chandrababuఈ నెల 8వ తేదీన నవ నిర్మాణ దీక్ష ముగింపు సభ కోసం నాయుడుపేటకొచ్చిన ముఖ్యమంత్రి చంద్రబాబు నాయుడు మూడు వారాలు తిరక్కముందే మళ్ళీ నెల్లూరొస్తు న్నారు. 'దళిత తేజం - తెలుగుదేశం' ముగింపు కార్యక్రమాన్ని ఈ నెల 30న నెల్లూరులో జరపాలని నిర్ణయించారు. ఈ కార్యక్రమానికి చంద్రబాబుతో పాటు పలువురు మంత్రులు కూడా హాజరుకానున్నారు. దీనికి విఆర్‌సి గ్రౌండ్‌, ఏ.సి స్టేడియంలను కాదని బాలాజీనగర్‌ శివారులో వున్న శ్రీ వేణుగోపాలస్వామి కాలేజీ మైదానాన్ని ఎంపిక చేసుకున్నారు. అదయితే హైవే ఆనుకుని వుంటుంది కాబట్టి ట్రాఫిక్‌కు ఇబ్బంది వుండదు. ఈ ముగింపు సభను లక్షమందితో జరపాలనుకుంటున్నారు. మరి నాయకులు ఎన్ని అగచాట్లు పడాలో ఇంతమంది జనాన్ని సమీకరించాలంటే!

chandra'అనువుగాని చోట అధిక ప్రసంగం పనికిరాదు' అని పెద్దలు ఒక సామెత చెప్పారు. తెలుగుదేశం నాయకులకు ఇది సరిగ్గా సరిపోతుందేమో! వీళ్ళకు సంబంధం లేని కర్నాటక ఎన్నికల్లో అతిగా జోక్యం చేసుకుని, అనవసరంగా వేలు పెట్టి పరువు పోగొట్టుకున్నారు. కర్నాటక ఎన్నికల్లో తెలుగుదేశం నాయకుల ఓవర్‌ యాక్షన్‌కు కన్నడ ఓటర్లు తగిన గుణపాఠం చెప్పినట్లయ్యింది.

కర్నాటక అసెంబ్లీ ఎన్నికలకు మన రాష్ట్రంలోని ప్రాంతీయ పార్టీలకు ఎటువంటి సంబంధం లేదు. కాంగ్రెస్‌ను గెలిపించండంటూ ఏపి కాంగ్రెస్‌ నాయకులు కర్నాటకకు వెళ్ళి ప్రచారం చేశారు. తప్పు లేదు. వారంతా ఒకే పార్టీ కాబట్టి. అలాగే బీజేపీ వాళ్ళు కూడా చేసుకున్నారు. ఇవి జాతీయ పార్టీలు కాబట్టి ఒక రాష్ట్రంలో నాయ కులు ఇంకో రాష్ట్రంలో తమ పార్టీల గెలుపు కోసం పనిచేయవచ్చు. వైయస్సార్‌ కాంగ్రెస్‌ పార్టీ ప్రాంతీయ పార్టీ. ఆంధ్రా, తెలంగాణలకు పరిమితమైన పార్టీ. వాళ్ళు కర్నాటక ఎన్నికల్లో జోక్యం చేసుకోలేదు. ఏ పార్టీకి ఓటేయమని చెప్పలేదు. ఎందుకంటే కాంగ్రెస్‌, బీజేపీ రెండూ ఏపికి ద్రోహం చేసాయి. కాబట్టే జగన్‌ ఆ రెండు పార్టీలకు సమదూరం పాటించాడు. జేడీఎస్‌తో ఎలాంటి పొత్తుగాని, స్నేహం గాని లేదు. కాబట్టే ఆ పార్టీకీ మద్దతునివ్వలేదు. ఇక టీఆర్‌ఎస్‌ అంటే ఫెడరల్‌ ఫ్రంట్‌లో వుంది కాబట్టి జేడీఎస్‌కు మద్దతునిచ్చింది.

మరి తెలుగుదేశం పార్టీకి కాంగ్రెస్‌తో పొత్తు లేదు. ఫెడరల్‌ ఫ్రంట్‌లో భాగస్వామి కాదు. అసలు కర్నాటక ఎన్నికలతో ఎటువంటి సంబంధం లేదు. కాని కర్నాటకలో బీజేపీని ఓడించాలంటూ తెలుగుదేశం నాయకులు తెగ ప్రచారం చేశారు. చంద్రబాబు నాయకత్వంలోనే ఇదంతా జరిగింది. కొందరు మంత్రులతో పాటు స్వయం ప్రకటిత మేధావులను, ఎన్జీఓల సంఘం నాయకుడు అశోక్‌బాబును కూడా చంద్రబాబు కర్నాటకకు పంపించాడు. తెలుగుప్రజలు అధికంగా వుండే ప్రాంతాల్లో బీజేపీకి వ్యతిరేకంగా ప్రచారం చేయించారు. ప్రత్యేకహోదా ఇవ్వకుండా ఏపికి అన్యాయం చేసిందని తెలుగు ఓటర్లను బీజేపీపైకి రెచ్చగొట్టాలనుకున్నారు.

