cheruvuజిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు తవ్వేస్తుండడంతో అవి మృత్యువుకు ఆవాసాలవుతన్నాయి. అయినా, అధికారయంత్రాంగం పట్టించుకోకపోవడమే విచారకరం.

జిల్లాలో చెరువులు దొరువులు ఇప్పుడు మృత్యువుకు నివాసాలవుతున్నాయి. అక్కడే పొంచివుండి ఎవరు సరదాగా ఈతకు దిగినా వారిని కబళిస్తోంది. దీనికి తోడు, మట్టి కోసమో, ఇసుక కోసమో పెద్దపెద్ద యంత్రా లతో కొంతమంది ఇష్టంవచ్చినట్లు గుంతలు తవ్వే స్తుండడం, ఆ తర్వాత చెరువులకు నీళ్ళొచ్చినప్పుడు, ఉత్సాహంతో ఈతకు దిగినవారు అక్కడ గుంత లున్నాయని తెలియక ఆ గుంతల్లో మునిగి చనిపోవడం తరచూ జరుగుతోంది. సరదా కోసం ఈతకు దిగితే చివరకు చావే ఎదురవుతోంది. గుంతలు తవ్విన ప్రాంతాల్లో ఆ తర్వాత ఎలాంటి ప్రమాదాలు జరగ కుండా హెచ్చరిక బోర్డులు పెట్టడం వంటి పనులు ఖచ్చితంగా చేయాలని గతంలో జిల్లా ఉన్నతాధికా రులు ఆదేశించివున్నా, ఆచరణకు మాత్రం రావడం లేదు. దీంతో, ఎవరిష్టం వారిదైపోయిందని, ఎవరు ఎక్కడ మునిగి చనిపోతున్నా ఎవరికీ పట్టడం లేదని ప్రజలు విమర్శిస్తున్నారు.

సరదాగా ఈతకు దిగితే..ఇక అంతే!

ఈ వేసవి సెలవుల్లో సాధారణంగా చిన్నారులు, యువకులు ఈత కోసం సరదాగా దిగితే..ఇక ఏమవుతుందో చెప్పలేని పరిస్థితి ఏర్పడింది. ఆ సర దాయే చివరికి ప్రాణాలమీదికి తెస్తోంది. ఈ రెండు నెలల్లోనే ఇప్పటిదాకా ఏడుగురు ఇలా చనిపోయా రంటే పరిస్థితి అర్ధమవుతోంది. గత ఏడాది, అంతకు ముందు.. ఇలా ప్రతిఏడాది వేసవిరోజుల్లో ఇలాంటి ప్రమాదాలు జరిగిపోతూనే ఉన్నాయి. కానీ, ప్రమా దాల నివారణకు తీసుకుంటున్న చర్యలు మాత్రం శూన్యం. ఇటీవల మనుబోలు మండలం కాగితాల పూరులో ఇద్దరు పిల్లవాళ్లు తామరపూల కోసం చెరువులో దిగితే, అక్కడ గతంలో జేసిబితో మట్టితీసిన గుంతలు ఉన్నాయని తెలియక ఆ గుంతల్లో మునిగి చనిపోయారు. వారి తల్లిదండ్రుల వేదన అంతా ఇంతా కాదు. ఇదేమండలంలోని గురివిందపూడిలో చెరువులోకి దిగిన బిటెక్‌ విద్యార్ధి అక్కడ గుంతలున్నా యని తెలియక.. ఆ గుంతల్లో మునిగిపోయి ప్రాణాలు కోల్పోయాడు. ఇలా అనేక సంఘటనలు జరుగుతూనే ఉన్నా జిల్లా అధికారయంత్రాంగం మాత్రం నిమ్మకు నీరెత్తినట్లు ఉంటోందని ప్రజలు తీవ్ర అసంతృప్తి వ్యక్తం చేస్తున్నారు.

తవ్వకాలపై పర్యవేక్షణ ఏదీ?...

