venkaiahరాజకీయాలలో ఉంటే పక్కా రాజకీయ నాయకుడిలా వ్యవహరిం చాలి. రాజ్యాంగ పదవుల్లో వుంటే రాజ్యాంగ పరిరక్షకుడిగా నడుచు కోవాలి. నాలుగు నెలల క్రితం రాజ కీయ నాయకుడి నుండి రాజ్యాంగ పరి రక్షకుడిగా మారిన భారత ఉపరాష్ట్ర పతి యం.వెంకయ్యనాయుడు అదేపని చేశాడు.

రాజ్యసభ ఛైర్మెన్‌ హోదాలో రాజ్యాంగ విలువలను కాపాడేలా ఒక నిర్ణయం తీసుకున్నారు. పార్టీ ఫిరాయింపుల నిరోధక చట్టాన్ని అమలు చేస్తూ దళ్‌(యు) సభ్యులైన శరద్‌యాదవ్‌, ఆలీ అన్వర్‌ అన్సారీల రాజ్యసభ సభ్యత్వాలను రద్దు చేశారు. బీహార్‌లో దళ్‌(యు) ఆర్జేడీల మధ్య పొత్తు విచ్ఛినమై, దళ్‌(యు) బీజేపీతో జత కట్టడం తెలిసిందే! అయితే శరద్‌యాదవ్‌, ఆలీఅన్వర్‌ అన్సారీలు పార్టీ నిర్ణయాన్ని ధిక్కరించి వేరుగా ఉండిపోయారు. దీంతో దళ్‌(యు) నాయకత్వం వీరిద్దరి మీద చర్య తీసుకోవాలని రాజ్యసభ ఛైర్మెన్‌ను కోరింది. ఈ నేపథ్యంలోనే వారిద్దరిపై వేటు వేస్తూ వెంకయ్యనాయుడు నిర్ణయం తీసుకున్నారు. అంతేకాదు, ఆయన ఈ సందర్భంగా చేసిన వ్యాఖ్యలు ఆంధ్రా, తెలంగాణ శాసనసభాధిపతులకు చెంపపెట్టు వంటివనే చెప్పవచ్చు. చట్టసభల సభ్యుల పార్టీ ఫిరాయింపు కేసుల్లో సభాపతులు మూడు నెలల్లో నిర్ణయం తీసుకోవాలి. రాజ్యాంగంలోని పదో షెడ్యూల్‌ క్రింద సభ్యుల అనర్హతపై దాఖలు చేసిన పిటిషన్లపై సకాలంలో నిర్ణయం తీసుకోవాలి. అలా కొందరు సభాపతులు నిర్ణయం తీసుకోకపోతుండడం వల్లే వారి తీరుపై విమర్శలు వస్తున్నాయి. ఇలాంటి పిటిషన్లపై నిర్ణయం తీసుకునే విషయంలో సభాపతులు అనవసర కాలయాపన చేస్తున్నారని సుప్రీంకోర్టు కూడా అభిప్రాయపడింది. సభాపతులు ఇలాంటి పిటిషన్‌లను ఎంతోకాలం నానబెట్టడం మంచిది కాదు. పార్టీ ఫిరాయించిన సభ్యులకు చట్టప్రకారం వాదన చెప్పుకునే అవకాశం కల్పించి మూడు నెలల్లో సభాపతులు నిర్ణయం తీసుకోవాలి. ఇవీ భారత ఉపరాష్ట్రపతి వెంకయ్యనాయుడు చెప్పిన ఆణిముత్యాలు... నిన్నటిదాకా ఆయనా రాజకీయనాయకుడే! తెలుగుదేశంకు మిత్రపక్ష సభ్యుడే... ముఖ్యమంత్రి చంద్రబాబుకు సన్నిహితుడే! ఆయన నుండి తెలుగుదేశం వాళ్ళు ఏం నేర్చుకున్నారు? మూడున్నరేళ్ళుగా రాష్ట్రంలో పార్టీ ఫిరాయింపుల పర్వం జరుగుతోంది. వైకాపాకు చెందిన ముగ్గురు ఎంపీలను, 22మంది ఎమ్మెల్యేలను తెలుగుదేశంలో చేర్చుకున్నారు. పార్టీ ఫిరాయింపుల నిరోధక చట్టం క్రింద వారిపై చర్యలు తీసుకోవాలని వైసిపి పిటిషన్‌లు వేసింది. ఏపి శాసనసభాపతి నుండి ఉలుకు పలుకు లేదు. అంతెందుకు లోక్‌సభలో కూడా పార్టీ ఫిరాయించిన ముగ్గురు ఎంపీలపై ఇంతవరకు చర్యలు లేవు. పార్టీ ఫిరాయింపుల విషయంలో రాజ్యసభలో ఒక నీతి

