంప్రదా యాన్ని ప్రధానపార్టీలు కొనసాగిస్తు న్నాయి. ఎమ్మెల్యే గాని, ఎంపీగాని మర ణిస్తే ఆ స్థానానికి జరిగే ఉపఎన్నికల్లో సంబంధిత కుటుంబసభ్యులు పోటీ చేస్తే అవతల పార్టీ అభ్యర్థిని పెట్ట కుండా ఏకగ్రీవ ఎన్నికకు సహకరిస్తూ వచ్చేది. కాని నంద్యాల సబ్జెక్ట్‌ వేరే! 2014లో భూమా నాగిరెడ్డి ఇక్కడ వైయస్సార్‌ కాంగ్రెస్‌ అభ్యర్థిగా గెలిచారు. తర్వాత తెలుగుదేశంలో దూరారు. ఆ పార్టీ ఎమ్మెల్యేగానే మరణించారు. ఇక్కడ కొత్త సమస్య ఏంటంటే నంధ్యాలలో గెలిచింది వైసిపి, నాగిరెడ్డి మాత్రం మరణించేరోజుకు తెలుగుదేశంలో ఉన్నాడు. మా పార్టీ గెలిచిన సీటును మేమెందుకు వదులుకుంటామంటూ జగన్‌ మొదట్లోనే పోటీకి సంకేతాలిచ్చాడు. ఇక మా పార్టీ నాయకుడు కాబట్టి వారి కుటుంబసభ్యులనే పోటీకి దించాలంటూ చంద్రబాబు భూమా నాగిరెడ్డి సోదరుడి కొడుకైన భూమా బ్రహ్మానందరెడ్డిని అభ్యర్థిగా ఖరారు చేశారు. 2014 ఎన్నికల్లో నంధ్యాల నుండి తెలుగుదేశం అభ్యర్థిగా పోటీచేసి కొద్ది ఓట్ల తేడాతో పరాజయం పాలైన శిల్పా మోహన్‌రెడ్డి ఉపఎన్నికల్లో నంధ్యాల సీటును ఆశించాడు. అయితే చంద్రబాబు భూమా కుటుంబానికే సీటు అని తేల్చడంతో, ఇక అక్కడ ఇమడలేక శిల్పామోహన్‌రెడ్డి ఈ నెల 14వ తేదీన వై.యస్‌.జగన్‌ సమక్షంలో వైసిపిలో చేరిపోయాడు. శిల్పా మోహన్‌రెడ్డి వైకాపాలో చేరడమే నంధ్యాలలో తెలుగుదేశంకు అసలైన పరీక్ష. నంధ్యాల నియోజకవర్గంలో బలమైన వర్గం, పరపతి కలిగిన నాయకుడు శిల్పామోహన్‌రెడ్డి, సొంతంగా ఓట్లున్నాయి. 2014 ఎన్నికల్లో కర్నూలు జిల్లాలో ఫ్యాన్‌ ప్రభంజనం పనిచేసినా, నంధ్యాలలో మాత్రం శిల్పా చాలా గట్టిపోటీనిచ్చాడు. ఓపక్క వై.యస్‌. సానుభూతి, ఇంకోపక్క శోభా నాగిరెడ్డి మరణంతో వచ్చిన సానుభూతి... ఇంత అనుకూల వాతావరణం ఉన్నా కూడా 2014 ఎన్నికల్లో నంధ్యాల నుండి భూమా నాగిరెడ్డి చచ్చీచెడి శిల్పా మోహన్‌రెడ్డి మీద కేవలం 2వేల చిల్లర ఓట్ల తేడాతో మాత్రమే గెలవగలిగాడు. అంటే ఇక్కడ శిల్పా వ్యక్తిగత బలం వై.యస్‌, శోభా నాగిరెడ్డిల సానుభూతిని ఢీకొట్టకలిగింది. తెలుగుదేశంలో ఉన్న ప్పుడే అంతగా పోటీనిచ్చిన శిల్పా మోహన్‌రెడ్డికి వైసిపిలో ఇంకా ఇమేజ్‌ పెరుగుతుంది. వైసిపి హవా ప్రభుత్వ వ్యతిరేక ఓటు, శిల్వా వ్యక్తిగత ప్రతిష్ట అన్నీ కలిస్తే... ఇక్కడ శిల్పామోహన్‌రెడ్డిని ఢీకొనాలంటే కష్టమే! నంధ్యాల ఉపఎన్నికల్లో శిల్పామోహన్‌రెడ్డి రూపంలో వైకాపాకు బలమైన అభ్యర్థి దొరికాడు. అధికార పార్టీ కాబట్టి తెలుగుదేశం గెలుపు కోసం ఇక్కడ శక్తియుక్తులన్నింటిని ధారపోయవచ్చు. ఈ ఉపఎన్నికల్లో గెలుపు అటు అధికార తెలుగుదేశంకు ఇటు ప్రతిపక్ష వైకాపాకు ప్రతిష్టాత్మకం. తెలుగుదేశం గెలిస్తే ఆ పార్టీ నుండి ఇక వలసలు ఉండవు. పార్టీ తిరిగి అధికారంలోకి వస్తుందన్న ఒక నమ్మకం ఏర్పడుతుంది. అదే ఓడిపోయి వైకాపా గెలిస్తే ఆ పార్టీ నుండి వైకాపాలోకి వలసలు మొదలవుతాయి. చంద్రబాబు నాయకత్వంపై నమ్మకం పోతుంది. మొత్తానికి నంద్యాల ఉపఎన్నిక ఫలితం ప్రభావం 2019 ఎన్నికలపై బలంగానే ఉంటుంది.