మట్టికోసం, ఇసుక కోసం, గ్రావెల్‌ కోసం ఎవరు ఎక్కడెక్కడ గుంతలు తవ్వుతున్నారో, ఏమేరకు తవ్వు తున్నారో పూర్తిస్థాయి పర్యవేక్షణ లోపం కారణంగా ప్రమాదాలు జరుగుతున్నాయని ప్రజలు విమర్శిస్తు న్నారు. ఇప్పటికైనా అధికారయంత్రాంగం కళ్ళు తెరచి, ఆయా గ్రామపంచాయతీ అధికారులు, సిబ్బందితో సమావేశమై నిబంధనలకు విరుద్ధంగా చెరువులు, దొరువులు, కాలువల్లో విచ్చలవిడిగా జరుగుతున్న తవ్వకాలపై పూర్తిస్థాయి పర్యవేక్షణ ఉండేలా చూడా లని, ఆ చర్యలు కూడా శాశ్వత ప్రాతిపదికపై ఉం డాలని వారు కోరుతున్నారు.

హెచ్చరిక బోర్డులు ఏవీ?....

గుంతలు తవ్వినప్పుడు ''ఇక్కడ గుంతలు తవ్వి వున్నాయి. ఈతకు దిగరాదు.. ప్రమాదకరం''..అని హెచ్చరిక బోర్డులను ఏర్పాటు చేయించాలని, మర ణించినవారి కుటుంబాల నుంచి, ఆయా ప్రాంతాల్లో స్థానికుల నుంచి వివరాలు తెలుసుకుని ఎక్కడెక్కడ గోతులు తవ్వివున్నాయో, అవి నిబంధనలకు విరుద్ధమో కాదో పరిశీలించాల్సి వుందని ప్రజలు కోరుకుం టున్నారు. గుంతలు తవ్వినచోట హెచ్చరికల బోర్డులు ఏర్పాటు చేయించాలని గతంలోనే జిల్లా ఉన్నతాధి కారులు ఆదేశించివున్నా, ప్రమాదాలు జరిగి ప్రాణాలు పోయినచోట ఆ హెచ్చరిక బోర్డులు లేకపోవడం వల్లే ఈ దారుణాలు జరుగుతున్నాయని ప్రజలు ఆవేదన వ్యక్తం చేస్తున్నారు. ఇప్పటికైనా గోతులు ఎక్కడ తవ్వారో గుర్తించి బోర్డులు పెట్టించాలని, లేకుంటే మరిన్ని ప్రమాదాలు జరిగే అవకాశం ఎంతైనా ఉందని ప్రజలు పేర్కొంటున్నారు.

తల్లిదండ్రులు అప్రమత్తంగా ఉండాలి

అదేవిధంగా, తల్లిదండ్రులు కూడా తమ బిడ్డలకు ఇలాంటి ప్రమాదాలు జరగకుండా, తమ పిల్లలు ఎక్కడంటే అక్కడ ఈతకు దిగకుండా, తగు జాగ్రత్తతో అనుక్షణం గమనిస్తూ ఉండాలి. పిల్లల భద్రత పట్ల ఏమరుపాటుతో ఉండడం ఏమాత్రం పనికిరాదు. ప్రమాదం జరిగిపోయాక ఎంత బాధపడినా ప్రయో జనం లేదు కనుక, ప్రమాదం జరగముందే జాగ్రత్తలు తీసుకోవాల్సిన బాధ్యత తల్లిదండ్రులపై ఎంతైనా

ఉంది. అదేవిధంగా, జిల్లా ఉన్నతాధికార యం త్రాంగం ఇకనైనా ఈ ప్రమాదాలపై దృష్టిసారించాల్సి ఉంది. ప్రమాదాలు పునరావృతం కాకుండా ఎలాంటి జాగ్రత్తలు తీసుకోవాలో అధికారయంత్రాంగం సంబం ధిత నిపుణులు, వివిధశాఖల అధికారులతో సమా వేశమై ముందుజాగ్రత్తలను రూపొందించి, ఈ జలగండాల బారి నుంచి బిడ్డలను కాపాడాల్సివుంది.

vidya vydyamజూన్‌ 10వ తేదీ నెల్లూరుజిల్లాలో ఓ అరుదైన రోజుగా నిలిచిపోతుంది. బుచ్చిరెడ్డిపాళెం మండలంలోని కాళయకాగొల్లు గ్రామంలో 100 అడుగుల జాతీయ జెండా ఆవిష్క రించబడి జిల్లా చరిత్రలో ఇది ఓ చిరస్మరణీయ సంఘటనగా మిగిలి పోయింది.