ఉంటే ఆయా రాష్ట్రాలలో ఇంకో నీతి ఉంటుందా?

దళ్‌(యు) సభ్యులన్నా పార్టీని వీడిపోలేదు. పార్టీ నిర్ణయాన్ని ధిక్కరించారంతే! కాని ముగ్గురు ఎంపీలు, 22మంది ఎమ్మెల్యేలు వైసిపి గుర్తు మీద గెలిచి, పార్టీ ఫిరాయించారు. అలాంటి ఫిరాయింపుదారుల మీద చర్యలు తీసుకోకపోతే రాజ్యాంగానికి విలువలేదు. ఫిరాయింపుల నిరోధక చట్టానికి గౌరవం లేదు. మన సభాపతులు వెంకయ్యనాయుడును చూసైనా మారితే రాజకీయాలలో కొంతవరకన్నా విలువలను కాపాడినవారవుతారు.

kovindభారత్‌ 14వ రాష్ట్రపతిగా ఎన్డీఏ అభ్యర్థి రామ్‌నాథ్‌ కోవింద్‌ విజయం సాధించారు. ఆయనకు 7,02,044 విలువ ఓట్లు రాగా, సమీప ప్రత్యర్థి యూపిఏ అభ్యర్థి మీరా కుమార్‌కు 3,67,314 విలువ ఓట్లు మాత్రమే వచ్చాయి. రాష్ట్రపతి పదవికి ఈ నెల 17వ తేదీ ఎన్నిక జరిగింది. పోలైన ఓట్లలో రామ్‌నాథ్‌ కోవింద్‌కు 2,930 ఓట్లు రాగా, మీరాకుమార్‌కు 1844 ఓట్లు వచ్చాయి. ఆంధ్రప్రదేశ్‌ నుండి మొత్తం ఓట్లన్నీ ఎన్డీఏ అభ్యర్థి రామ్‌నాథ్‌ కోవింద్‌కే పడడం విశేషం. ఒక్క ఓటు కూడా యూపిఏ అభ్యర్థిని మీరాకుమార్‌కి రాకపోవడం గమనార్హం. ఏపిలోని అధికార తెలుగుదేశం, బీజేపీలతో పాటు, ప్రతిపక్ష వైయస్సార్‌ కాంగ్రెస్‌ పార్టీ కూడా రామ్‌నాథ్‌ కోవింద్‌కు మద్దతు తెలపడం తెలిసిందే! దేశంలోని 29 రాష్ట్రాల్లో యూపిఏ అభ్యర్థి ఒక్క ఓటు రానీ రాష్ట్రంగా ఆంధ్రప్రదేశ్‌ రికార్డు నెలకొల్పింది. దేశంలోని పార్లమెంట్‌ సభ్యులు, వివిధ రాష్ట్రాలలోని శాసనసభ్యులు తమ ఓటు హక్కును వినియోగించుకున్నారు. అనేక ఊహాగానాలు, పలువురి పేర్ల పరిశీలన తర్వాత ఉత్తరప్రదేశ్‌లోని దళిత వర్గానికి చెందిన రామ్‌నాథ్‌ కోవింద్‌ పేరును రాష్ట్రపతి అభ్యర్థిగా బీజేపీ తెరమీదకు తెచ్చింది. అప్పటికే ఆయన బీహార్‌ గవర్నర్‌గా పనిచేస్తున్నారు. బీజేపీ సీనియర్‌ నాయకుడు. ఎక్కడా వివాదాలు, ఆరోపణలు లేవు. దళిత వర్గాలకు చెందిన వాడనే కాదు, ఆరోపణలు లేని సమర్ధుడు కూడా కాబట్టి రాష్ట్రపతిగా ఆయన ఎంపికను ఏకగ్రీవం చేయొచ్చని బీజేపీ నాయకులు భావించారు. అయితే అభ్యర్థి విషయంలో బీజేపీ ఏకపక్షంగా వ్యవహ రించిందంటూ కాంగ్రెస్‌పార్టీ మాజీ లోక్‌సభ స్పీకర్‌ మీరాకుమార్‌ను తమ అభ్యర్థిగా పోటీకి నిలబెట్టింది. రామ్‌నాథ్‌కోవింద్‌కు ఎన్డీఏ పక్షాలతో పాటు యూపిఏలోని కొన్ని భాగస్వామ్య పార్టీలు కూడా మద్దతు తెలిపాయి. అలాగే దక్షిణాది రాష్ట్రాలైన ఆంధ్ర, తమిళనాడు, తెలంగాణ రాష్ట్రాలలో ప్రాంతీయపార్టీలన్నీ దాదాపుగా రామ్‌నాథ్‌ కోవింద్‌కే మద్దతు తెలిపాయి. దీంతో రాష్ట్రపతిగా ఆయన ఎన్నిక లాంఛనమే అయ్యింది. ఈ నెల 25వ తేదీన భారత 14వ రాష్ట్రపతిగా ఆయన రాష్ట్రపతి భవన్‌లోకి అడుగిడనున్నారు.

pattamఅద్వానీ... సుష్మాస్వరాజ్‌... మురళీమనోహర్‌ జోషి... రతన్‌ టాటా... ఇన్ఫోసిస్‌ నారాయణమూర్తి... అమితాబ్‌బచ్చన్‌... మోహన్‌ భాగవత్‌... రాష్ట్రపతి రేసులో చక్కర్లు కొట్టిన పేర్లు. వీరిలో ఎవరో ఒకరి పేరు ఖాయమనుకున్నారు. తీరా చూస్తే ఎవరూ వూహించని పేరు వెలువడింది. ప్రతిపక్షాలకు ఎలాంటి పోబిడి ఇవ్వకుండా, వేలెత్తి వంక చూపే వీలు లేకుండా దళిత వర్గాలకు చెందిన బీహార్‌ గవర్నర్‌ రామ్‌నాథ్‌ కోవింద్‌ను ఎన్డీఏ తరఫున రాష్ట్రపతి అభ్యర్థిగా ప్రకటించి అందర్నీ ఆశ్చర్యంలో ముంచెత్తారు.

రాష్ట్రపతి అభ్యర్థిగా అందరూ అద్వానీ పేరు వెలువడుతుందని ఆశించారు. నరేంద్ర మోడీ ఆ విధంగా అద్వానీ పట్ల తన గురుభక్తిని చాటుకుంటాడనుకున్నారు. బీజేపీని ఈ స్థాయికి చేర్చడంలో అద్వానీది కీలకపాత్ర! కాని ఆయనకు పార్టీ పరంగా కీలక పదవులేమీ రాలేదు. ఆయన స్థాయికి తగ్గ పదవి ఇక రాష్ట్రపతే! అది కూడా వయసురీత్యా ఇది చివరి అవకాశం ఆయ నకు. ఇప్పుడు ఆయనను రాష్ట్రపతిని చేయలేకపోతే ఇంకెప్పుడూ చేయలేమని తెలిసి కూడా బాబ్రీకేసులో సిబిఐ ఛార్జి షీట్‌ను సాకు చూపి ఆయనను పక్కన పెట్టారు. అద్వానీని రాష్ట్రపతి అభ్యర్థిగా ప్రకటిస్తే తాము మద్దతునిస్తామని ఏన్డీఏతర పార్టీలు కొన్ని ముందుకొచ్చాయి. అద్వానీ పట్ల వారికున్న అభిమానం సొంత పార్టీ వారికి లేకుండా పోయింది. నరేంద్రమోడీ, అమిత్‌షాల ద్వయం అద్వానీ పేరును వ్యూహాత్మకంగానే వెనక్కునెట్టేసింది. ఆయన రాష్ట్రపతి అయితే మున్ముందు తమకు సమస్యలు సృష్టిస్తాడనే భయం కావచ్చు, లేక తామిద్దరం కూడా గుజరాతీయులమే కాబట్టి మరో అత్యున్నత పదవి కూడా గుజరాతీలకే ఇస్తే... అన్నీ పదవులు మీకేనా అని ఇతర రాష్ట్రాల వారిలో వ్యతిరేకత వస్తుందనే ఆలోచన కావచ్చు... అద్వానీని పూర్తిగా పక్కన పెట్టేసారు. విపక్షాలపై తిరుగులేని దళిత బ్రహ్మాస్త్రాన్ని ప్రయో గించారు.

