crick bettingనెల్లూరుజిల్లాకు పిహెచ్‌డి రామకృష్ణ అనే ఒక ఎస్పీ వస్తాడని, బెట్టింగ్‌ రాయుళ్ళపై ఈ స్థాయిలో విరుచుకు పడతాడని, బుకీల బొక్కలు విరిచేస్తాడని ఎవరూ ఊహించ లేదు. అసలు బెట్టింగ్‌పై ఈ స్థాయిలో పోలీస్‌ ఆపరేషన్‌ వుంటుందని ఎవరూ అంచనా కూడా వేయలేదు. తిన్నామా, తిరిగామా, పడుకున్నామా అన్న పాలసీని అనుసరించే ఎస్పీలు వస్తే బెట్టింగే కాదు, అన్ని రకాల అవలక్షణ కార్యక్రమాలు నిర్వి ఘ్నంగా జరిగిపోతుంటాయి. సిన్సియర్‌ పోలీసు ఆఫీసర్లు వస్తే రౌడీయిజాన్ని అణచి వేయడం, దొంగతనాలను అరికట్టడం, ట్రాఫిక్‌ను దారిలో పెట్టడం వంటివి ప్రధానంగా జరుగుతుంటాయి. కాని, రామకృష్ణ వచ్చీరావడంతోనే బెట్టింగ్‌పై ఉక్కుపాదం మోపాడు. దాదాపు రెండువారాల పాటూ ఈ కేసులో లోతైన విచారణ నిర్వహించి ప్రధాన బుకీలను, పంటర్లను, బెట్టింగ్‌ ఆడేవాళ్లను అందరూ కలిపి 115మందిని దాకా అరెస్ట్‌ చేసి కోర్టుకు పెట్టడం తెలిసిందే! కోర్టు మెట్లెక్కి నిందితులకు బెయిల్‌ రావడంతోనే ఈ కేసును అక్కడితో వదిలేస్తారనుకున్నారు. అయితే ఎస్పీ మళ్ళీ వదల్లేదు. జ్యూడిషియల్‌ కష్టడీలో వున్న ఐదుమంది ప్రధానబుకీలు కృష్ణసింగ్‌, షేక్‌ షంషీర్‌, డిటిఎస్‌ రమేష్‌, తన్నీరు రమేష్‌కుమార్‌, అల్లూరు అనిల్‌కుమార్‌రెడ్డిలను తిరిగి కోర్టు అనుమతితో పోలీసు కష్టడీకి తీసుకుని విచారించారు. ముఖ్యంగా బుకీలకు జిల్లాలోని ఇతర ప్రముఖులకు మధ్య వున్న సంబంధాలను బయటకు తెచ్చే క్రమంలోనే ఆయన విచారణ జరుపుతున్నట్లు తెలుస్తోంది. కాగా, బెట్టింగ్స్‌ మాఫియాతో అధికార, ప్రతిపక్ష పార్టీలలోని పలువురు నాయకులకు సంబంధాలున్నట్లు వెల్లడైంది. వైసిపి నాయకులను మాత్రం పోలీసులకు అరెస్ట్‌ చేశారు. అధికారపార్టీకి చెందినవాళ్ళు మాత్రం పరారీలో వున్నారు. వీళ్లను కూడా పట్టుకునేందుకు పోలీసులు గాలిస్తున్నారు. మొత్తానికి ఎస్పీ ఆ పార్టీ ఈ పార్టీ అని లేకుండా అందరికీ చెమటలు పట్టిస్తున్నాడు.

cricketబ్రతుకులు డొల్ల... భవిష్యత్‌ గుల్ల

క్రికెట్‌... ఆడేవాళ్ళకు డబ్బులు, చూసేవాళ్ళకు ఆనందం... ఈ క్రికెట్‌ ప్రపంచంలో ఆడేవాళ్ళు చూసేవాళ్ళు కాకుండా ఇంకో జాతి వుంది. అదే బెట్టింగ్‌ జాతి. క్రికెట్‌ను అందరూ ఆటగా చూస్తే ఈ బెట్టింగ్‌ జాతి మాత్రం జూదంగా చూస్తుంది. ప్రపంచంలోనే ఈరోజు క్రికెట్‌ పెద్ద జూదమైపోయింది. ఆ జూదంలో వేలకోట్ల రూపాయలు చేతులు మారుతున్నాయి. వాస్తవానికి క్రికెట్‌ ఆట ద్వారా ఆయా జట్లకు, ఆయా దేశాల క్రీడా సంఘాలకు వచ్చే ఆదాయం కంటే కూడా ఒక మ్యాచ్‌ జరిగితే బుకీలకే వస్తున్న ఆదాయం ఎక్కువ. అంతగా విస్తరించిపోయింది క్రికెట్‌ జూదం.