modi jag cmసంకీర్ణ ప్రభుత్వాల యుగంలో జాతీయ రాజకీయాలలోనూ ప్రాం తీయ పార్టీల పాత్ర చాలా కీలకంగా మారింది. కేంద్రంలో ప్రభుత్వం మనుగడ సాగించాలంటే ప్రాంతీయ పార్టీలే పునాదులుగా నిలబడ్డ పరిస్థితిని చూసాం. నాలుగు సీట్లున్న ప్రాంతీయ పార్టీలు కూడా కేంద్రంలో ప్రభుత్వాలను పడగొట్టడం చూసాం. ప్రధాని పీఠంపై వున్న నాయకులు కూడా తమ కుర్చీలు కాపాడుకోవడానికి ప్రాంతీయ పార్టీల అధినేతల కాళ్ళూ, గడ్డాలు పట్టుకుని బ్రతిమలాడడం చూసాం. నిన్న మొన్నటి వరకు దేశ రాజకీయాలలో కనిపించిన పరిస్థితి ఇది.

కాని ఇప్పుడు ఆంధ్రప్రదేశ్‌లో అందుకు పూర్తి భిన్నమైన రాజకీయ వాతావరణం కనిపిస్తోంది. సాధారణ ఎన్నికలు సమీపిస్తున్నాయంటే ప్రాంతీయ పార్టీలను తమ కూటమిలో చేర్చుకోవ డానికి జాతీయ పార్టీలు ఆరాటపడాలి. మన రాష్ట్రంలో మాత్రం అందుకు భిన్నంగా వుంది. ప్రస్తుతం కేంద్రంలో అధికారంలో వున్న బీజేపీతో పొత్తు కలుపుకునేందుకు ఒకరు, ఉన్న పొత్తును నిలుపుకునేందుకు మరొకరు తపన పడుతుండడమే ఆశ్చర్యం కలిగిస్తోంది.

