jagaరాజకీయాలకు ఓ భాష ఉంటుంది. రాజకీయ నాయకులు మాట్లాడే మాటలకు ఓ పరిధి ఉంటుంది. నాయకులు మాట్లాడే మాటలు, చేసే విమర్శలు ప్రత్యర్థుల మనస్సులను తాకాలే గాని అవతలి వారి మనస్సులను నొప్పించకూడదు. ప్రజల హృదయాలను స్పందించేలా చేయాలి, ప్రత్యర్థుల అక్రమాలను సంధించాలి. అంతేగాని, మన మాట మనల్ని ఆత్మరక్షణలో పడేలా చేయకూడదు.

రాజకీయాలలో పార్టీలు, ప్రత్యర్థులు మాత్రమే వుండాలి గాని, నాయకుల మధ్య శత్రుత్వాలు ఉండకూడదు. రాజకీయంగా ప్రత్యర్థిని ఓడించాలనుకోవడంలో తప్పులేదు. కాని కక్షలూ కార్పణ్యాలు పెంచుకోవడమే తప్పు!

నాయకులకు విజ్ఞత, విధేయత చాలా ముఖ్యం. మాట తీరు, మంచి పలకరింపు తోనే నాయకులు ప్రజానాయకులుగా ఎదుగుతుంటారు. ఈ క్రమంలో చూస్తే ప్రతిపక్ష నేతగా వున్న వై.యస్‌.జగన్మోహన్‌ రెడ్డి ఇంకా కొన్ని నేర్చుకోవాలనిపిస్తోంది. తనను తాను ఇంకా మార్చుకోవాల్సిన అవసరం ఉందనిపిస్తోంది. మొన్న నంద్యా లలో జగన్‌ పాల్గొన్న బహిరంగ సభ బ్రహ్మాండంగా జరిగింది. ఈ సభలో జగన్‌ ప్రసంగం అద్భుతంగా సాగింది. ప్రభుత్వ వైఫల్యాలపై ఆయన చేసిన విమర్శలు ప్రజల్లో మంచి స్పందనను కలిగించాయి. వైసిపి అధికారంలోకి వస్తే ఏమేం చేయాలనుకుంటున్నది చెప్పి భవిష్యత్‌పై ఆలోచన వున్న నేతగా తనను తాను నిరూపించుకున్నాడు. ఇక బహిరంగ సభకు వచ్చిన జనాన్ని చూసైతే తెలుగు దేశం నాయకుల కళ్లు చెదిరివుంటాయి. అన్నింటికి మించి వైసిపిలో చేర్చుకునే ముందు శిల్పాచక్రపాణిరెడ్డి చేత ఎమ్మెల్సీ పదవికి రాజీనామా చేయించిన విధానం జగన్‌ ఆచరిస్తున్న రాజకీయ విలువలకు అద్దం పట్టింది. నాలుగు దశాబ్దాల రాజ కీయ అనుభవమున్న చంద్రబాబునాయుడు విలువలకు తిలోదకాలిచ్చి 21మంది వైసిపి ఎమ్మెల్యేలను రాజీనామా చేయించకుండానే తన పార్టీలో చేర్చుకున్నాడు. వారిలో మళ్ళీ నలుగురికి మంత్రి పదవులిచ్చాడు కూడా! రాజకీయాల్లో కనీస విలువలను కూడా ఆయన పాటించలేదు. రాజకీయంగా ఎనిమిదేళ్ల అనుభవం మాత్రమే వున్న జగన్‌ నీతికి కట్టుబడి శిల్పాచక్రపాణిరెడ్డి చేత రాజీనామా చేయించి, నైతికంగా చంద్ర బాబుపై పైచేయి సాధించాడు.