దళితనేత, బిహార్‌ గవర్నర్‌ రామ్‌నాధ్‌ కోవింద్‌ పేరును బిజెపి రాష్ట్రపతి అభ్యర్ధిగా ప్రకటించడం ద్వారా బిజెపి తన ప్రత్యే కతను.. రాజకీయచతురతను మళ్ళీ నిల బెట్టుకుంది. హేమాహేమీలెందరో ఈ పదవికి పోటీ పడుతున్నా, ఈ పదవికి బిజెపి ఎవరిని సూచిస్తుందా అని దేశంలో ఎంతో ఉత్కంఠత ఆవరించివున్న పరిస్థి తుల్లో అనూహ్యమైన రీతిలో బిజెపి వివాద రహితుడు, సౌమ్యుడు.. సహృదయుడు, పేదల హక్కుల పోరాటయోధుడు.. అన్నిటికీ మించి బడుగు బలహీనవర్గాల వాణిని వినిపింపజేసే దళితనేత అయిన రామ్‌నాధ్‌కోవింద్‌ పేరును ప్రకటించి దేశాన్నే ఆశ్చర్యపరచింది. న్యాయవాద వృత్తి నుంచి ఎదిగి రాజ్యసభ సభ్యునిగా, ఆ తర్వాత గవర్నర్‌గా..ఇప్పుడు రాష్ట్రపతి అభ్యర్ధిగా ఆయన జీవిత ప్రస్థానం ఎంతో విశేషమైనది. ప్రస్తుతం బిహార్‌ గవర్నర్‌గా బాధ్యతలు నిర్వహిస్తున్న 71 సంవత్సరాల కోవింద్‌ స్వస్థలం ఉత్తరప్రదేశ్‌లోని కాన్పూర్‌ దేహత్‌ జిల్లా దేరాపూర్‌ తాలూకా పారాంఖ్‌ అనే గ్రామం. 1945 అక్టోబర్‌ 1న ఆయన దళిత కుటుంబంలో జన్మిం చారు. కాన్పూర్‌ వర్శిటీలో బికాం, ఎల్‌ఎల్‌బి పూర్తిచేసి, 1971లో న్యాయవాదిగా స్థిర పడ్డారు. 1977-79 మధ్యకాలంలో ఢిల్లీ హైకోర్టు, సుప్రీంకోర్టుల్లో కేంద్రప్రభుత్వ న్యాయవాదిగా పనిచేశారు.ఆ తర్వాత న్యాయవాద వృత్తికే అంకితమయ్యారు. 1977 నుంచి కొంతకాలం పాటు జనతా పార్టీకి చెందిన అప్పటి ప్రధాని మొరార్జీ దేశాయికి ఆర్ధికశాఖకు సంబంధించి వ్యక్తిగత కార్యదర్శిగా, 1980-83 సంవ త్సరాల్లో సుప్రీంకోర్టులో కేంద్రప్రభుత్వ స్టాండింగ్‌ కాన్సుల్‌గా, 1986లో డిప్రెస్డ్‌ క్లాసెస్‌ లీగల్‌ఎయిడ్‌ బ్యూరో జనరల్‌ సెక్రటరీగా పనిచేశారు. ఆలిండియా కోలీ (ఎస్‌సి) సమాజ్‌కు నాయకత్వం వహిం చారు. ప్రత్యేకించి ఆర్‌ఎస్‌ఎస్‌ నేపథ్యం వున్న కోవింద్‌ కమలదళానికి విధేయులు. మతానికంటే బడుగు బలహీనవర్గాల సాధికారత రాజకీయాలవైపే ఆయన ప్రధానంగా మొగ్గుచూపుతుంటారు. ఇక పోతే, ఉత్తరప్రదేశ్‌ రాజకీయాల్లో ఆయనకు కేంద్ర హోమ్‌శాఖ మంత్రి రాజ్‌నాధ్‌సింగ్‌కు సన్నిహితునిగా పేరుంది. 1991లో లోక్‌ సభ ఎన్నికల్లో తొలిసారిగా ఆయన

ఉత్తరప్రదేశ్‌లోని ఎస్‌సి రిజర్వుడ్‌ సీటుగా వున్న ఘాటంపూర్‌ నుంచి పోటీచేసి ఓడి పోయారు. ఆ తర్వాత 1994, 2006లో బిజెపి తరఫున రెండుసార్లు రాజ్యసభకు ఎన్నికయ్యారు. 12 ఏళ్లపాటు ఎంపీగా పనిచేసి, 2007లో తన సొంతజిల్లాలోని భోగినీపూర్‌ స్థానం నుంచి యుపి అసెం బ్లీకి పోటీచేసి ఓడిపోయారు. ఆ తర్వాత ప్రత్యక్ష, పరోక్ష ఎన్నికల్లో ఆయన పోటీ చేయలేదు. యుపి బిజెపి ప్రధాన కార్య దర్శిగా పనిచేసిన కోవింద్‌ 1998-2002 మధ్య బిజెపి దళితమోర్చా అధ్యక్షునిగా బాధ్యతలు నిర్వర్తించారు. ఎస్సీ, ఎస్టీ సామాజిక సాధికారత కమిటీ సహా అయిదు పార్లమెంటరీ కమిటీల్లో వున్నారు. 2002లో ఐక్యరాజ్యసమితికి భారత బృందం సభ్యునిగా వెళ్ళి అక్కడ ప్రసంగిం చారు. 2014లో బిజెపి అధికారంలోకి వచ్చాక కోవింద్‌ను బిహార్‌ గవర్నర్‌గా నియమించారు. తాజాగా ఆయన పేరును బిజెపి రాష్ట్రపతి అభ్యర్థిగా ప్రకటించారు. ఈ విధంగా ఆయన ప్రస్థానం రాజ్‌

భవన్‌ నుండి రాష్ట్రపతి భవన్‌ వైపుకు మళ్ళనుంది.

Page 1 of 2

newsbottomad

ఎక్కువగా చదివిన వార్తలు

  • మంత్రి పోటీలో లేకుంటే.. మేమే...
    నెల్లూరు నగరం నుండి మంత్రి నారాయణ పోటీ చేస్తే... గెలుపు ఆయనదే! నెల్లూరు నగర టీడీపీ నాయకుల స్టేట్‌మెంట్‌ ఇది. ఇది పైకి మాత్రమే! ఆయన పోటీ చేయకుంటే మాత్రం సీటు మాకే ఇవ్వాలి. ఇదీ నాయకుల మనసులోని మాట. సీటును…
  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • ప్రాణాలను మింగుతున్న చెరువులు
    అన్నెంపున్నెం ఎరుగని, ఆడుతూపాడుతూ తిరిగే ముగ్గురు చిన్నారులను చెరువు మృత్యుకౌగిలిలోకి తీసుకెళ్లింది. ముగ్గురు చెరువులో మునిగి విగతజీవులుగా మారారు. తమ బిడ్డలు ఇక లేరని తెలియడంతో తల్లిదండ్రులు గుండెలవిసేలా రోధించారు. ఈ హృదయ విదారక ఘటన నెల్లూరుజిల్లా దొరవారిసత్రం మండలం వడ్డికండ్రిగ…
  • పోలవరం... ఇక కలవరం
    ఈ ప్రాజెక్ట్‌ నువ్వే చెయ్యాలి బాబూ అని వాళ్ళు అడగలేదు... ఆ ప్రాజెక్ట్‌ వాళ్ళ బాధ్యత... పూర్తి చేయాల్సింది వాళ్ళు... రాష్ట్ర విభజన చట్టంలో క్లియర్‌గా వుంది. ఈయన తగుదునమ్మా అంటూ వెళ్ళాడు... పోలవరం ప్రాజెక్ట్‌ నిర్మాణ బాధ్యత మేమే తీసుకుంటామన్నాడు.…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…

Newsletter