chandraఎవడబ్బ సొత్తయ్యా ఇది, నీ కొడుకు సొత్తునేమన్నా పెడు తున్నావా, మీరు తినేది ప్రజల సొమ్ము, సిగ్గుండాలి మాట్లాడ డానికి... రాష్ట్ర ముఖ్యమంత్రి చంద్రబాబునాయుడిని ఉద్దేశించి లోక్‌సత్తా కన్వీనర్‌ జయప్రకాశ్‌ నారాయణ చేసిన వ్యాఖ్యలివి. నిజమే... ఎవరి సొత్తును ఎవరు తింటున్నారు. ప్రజల సొత్తును చంద్రబాబు తింటున్నాడా? లేక చంద్రబాబు సొత్తును ప్రజలు తింటున్నారా? చంద్రబాబు ఉండే బంగ్లా, తిరిగే హెలికాఫ్టర్‌, కూర్చునే ఛాంబర్‌, తీసుకునే జీతం... అంతా ఎవరి సొత్తు. ఈ రాష్ట్ర ప్రజల సొత్తు. మరి ఆయన ప్రజల సొత్తును తింటూ ఆ ప్రజలనే బద్నాం చేస్తాడా? ఆ ప్రజలనే నా సొత్తు తింటూ నాకు ఓట్లేయరా? అని బెదిరిస్తాడా?

చంద్రబాబుకు నంద్యాల ఉపఎన్నికల భయం బాగా పట్టుకుంది. ఇక్కడ ఓడిపోతే రాష్ట్రంలో రాజకీయ పరిణామాలు ఎంత వేగంగా మారుతాయో ఆయనకు తెలుసు. అందుకే నంద్యాలలో గెలుపు కోసం అడ్డ దారులు తొక్కడానికి సిద్ధమవుతున్నాడు. సభల్లో కూడా శృతిమించి తన స్థాయికి దిగజార్చి మాట్లాడుతున్నాడు. ఇటీవల నంద్యాలలో ఆయన చేసిన ప్రసంగం రాజకీయ విజ్ఞులను నోరెళ్లబెట్టేలా చేసింది. నేనిచ్చిన పింఛన్‌లు తీసుకుం టున్నారు, నేనిచ్చిన రేషన్‌ తీసుకుంటు న్నారు, నేను వేసిన రోడ్లపై తిరుగుతున్నారు. మరి నాకు కాకపోతే ఇంకెవరికి వేస్తారు ఓట్లు, నాకు ఓట్లేయకపోతే అవేమీ తీసు కోవద్దు... ముఖ్యమంత్రిగా వుండి చంద్ర బాబు మాట్లాడిన మాటలివి. భారత రాజ కీయ చరిత్రలో చంద్రబాబు కన్నా అధ్వా న్నంగా పనిచేసిన ముఖ్యమంత్రులొచ్చారు. కానీ వాళ్ళు ఎప్పుడూ ఇంత హీనంగా మాట్లాడలేదు.

భారత రాజకీయ చరిత్రలో ప్రజల కోసం అమలు చేసే సంక్షేమ పథకాల కోసం ఏ నాయకుడూ సొంత ఆస్తులు అమ్మిన దాఖలాలు లేవు. ప్రజాసేవ కోసం సొంత ఆస్తులను దానం చేసిన నాయకు లున్నారు గాని, ఆ జాబితాలో మాత్రం చంద్రబాబు లేడు. రాజకీయాలలో మూడు రకాల నాయకులు కనిపిస్తారు. ప్రజల కోసం పనిచేయాలని రాజకీయాల్లోకి వచ్చి తాతలు, తండ్రులు ఇచ్చిన ఆస్తులను కర్పూరహారతిలా కరిగించిన నాయకులు మొదటి రకం. ఉన్న ఆస్తులను కాపాడు కోవడానికి రాజకీయాల్లోకి వచ్చేవాళ్ళు రెండో రకం. వట్టి చేతుల్తో రాజకీయాల్లోకి వచ్చి కోట్ల రూపాయలు సంపాదించిన వాళ్ళు మూడోరకం. దేశంలో ప్రస్తుత మున్న నాయకులు చాలామంది ఈ మూడోవర్గంలోకే వస్తారు. చంద్రబాబును అందులో నుండి వేరు చేయలేం. ఇది జగమెరిగిన సత్యం.

ప్రజల కోసం చంద్రబాబు సొంత ఆస్తులను అమ్మిన దాఖలాలు లేవు. ప్రజలు పన్నులు రూపంలో కట్టిన సొమ్మునే ఆయన జల్సాగా అనుభవిస్తున్నాడు. మరి ప్రజల సొమ్మును ఆయన తింటూ నా సొత్తు తింటున్నారని ప్రజలను ఏ విధంగా బెదిరి స్తారు. రోడ్లేసినా, పింఛన్‌లిచ్చినా, రూపా యికి కిలో బియ్యం ఇచ్చినా ప్రజలు కట్టే పన్నుల నుండే ఇస్తున్నారు గాని ఏ నాయ కుడి ఆస్తులు అమ్మి ఇవ్వడం లేదు.

తాను చేసిన అరకొర పనులకే చంద్ర బాబు ఇలా ప్రజలను బెదిరిస్తుంటే ప్రజల గుండెల్లో నిలిచిపోయేలా పనులు, పథ కాలు అమలు చేసిన స్వర్గీయ ఇందిరా గాంధీ, పి.వి.నరసింహారావు, వాజ్‌పేయి, ఎంజిఆర్‌, ఎన్టీఆర్‌, వై.యస్‌.రాజశేఖర రెడ్డి, జయలలిత లాంటి నాయకులకు ప్రజలు జీవితాంతం ఓట్లేస్తూనే వుండాలి. వీళ్లు కూడా వాళ్ల సొంత డబ్బులతో పథకాలు చేపట్టలేదు. ఎవరు మంచి పనులు చేసినా అవి ప్రజల డబ్బుతోనే చేసారు. కాకపోతే వాళ్లు ప్రతి పైసాను ప్రజలకు ఉపయోగపడేలా ఖర్చుపెడితే, చంద్రబాబు పెట్టే ఖర్చంతా కూడా తన వారిని దృష్టిలో పెట్టుకునే ఖర్చు పెడుతు న్నట్లుగా ఉంటుంది.

ఈ దేశంలో ప్రజలెవరూ నాయ కులకు ఋణపడి వుండరు. ప్రజల సొమ్మును తిన్న నాయకులే ప్రజల పట్ల కృతజ్ఞులై వుండాలి. చంద్రబాబు ముందు ఆ సంగతి తెలుసుకోవాలి.

rakshasaఇటీవల మనం తెలుగులో ఎన్నో ఫ్యాక్షన్‌ సినిమాలను చూసాం. కక్ష్యలు, కార్పణ్యాలను రాజేసే సినిమా కథలు కొన్నయితే, ఆ కక్షలకు ఎలా ముగింపు చెప్పాలో సందేశాత్మకంగా వివరించే సినిమా కథనాలు మరికొన్ని! ఒక ఫ్యాక్షనిస్ట్‌ను ఇంకో ఫ్యాక్షనిస్టు హత్య చేయించడం... హత్యకు గురైన ఫ్యాక్షనిస్ట్‌ కుటుంబసభ్యులు ప్రత్యర్థి కుటుంబాలపై పగపెంచుకోవడం, అవకాశం చిక్కినప్పుడు దారికాచి హత్య చేయడం. ఈ తరహా విధానం పగలను, ప్రతీకారాలను పెంచుకుంటూపోతుందేగాని, ఫ్యాక్షన్‌ను అంతం చేయదు.

దివంగత నేత వై.యస్‌.రాజశేఖరరెడ్డి ముఖ్యమంత్రిగా వున్నప్పుడు ఫ్యాక్షన్‌కు సరికొత్త కోణంలో ముగింపు పలికాడు. చాలా నియోజకవర్గాల్లో పగలతో రగిలిపోతున్న ఫ్యాక్షన్‌ నాయకులను ఏ పార్టీ వారైనా పిలిపించేవాడు. ఇద్దరి మధ్య రాజీ చేసేవాడు. ఒకరు రాజకీయాలు చూసుకుంటే ఇంకొకరు వ్యాపారాలు చేసుకునేలా ఒప్పందాలు చేసాడు. దీంతో ఎవరి పాటికి వాళ్ళు ప్రశాంతంగా బ్రతకడమే కాక, వాళ్ళ అనుచరులు కూడా సాధారణ జీవనంలోకి రాగలిగారు. కత్తులు వదిలేసి భార్యా బిడ్డలతో శుభ్రంగా కాపురాలు చేసుకున్నారు. వై.యస్‌. హయాంలో చాలామంది నాయకులు ఫ్యాక్షనిజాన్ని వదిలేసి జీవితంలో వుండే నిజమైన ఆనందాన్ని చవిచూడగలిగారు. కాని, ఇప్పుడు చంద్రబాబు పాలనలో మళ్ళీ పాత ఫ్యాక్షన్‌ సంస్కృతి పురుడు పోసుకుంటోంది. మొన్న కర్నూలు జిల్లాలో పత్తికొండ నియోజకవర్గ వైసిపి ఇన్‌ఛార్జ్‌ చెరువులపాడు నారాయణరెడ్డి దారుణ హత్యే దీనికి ఉదంతంగా నిలుస్తోంది. ఇది రాజకీయ ప్రత్యర్థులు చేసిన హత్యే! ఆ నియోజకవర్గంలో నారాయణరెడ్డి బలమైన నాయకుడు. ఆయన ఉంటే వచ్చే ఎన్నికల్లో అధికారపార్టీకి గెలుపు కష్టమనిచెప్పే ఆయ నను అడ్డు తొలగించారనే ఆరోపణలు రావడం తెలిసిందే! ఇక మొన్న ప్రకాశం జిల్లాలో కరణం బలరాం అనుచరులను గొట్టిపాటి వర్గీయులు దారికాచి చంపడం చూసాం. ఇవే కాదు, తెలుగుదేశం ప్రభుత్వం ఏర్పడ్డ ఈ మూడేళ్లలో అన్ని జిల్లాలోనూ రాజకీయ హత్యలు, అరాచ కాలు పెరిగాయి. ప్రతిపక్ష నేతలను మట్టు బెట్టే కార్యక్రమాలు ముమ్మరంగా జరుగు తున్నాయి.

రాష్ట్రంలో రాక్షసపాలన సాగుతుం దన్నట్లుగా అరాచకాలు జరుగుతున్నాయి. ప్రజాప్రతినిధులే గూండాల్లాగా తయారవు తున్నారు. తాము చెప్పిన అడ్డగోలు పనులు చేయడం లేదని చెప్పి తెలుగుదేశం నాయ కులు అధికారులపై దౌర్జన్యాలు చేయడం కూడా ఎక్కువైంది. విజయవాడలో అధికారపార్టీ ఎమ్మెల్యే దౌర్జన్యం వల్ల క్యాన్సర్‌తో బాధపడుతున్న ఓ చిన్నారి

ఉన్న ఇళ్లు అమ్ముకోలేక, వైద్యానికి డబ్బులు లేక మృత్యువాత పడడం చూసాం.

రాష్ట్రంలో పోలీసు వ్యవస్థను పూర్తిగా నిర్వీర్యం చేశారు. పోలీసులకు ఆత్మాభి మానం లేనట్లుగా, వారిని పూర్తిగా పార్టీ కార్యకర్తల మాదిరిగా వాడుకుంటున్నారు. రాష్ట్రంలో అధికారపార్టీ వారికొక రూలు, ప్రతిపక్ష పార్టీ వారికొక రూలు అన్నట్లుగా పోలీసు చట్టాలు అమలవుతున్నాయి. అధికారులపై ఎంపీ, ఎమ్మెల్యేలు దౌర్జన్యం చేయడం, అధికారులను జుట్టుపట్టి ఈడ్చి కొట్టడం, ఎస్‌ఐలను నిర్భందించడం, అధికారులను లెక్కలేనితనంతో మాట్లా డడం... ఇవన్నీ కూడా రాష్ట్రంలో గాడి తప్పిన పరిపాలనకు నిదర్శనం. ప్రపంచం లోనే ఆంధ్రప్రదేశ్‌ను అగ్రస్థానంలో నిలుపుతానని, దేశంలోనే మేటి రాజధానిని నిర్మిస్తానని చంద్రబాబు డప్పు కొట్టుకుం టున్నాడు. మొదట్నుండి అరాచకాలకు, కుల వైషమ్యాలకు కేరాఫ్‌ అడ్రస్‌గా వున్న

ఉత్తరప్రదేశ్‌, బీహార్‌ రాష్ట్రాలు ఈరోజు ఆ పోకడలకు దూరంగా, ఎంతో ప్రశాం తంగా ఉంటున్నాయి. మొదట్నుండి ప్రశాంతతకు మారుపేరైన ఆంధ్రప్రదేశ్‌ మాత్రం ఇప్పుడు కులరాజకీయ పోకడ లతో, అరాచకాలు, అవినీతి అక్రమాలతో అశాంతప్రదేశ్‌గా మారిపోతోంది.

modi jag naraఇటీవలే బాలకృష్ణ హీరోగా నటించిన 'గౌతమీపుత్ర శాతకర్ణి' సినిమా చూసాం. భారత ఉపఖండంలోని చిన్నచిన్న రాజ్యాలన్నిం టిని జయించి ఒకే పరిపాలన క్రిందకు తేవా లన్న లక్ష్యంతో శాతకర్ణి అన్ని రాజ్యాలను జయిస్తూ పోతుంటాడు. ఇప్పుడు భారత ప్రధాని నరేంద్ర మోడీ చేస్తున్నది కూడా అలాంటి యుద్ధమే! అన్ని రాష్ట్రాలలోనూ బీజేపీ జెండా ఎగురవేయాలని, ఒక్కో రాష్ట్రాన్ని ఆక్ర మించుకుంటూ పోవాలన్నది నరేంద్ర మోడీ పన్నాగం.

ఆయన ఆలోచనలు ఒక్కొక్కటిగా ఫలిస్తున్నట్లే కనిపిస్తున్నాయి. కాబట్టే ముస్లిం ప్రాబల్యంగల జమ్మూ కాశ్మీర్‌లో మిత్రపక్షం పిడిపితో కలిసి ప్రభుత్వాన్ని ఏర్పాటు చేయడమే కాకుండా ఈశాన్య రాష్ట్రాలైన అస్సాం, అరుణాచల్‌ప్రదేశ్‌లలో బీజేపీ సొంతంగా జెండా ఎగురవేయగలిగింది. పెద్దరాష్ట్రమైన యూపీలో పాగా వేసింది. ఒక్కో రాష్ట్రంలో జెండా ఎగురవేయడానికి నరేంద్ర మోడీ ఒక్కో విధానాన్ని అనుసరిస్తున్నారు.

ఈ పరంపరలోనే ఈసారి మోడీ గ్యాంగ్‌ దక్షిణాది రాష్ట్రాలపై ప్రధానంగా దృష్టి సారించింది. దక్షిణాది రాష్ట్రాల విషయానికొస్తే ఆంధ్రప్రదేశ్‌లో బలపడడం ఆ పార్టీకి మొదటి నుండి సవాల్‌గానే మారింది. ఇక్కడ బీజేపీ బలహీనత అంతా కూడా తెలుగుదేశమే! ఆ పార్టీతో పొత్తే బీజేపీని ఎదగనీయకుండా చేస్తోంది. టీడీపీ నిలవడం కోసం బీజేపీ కూలబడుతోంది. ఒక్క మాటలో చెప్పాలంటే ఏపిలో టీడీపీని కాపాడేందుకు బీజేపీ భవిష్యత్‌ను, ఇక్కడ బీజేపీ కార్యకర్తల బ్రతుకులను పణంగా పెట్టారని చెప్పవచ్చు.

అయితే ఇకముందు టీడీపీ కోసం తమ పార్టీని బలిపెట్టడానికి బీజేపీ నాయకులు సిద్ధంగా లేరు. ముఖ్యంగా రాబోయే ఎన్నికలను దృష్టిలో పెట్టుకుని ఆంధ్రా, తెలంగాణలలో బలపడేందుకు ఈ పార్టీ అధ్యక్షుడు అమిత్‌షా యాక్షన్‌ప్లాన్‌ సిద్ధం చేసుకు న్నట్లు సమాచారం. ఏపిలో ఎవరితో కలిసి పయ నించాలనేదానిపై త్వరలోనే మోడీ, అమిత్‌షాలు ఒక స్పష్టతకు వచ్చే అవకాశముంది. టీడీపీతో కలిసి ప్రయాణించడం వారికి సుతారం ఇష్టం లేదు. 2014ఎన్నికలప్పుడే ఒంటరిగా పోటీ చేయాలని భావించారు. కాని ప్రజల్లో నరేంద్ర మోడీ క్రేజ్‌ను గుర్తించిన చంద్రబాబు ఆంబానీల స్థాయిలో పైర వీలు సాగించి బీజేపీతో పొత్తు కలిసేలా చేసాడు. ఆ పొత్తు చంద్రబాబుకు అధికారాన్ని తెచ్చిపెట్టింది.

ఇప్పుడు కూడా చంద్రబాబు బీజేపీని వదలా లనుకోవడం లేదు. దేశవ్యాప్తంగా బీజేపీకి అను కూలంగా వస్తున్న ఫలితాలను చూస్తున్నాడు కదా! కాని మోడీ, అమిత్‌షాలు మాత్రం ఇక టీడీపీతో కలిసి ప్రయాణించకూడదని భావిస్తున్నారు. టీడీపీతో పొత్తు వల్లే 30 ఏళ్లుగా ఈ రాష్ట్రంలో ఎదగలేకపోయా మని గుర్తించారు. అదీగాక చంద్రబాబు కంటే కూడా జగన్‌ను నమ్మకమైన నేస్తంగా భావిస్తున్నారు. చంద్రబాబు ఎటు గాలి తోలితే అటు మొగ్గుతాడు. రేపు ప్రతిపక్ష పార్టీలన్నీ ఫ్రంట్‌ కడితే చంద్రబాబు పోయి వారి ముందు నిల్చున్నా ఆశ్చర్యపోవాల్సిం దేమీ లేదు. అదే జగన్‌ అయితే ఇచ్చిన మాట తప్పడు. నాలుగు పదుల వయసు లోనే ప్రపంచంలోనే శక్తివంతమైన నాయకు రాలిగా ఫోర్బ్స్‌ జాబితాలో చోటు దక్కించు కున్న సోనియాగాంధీని ఎదిరించి, ఆమెతో రాజీపడకుండా 16నెలలు జైలులో గడి పిన జగన్‌పై మోడీ, అమిత్‌షాలకు ప్రత్యేక నమ్మకముంది. అందుకే వాళ్లు చంద్ర బాబుతో కంటే జగన్‌ వైపే ఎక్కువగా చూస్తున్నట్లు తెలుస్తోంది. బహుశా రాష్ట్ర పతి ఎన్నికల తర్వాత రాష్ట్ర రాజకీయా లలో సమీకరణలు మారే అవకాశాలు కనిపిస్తున్నాయి. ఈ నెల 10వ తేదీన ఢిల్లీలో ప్రధాని నరేంద్రమోడీని వైసిపి అధినేత వై.యస్‌.జగన్మోహన్‌రెడ్డి కలవడం, రాష్ట్రంలో పరిస్థితులను నివేదించడం, రాష్ట్రపతి ఎన్నికల్లో ఎన్డీఏ అభ్యర్థిగా బేషరతుగా మద్దతునిస్తామని ఆయన ప్రకటించడం... రాష్ట్ర రాజకీయాల్లో సరి కొత్త ప్రకంపనలు రేపుతోంది. ముఖ్యంగా ప్రధానమంత్రి కార్యాలయం నుండే జగన్‌కు అపాయింట్‌మెంట్‌ రావడం తెలుగుదేశం నాయకులకు మింగుడు పడడం లేదు. కేసులను మాఫీ చేసుకు నేందుకే జగన్‌ మోడీ వద్ద మోకరిల్లాడని తెలుగుదేశం నాయకులు అప్పుడే తమ అక్కసు వెళ్ళగక్కారు. దీనిపై రాష్ట్ర బీజేపీ నాయకులే తెలుగుదేశం వాళ్ళకు కౌంటర్‌ సమాధానం ఇచ్చారు. ఇప్పటివరకు కూడా కేంద్రం మీద ఒత్తిడి తెచ్చి ఎలక్షన్‌లోపే జగన్‌ను జైలుకు పంపిస్తారని ఒక నమ్మకం తెలుగుదేశం నాయకుల్లో ఉండేది. జగన్‌కు మోడీ నుండి వచ్చిన పాజిటివ్‌ రెస్పాన్స్‌తో తెలుగుదేశం నాయకుల కలలు కరిగి పోతున్నాయి. ముఖ్యంగా మోడీ, అమిత్‌ షాల ద్వయం ఏపిని టార్గెట్‌గా పెట్టు కుంది. వచ్చే ఎన్నికల్లో టీడీపీని దూరంగా పెట్టి రాష్ట్రంలో పోటీ చేయడానికి సన్నా హాలు చేస్తోంది. అవసరమైతే ఒంటరిగా పోటీ చేయడమా, లేక జాతీయ రాజకీ యాల్లో తమకు ఎప్పుడూ అడ్డుపడని, పడలేని వై.యస్‌.జగన్మోహన్‌రెడ్డితో పొత్తు కుదుర్చుకుని ముందుకు సాగడమా? అనే దానిపై కూడా రాష్ట్రపతి ఎన్నికల తర్వాత ఒక స్పష్టత వచ్చే అవకాశముందని విశ్వస నీయ సమాచారం.

Page 1 of 14

newsbottomad

ఎక్కువగా చదివిన వార్తలు

  • ఎగువ జిల్లాల్లో వర్షం.. నెల్లూరు జిల్లాలో హర్షం
    నెల్లూరుజిల్లా ప్రజలకు ఈ జిల్లాలో వర్షాలు పడితేనే కాదు, ఎగువ జిల్లాలైన అనంతపురం, కడప, కర్నూలు జిల్లాల్లో భారీ వర్షాలు పడితేనే ఎక్కువ సంతోషం. ఆ జిల్లాల్లో వర్షాలు పడితే ఎక్కువ ప్రయోజనం పొందేది మనమే. నెల్లూరుజిల్లాలో భారీ వర్షాలు కురిసి…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • 'తండ్రి'ని వీడి... 'తల్లి' వద్దకు సత్యకుమార్‌
    గత 24 సంవత్సరాలుగా వెంకయ్యకు తోడుగా ఆయన నీడగా నిత్యం ఆయనను వెన్నంటి వుండిన ఆయన వ్యక్తిగత కార్యదర్శి సత్యకుమార్‌ భారత ఉపరాష్ట్రపతి ప్రత్యేక అధికారిగా తన పదవికి రాజీనామా చేశాడు. తండ్రి లాంటి పెద్దాయనను వదిలి ఆయనిప్పుడు తల్లి లాంటి…
  • 'లోక్‌సభ'లో సైకిల్‌ వీక్‌
    ఏపిలో ఎక్కడైనా తెలుగుదేశంపార్టీకి తిరుగుండదేమో... ఒకసారి ఓడిన చోట మరోసారైనా గెలుస్తుందేమో... కాని రాష్ట్రంలో కడప తర్వాత తెలుగుదేశంకు మింగుడుపడని నియో జకవర్గం నెల్లూరే! అది లోక్‌సభ అయినా శాసనసభ అయినా? తెలుగుదేశం ఆవిర్భవించాక ఇప్పటివరకు 7సార్లు అసెంబ్లీకి ఎన్నికలు జరిగితే…

Newsletter