నంద్యాల ఎన్నికల నేపథ్యంలో జగన్‌ అనుసరించిన విధానాలు, ప్రసంగాలలో పేర్కొన్న అంశాలు ప్రత్యర్థులను సైతం ఆకర్షించాయి. అయితే అదే ఆవేశంలో 'నంద్యాల ఉపఎన్నికల్లో సానుభూతి కోసం కుయుక్తులు, కుతంత్రాలు పన్నుతున్న ముఖ్యమంత్రి చంద్రబాబును నడిరోడ్డుపై కాల్చి చంపినా తప్పులేదు' అంటూ జగన్‌ చేసిన వ్యాఖ్యలు సభా కార్యక్రమాన్నంతా హైజాక్‌ చేసాయి. ఒక ముఖ్యమంత్రి గురించి ఒక ప్రతిపక్ష నేత ఇలా వ్యాఖ్యా నించకూడదు. విమర్శలకైనా ఒక లక్ష్మణ రేఖ ఉంటుంది. దానిని ఎవరూ అతిక్ర మించకూడదు. అదేమంటే అసెంబ్లీలో చంద్రబాబు మా అంతు చూస్తామని బెదిరించలేదా? దేవినేని ఉమా ఇలా అన్నాడు... అచ్చెన్నాయుడు అలా అన్నాడు అంటూ వైసిపి నాయకులు ప్రతి విమ ర్శలకు దిగుతున్నారు. వాళ్ళు సభ్యత సంస్కారం మరిచారని, మీరు కూడా వారి బాటపట్టాలా? దేవినేని ఉమ, అచ్చెన్నా యుడులు ఏం మాట్లాడినా జనం పట్టించు కోరు, ఎందుకంటే జనం వాళ్ళ గురించి ఆలోచించరు కూడా! కాని, జగన్‌ మాట్లా డింది జనం ఆలకిస్తారు, ఆలోచిస్తారు. కాబట్టి జనం ముందు మాట్లాడేటప్పుడు ఆచుతూచి మాట్లాడ్డం నేర్చుకోవాలి.

1999 ఎన్నికల వరకు కూడా దివంగత నేత వై.యస్‌.రాజశేఖరరెడ్డి ఇదే ఆవేశంతో మాట్లాడేవాడు. చంద్రబాబు మీదకు ఒంటి కాలితో లేచేవాడు. అప్పుడు కూడా ఆయన ఆవేశపూరిత ప్రసంగాలపై విమర్శలు వచ్చాయి. 1999 ఎన్నికల తర్వాత ఆయన తనను తాను మార్చుకు న్నాడు. తనను తాను గొప్ప వక్తగా మలచు కున్నాడు. ముఖ్యమంత్రి అయ్యాక సంధర్భో చితమైన మాటలు, పదాలు, విమర్శలతోనే చంద్రబాబును ఆడుకున్నాడు. గతంతో పోలిస్తే జగన్‌లోనూ చాలా మార్పు కనిపి స్తోంది. ప్రసంగాల విషయంలో ఇం కొంచెం జాగ్రత్త పడడం మంచిది.

chan jagమన రాష్ట్ర రాజకీయాలకు, కేంద్రంలో జరిగిన, జరుగుతున్న రాష్ట్రపతి, ఉపరాష్ట్రపతి ఎన్నికలకు ఏదో లింకువుంది. ఇప్పటికే రాష్ట్రపతి ఎన్నిక ముగిసింది. ఎన్డీఏ అభ్యర్థికే రాష్ట్రంలోని అధికార, విపక్ష పార్టీలు రెండూ ఓటేశాయి. అలాగే ఉపరాష్ట్రపతికి కూడా ఇరు పార్టీలు మద్దతు పలికాయి.

ఉపరాష్ట్రపతి ఎన్నికల తర్వాత రాష్ట్ర రాజకీయాల్లో ఏవో ఊహించని పరిణామాలు చోటుచేసుకునే అవకాశాలు కనిపిస్తున్నాయి. కేంద్రంలో ప్రధాని మోడీ అంటే భయపడు తున్న ప్రాంతీయ పక్షాలన్నీ కూడా రాష్ట్రపతి, ఉపరాష్ట్రపతి ఎన్నికల్లో ఎన్డీఏకు మద్దతు ప్రకటించాయి. తెలంగాణలో జరిగింది అదే! మన రాష్ట్రంలో జరిగింది కూడా అదే! కొన్ని ప్రాంతీయపార్టీలు ప్రధాని నరేంద్రమోడీ దెబ్బకు జడిసే ఆయన ప్రతిపాదించిన రాష్ట్రపతి అభ్యర్థికి మద్దతు తెలిపా యనే వాదన లేకపోలేదు. రాష్ట్రపతి ఎన్నికల్లో అన్ని పార్టీల సహకారం కూడా అవసరం కాబట్టి బీజేపీ అధినాయకత్వం ఆయా రాష్ట్రాల రాజకీయాల్లో వేలుపెట్టడం ఖాయంగా కనిపిస్తోంది. ప్రధానంగా దక్షిణాది రాష్ట్రాలలో బలం పెంచుకోవడం పై కాషాయదండు దృష్టి పెట్టినట్లుగా తెలు స్తోంది. తమిళనాడు రాజకీయాలను ఇప్పటికే కలబెట్టారు. రాష్ట్రపతి ఎన్నికలు ముగిసాయి. ఉపరాష్ట్రపతి ఎన్నికల తర్వాత అక్కడ పెను రాజకీయ మార్పులు సంభవించే సూచనలున్నాయి. తెలంగాణలో కేసీఆర్‌ను తొక్కడం వారికి ఇప్పట్లో సాధ్యమయ్యే పని కాదు. కాబట్టి ఆ రాష్ట్రంలో కేసీఆర్‌తో కలిసిపోయి సీట్లు పెంచుకోవడమా లేక కేసీ ఆర్‌తో కొట్లాడి ఇప్పటివరకు ప్రతిపక్షంగా వున్న కాంగ్రెస్‌ స్థానాన్ని ఆక్రమించడమా? ఈ రెండింటిలో ఖచ్చితంగా ఒకటి జరుగుతుంది.