కర్నాటక ఫలితాలలో బీజేపీ వెనుకబడిపోయి వుంటే చంద్రబాబు ఇప్పటికే జబ్బలు చరుచుకుని వుండేవాడు. ఇది తన ఘనతే నని. తాను చక్రం తిప్పబట్టే కర్నాటకలో బీజేపీ ఓడిపోయిందని ప్రచారం చేసే వాడు. పచ్చమీడియా ఛానళ్ళు కూడా అదే బాకాను ఊదేవి.

కర్నాటక ఫలితాలు బీజేపీకి అనుకూలంగా రావడంతో చంద్రబాబు గొంతులో పచ్చి వెలక్కాయ పడ్డట్లయ్యింది. ఆయన ప్రచారం కన్నడలోని తెలుగు ఓటర్లను ఏ మాత్రం ప్రభావితం చేయలేకపోయింది. స్థానిక అంశాల ప్రాతిపదికనే అక్కడి తెలుగు ఓటర్లు ఓట్లేసారు. అనవసరంగా కర్నాటకలో వేలుపెట్టి చంద్రబాబు పరువు పోగొట్టుకున్నాడు.

modi andhraఈమధ్య సినిమా యాక్టర్‌ శివాజీ ఆపరేషన్‌ గరుడ, ఆపరేషన్‌ ద్రవిడ, ఆపరేషన్‌ పెరుగువడ అంటూ అయ్యవారు లాగా బ్లాక్‌బోర్డు మీద వ్రాసిమరీ విలేకరులకు వివరించాడు. శక్తివంతమైన ఇంటలిజన్స్‌ విభాగానికి సైతం అందని సమాచారం తనకు అందినట్లు ఆయన ఫోజిచ్చాడు. అయితే ఆపరేషన్‌ గరుడ, పెరుగువడ సంగతేమోగాని, త్వరలోనే కేంద్ర ప్రభుత్వం ఆంధ్రప్రదేశ్‌లో తన మిషన్‌ను ఆపరేషన్‌ను అమలు చేయడం మాత్రం గ్యారంటీగా కనిపిస్తోంది. బహుశా కర్నాటక ఎన్నికలు ముగిసాక బీజేపీ పెద్దలు ఏ.పి రాజకీయాలపై దృష్టిపెట్టే అవకాశాలు పుష్కలంగా కనిపిస్తున్నాయి.

కమలదళం ఆపరేషన్‌ మొదలుపెట్టడమంటే మొదట ఈ నాలుగేళ్ళ పాలనలో చంద్రబాబు అక్రమాల చిట్టాను బయటకు తీయడమే! ఒకటా రెండా... ఈ నాలుగేళ్ళ పాలనలో ఎన్నో లొసుగులున్నాయి. ఎన్నో వేలకోట్ల దుర్వినియోగం వుంది. దుబారా వుంది. లెక్కలేనంత అవినీతి వుంది. ఈ దేశంలో 29రాష్ట్రాలుంటే సగానికిపైగా రాష్ట్రాలలో కుంభమేళా, పుష్కరాలు జరుగుతుంటాయి. కాని, ఏ రాష్ట్రంలో కూడా వేలకోట్లు పెట్టి పుష్కరాలను చేయలేదు. కేవలం దోపిడీ పథకంలో భాగంగానే ఏపిలో గోదావరి, కృష్ణ పుష్కరాలను నిర్వహించినట్లుగా వుంది. పుష్కరాలప్పుడు చేసిన పనులు, వాటి అంచనాలు, లెక్కలు బయటకు తీస్తే ఆశ్చర్యపరిచే బొక్కలు బయటపడతాయి. పట్టిసీమ ప్రాజెక్ట్‌ పేరుతో ఎంత దోచుకున్నారన్నది బీజేపీ నాయకులు లెక్క లతో సహా చెబుతున్నారు. ఈ ప్రభుత్వంలో పోలవరం పెద్ద స్కాం. 16వేల కోట్ల అంచనాలను ప్రభుత్వం 58వేల కోట్లకు తీసుకుపోయింది. ఈ ప్రాజెక్ట్‌ నిర్మాణానికి వేసిన అంచనాలను చూస్తే కళ్ళు బైర్లు కమ్మక తప్పదు. ఈ ప్రభుత్వంలో అతిపెద్ద బూటకం అమరావతి రాజధాని. మూడు పైర్లు పండే 35వేల ఎకరాల మాగాణి పొలాలను రాజధాని కోసం తీసుకున్నారు. నాలుగేళ్ళుగా విదేశీయాత్రలు, గ్రాఫిక్‌ డిజైన్‌లు తప్పితే రాజధాని నిర్మాణంలో అడుగు ముందుకు పడింది లేదు. 700 కోట్లు పెట్టి తాత్కాలిక భవనాలను కట్టు కున్నారు. అది కూడా చదరపు అడుగు 8వేల రూపాయల ఖర్చుతో! ప్రపంచంలోనే ఇంత రేటు ఎక్కడా ఉండదేమో! రాజధాని నిర్మాణానికంటూ కేంద్రం ఇచ్చిన నిధులను దారి మళ్ళించారు. కట్టని భవనాలను కట్టినట్లుగా యూసీలు పంపారు. రాజ్యాంగ విలువలను తుంగలో తొక్కి ప్రతిపక్ష పార్టీ ఎంపీలను, ఎమ్మెల్యేలను కొన్నారు. ఓటు నోటు కేసు ఎలాగూ పెండింగ్‌లో ఉంది.