క్రికెట్‌ బెట్టింగ్స్‌ ఎంతోమంది బ్రతుకులను బస్టాండ్‌ పాల్జేస్తున్నాయి. భవిష్యత్‌ను చిదిమేస్తున్నాయి. క్రికెట్‌ పందేల మత్తులోపడి మన జిల్లాలోనే ఆస్తులను కర్పూరంలా కరిగించిన వాళ్లున్నారు. బెట్టింగ్స్‌లో అప్పులపాలై చేస్తున్న వ్యాపారాలను, వున్న ఊరిని వదిలేసి పరారైన వారున్నారు. ఆఖరకు బెట్టింగ్‌ల మూలంగా బైక్‌ల దొంగతనాలకు పాల్పడి పోలీసులకు దొరికినవాళ్ళు కూడా వున్నారు.

కాగా, ఇటీవల జరిగిన క్రికెట్‌ మ్యాచ్‌ల నేపథ్యంలో క్రికెట్‌ బెట్టింగ్స్‌ మూలంగా ఓ కుటుంబమే బలైపోయింది. క్రికెట్‌ బుకీల వేధింపులకు తట్టుకోలేక ముగ్గురు ఈ లోకాన్నే విడిచి వెళ్లారు. నెల్లూరులోని శ్రీ రాజరాజేశ్వరి అమ్మవారి దేవస్థానం సమీపంలో నివసిస్తున్న మల్లిఖార్జున, అతని భార్య మాధురి, కుమారుడు ప్రణబ్‌తో ఇటీవల విహారయాత్రలకని తమిళనాడులోని రామేశ్వరంకు వెళ్లారు. అక్కడ ఓ హోటల్‌ గది అద్దెకు తీసుకుని దిగారు. ఈ నెల 1వ తేదీ రాత్రి భార్యాభర్తలిద్దరూ విషం తాగి, కొడుకు గొంతులోనూ విషం పోశారు. తండ్రి కొడుకులు లాడ్జి గదిలోనే మృతి చెందగా, మాధురి మాత్రం ఆసుపత్రిలో చికిత్స పొందుతూ చనిపోయింది. వీళ్ల ముగ్గురి చావుకు ఓ క్రికెట్‌ బుకీ వేధింపులే ప్రధానకారణంగా తెలుస్తోంది. ఓ రాజకీయపార్టీకి చెందిన ఈ బూకీకి నెల్లూరు నగరంలో జూదస్థావరాల నిర్వాహకుడిగా పేరుంది. పేరుకు ఒక పార్టీలో వున్నప్పటికీ అన్ని పార్టీల వారితోనూ ఇతనికి పరిచయాలుంటాయి. క్రికెట్‌ పందేలను నిర్వహించడం, బెట్టింగ్స్‌ ఓడిపోయిన వారి నుండి బలవంతంగా డబ్బులు వసూలు చేయడం చేస్తుంటారు. మల్లిఖార్జునకు కూడా బుకీ నుండి ఇటువంటి వేధింపులే ఎదురయ్యాయి. బుకీ ప్రతిరోజూ ఇంటికెళ్లి అవమానకర రీతిలో తిట్టొచ్చేవాడు. ఈ అవమానాలు భరించలేకే మల్లిఖార్జున భార్యాబిడ్డలతో సహా ఆత్మహత్యకు పాల్పడ్డట్లు తెలుస్తోంది.

అంతర్జాతీయ క్రికెట్‌ టోర్నమెంట్స్‌, ఐపిఎల్‌ మ్యాచ్‌లు జరుగుతున్నప్పుడు జిల్లాలో భారీఎత్తున బెట్టింగ్స్‌ సాగుతున్నాయి. కొందరు బుకీలు వీటిని నిర్వహిస్తున్నారు. క్రికెట్‌ బెట్టింగ్స్‌ మూలంగా ఎన్నో కుటుంబాలు రోడ్డున పడుతున్నాయి. అమాయకులు ఆస్తులను కాజేసుకుంటున్నారు. క్రికెట్‌ బెట్టింగ్స్‌పై పోలీసులు ఉక్కుపాదం మోపాల్సి వుంది. ఇకముందు ఇలాంటి దారుణాలు పునరావృతం కాకుండా చూడాల్సివుంది.

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…

Newsletter