jaganరాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల పాటు సమర్ధవంతంగా పనిచేయని ప్రతిపక్షం ఒక్క నెలలో పుంజుకుని అధికారంలోకి రావొచ్చు. రాజకీయాలలో ఏదైనా సాధ్యమే!

ఇలాంటి ట్రెండే ఇప్పుడు ఆంధ్రప్రదేశ్‌ రాజకీయాలలో నడుస్తోంది. రెండు నెలల క్రితం దాకా కూడా రాష్ట్ర రాజకీయా లలో ఒక విధమైన వాతావరణం వుండింది. 2019 ఎన్నికల్లోనూ తిరిగి తెలుగుదేశమే అధికారంలోకి వస్తుందని, చంద్రబాబు అనుభవజ్ఞుడని, ఆయన తిమ్మిని బమ్మిని చేసైనా పార్టీని గెలి పించుకోగలడని నమ్ముతూ వచ్చారు. ముఖ్యంగా జగన్‌ ఎంత అరచి గీపెట్టుకున్నా రాయలసీమ, నెల్లూరు, ప్రకాశం జిల్లాల్లో తప్పితే గుంటూరు నుండి శ్రీకాకుళం దాకా వైసిపికి పెద్దగా సీట్లు రావని, చంద్రబాబే మళ్ళీ సీఎం అంటూ విశ్వసించారు. దీనికితోడు చంద్రబాబు అనుకూల మీడియా కూడా ఆయనకే బాకా ఊదసాగింది.

కాని రాష్ట్ర రాజకీయాలలో కేవలం రెండు నెలల కాలంలోనే పెనుమార్పులు చోటుచేసుకున్నాయి. జగన్‌ తీసుకున్న స్థిరమైన నిర్ణయాలు ప్రజల్లో వైకాపా ఇమేజ్‌ను పెంచగా, చంద్రబాబు 'యూ టర్న్‌' రాజకీయాలు ఆయన పార్టీకి పెద్ద డామేజీ అయ్యాయి. ఏపికి ఎంతో ప్రయోజనం చేకూర్చే ప్రత్యేకహోదా విషయంలో చంద్రబాబు వైఖరి ప్రజలకు నచ్చలేదు. ముఖ్యంగా యువత విశ్వాసాన్ని ఆయన కోల్పోయాడు. ఓటర్ల జాబితా నుండి వృద్ధులు తొలుగుతుంటారు, యువత కొత్తగా చేరుతుంటుంది. ప్రత్యేక హోదా ఉద్యమం యువత కోసమే. కాబట్టే వాళ్ళు జగన్‌ పట్ల అభిమానం చూపుతున్నారు. హోదా ఉద్యమంలో జగన్‌ దూకుడు ప్రజల ఆమోదం పొందింది. ప్రత్యేకహోదాను మొదట వ్యతి రేకించి తర్వాత హోదానే కావాలన్న చంద్రబాబు డ్రామాలను ప్రజలు అంగీకరించడం లేదు.

దీనికితోడు ఎన్డీఏ నుండి బయటకొచ్చాక టీడీపీ ప్రభుత్వ అవినీతిపై విమర్శలు పెరిగాయి. చంద్రబాబు అవినీతిని లెక్కలతో సహా వివరిస్తామని బీజేపీ నాయకులు పేపర్లు పట్టుకుని తిరుగు తున్నారు. మరోపక్క జనసేన పవన్‌కళ్యాణ్‌ చేసిన అవినీతి ఆరోపణలు కూడా తెలుగుదేశంను అతలాకుతలం చేసాయి. ఇక నాలుగేళ్ళ చంద్రబాబు పాలనలో అన్నీ వైఫల్యాలే. ఒక్క విజయమూ లేదు. చెప్పుకోదగ్గ పని ఒక్కటీ లేదు.

చంద్రబాబుపై నమ్మకం సడలిపోయింది. అదే సమయంలో జగన్‌పై ప్రజలలో నమ్మకం పెరుగుతోంది. ప్రత్యేకహోదా ఉద్య మంలో ఒకే మాట, ఒకే బాట అంటూ నాలుగేళ్ళుగా జగన్‌ సాగించిన పోరాటం ఆయనకు మైలేజీని పెంచింది. ఇక ప్రజా సంకల్పయాత్ర అంటూ ఇడుపులపాయ నుండి ఇచ్ఛాపురం దాకా ఆయన మొదలుపెట్టిన పాదయాత్ర జైత్రయాత్రలాగా సాగుతోంది. వైసిపికి పట్టున్న కర్నూలు, కడప, చిత్తూరు, నెల్లూరు, ప్రకాశం జిల్లాల్లోనే కాదు, టీడీపీ కంచుకోటలు గుంటూరు, కృష్ణా జిల్లాల్లోనూ జగన్‌ పాదయాత్ర ప్రభంజనంలా మారింది. రాష్ట్రంలో రాజకీయ విశ్లేషణలు సైతం మారిపోయాయి. కొద్ది నెలల క్రితంవరకు మళ్ళీ తెలుగుదేశందే అధికారం అంటున్న గొంతులు కూడా ఇప్పుడు పెగలడం లేదు. 2014 ఎన్నికల్లో తెలుగుదేశానికి ఓటేసిన ప్రతి పదిమందిలో ఐదుమంది ఆ పార్టీ పనితీరుపై అసంతృప్తితో వున్నారు. కాని, అదే ఎన్నికల్లో వైసిపికి ఓటేసిన ప్రతి పదిమందిలో తొమ్మిదిమంది వైసిపితోనే వున్నారు.

కరెక్ట్‌గా ఇంకో ఏడాదిలో ఎన్నికలు... ఎలక్షన్‌ ట్రెండ్‌ మొద లైనట్లే! ఇక్కడనుండే ఎత్తులు, పైఎత్తులు మొదలవుతాయి. ఇప్పటికైతే రాష్ట్రంలో వైసిపికి అనుకూల వాతావరణముంది. చంద్రబాబు సరిదిద్దుకోలేనంత వ్యతిరేకత తెచ్చుకున్నాడు. శత్రువు బలహీనతనే జగన్‌ తన బలంగా మలచుకుంటే ఇదే ట్రెండ్‌ ఎలక్షన్‌లలో ఉపయోగపడుతుంది.

janamజనం... జనం... ఎటు చూసినా జనం... ఏ సందు చూసినా జనం... చెట్ల క్రింద... పుట్లపైన... పొలాల గట్ల మీద జనమే జనం... జాతరకి తరలి వచ్చా రన్నట్లుగా జనం... మొలగొలుకులకు, రాజకీయ మొనగాళ్ళకు పేరెన్నికగన్న సింహపురిసీమలో, ఉద్యమాలకు, రాజ కీయ చైతన్యానికి వేదికైన నెల్లూరుజిల్లాలో వైకాపా అధినేత వై.యస్‌.జగన్మోహన్‌రెడ్డి తొలి అడుగే అదిరింది.

రాయలసీమ నాలుగు జిల్లాలలో ప్రజా సంకల్పయాత్ర ముగించు కొని ఈ నెల 23వ తేదీ ఉదయం పెళ్లకూరు మండలంలోని పెనబాక వద్ద జిల్లాలో అడుగు పెట్టిన జగన్‌కు ప్రజలు బ్రహ్మరథం పట్టారు. తమ కష్టాలు తెలుసుకోవడానికి, కన్నీళ్ళు తుడవడానికి, మీకు నేనున్నాననే భరోసా కల్పించడానికి వందల కిలోమీటర్ల దూరం నడిచొచ్చిన జగన్‌ను జనం అక్కున చేర్చుకున్నారు.

జగన్‌ను చూసేందుకు పాదయాత్ర జరుగుతున్న రోడ్లపైకి జనం తండోప తండాలుగా వస్తున్నారు. పాఠశాలలకు వెళ్ళే విద్యార్థులు జగన్‌ కోసం ఆగుతున్నారు. ఆయన్ను చూసాకే కదులు తున్నారు. పొలాల్లో పనులు చేసుకుంటున్న రైతులు జగన్‌ వస్తున్నా డని తెలియగానే పనులు పక్కనపెట్టి పరుగుపరుగున వస్తున్నారు. ఆయనతో కలసి అడుగులు వేస్తున్నారు. వృద్ధులు మా మనుమ డొచ్చాడంటూ, మహిళలు మా తమ్ముడొచ్చాడంటూ ఆయనను మంగళహారతులతో ఆత్మీయంగా స్వాగతిస్తున్నారు. అన్ని కులాలు, అన్ని మతాలు, అన్ని అసోసియేషన్‌ల నాయకులు పాదయాత్రలో జగన్‌ దృష్టికి తమ సమస్యలను తీసుకెళుతున్నారు. మనందరికీ త్వరలో మంచిరోజులు రానున్నాయంటూ ఆయన అందరికీ భరోసా ఇస్తూ ముందుకు కదులుతున్నాడు. ఆయా గ్రామాల ప్రజలు తమ గ్రామాలలో నెలకొన్న సమస్యలను ఆయన దృష్టికి తీసుకెళ్ళినప్పుడు ఆయన చాలాశ్రద్ధగా విని నోట్‌ చేసుకుంటు న్నాడు. జగన్‌తో సెల్ఫీలు తీసుకోవడానికి ఉత్సాహం చూపే ఏ ఒక్కరినీ ఆయన నిరాశపరచడం లేదు. చాలా ఓపిగ్గా వారితో సెల్ఫీలు దిగాకే ముందుకు కదులుతున్నాడు.

24వ తేదీ నాయుడుపేటలో జరిగిన బహిరంగ సభకైతే జనం పోటెత్తినట్లు వచ్చారు. జిల్లాలోని వైకాపా ఎంపీలు, ఎమ్మెల్యేలు, పార్టీ నాయకులు జగన్‌ అడుగుల్లో అడుగులు వేస్తూ ఆసాంతం పాదయాత్రలో వెన్నంటి ఉంటుండం విశేషం.

jaganవైకాపా అధినేత వై.యస్‌.జగన్మోహన్‌ రెడ్డి నిర్వహిస్తున్న ప్రజాసంకల్ప పాద యాత్ర ఈనెల 20వతేదీన నెల్లూరుజిల్లా లోకి ప్రవేశించనున్నట్లు తెలుస్తోంది. ఆయన రాకకోసం వైసిపి అభిమానులు, కార్యకర్తలు ఆతృతగా ఎదురుచూస్తున్నారు. వైయస్సార్‌ కడప జిల్లా ఇడుపులపాయ నుండి మొదలైన జగన్‌ ప్రజాసంకల్పయాత్ర కడప, కర్నూలు, అనంతపురం జిల్లాల మీదుగా సాగి ప్రస్తుతం సీఎం చంద్రబాబు సొంత గడ్డ చిత్తూరుజిల్లాలో జరుగు తోంది. ఇప్పటివరకు పర్యటించిన అన్ని జిల్లాలో జగన్‌ పాదయాత్రకు జనం జాతర మాదిరిగా వచ్చారు. పాదయాత్రలో ఇప్ప టికే 700 కిలోమీటర్ల మైలు రాయిని ఆయన అధిగమించాడు. ఖచ్చితంగా వెయ్యో కిలోమీటర్‌ మైలురాయికి నెల్లూరు జిల్లానే వేదిక కాగలదు.

ఈ నెల 20 లేదా ఒకరోజు ముందు వెనుక అయినా జగన్‌ జిల్లాలోకి ప్రవేశించే అవకాశముంది. శ్రీకాళహస్తి తర్వాత జగన్‌ జిల్లాలోకి ప్రవేశించనుండడంతో జిల్లా వైసిపి శ్రేణులు ఆయనకు ఘనస్వాగతం పలికేందుకు సన్నాహాలు చేస్తున్నాయి. జగన్‌ పాదయాత్రలో జిల్లాలోని 10అసెంబ్లీ నియోజకవర్గాలలో పర్యటించేలా వీలైనంత ఎక్కువ పల్లెలను పలుకరించేలా పార్టీ నాయకులు ప్లాన్‌ చేస్తున్నారు.

Page 1 of 3

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…

Newsletter