jagan innerనాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి!

నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన ప్రజాసంకల్పయాత్ర కనీవిని ఎరుగని రీతిలో విజయవంత మైంది. జనవరి 23వ తేదీన పెళ్ళకూరు మండలం పెనబాక వద్ద మొదలైన జగన్‌ ప్రజాసంకల్ప పాదయాత్ర ఈ నెల 16వ తేదీన కొండాపురం మండలం వద్ద ముగిసి, ప్రకాశం జిల్లాలోకి ప్రవేశించింది. జిల్లాలో దాదాపు 20రోజుల పాటు ఆయన పాదయాత్ర(శుక్రవారాలు, బంద్‌ రోజు తీసేస్తే) సాగింది. సూళ్లూరుపేట, గూడూరు, సర్వేపల్లి, నెల్లూరు రూరల్‌, కోవూరు, ఆత్మకూరు, కావలి, ఉదయగిరి నియోజకవర్గాలను కవర్‌ చేస్తూ సాగిన ఈ యాత్రలో ప్రతి నియోజకవర్గానికీ ఒక చోట బహిరంగసభ నిర్వహించారు. జనం బహిరంగసభలకు గాని, పాదయాత్రలకు గాని పోటెత్తినట్లు వచ్చారు. జగన్‌ తిరిగిన చోటల్లా ప్రజల నుండి మంచి స్పందన వచ్చింది. మహిళలు, వృద్ధులు, యువత ఎక్కువుగా ఆయన పాదయాత్రలో కని పించారు. జగన్‌ పాదయాత్రకు తరలిం చిన జనం కంటే తరలి వచ్చిన జనమే ఎక్కువుగా వుండడం ఆయన పట్ల వున్న ప్రజాభిమానానికి నిదర్శనం.

ఇక రాజకీయ కోణంలో ఆలోచిస్తే జిల్లాలో వైసిపి లీడర్లకు గాని, వైసిపి కేడర్‌కు గాని జగన్‌ పాదయాత్ర ఎంతో ఉత్సాహాన్నిచ్చింది. వచ్చే ఎన్నికలకు కార్యో న్ముఖులను చేసింది. గట్టిగా పోరాడితే విజయం మనదేనన్న ధీమాను కల్పించింది. వరుస వలసలు, ఎల్లో మీడియా దుష్ప్ర చారంతో కొంచెం అటు ఇటుగా వున్న కేడర్‌లో కూడా జగన్‌ పాదయాత్ర ఒక నమ్మకాన్ని కలిగించింది. అధికార పార్టీ వైపు చూస్తున్న కొందరు నాయకుల మనసు మార్చుకునేలా చేసింది. జగన్‌ పాద యాత్రతో జిల్లా వైసిపికి ఎంతో ఊపు వచ్చిందని మాత్రం ఖచ్చితంగా చెప్పవచ్చు.

sangam roadసంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం తెలిసిందే! ఈ పరంపరలో సంగం వద్ద కొండను తొలిచి కొత్తరోడ్డు వేసారు. దీంతో వాహనదారులకు సంగం ఊర్లోకి పోయే పనిలేదు. దాదాపు నాలుగు కిలోమీటర్ల ప్రయాణదూరం తగ్గుతుంది. స్ట్రైట్‌ రోడ్డయ్యింది. ప్రయాణకాలం కూడా పదిహేను నిముషాల దాకా తగ్గింది. ఇప్పటివరకు అన్ని డిపోల ఎక్స్‌ప్రెస్‌, సూపర్‌లగ్జరీ బస్సులు సంగం ఊర్లోకి వస్తుండేవి. ఈ రోడ్డు మూలంగా వాటిని బైపాస్‌లుగా మారుస్తారేమోనని సంగం వాసుల భయపడుతున్నారు.

venatiఈ జిల్లాలో తెలుగుదేశం పార్టీ సీనియర్‌ నాయకులలో మొదటి వాడు వేనాటి రామ చంద్రారెడ్డి. 1983లో పార్టీ పెట్టినప్పటి నుండి ఆయన పార్టీలోనే వున్నాడు. ఆయనకు స్వర్గీయ వై.యస్‌.రాజశేఖరరెడ్డి, మాగుంట సుబ్బరామిరెడ్డిలతోనే కాకుండా ఈ జిల్లాలో బలమైన రాజకీయ కుటుంబమైన ఆనం కుటుంబంతోనూ సన్నిహిత సంబంధాలున్నాయి. వీళ్ళ కోసం కూడా ఆయన ఎప్పుడూ పార్టీ మారలేదు. కాని, గత నాలుగేళ్ళుగా పార్టీలో ఆయన ఎదుర్కొంటున్న అవమానాలు, పరాభవాలు చూసి ఆయన కుటుంబసభ్యులే విసుగెత్తిపోయారు. తెలుగుదేశం అధికారంలోకి వచ్చాక సూళ్ళూరుపేటలో వీరి పెత్తనాన్ని తగ్గించే ప్రయత్నాలు జరిగాయి. ఇతర పార్టీల నుండి వచ్చిన వాళ్ళకు పెద్దపీట వేస్తూ వచ్చారు. వేనాటి రామచంద్రారెడ్డికి కనీసం ఒక చిన్న నామినేటెడ్‌ పదవి కూడా రాలేదు.. అయినా కూడా ఆయన అవసమానాలను భరిస్తూ పార్టీలోనే వున్నాడు.

కాని, ఆయన కొడుకు, సూళ్ళూరుపేట మున్సిపల్‌ కౌన్సిలర్‌ వేనాటి సుమంత్‌రెడ్డి మాత్రం ఇటీవల జగన్‌ పాదయాత్రలో పాల్గొన్నాడు. వైసిపిలో చేరనున్నట్లు ప్రకటిం చాడు. తమ కుటుంబానికి టీడీపీ చేసిన అన్యాయాన్ని వివరించారు. వేనాటి సుమంత్‌ ఎప్పుడైతే తిరుగుబాటు జెండా ఎగురవేసాడో అప్పుడే జిల్లా తెలుగుదేశం నాయకులు మేలుకున్నారు. ఆఘమేఘాల మీద వేనాటి కుటుంబసభ్యులతో సమావేశమయ్యారు. తాము తెలుగుదేశం వదిలి పోవడం లేదని వారిచేత స్టేట్‌మెంట్లిప్పించారు.

ఏదేమైనా సుమంత్‌ తిరుగుబాటుతో వేనాటి వర్గంలో కదలిక వచ్చింది. వేనాటి వర్గీయులు ఎక్కువమంది వైకాపావైపే చూస్తున్నారు. ఈరోజు సుమంత్‌రెడ్డి... రేపు ఆయన బాటలో కుటుంబం మొత్తం నడిచినా ఆశ్చర్యం లేదు.

Page 1 of 49

newsbottomad

ఎక్కువగా చదివిన వార్తలు

  • నెల్లూరులో పోస్టింగా? వద్దంటే వద్దు!
    ఒకప్పుడు నెల్లూరులో పోస్టింగ్‌ అంటే ఎవరైనా ఎగిరి గంతేసేవారు. పైరవీలు చేసుకుని మరీ ఇక్కడకు పోస్టింగ్‌ చేయించుకుంటుంటారు. పోలీసు శాఖలో వారికి అయితే నెల్లూరులో పనిచేయడం చాలా ఇష్టం. ఇక్కడ నుండి కదలాలంటే కష్టం. ఇక్కడ టెర్రరిజం లేదు, రౌడీయిజం లేదు,…
  • వేగమందుకున్న ప్రయాణం
    సంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం…
  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఎవరెవరెక్కడ?
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు…

Newsletter