వాజ్‌పేయి నాటి ఎన్డీఏ ప్రభుత్వంలో చంద్రబాబు చాలా బెట్టుగా ఉండేవాడు. బీజేపీ నాయకులే తన కాళ్ల దగ్గరకు రావాలన్నట్లుగా ఉండేవాడు. ఏమన్నా తేడా వస్తే, తనకేమన్నా విలువ తగ్గితే పెట్టె బేడా సర్ధుకుని ఎన్డీఏ నుండి బయటకొచ్చేస్తానన్నట్లు బెదిరించేవాడు. బీజేపీ అంతర్గత పరిణామాలపై కూడా ఆయన గతంలో నోరు విప్పిన సందర్భాలున్నాయి. అయితే అప్పటికి, నేటి మోడీ కాలానికి పరిస్థితి పూర్తిగా మారిపోయింది. కేంద్రంలోని బీజేపీని ఆయన బెదిరించడం కాదు కదా, బ్రతిమలాడి వారితో పొత్తును కొనసాగించాల్సిన స్థితిలో వున్నాడు. బీజేపీ ఎక్కడ తమతో తెగదెంపులు చేసుకుంటుందోనని భయపడుతున్నాడు. ఈమధ్య ఏపిలో బలపడాలంటూ ఢిల్లీ బీజేపీ నాయకులు ప్రకటనలు గుప్పించారు. దీనికి తగ్గట్లే పార్టీ అధ్యక్షుడు అమిత్‌షా ఈమధ్య విజయవాడలో భారీ సభ పెట్టి మాట్లాడారు. తెలుగుదేశంతో తెగదెంపులు చేసుకుంటేగాని రాష్ట్రంలో బీజేపీ బలపడే పరిస్థితి లేదు. వీళ్లు బలం పెంచుకోవడానికి తమతో ఎక్కడ పొత్తు వదులుకుంటారోనని చంద్రబాబు భయం. వచ్చే ఎన్నికల్లో కూడా బీజేపీతోనే కలిసి పయనించాలని చంద్రబాబు ఆశ. దీనికి కారణం ప్రజల్లో మోడీ ఇమేజ్‌ పెరిగిందని నమ్మకం కలగడమే! మొన్న యూపీ ఎన్నికల్లో బీజేపీ ఓడిపోయివుంటే చంద్రబాబు వాయిస్‌ ఇంకోరకంగా ఉండేది. బీజేపీతో తెగదెంపులకు సిద్ధంగానే ఉండేవాడు. కాని ఇప్పుడా పరిస్థితి లేదు. టీడీపీ, బీజేపీల మధ్య పొత్తు విచ్ఛిన్నం కాకుండా కాపాడేందుకు ఆయన తనకున్న అవకాశాలన్నింటిని వాడుకుంటున్నాడు.

మరోపక్క ప్రతిపక్ష వైకాపా కూడా కేంద్రంలో బీజేపీతో మైత్రికే మొగ్గుచూపుతుండడం విశేషం. వైసిపి కాంగ్రెస్‌లో నుండి వచ్చిన గుడ్డముక్కే! అయితే కాంగ్రెస్‌ నుండి వేరుపడ్డ పార్టీలన్నీ కూడా గతంలో తిరిగి కాంగ్రెస్‌ గూటికే చేరాయి. కాని వైసిపి అధినేత జగన్‌ పరిస్థితి అది కాదు. కాంగ్రెస్‌ అధినేత్రి సోనియాగాంధీనే ఢీకొట్టాడు. ఆమె వ్యక్తిగత కక్ష కారణంగా జగన్‌ 16 నెలలు జైలులో వున్నాడు. ఇలాంటి పరాభవాన్ని ఎవరూ జీర్ణించుకోలేరు. ఇంత హింసించిన సోనియాగాంధీ వద్దకు అతను పోలేడు. అదీగాక జాతీయ రాజకీయాల్లో కాంగ్రెస్‌ పతనమైతే జగన్‌ పంతం కూడా నెరవేరినట్లవుతుంది. అందుకనే జాతీయ రాజకీయాలలో తనకంటూ ఒక వేదిక కోసం జగన్‌ కాంగ్రెస్‌ వైపు కాకుండా బీజేపీ వైపు మొగ్గు చూపుతున్నాడు.