ప్రియా సిమెంట్‌ రాధయ్యగా అందరూ పిలుచుకునే నెల్లూరు రాధాకృష్ణారెడ్డి తనకు జన్మనిచ్చిన ఊరిని ఊపిరి పోసిన అమ్మా నాన్నలను స్మరించుకుంటూ అత్యాధునిక విద్యా వైద్యాలయాలను ఈ మారుమూల గ్రామంలో నిర్మించి ప్రారంభించాడు.

జూన్‌ 10వ తేదీ సాయంత్రం కాళయకాగొల్లు గ్రామ ప్రజలంతా ముస్తా బయ్యారు. తమ ఊర్లో ''ప్రజ్ఞ్యప్రియ ఫౌండేషన్‌'' ఆధ్వర్యంలో నెల్లూరు రాధా కృష్ణారెడ్డి, ఆయన శ్రీమతి ఇందిరమ్మ, కుమారులు జగన్‌మోహన్‌రెడ్డి, సుజిత్‌రెడ్డి చేపట్టిన మహత్కార్యం ప్రారంభోత్సవానికి హాజరుకావడానికి, ఆ ఆనందక్షణాలను వీక్షించడానికి గ్రామం మొత్తం తరలి వచ్చింది.

తాను పుట్టిన ఊరికి ఊరి జనానికి తన వంతు సేవ చేయాలనే తపనతో 5 యకరాల విస్తీర్ణంలో నెల్లూరు లక్ష్మీ దేవమ్మ ఉచిత ఆసుపత్రిని, నెల్లూరు చంద్రారెడ్డి హైస్కూల్‌, ఇంగ్లీషు మీడియం & డిజిటల్‌ క్లాసెస్‌ ప్రాంగణాలను అత్యంత ఆధు నికంగా అందంగా తీర్చిదిద్ది రెండింటినీ ఒకేసారి ప్రారంభించారు.

రాధాకృష్ణారెడ్డి ఏ పని చేసినా ప్రత్యేకతను చాటుకుంటాడు. మనం చేసే పనిలో అంకితభావం, చిత్తశుద్ధి, నాణ్యత వుంటే విజయం తప్పక లభిస్తుందని భావించే తత్వం ఆయనది. తన స్వగ్రా మంలో చేపట్టిన సేవా కార్యక్రమాలలో సైతం ఆయన ఎక్కడా రాజీపడలేదు. ప్రతి అంగుళంలోనూ కొత్తదనాన్ని ఆధునీకతని కనపరచాడు. రెండు ప్రాంగణాలనూ కార్పొరేట్‌ స్థాయిలో తీర్చిదిద్దాడు.

10వ తేదీ సాయంత్రం జరిగిన ప్రారంభోత్సవ వేడుకలో సైతం వైవిద్యాన్ని చూపించాడు. సరిగ్గా 6 గంటల 5 నిము షాలకు వంద అడుగుల ఎత్తులో జాతీయ పతాకాన్ని ఆవిష్కరింపజేసి భవనాల ప్రారంభోత్సవం జరిపించాడు. ఎలాంటి అతిథుల ప్రసంగాలు లేకుండా తన చిన్న కుమారుడు సుజిత్‌రెడ్డి ప్రారంభోపన్యా సంతో చెప్పాల్సిందంతా చెప్పించేసి ''ఆరభి'' సాంస్కృతిక సంస్థ నిర్వాహకులు అశోక్‌గురజాలి ఆధ్వర్యంలో సుమారు 100మందికి పైగా కళాకారులను రప్పించి వీనులవిందైన సుమధుర సంగీతాన్ని వినిపింపజేశారు.

