portదాదాపు పదేళ్ళుగా నెల్లూరుజిల్లా ప్రజలను ఊరిస్తూవస్తున్న దుగరాజపట్నం పోర్టు అంశం ఎత్తిపోయినట్లే కనిపిస్తోంది. ఈ పోర్టు కోసం గత కొన్నేళ్ళుగా ఎన్నో ప్రయత్నాలు జరిగాయి. గత యూపిఏ ప్రభుత్వంలో రాష్ట్రంలో మూడు ప్రాంతా లను పోర్టు నిర్మాణానికి పరిశీలించి, చివ రకు దుగరాజపట్నంను ఎంపిక చేయడం తెలిసిందే! రాష్ట్ర విభజన బిల్లులో కూడా ఏపికి ఇచ్చిన హామీలలో దుగరాజపట్నంను పొందుపరిచారు. 2014 ఎలక్షన్‌లకు ముందు తిరుపతి ఎంపిగా వున్న చింతా మోహన్‌ ఈ పోర్టుకు హడావిడిగా శంకు స్థాపన చేయించాలని కూడా చూసారు. అయితే అది సాధ్యం కాలేదు. ఎన్డీఏ అధికారంలోకి వచ్చాక, ఈ పోర్టుపై మీన మేషాలు లెక్కిస్తూ వచ్చారు. ఈ పోర్టు ఇక్కడ కడితే వచ్చే లాభనష్టాలపై బేరీజు వేశారు. దుగరాజపట్నంకు సమీపంలోనే కృష్ణపట్నం పోర్టుతో పాటు చెన్నైలో రెండు పోర్టులు వుండడం, దీనికితోడు ఇస్రో, పర్యావరణ శాఖ అభ్యంతరాలు ఈ పోర్టుకు అడ్డంకిగా మారాయి. ఈ పోర్టు కట్టినా పెద్దగా ఆదాయం ఉండబోదని నీతిఅయోగ్‌ తేల్చిచెప్పింది. దీనిబదులు ఏపికి మరో రూపంలో ప్రయోజనం కల్పిస్తామని కేంద్రం చెప్పడంతో ఇక దుగరాజపట్నం పోర్టుకు తెరపడినట్లేనని భావించాల్సి వస్తోంది.

portగత యూపిఏ ప్రభుత్వంలోనే వాకాడు మండలం దుగరాజపట్నం వద్ద ఓడరేవు మంజూరైంది. అయినా మధ్యలో ఎన్నో అభ్యంతరాలు వచ్చాయి. షార్‌ సెంటర్‌కు భద్రత సమస్య వస్తుందని ఇస్రో వాళ్లు ఆక్షేపణ చేసారు. అలాగే అటవీ, పర్యావరణశాఖ పరంగా కూడా అడ్డంకులొచ్చాయి. వీటన్నింటిని క్లియర్‌ చేసాకే గత యూపిఏ ప్రభుత్వం ఈ పోర్టుకు సంబంధించి గెజిట్‌ నోటిఫికేషన్‌ విడుదల చేసింది. అయితే ఈ పోర్టు నిర్మాణానికి యూపిఏ ప్రభుత్వంలో శంకుస్థాపన మాత్రం చేయలేకపోయారు. విభజన బిల్లులో కూడా దుగరాజపట్నం పోర్టును చేర్చడం జరిగింది.

కేంద్రంలో ఎన్డీఏ ప్రభుత్వం వచ్చాక ఈ పోర్టును సాధించే దిశగా గట్టి ప్రయత్నమంటూ జరగలేదు. ఈలోగా కొందరు నాయకులు మాత్రం ప్రకాశంజిల్లా రామాయపట్నం వద్దకు పోర్టును మార్చాలంటూ డిమాండ్‌ చేస్తున్నారు. విభజన తర్వాత ఆంధ్రప్రదేశ్‌ పరిస్థితి దుర్భరంగా మారింది. ఐటి ప్రాజెక్ట్‌లు హైదరాబాద్‌కే పరిమితమయ్యాయి. ఆంధ్రాకు ఒక్క ప్రాజెక్ట్‌ కూడా వచ్చే అవకాశాలులేవు. చంద్రబాబు పుణ్యమా అని తెలుగు సినిమా పరిశ్రమ కూడా హైదరాబాద్‌లోనే స్థిరపడిపోతుంది. చంద్రబాబు కొంత చొరవతీసుకుని వుంటే సినీ పరిశ్రమ వైజాగ్‌కో లేక నెల్లూరుజిల్లా కన్నా తరలి రావడానికి అవకాశముండేది. ఇక చంద్రబాబు అమరావతి రాజధాని అంటున్నాడుగాని అది ఈ కాలంవాళ్లు చూసేది లేదు, పెట్టేదీ లేదు. మన రాష్ట్రానికి ఉన్న అవకాశమల్లా పారిశ్రామికాభివృద్ధి. అది కూడా ప్రత్యేకహోదా వస్తే ఆ దిశగా అవకాశాలుంటాయి. ఈ పారిశ్రామిక ప్రగతికి కూడా ఎక్కువ అవకాశం ఉండేది నెల్లూరుజిల్లాలోనే. ఎందుకంటే ఇక్కడ భూముల సమస్య లేదు. రాజకీయ బెదిరింపులు ఉం డవు. ముఖ్యంగా చెన్నై-బెంగుళూరు, విశాఖ-చెన్నై కారిడార్‌లో నెల్లూరుజిల్లా ప్రధాన భాగంగా ఉండ బోతుంది. కృష్ణపట్నం పోర్టు వచ్చాక కర్నాటకలో వున్న పారిశ్రామికవేత్తలు సైతం తమ ఎగుమతులు, దిగుమతులకు ఈ పోర్టునే ఆశ్రయిస్తున్నారు. చెన్నై, ఎన్నూర్‌పోర్టులు ఇప్పటికే రద్దీగా వుంటున్నాయి. విదేశాల నుండి వచ్చిన నౌక పదిరోజుల దాకా అన్‌లోడింగ్‌, లోడింగ్‌ కోసం సముద్రంలోనే ఉండాల్సి వస్తుంది. చెన్నై రోడ్లుపై నిత్యం ట్రాఫిక్‌ జామ్‌ వుంటుంది. పరిశ్రమలకు రవాణా పెద్ద సమస్యగా వుంది. దీనివల్లనే చాలా కంపెనీలు తమ ఎగుమతులు, దిగుమతులను కృష్ణపట్నం పోర్టు ద్వారా సాగిస్తున్నాయి. చెన్నైసిటీ దగ్గరగా వుండడం, చెన్నై, రేణిగుంట ఎయిర్‌పోర్టులు దగ్గరగా వుండడం నెల్లూరు జిల్లాకు కలిసొచ్చే అంశం. కాబట్టి పారిశ్రామిక ప్రగతి ఇక్కడే ఎక్కువుగా కేంద్రీకృతం కాబోతుంది. ఈ నేపథ్యంలో దుగరాజపట్నంపోర్టు కూడా అవసరం అవుతుంది. కాబట్టి ఈ ఓడరేవు కల ఈరోజు కాకున్నా రేపైనా సాకారం కావాల్సిందే!

newsbottomad

ఎక్కువగా చదివిన వార్తలు

  • అసలు పని వదిలేసి... అన్న క్యాంటిన్‌లు ఎందుకో?
    గుర్రం చేసే పని గుర్రం చేయాలి, గాడిద చేసే పని గాడిద చేయాలి... అని పెద్దలు చెప్పిన పాత మోటు సామెత అందరూ వినే వుంటారు. పారిశుద్ధ్య కార్మికుడి పని వీధులను శుభ్రంగా ఉంచడం... ఆ పని అతనే చెయ్యాలి. అదే…
  • తప్పెవరిది?
    నెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి…
  • ఆ పైపులతో... ఆయకట్టుకు నీళ్ళు కట్‌
    చేసే అభివృద్ధి పనులు ప్రజలకు మంచి చేసేలా వుండాలేగాని ఇంకొంచెం ఇబ్బందిగా మారకూడదు. ఒకరి సమస్య తీర్చడానికి చేస్తున్న పని ఇంకో పది మందికి సమస్య కాకూడదు. కాని, నెల్లూరు రూరల్‌ పరిధిలోని 31వ డివిజన్‌ శ్రామికనగర్‌ వద్ద కనుపూరు కాలువపై…
  • ఓటమి నేర్పిన పాఠమేంటి?
    గెలిస్తే ప్రపంచానికి నువ్వు తెలుస్తావ్‌... ఒక్కసారి ఓడిపోయి చూడు ప్రపంచమేంటో నీకు తెలుస్తుంది. రాజకీయాలలో గెలుపును ఆస్వాదించే వాడు కాదు, ఓటమిని భరించేవాడు, ఆ ఓటమితో పాఠాలు నేర్చుకునే వాడు, ఆ ఓటమిని రేపటి విజయానికి మెట్లుగా మలచుకునేవాడే నిజమైన రాజకీయ…
  • వైకాపాలోనూ... నేతలమధ్య కలతలు
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాల్లో నెల్లూరొకటి. ఒకప్పుడు కాంగ్రెస్‌కు కంచుకోట లాంటి ఈ జిల్లా ఇప్పుడు వైకాపాకు పెట్టనికోట అయ్యింది. 2014 ఎన్నికల్లో నెల్లూరు, తిరుపతి ఎంపి స్థానాలతో పాటు జిల్లాలో ఏడు అసెంబ్లీ స్థానాలను గెలుచుకుంది. ఆ…

Newsletter