చంద్రబాబు అయినా జగన్‌ అయినా బీజేపీ వైపు మొగ్గు చూపడానికి మరో బలమైన కారణం వుంది. ఇద్దరి మీద కేసులున్నాయి. ఆదాయానికి మించిన ఆస్తుల కేసులో జగన్‌, ఓటు-నోటు కేసులో చంద్రబాబులు ఇరుక్కున్నారు. దీంతో కేంద్రం చేతిలో ఇద్దరూ బందీలుగా వున్నారు. ఈ కేసులుండబట్టే మోడీ, అమిత్‌షాల ద్వయం వీరితో ఆడుకుంటోంది. రేపు ఈ ఇద్దరిలో వాళ్లు ఎవరిని వాడుకుంటారో చూడాలి.

Page 1 of 11

newsbottomad

ఎక్కువగా చదివిన వార్తలు

  • నెల్లూరు నగరాభివృద్ధికి... నాలుగు స్థంభాలు
    కన్నతల్లిని జన్మభూమిని ఎప్పుడూ మరచిపోకూడదని మన కేంద్రమంత్రి యం.వెంకయ్యనాయుడు ప్రతి సభలోనూ చెబుతుంటారు. మరి ఎంతమంది ఆ మాటను చెవికెక్కించుకుంటారన్నది వేరే విషయం. కాని ఆయన చెప్పే మాట ప్రతి ఒక్కరికీ వర్తిస్తుంది. కన్నతల్లిని జన్మభూమిని మరువవద్దని ఆయన చెబుతున్న మాటలను…
  • తీరంకు సిఇజడ్‌ హారం
    డాక్టర్‌ వై.యస్‌.రాజశేఖరరెడ్డి పాలనలో జిల్లాలో పారిశ్రామిక ప్రగతి పరుగులు పెట్టింది. కృష్ణపట్నం పోర్టు అత్యంత వేగంగా నిర్మాణం పూర్తి చేసు కుంది. వై.యస్‌. అనే నాయకుడు మర ణించకపోయి వుంటే కృష్ణపట్నం పోర్టు ఈరోజు దేశంలోనే ప్రముఖ పారిశ్రామిక హబ్‌గా అవతరించి…
  • ఆర్టీసీని... ఆధునీకరించడం కాదు... తరలించడమే ఉత్తమం
    నెల్లూరులోని ఆర్టీసీ బస్టాండ్‌కు నాలుగు దశాబ్దాల పైబడిన చరిత్ర ఉంది. అప్పట్లో ఈ బస్టాండ్‌ నగరానికి దూరంగా ఉన్న ట్లుండేది. ఈ నాలుగు దశాబ్దాల కాలంలో నగరం నలువైపులా విస్తరించింది. దీంతో ఆర్టీసీ బస్టాండ్‌ నగరానికి నడిబొడ్డులో వున్నట్లయ్యింది. కొన్నేళ్ల క్రితం…
  • నేలటూరువాసులకు సివిఆర్‌ జ్యోతులు
    ఈ నెల 20వ తేదీన కృష్ణపట్నం పోర్టు సివిఆర్‌ జ్యోతి పథకంలో భాగంగా ముత్తుకూరు మండలం నేలటూరులోని 150మంది మత్స్యకార కుటుంబాల వారికి ఉచితంగా గ్యాస్‌స్టౌలను అందించారు. కేంద్ర పర్యావరణ, అటవీశాఖ, వాతావరణ మార్పు శాఖ అధికారులు దీపక్‌ శ్యామ్యూల్‌, భూమత్‌…
  • నాయుడుపేట టు పూతలపట్టు... ఆరులైన్లకు ఆమోదం
    ఏపిలోనే అత్యంత రద్దీ ఉన్న రహదారులలో ప్రధానమైనది నాయుడు పేట - బెంగుళూరు రోడ్డు. ఏపి నుండి తమిళనాడు, కేరళ, కర్నాటక రాష్ట్రాలలోని పలు ప్రాంతాలను కలిపే ప్రధాన మార్గమిది. అంతేకాదు, ప్రముఖ ఆథ్యాత్మిక క్షేత్రాలన్నీ కొలువైన రహదారి. శ్రీకాళహస్తి, తిరుమల,…

Newsletter