అన్నింటికంటే బీజేపీ అగ్రనేతల లక్ష్యం ఆంధ్రప్రదేశ్‌గా కనిపిస్తోంది. ప్రస్తుతం రాష్ట్రంలో అధికార, విపక్షాలుగా వున్న తెలుగుదేశం, వైయస్సార్‌ కాంగ్రెస్‌లు ఎన్డీఏ రాష్ట్రపతి అభ్యర్థికే మద్దతు పలికాయి. కేంద్రంలో బీజేపీతో ఈ రెండు పార్టీల అధినేతలు చంద్రబాబు, జగన్‌లు సఖ్యతనే కోరు కుంటున్నారు. ఇప్పటికిప్పుడు మోడీతో పేచీ పెట్టుకోవాలనే ఆలోచన వారికి లేదు. దీనికి వారి కారణాలు వాళ్ళకు న్నాయి. దేశంలో మోడీ ఇమేజ్‌ పెరిగింది. కాబట్టి బీజేపీతో పొత్తు పెట్టుకుంటే రాజకీయంగా లాభమే కాని నష్టం లేదని ఇద్దరికీ తెలుసు. ఇది రాజకీయ పరమైన ఆలోచన. ఇక రెండోది ఇద్దరి మీద కేసులున్నాయి. చంద్రబాబు మీద ఓటు-నోటు కేసు బలంగా వుంది. రాష్ట్రంలో చంద్రబాబు నాయకత్వాన్ని బలహీనపరచాలనుకుంటే కేంద్రం ఈ ఒక్క కేసును కోర్టు మెట్లెక్కిస్తే చాలు. జేఎంఎం ఎంపీలను కొను గోలు చేసిన స్వర్గీయ పి.వి.నరసింహరావు ఎన్ని అవస్థలు పడ్డాడో తెలియంది కాదు. చంద్రబాబు అందుకు మినహా యింపు కాదు. 'ఓటు-నోటు' కేసు నుండి బయటపడేందుకు, దానిని ఎక్కడ తిరగ తోడి తన మీదకు ఉసిగొల్పుతారేమోననే భయంతో ఆయన బీజేపీని వదలడం లేదు. ఇక జగన్‌ మీద అక్రమ ఆస్తుల కేసులు రన్నింగ్‌లో వున్నాయి. వై.యస్‌. పరిపాలనా వ్యవహారాలలో జగన్‌ ప్రత్యక్ష ప్రమేయం ఎక్కడా లేదు. సోనియాగాంధీ కక్షకొద్ది పెట్టిన కేసులివి. ఇప్పుడు జగన్‌ను రాజకీయంగా ఇబ్బంది పెట్టాలంటే కేంద్రం ఈ కేసులను బాగానే వాడుకోవచ్చు. తన మీదున్న కేసుల దృష్ట్యా కూడా జగన్‌ బీజేపీతో సఖ్యతగా ఉంటున్నా డనిపిస్తోంది.

చంద్రబాబు, జగన్‌లిద్దరు కూడా ప్రధానంగా కేసుల దృష్టితోనే బీజేపీతో చెలిమికి సిద్ధమవుతున్నారు. మరి ఈ రాష్ట్రంలో బీజేపీ ఎవరికి ప్రాధాన్యతనివ్వనుందన్నది ప్రశ్నార్ధకంగా మారింది. ఇప్పటివరకైతే తెలుగుదేశంతోనే పొత్తుంది. అయితే ఈ రాష్ట్రంలో బీజేపీతో పొత్తు వల్ల టీడీపీ లాభపడిందేగాని, టీడీపీతో పొత్తు వల్ల బీజేపీకి ఒరింగిదేమీ లేదు. అదీగాక 1983లో వున్నంత బలంగా కూడా రాష్ట్రంలో బీజేపీ ఇప్పుడు లేదు. దీనికి కారణం తెలుగుదేశం నీడలో ఎదగలేకపోవడమే! ఆదే వైసిపితో అయితే రాష్ట్రంలో మున్ముందు బలం పెంచుకోవడానికి అవకాశం ఉంటుంది. రాష్ట్రంలో అన్ని అవకాశాలను పరి శీలించాకే, ఉపరాష్ట్రపతి ఎన్నికలు ముగిసిన తర్వాత బీజేపీ అధిష్టానం రాష్ట్ర రాజకీయాలపై కీలక నిర్ణయం తీసుకునే అవకాశం కనిపిస్తోంది.

jagan'నాకు ఓట్లేయకుంటే నేనేసిన రోడ్ల మీద నడవొద్దు... నేనిచ్చే పింఛన్‌లు, రేషన్‌ తీసుకుంటూ నాకు ఓట్లేయరా... హైటెక్‌ సిటి నేనే కట్టించాను... హైదరాబాద్‌ను నేనే డెవలప్‌ చేసాను... కంప్యూటర్‌ కనిపెట్టింది నేనే... సత్య నాదెళ్లను మైక్రోసాఫ్ట్‌ సిఇఓను చేసింది నేనే'' అని చెప్పుకునే నాయకుడికి...

''ఊరన్నాక అందరూ కలిసిమెలసి ఉండాలి, ఒకరి కష్టాల్లో ఒకరు తోడుండాలి, మీరు లేకుండా వాళ్ళు లేరు, వాళ్ళు లేకుండా మీరు లేరు... ఒకొరికొకరు సహకరించుకుని ముందుకు సాగితేనే మనిషి జీవితం'' అని చెప్పిన నాయకుడికి ఎంత తేడా?

మొదటి నాయకుడిది నలభై ఏళ్ల రాజకీయ అనుభవమైతే, రెండో నాయకుడి వయసు నాలుగు పదులు దాటిందంతే! నాయకుడు హూందాగా ఆలోచించడానికి, మంచి జరగాలని కోరుకోవడానికి అనుభవంతో... వయసుతో పని లేదు, మనసుంటే చాలని నిరూపించాడు ప్రతిపక్ష నేత వై.యస్‌.జగన్మోహన్‌రెడ్డి.

1978లో అంజయ్య కేబినెట్‌లో చంద్రబాబు మంత్రయ్యే నాటికి జగన్‌ది చెడ్డీలు తొడుక్కునే వయసు. చంద్రబాబు రాజకీయ అనుభవంతో పోలిస్తే జగన్‌ వటవృక్షం ముందు వేరుముక్క లాంటోడు. అయినా ఆయన అనుభవం సమస్యలు సృష్టిస్తుంటే, చాలా అనుభవం తక్కువ వున్న జగన్‌ ఎంతో సమయస్ఫూర్తితో సమస్యలను చల్లారుస్తున్నాడు. పశ్చిమగోదావరి జిల్లా పాలకోడేరు మండలం గరగపర్రు గ్రామంలో దళితులు, అగ్రవర్ణాల మధ్య రావణకాష్టంలా రేగిన కుల దావాగ్నిని జగన్‌ ఎంతో ఓర్పుతో, నేర్పుతో చల్లార్చిన తీరు రాజకీయ విమర్శకుల నుండి సైతం ప్రశంసలు అందుకొంది.

పశ్చిమ గోదావరి జిల్లా గరగపర్రు గ్రామంలో భారత రాజ్యాంగ నిర్మాత డాక్టర్‌ బి.ఆర్‌.అంబేద్కర్‌ విగ్రహాన్ని ప్రతి ష్టించే విషయంలో దళితులకు, అగ్రవర్ణాల వారికి మధ్య వివాదం రాజుకుంది. రాష్ట్ర వ్యాప్తంగా దళిత సంఘాలు ఈ వివా దంలో తల దూర్చాయి. నానాటికీ సమస్య తీవ్రమవుతున్నా, గతంలో జరిగిన కారం చేడు, చుండూరు వంటి సంఘటనలు కళ్లముందు కదలాడుతున్నా ప్రభుత్వం ఆ వివాదాన్ని చల్లార్చే ప్రయత్నం చేయలేదు. ఆ వివాదంలో దిగి ఒకరి పక్కన మాట్లా డితే ఇంకొకరి ఓట్లు పోతాయనే భయంతో అధికారపార్టీ కిమ్మనకుండా ఉండిపోయింది.

కాని ప్రతిపక్ష నేతగా జగన్‌ సైలెంట్‌ కాలేదు. ఈ వివాదంలో తలదూరిస్తే కొం దరు దూరమవుతారని పార్టీ నాయకులు సలహా ఇచ్చినా జగన్‌ వినిపించుకోలేదు. గరగపర్రు వెళ్లాడు. దళితులతో కలిసి నేలపైనే కూర్చున్నాడు. వారు పెట్టింది తిన్నాడు. వారు చెప్పింది విన్నాడు. వారిలో అగ్రవర్ణాల వారిపై తిరగబడండంటూ విద్వేషం నూరిపోయలేదు. ఊరన్నాక అందరూ కలిసిమెలిసి వుండాలని చెప్పి, వారిలో వున్న ఆవేశాన్ని తగ్గించాడు. అలాగే ఆ గ్రామంలోని అగ్రవర్ణాల వారి తోనూ ఆయన మాట్లాడాడు. దళితులను మీ వాళ్ళుగా చూడాలని, అంబేద్కర్‌ అందరివాడని, జాతీయ నాయకుడని చెప్పారు. ఇలా ఇరువర్గాల వారిని శాం తింపజేసి సమన్వయ పరచి, ప్రభుత్వం చేయలేని పనిని ప్రతిపక్ష నేతగా తాను చేసి చూపించాడు. ఈ మొత్తం వ్యవహా రంలో ఆయన ఎక్కడా రాజకీయాలు మాట్లాడలేదు. ప్రభుత్వంపై విమర్శలు చేయలేదు. అదే ఈ పొజిషన్‌లో చంద్ర బాబు ఉండుంటే అరగంట తన గురించి చెప్పుకుని, అరగంట ప్రతిపక్షాన్ని తిట్టి అరనిముషం సమస్య గురించి మాట్లాడి వుండేవాడు.

గరగపర్రు వివాదంలో జగన్‌ వ్యవహ రించిన తీరుపై ఆయన ప్రత్యర్థి పార్టీల నేతలు కూడా మెచ్చుకుంటున్నారు. శెభాష్‌ జగన్‌ అని అభినందిస్తున్నారు.

Page 1 of 11

newsbottomad

ఎక్కువగా చదివిన వార్తలు

  • అసలు పని వదిలేసి... అన్న క్యాంటిన్‌లు ఎందుకో?
    గుర్రం చేసే పని గుర్రం చేయాలి, గాడిద చేసే పని గాడిద చేయాలి... అని పెద్దలు చెప్పిన పాత మోటు సామెత అందరూ వినే వుంటారు. పారిశుద్ధ్య కార్మికుడి పని వీధులను శుభ్రంగా ఉంచడం... ఆ పని అతనే చెయ్యాలి. అదే…
  • తప్పెవరిది?
    నెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి…
  • ఆ పైపులతో... ఆయకట్టుకు నీళ్ళు కట్‌
    చేసే అభివృద్ధి పనులు ప్రజలకు మంచి చేసేలా వుండాలేగాని ఇంకొంచెం ఇబ్బందిగా మారకూడదు. ఒకరి సమస్య తీర్చడానికి చేస్తున్న పని ఇంకో పది మందికి సమస్య కాకూడదు. కాని, నెల్లూరు రూరల్‌ పరిధిలోని 31వ డివిజన్‌ శ్రామికనగర్‌ వద్ద కనుపూరు కాలువపై…
  • ఓటమి నేర్పిన పాఠమేంటి?
    గెలిస్తే ప్రపంచానికి నువ్వు తెలుస్తావ్‌... ఒక్కసారి ఓడిపోయి చూడు ప్రపంచమేంటో నీకు తెలుస్తుంది. రాజకీయాలలో గెలుపును ఆస్వాదించే వాడు కాదు, ఓటమిని భరించేవాడు, ఆ ఓటమితో పాఠాలు నేర్చుకునే వాడు, ఆ ఓటమిని రేపటి విజయానికి మెట్లుగా మలచుకునేవాడే నిజమైన రాజకీయ…
  • వైకాపాలోనూ... నేతలమధ్య కలతలు
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాల్లో నెల్లూరొకటి. ఒకప్పుడు కాంగ్రెస్‌కు కంచుకోట లాంటి ఈ జిల్లా ఇప్పుడు వైకాపాకు పెట్టనికోట అయ్యింది. 2014 ఎన్నికల్లో నెల్లూరు, తిరుపతి ఎంపి స్థానాలతో పాటు జిల్లాలో ఏడు అసెంబ్లీ స్థానాలను గెలుచుకుంది. ఆ…

Newsletter