ఇక నోట్ల రద్దు తర్వాత అన్ని రాష్ట్రాల కంటే కరెన్సీ మన రాష్ట్రానికే ఎక్కువుగా వచ్చింది. అయితే ఇప్పటికీ ఏ రాష్ట్రంలో లేని విధంగా మన రాష్ట్రంలోనే కరెన్సీ కొరత ఏర్పడుతోంది. వచ్చే ఎన్నికల కోసం తెలుగుదేశం నాయకులే కరెన్సీని డంప్‌ చేస్తున్నారనే సమాచారం కేంద్రం వద్ద వుంది. టీటీడీ బోర్డు మెంబర్‌ శేఖర్‌రెడ్డి ఇంట్లో భారీ ఎత్తున కరెన్సీ కట్టలు దొర కడం తెలిసిందే! ఆయన ఇంటికి కరెన్సీ కట్టలు తరలిపోవడం వెనుక తెలుగుదేశం పెద్దల సహకారం వుందనేదానిపై కూడా అనుమానాలున్నాయి. ఈ నాలుగేళ్ళలో ఇవే కాదు, ఇంకా అనేక లొసుగులున్నాయి. ఇటీవల కాగ్‌ రిపోర్ట్‌ కూడా ఏపి ప్రభుత్వ లెక్కలను కడిగిపెట్టింది. ఇక అవినీతిలోనూ ప్రతి ఏటా రాష్ట్రం అగ్రస్థానంలో నిలుస్తూ వస్తోంది. వీటిలో దేనిమీద విచారణకు ఆదేశించినా చంద్రబాబుకు సమస్యలు మొదలవడం ఖాయం.

ప్రభుత్వంతో ఏ సంబంధం లేక పోయినా, అధికారికంగా ఏ పదవీ లేకున్నా జగన్‌ మీద అక్రమ ఆస్తుల కేసులు బనా యించి 16నెలలు జైలులో వుంచారు. ఈ నాలుగేళ్ళ తెలుగుదేశం ప్రభుత్వ పాలనపై ఎటువంటి విచారణకు ఆదేశిరచినా చంద్రబాబు ఎక్కడోచోట అధికారికంగానే దొరుకుతాడనే చర్చ జరుగుతోంది. కాబట్టే ఆయన భయపడుతున్నాడని సమాచారం.

కర్నాటకలో గెలిచినా ఓడినా బీజేపీ వాళ్ళు ఏపిలో తమ ఆపరేషన్‌ను ప్రారం భించడం ఖాయం. మొదటిది చంద్రబాబు అక్రమాలపై విచారణ జరిపించి వాటి నిగ్గు తేల్చి ప్రజల ముందు పెట్టడం, ప్రజల్లో చంద్రబాబును అవినీతి నాయ కుడిగా చూపించడం.. ఇక రెండోది ఏపి ప్రజల్లో బీజేపీపై వున్న వ్యతిరేకతను తొలగించుకోవడం, దీనికి ప్రధానమార్గం రాష్ట్రానికి ప్రత్యేకహోదా ప్రకటించడం. కర్నాటక ఎన్నికల కోసమే ఇంతకాలం ఏపికి కేంద్రం ప్రత్యేకహోదాను ప్రకటించ లేకపోయిందని తెలుస్తోంది. ఏపికి ప్రత్యేక హోదా ఇస్తే ఆ ప్రభావం కర్నాటక మీద పడుతుంది. కర్నాటకలో పెట్టాల్సిన పెట్టు బడులు ఏపికి తరలివచ్చే అవకాశం వుంది. కర్నాటకలో కాంగ్రెస్‌కు ఇది కలిసిరావచ్చు. బీజేపీకి అక్కడ అధికారం లోకి రావడానికి అవకాశాలున్నాయి. కాబట్టే కర్నాటక ఎన్నికల వరకు ఏపికి కఠినంగానే మొండిచేయి చూపిస్తూ వచ్చింది. కర్నాటక ఎన్నికల తర్వాత ఆ పార్టీ ఏపికి ప్రత్యేక హోదా ప్రకటించవచ్చు. 2019 ఎన్నికల్లో బీజేపీకి ఈ రాష్ట్రంలో సీట్లు, ఓట్లు రాకపోయినా తెలుగుదేశం అధికారంలోకి రాకూడదన్నది టార్గెట్‌. ఆ ఎన్నికల్లో టీడీపీ ఓడిపోతే ఆ స్థానంలోకి బీజేపీ రావచ్చు. భవిష్యత్‌లో బలపడ వచ్చు. ఈ దిశగానే బీజేపీ ఏపి ఆపరేషన్‌ ఉండబోతున్నట్లు సమాచారం.

Page 1 of 20

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter