rocksవిజయవంతమైన ఉపగ్రహాల ప్రయోగానికి 'ఇస్రో' కేరాఫ్‌ అడ్రస్‌గా మారింది. ఇటీవల కాలంలో ఇస్రో వరుసబెట్టి వదులుతున్న రాకెట్లన్నీ కూడా సూపర్‌హిట్లే! అంతరిక్ష ప్రయో గాలలో ఒక్కో రాకెట్‌ ఒక్కో మలుపుగా ఉంటోంది. ఈమధ్య వరుస రాకెట్ల ప్రయోగాలతో నెల్లూరుజిల్లా శ్రీహరికోటలోని సతీష్‌ధావన్‌ అంతరిక్ష ప్రయోగ కేంద్రం(షార్‌) సందడిగా ఉంటోంది. మొన్నటికి మొన్న జిఎస్‌ఎల్‌వి రాకెట్‌ సక్సెస్‌ మరుగున పడక ముందే తాజాగా జూన్‌ 23వ తేదీ పిఎస్‌ఎల్‌వి-సి38ను ప్రయోగించి విజయపరంపరను కొన సాగించింది. 23వ తేదీ ఉదయం 9.29 గంటలకు షార్‌ సెంటర్‌ నుండి ప్రయోగించిన పిఎస్‌ఎల్‌వి-సి38 పూర్తిగా విజయవంతమైంది. 23.20 నిముషాల ప్రయోగకాలంలో మొత్తం 31ఉపగ్రహాలను నిర్ణీత కక్ష్యలలో ప్రవేశపెట్టింది. వీటిలో రెండు స్వదేశీ ఉపగ్రహాలతో పాటు 29 విదేశీ ఉపగ్రహాలు న్నాయి. ఈ ప్రయోగం విజయవంతం కావడంతో ప్రపంచ వ్యాప్తంగా ఇస్రో అంతరిక్ష వాణిజ్యావకాశాలు మెరుగుపడ్డాయి. ఇస్రో ప్రయోగాలపై ప్రపంచ దేశాలకు నమ్మకం పెరిగింది. అతితక్కువ ఖర్చుతో ఆయా దేశాల ఉపగ్రహాలను కక్ష్యలో ప్రవేశపెట్టే సంస్థగా ఇస్రో గణతికెక్కింది. ఈ ప్రయోగంతో 'ఇస్రో' అంతరిక్షంలోకి పంపించిన విదేశీ ఉపగ్రహాల సంఖ్య 209కి చేరడం విశేషం.

advaniలాల్‌కిషన్‌ అద్వానీ... ఆయన లేకుంటే బీజేపీ లేదు. ఆయన రథయాత్ర చేయకుంటే బీజేపీకి మనుగడ లేదు, ఆయన సారధ్యం వహించకుంటే బీజేపీకి విజయప్రస్థానం లేదు. ఆయనే అండగా నిలవకపోయి వుంటే ఈరోజు ప్రధానమంత్రి పీఠంపై నరేంద్ర మోడీయే ఉండేవాడు కాదు. ఈరోజు దేశవ్యాప్తంగా బీజేపీ విస్తరిస్తుం దన్నా, కేంద్రంలో తిరుగులేని శక్తిగా అవతరిస్తుందన్నా దాని క్రెడిట్‌ అంతా కూడా అద్వానీదే! ఆయన లేవనెత్తిన రామమందిరం అంశందే! బీజేపీని ఆయన నిలబెట్టాడు. ఆయన లేనిదే ఈరోజు బీజేపీ లేదు, ఉన్నా ఈ స్థాయిలో ఉండేది కాదు. ఆయన నిలబెట్టిన పార్టీలో అందరూ ఆయన భుజాల మీద నుండే పాదాలు పెట్టి ప్రధానులు, రాష్ట్రపతులు అవుతు న్నారు. కాని, ఆయన మాత్రం ఆ పదవు లను అందుకోలేకపోతున్నాడు. ఏ రామ జన్మభూమి - బాబ్రీ మసీదు వివాదమైతే ఈ దేశంలో భారతీయ జనతా పార్టీ ప్రాభవానికి పునాదిగా నిలిచిందో... అదే వివాదం అద్వానీ పదోన్నతికి ప్రతిబం ధకంగా నిలిచింది.

1996, 1998, 1999... మూడు సార్లు కేంద్రంలో బీజేపీకి సంకీర్ణ ప్రభుత్వం ఏర్పాటుకు అవకాశాలొచ్చాయి. మిత్ర పక్షాలన్నీ కూడా అతివాదిగా ముద్రవున్న అద్వానీ కాకుండా మితవాద ముద్ర వున్న వాజ్‌పేయినే ప్రధానిగా కోరుకున్నాయి. కాబట్టి ఆ మూడుసార్లు అవకాశం వాజ్‌పేయికి పోయింది. 2004, 2009 ఎన్నికల్లో బీజేపీ మట్టి కరిచింది. ఆ రెండు ఎన్నికల్లో ఏ ఒక్కసారి పార్టీ అధికారంలోకి వచ్చున్నా, అద్వానీయే ప్రధాని. కాని అదృష్టం, అవకాశం రెండూ కలసిరాలేదు.

2014 ఎన్నికల్లో ప్రధాని అభ్యర్థిగా నరేంద్రమోడీ తెరమీదకొచ్చాడు. వాస్త వంగా ఆ ఎన్నికల్లో యూపిఏ మీద వున్న వ్యతిరేకత కొద్ది ప్రజలు బీజేపీ సంకీర్ణ కూటమికే అధికారం కట్టబెట్టుండేవాళ్లు. మోడీగా ప్రదాని అభ్యర్థిగా ప్రచారం చేయకపోయి వున్నా బీజేపీ కూటమిదే అధికారం. ఇందులో సందేహం లేదు. కాకపోతే సీట్లు తగ్గేవంతే! మోడీ ఇమేజ్‌ వల్ల వూహించని విధంగా సీట్లు పెరి గాయి. అద్వానీ ప్రధాని కావడానికి వున్న చివరి అవకాశం 2014 ఎన్నికలే! మోడీ రూపంలో అక్కడా బ్రేకు పడింది.

దేశంలో అద్వానీ స్థాయికి సరితూగ గల పదవి ఇక రాష్ట్రపతి పదవే! అన్ని అర్హతలున్నా ప్రధాని కాలేకపోయాడా యన! కనీసం రాష్ట్రపతిగానైనా ఎన్నుకుని ఆ జాతీయ నాయకుడిని, రాజకీయ యోధుడిని గౌరవించుకోవాలని బీజేపీలోని ఆయన సానుభూతి పరులు భావించారు. అయితే బాబ్రీ మసీదు విధ్వంసం కేసు

ఉరుములేని పిడుగులా పైన పడింది. రాష్ట్రపతి ఎన్నికకు టైం దగ్గర పడుతున్న కొద్దినెలల ముందే బాబ్రీ కేసు విషయంలో సిబిఐ ఆయనపై ఛార్జిషీట్‌ దాఖలుచేసింది. దీంతో రాష్ట్రపతి కావడానికి ఆయనకున్న దారులు మూసుకుపోయాయి. ప్రధాని నరేంద్రమోడీయే ఈ కేసును తిరగదోడా డని, గురువును ముంచిన, మించిన శిష్యు డనిపించుకున్నాడనే ఆరోపణలు వినవస్తు న్నాయి. రాష్ట్రపతి ఎన్నికకు ఎన్నికల కమి షన్‌ నోటిఫికేషన్‌ ప్రకటించింది. జూలై 17న పోలింగ్‌, 20వ తేదీ కౌంటింగ్‌ వుంటుంది. ఈ నెల 14వ తేదీ నుండి 28వ తేదీలోపు నామినేషన్లు వేయవచ్చు. 30వ తేదీ నామినేషన్ల పత్రాల పరిశీలన జరుగుతుంది. జూలై 1వ తేదీ నామినేషన్ల ఉపసంహరించుకోవచ్చు.

ఇక ఎన్డీఏ కొద్దిరోజుల్లోనే తమ అభ్య ర్థిని ప్రకటించవచ్చు. అద్భుతాలు జరిగితే తప్పితే రాష్ట్రపతి అభ్యర్థిగా అద్వానీకి దాదాపు అవకాశం లేనట్లే! ఎన్డీఏ తరపున రాష్ట్రపతి అభ్యర్థిగా జార్ఖండ్‌ గవర్నర్‌గా వున్న ద్రౌపతికుర్ము పేరు ప్రధానంగా వినిపి స్తోంది. ఈమె గిరిజన మహిళ! బీజేపీలో కార్యకర్త స్థాయి నుండి ఎదిగిన నాయకు రాలు. ఈమెను రాష్ట్రపతిగా ఎన్నుకుంటే గతంలో అబ్దుల్‌కలాంను రాష్ట్రపతిగా చేసి ఒక ముస్లింను రాష్ట్రపతిని చేసిన ఖ్యాతిని పొందినట్లే, ఒక గిరిజన మహిళను రాష్ట్ర పతిని చేసామన్న పేరు కూడా బీజేపీ ఖాతాలో పడుతుంది. ఈమెను అభ్యర్థిగా ప్రకటిస్తే విపక్షాలు కూడా పోటీ అభ్యర్థిని పెట్టే ప్రయత్నాన్ని విరమించుకోవచ్చు. ఒకవేళ టైం కలిసొచ్చి అద్వానీని రాష్ట్రపతి అభ్యర్థిగా ప్రకటించినా ఎన్డీఏతర ప్రాం తీయ పార్టీలు కొన్ని ఆయనకు మద్దతుగా నిలిచే అవకాశాలున్నాయి.

modiదేశ ప్రధానిగా నరేంద్ర మోడీ వస్తే అద్భుతాలు చోటుచేసుకుంటా యని ప్రజలు ఆశించారు. అందుకే 2014 ఎన్నికల్లో నరేంద్ర మోడీకి జై కొట్టారు. బీజేపీ శ్రేణులు కూడా మోడీ ప్రచార మాయలో పడ్డాయి. బీజేపీని రెండు సీట్ల నుండి రెండొందల సీట్లకు చేర్చిన అగ్రనేత లాల్‌కిషన్‌ అద్వానీని ప్రధాని రేస్‌ నుండి పక్కనపెట్టాయి. అద్వానీ పట్ల దళ్‌(యు) నేత, బీహార్‌ సీఎం నితీష్‌కుమార్‌కున్న గురుభక్తి ఆయన పెంచి పెద్దచేసిన బీజేపీ నేతలకు లేకుండా పోయింది. కొన్ని కార్పొరేట్‌ కంపెనీలు వేలకోట్లు ఖర్చుపెట్టి సృష్టించిన మోడీ మాయా ప్రపంచంలో బీజేపీ పార్టీ చేరి పోయింది. కాబట్టే 2014 ఎన్నికల్లో మోడీ ప్రధాని అభ్యర్థి కాగలిగారు. ఎన్నికల తర్వాత ప్రధాని అయ్యారు. 2014 ఎన్ని కల్లో మోడీ మాయాజాలం లేకున్నా, ఆయనను ప్రధాని అభ్యర్థిగా ప్రకటించకపోయి వున్నా అధికారం ఎన్డీఏదే! కాకపోతే బీజేపీకి ఒక్క దానికే పూర్తి మెజార్టీ వచ్చి ఉండేది కాదు. మోడీ మార్క్‌ వల్ల బీజేపీకి కొన్ని సీట్లు పెరిగాయంతే! యూపిఏను ఇంటికి పంపించాలని దేశ ప్రజలు నిర్ణయించుకున్న తరుణంలో ముం దుగా ప్రధాని అభ్యర్థిని ప్రకటిం చకపోయి వున్నా అధికారం ఎన్డీఏ దేననడంలో ఎలాంటి సందేహం లేదు.

మోడీని ప్రధానిని చేస్తే దేశంలో అద్భుతాలు జరుగుతాయనుకున్నారు. నిజంగానే అద్భుతాలు జరుగుతున్నాయి. పెద్దనోట్ల రద్దు వంటి అద్భుతంతో దేశ ఆర్ధిక వ్యవస్థే తలక్రిందులైంది. ఎన్నో వ్యాపార రంగాలు దెబ్బతిన్నాయి. మరెన్నో పరిశ్రమలు మూతపడుతున్నాయి. ఎన్నో లక్షల మంది ఉద్యోగాలు ఊడుతున్నాయి. ఈ అద్భుతాలు చూడడానికేనా ఆయనను ప్రధానిని చేసింది.

పెద్దనోట్ల రద్దు తర్వాత దేశాన్ని స్వర్గధామంలా మారుస్తామని మోడీ చెప్పారు. మోడీ మాటను నమ్మి ప్రజలు నగదు కష్టాలను భరించారు. జనవరి 1వ తేదీన ప్రజలకు ప్రధాని కొత్త సంవత్సర కానుక ఇవ్వబోతున్నారంటూ కేంద్రమంత్రి వెంకయ్యనాయుడు ఊరించారు. తీరాచూస్తే ఆరోజు తుస్‌మనిపించారు. కనీసం ఈ ఏడాది వార్షిక బడ్జెట్‌లోనైనా పెద్దనోట్ల రద్దుతో స్థంభించిపోయిన ఆర్ధిక వ్యవస్థను తట్టి లేపుతారనుకుంటే, ఆ ఆశ కూడా లేకుండా పోయింది. 1వ తేదీ పార్లమెంట్‌లో కేంద్ర ఆర్ధికమంత్రి అరుణ్‌జైట్లీ వ్రేశపెట్టిన వార్షిక బడ్జెట్‌ పూర్తి నిరాశాజనకంగా వుంది. ఈ బడ్జెట్‌లో ఆదాయపన్ను పరిమితులు, మినహాయింపులు, తగ్గింపులను ప్రజలు ఆశించారు. అలాగే గృహనిర్మాణ వడ్డీ రేట్లు తగ్గుతాయనుకున్నారు. రియల్‌ ఎస్టేట్‌ రంగానికి ఊతమిచ్చే స్టీలు, సిమెంట్‌ ధరలు తగ్గుతాయని ఆశించారు. కాని వీటిలో ఏ ఒక్కటీ నెరవేరలేదు. పెద్దనోట్ల రద్దు తర్వాత దెబ్బతిన్న ఏ వ్యవస్థల్లోనూ తిరిగి ఉత్సాహాన్నిచ్చే రీతిలో ఈ బడ్జెట్‌ లేదు. ఇక ఆంధ్రప్రదేశ్‌ విషయానికొస్తే విభజన సమయంలో యూపిఏ ప్రభుత్వం చేసిన ద్రోహం కంటే కూడా నేటి ఎన్డీఏ ప్రభుత్వం చేస్తున్న మోసమే చరిత్రలో నిలిచిపోయేటట్లుంది. రాష్ట్ర ప్రజలు కూడా కాంగ్రెస్‌తో పాటు ఆ పార్టీ చేసిన ద్రోహాన్ని మరచిపోయారు. ఇప్పుడు కేంద్రంలోని ఎన్డీఏ చేస్తున్న ద్రోహమే రాష్ట్ర ప్రజల మనసుల్లో నిలిచిపోతుంది. ఏపికి ప్రత్యేకహోదా లేదు, విశాఖకు రైల్వేజోన్‌ లేదు, పోలవరంకు ప్రత్యేక కేటాయింపులు లేవు, దుగరాజపట్నం, రామాయపట్నం పోర్టుల ఊసే లేదు. ఇక కేంద్రం ఏ విధంగా ఏపిని ఆదుకున్నట్లు? మోడీ బదులు అద్వానీ లాంటి జాతీయ దృక్పథం వున్న నేత ప్రధాని అయ్యుంటే ఏపికి ఈ పరిస్థితి దాపురించేదా? అన్యాయమైన రాష్ట్ర విభజనను ఆరోజే పార్లమెంటులో వ్యతిరేకించాడాయన! బీజేపీ వాళ్లంతా ఆరోజు ఆ పెద్దాయన మాటలు వినుంటే ఈరోజు ఏపికి ఈ గతి పట్టి ఉండేది కాదు. మన రాష్ట్రానికే చెందిన వెంకయ్యనాయుడు లాంటి నేతలు కూడా అద్వానీ మాటలను చెవికెక్కించుకోలేదు. ఏకపక్షంగా విభజన బిల్లుకు ఆమోదం తెలిపి అన్యాయం చేశారు. ఇప్పుడు విభజన బిల్లులోని అంశాలను అమలు చేయకుండా ఇంకోసారి ద్రోహం చేస్తున్నారు. దేశం గురించి, దేశంలోని ప్రతి రాష్ట్ర ప్రజల మనోభావాలు, ఆలోచనలు, ఆర్ధిక స్థితిగతులు తెలిసిన అద్వానీయే ప్రధాని అయ్యుంటే పెద్దనోట్ల రద్దు వంటి చర్యలుండేవి కావు. ఇలాంటి నిస్సారమైన బడ్జెట్‌లు ఉండేవి కావు. ఏపికి ఇంత అన్యాయం జరిగేదే కాదు. మోడీ మోడీ అని నెత్తికెక్కించుకున్నదానికి దేశ ప్రజలకు తగిన శాస్తే జరుగుతోంది!

Page 1 of 4

newsbottomad

ఎక్కువగా చదివిన వార్తలు

  • కొండమీద కొత్త రూటు...
    ఒక చిన్న వంతెన, కొద్ది దూరం ఘాట్‌రోడ్డు నిర్మాణంతో నెల్లూరు - ఆత్మకూరు మధ్య ముంబై రహదారిలో వెళ్ళే ప్రయాణీకులకు దాదాపు ఐదు కిలోమీటర్ల ప్రయాణ దూరం తగ్గబోతోంది. ఇంకో నెల రోజుల్లోపే వాహనదారులకు ఈ ఘాట్‌రోడ్డు అందు బాటులోకి రాబోతోంది.…
  • యువతకు ఒప్పుకునేనా?
    తెలుగుదేశం పార్టీలో జిల్లా కమిటీలన్నీ దాదాపు భర్తీ అయ్యాయి. పార్టీ అనుబంధ కమిటీలలో కీలకమైన 'యువత' ఎంపికే ఇంకా ప్రశ్నార్థకంగా వుంది. కాంగ్రెస్‌ నుండి టీడీపీలోకి వచ్చారని చెప్పి ఆనం సోదరులను సంతృప్తి పరచడానికి ఆనం వివేకా తనయుడు, కార్పొరేటర్‌ ఆనం…
  • సోమిరెడ్డి కలలకు కార్యరూపం
    కండలేరు ఎత్తిపోతల ద్వారా మెట్ట ప్రాంతాలైన రాపూరు, వెంకటగిరిలలో 30వేల ఎకరాలకు సాగునీరు అందించా లన్న రాష్ట్ర వ్యవసాయ శాఖ మంత్రి సోమి రెడ్డి చంద్రమోహన్‌రెడ్డి కల నెరవేరింది. కండలేరు జలాశయంపై 60కోట్ల వ్యయంతో నిర్మించిన ఎత్తిపోతల పథకాన్ని ఈ నెల…
  • ఇప్పుడన్నా ఇస్తారా?
    తెలుగుదేశం అధికారంలోకి వచ్చింది... మరి పార్టీ ప్రతి పక్షంలో వున్న పదేళ్ళ పాటు పార్టీ జెండాలు మోసిన వారికి ఏమిచ్చింది... నెల్లూరుజిల్లా తెలుగుదేశం పార్టీ నాయకుల్లో నెలకొన్న అసంతృప్తి ఇది. పార్టీ అధికారంలోకి వచ్చినప్పటి కంటే ప్రతిపక్షంలో వున్నప్పుడే తమకు విలువ…
  • 'దేశం'లో... పాదయాత్ర ప్రకంపనలు
    ప్రజా సమస్యలపై, ప్రభుత్వ వైఫల్యాలపై దండెత్తుతూ ప్రతిపక్ష నేత, వైకాపా అధినేత వై.యస్‌.జగన్మోహన్‌రెడ్డి వై.యస్‌.ఆర్‌ జిల్లా ఇడుపుల పాయ నుండి మొదలుపెట్టిన ప్రజాసంకల్ప పాదయాత్ర ప్రభంజనం సృష్టిస్తోంది. అధికార తెలుగుదేశం పార్టీలో ప్రకంపనలు సృష్టిస్తోంది. జగన్‌ పాదయాత్రను తెలుగుదేశం వాళ్ళు మొదట…

Newsletter