తన గ్రామ ప్రజలే అతిథులుగా తమ ఊరి పిల్లలే అతిరథులుగా ఈ కార్య క్రమాన్ని నిర్వహించి అందరి ప్రశంసలూ అందుకున్న రాధాకృష్ణారెడ్డికి వారి కుటుంబసభ్యులకు 'లాయర్‌' అభి నందనలు.

anam ramఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి ముఖ్యమంత్రి చంద్రబాబునాయుడు వరకు చేసిన ప్రయత్నాలన్నీ విఫలమయ్యాయి. మంత్రి నారాయణ స్వయంగా ఫోన్‌ చేసి ఆత్మకూరులో నవనిర్మాణ దీక్షలు చేపట్టాలని కోరినా రామనారాయణ రెడ్డి వినలేదు. నేనుండడం లేదు, మీ పాటికి మీరు చేసుకోండని చెప్పినట్లు తెలుస్తోంది. 8వ తేదీ చంద్రబాబు పర్యటనకు హాజరు కావాలని కోరినా తాను ఆరోజు నెల్లూరులో ఉండడం లేదని తెగేసి చెప్పినట్లు తెలిసింది. దీంతో ఆయన టీడీపీని వీడనున్నాడనే విషయం అర్ధమైపోయింది. ఆయనను పార్టీలో నిలబెట్టాలని నాయకులు చేసిన ప్రయత్నాలన్నీ కూడా విఫల మయ్యాయి. అయితే ఆత్మకూరులో జరిగిన రాజకీయ పరిణామాలను చూసి స్థానికంగా వున్న ఓ వర్గం వాళ్ళు మాత్రం తెలుగు దేశం పార్టీ వాళ్ళకు ఇలా జరగాల్సిందేలే అని చంకలు గుద్దుకుంటున్నారు.

ఆనం రామనారాయణరెడ్డి తెలుగుదేశంలో చేరిన తర్వాత అప్పటి వరకు ఆత్మకూరు ఇన్‌ఛార్జ్‌గా వ్యవహ రించిన గూటూరు కన్నబాబును పక్కనపెట్టారు. ఇన్‌ఛార్జ్‌గా కన్నబాబు అప్పుడప్పుడే ఆత్మకూరులో వర్గాన్ని పెంచుకుంటున్నాడు. 2014 ఎన్ని కల్లో ఓడిపోయినప్పటికీ నియోజకవర్గాన్ని వదిలిపెట్టలేదు. ఇన్‌ఛార్జ్‌గా వుంటూనే పార్టీ అధికారంలో వుంది కాబట్టి అన్ని శాఖలపై అజమాయిషీ చేసాడు. అనుచరులకు పనులు చేసిపెట్టాడు. కొంతవరకు వర్గాన్ని కూడగట్టాడు. సడెన్‌గా ఆనం రామనారాయణరెడ్డి పార్టీలో చేరడం, ఇన్‌ఛార్జ్‌గా ఆయనను నియమించడంతో కన్నబాబు పరిస్థితి మళ్ళీ మొదటికొచ్చింది.

ఇప్పుడు ఆత్మకూరులో తెలుగుదేశం బాధ్యతలు ఎవరు తీసుకోవాలనే ప్రశ్న వస్తోంది. కన్నబాబుకు బాధ్యతలు ఇచ్చినా మళ్ళీ మొదటి నుండి పరుగు మొదలుపెట్టాలి. మాజీఎమ్మెల్యే కొమ్మి లక్ష్మయ్యనాయుడును రంగంలోకి దించినా పెద్దగా ఫలితం కనిపించకపోవచ్చు. ఆయన ఆత్మకూరుకు దూరమై పదేళ్ళు కావస్తోంది. ఇక్కడ మునుపటి హవా వుండకపోవచ్చు. మొత్తానికి ఆనం వెళితే ఆత్మకూరు టీడీపీలో రాజకీయ శూన్యత ఖాయం.

Page 1 of 53

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter