sravanఇంటి దొంగను ఈశ్వరుడు కూడా పట్టుకో లేడనటానికి పంజాబ్‌ నేషనల్‌ బ్యాంక్‌లో జరిగిన దారుణమైన ఉదంతమే ఉదాహరణ.

కంప్యూటరీకరణతో తరిస్తున్న బ్యాంకుల్లో సైతం మోసాలు విరివిగా జరుగుతుండడం ఆశ్చర్యకరంగా పరిణమిస్తుంది. రోజు లావాదేవీలను తనిఖీ చేసే ఆడిటర్లు, నెలల తరబడి తనిఖీ చేసే బ్యాంకుల అంతర విభాగ బృందాలు, రిజర్వ్‌బ్యాంక్‌ నిఘా వ్యవస్థ, మళ్ళీ సంవత్సరానికొకసారి చట్టబద్ధమైన ఆడిట్‌ విభాగాన్ని దాటుకొని కోర్‌ బ్యాంకింగ్‌ కళ్ళు గప్పి ఇలాంటి మోసాల వైపరీత్యాలు జరుగుతున్నా యంటే కేవలం బ్యాంకు అధికార్లు ప్రలోభాలకు లొంగడమే అసలైన కారణం.

ఎన్ని నిఘా నేత్రాలు తెరచినా ప్రజల సొమ్మును అప్పనంగా ఆరగించే వాళ్ళకు ఋణాలివ్వడం వెనుక బ్యాంక్‌ అధికార్ల బలహీనతలే కారణం అంటే నివ్వెరపోకతప్పదు. లేకుంటే 2700 కోట్లు ప్రజలసొమ్ము వృధా చేసిన బ్యాంకింగ్‌ అధికారులను ఏ విధంగా శిక్షించాలో చట్టాలకు తెలియకపోవచ్చు. కాని అంత సొమ్మును ఆరగించి తప్పించుకొని వెళ్ళగల్గడం మాత్రం ఒక నీరవ్‌మోడీ, మరో కొఠారీ, విజయమాల్యాలకు మాత్రం బాగా తెలుసు. వ్యాపారవర్గాలకు బ్యాంకులు ధన రూపేణ గానీ, హామీ రూపంలో (ధనేతరంగా) గాని ఋణం ఇవ్వడం జరుగుతుంది. ఇంతవరకు ధనేతర రూపేణా ఇచ్చిన ఋణాల్లో ఎక్కడా మోసం జరిగినట్టు మనం వినలేదు. అలా ఇచ్చిన హామీ ఋణాల్లో తొలిసారిగా పంజాబ్‌ నేషనల్‌ బ్యాంక్‌లో జరగడం రికార్డుగా పేర్కొనవచ్చు.

విదేశీ విఫణిని సాగించే నీరవ్‌మోదీ వజ్రాల దిగుమతి కోసం పంజాబ్‌ నేషనల్‌ బ్యాంక్‌ ద్వారా 280కోట్ల హామీలను విదేశీ వ్యాపారులకు అందించడం అవి చెల్లించ లేకపోవడంతో హామీ ఇచ్చిన పంజాబ్‌ నేషనల్‌ బ్యాంక్‌ చెల్లించాల్సిన అగత్యం ఏర్పడింది. ఇక్కడ వడ్డీ శాతం కేవలం నాలుగు మాత్రమే కావడం అలా వేసుకొన్న వడ్డీతో సహా మొత్తం ఇప్పటి వరకు 2700 కోట్ల స్కాం అంటే ప్రజల గుండెల్లో రైళ్ళు పరుగెడ్తున్నాయి. 2011 నుండి పంజాబ్‌ నేషనల్‌ బ్యాంక్‌ ఖాతాదారుడుగా ఉన్న నీరవ్‌ మోదీ తాను ఇచ్చిన సెక్యూరిటీ ఆస్తుల కంటే అత్యధికంగా హామీ ఋణాల్ని పొందడం వెనుక బ్యాంకు అధికార్ల అవినీతే కారణమవుతుంది.

చిన్నచిన్న ఋణాల కోసం బ్యాంకులకు వెళ్ళిన సామాన్యుడి వద్ద నూరుశాతం లేక రెండు వందల శాతం సెక్యూరిటీని గుంజే బ్యాంకింగ్‌ సంస్థలు ఏకబిగిన అత్యంత తక్కువ మొత్తం సెక్యూరిటీతో నీరవ్‌ మోదీ లాంటి వ్యక్తులకు వందలకోట్లకు హామీ లివ్వడమంటే ప్రజల సొమ్మును ఆరగించే ఇలాంటి సంస్థల్ని కఠినంగా శిక్షించాల్సిన అగత్యం ఎంతైనా ఉంది.

ఋణ హామీ పొందిన నీరవ్‌ మోదీ 180రోజుల తర్వాత ఋణాన్ని చెల్లించాల్సి ఉంది. అలాకాకుండా ఆ ఋణ ఖాతాను అలాగే పునరుద్ధరించడం ఎంతైనా శోచనీయం. ఇక్కడే బ్యాంకింగ్‌ అధికార్లను తన మేధస్సుతో బురిడీ కొట్టించి ప్రజల సొమ్ముతో పండగ చేసుకొన్నాడు నీరవ్‌మోదీ. 2011 నుండి కాలం చెల్లిన ఋణాల్ని తిరిగి చెల్లించకుండా అన్ని లెటర్‌ ఆఫ్‌ అండర్‌ టేకింగ్‌లను పునరుద్ధరిస్తూ పోవడం వెనుక ఆంతర్యం నీరవ్‌మోదీ అందించిన వజ్రాల మహత్యం కాక మరేమిటుంటుంది? నీరవ్‌ మోదీకి హామీ ఋణాల్ని అందించిన అధికారి ఉద్యోగ విరమణ పొందేదాకా బయట పడకపోవడం వెనుక అవినీతి ఎంత ప్రముఖ పాత్ర వహిస్తున్నదో అర్ధం అవుతున్నది. కొత్తగా నియమితులైన అధికారి ఒక్కసారిగా ఉలిక్కిపడి స్టాక్‌ఎక్ఛేంజ్‌ మరియు పోలీసులకు ఫిర్యాదు చేయడంతో అసలు రంగు బయటపడింది. ఎప్పటిలాగే ప్రభుత్వం ఇంతపెద్ద స్కాంలో ఎలా వ్యవహరిస్తుందో కాలమే నిర్ణయించాలి. ప్రజల సొమ్మును ఏ మాత్రం జాగ్రత్తగా కాపాడలేని బోర్డ్‌ ఆఫ్‌ డైరెక్టర్లపై చర్యలకు ఉపక్రమిస్తుందో లేదో చూడాలి.

ప్రజల సొత్తును పప్పు బెల్లాలుగా పరచుకొంటున్న బ్యాంకు అధికార్ల మోసానికి అడ్డుకట్ట వేయలేని ఆడిట్‌, నిఘా వ్యవస్థల్లో మనం మనగల్గడం ఎంతవరకు సాధ్యమో ఆందోళన కల్గిస్తుంది.

sravanఎలాంటి పైపై మెరుగులు లేని, ప్రజల అభ్యన్నతిని కాంక్షించిన బడ్జెట్‌ అరుణ్‌జైట్లీ రూపొందించిన 2018-19 బడ్జెట్‌ అంటే అతిశయోక్తి కాబోదు. తళుకుబెళుకులు దిద్దటం గత ప్రభుత్వాలకు అలవాటు. స్థిరంగా ధృడంగా నిర్ణయాలు తీసుకోవడం బీజేపీ ప్రభుత్వం తీసుకొన్న గొప్పనిర్ణయం.

ఇది వ్యవసాయబడ్జెట్‌గా మోదీ అభి వర్ణించారు. దానికి తగ్గట్టుగానే ఆక్వా పరిశ్రమ, చేపల పెంపకాలను వ్యవ సాయం కిందనే ప్రతిపాదిస్తూ ఆయా రంగాల వాళ్ళకు కిసాన్‌ క్రెడిట్‌ కార్డులు ఇచ్చి ప్రోత్సహించారు. వెదురుచెట్లను గ్రీన్‌గోల్డ్‌గా భావించి వాటి పెంపకాలకు 1290 కోట్లను కేటాయించడం జరిగింది. కౌలు రైతులకు పెద్దపీట వేస్తూ వారికి ఎలాంటి ఇబ్బందులు లేకుండా రుణ సదుపాయాలు కల్పించే గొప్ప ప్రతిపాదన చేసింది. భారతదేశం 1000 బిలియన్‌ డాలర్ల ఎగుమతులు చేయగల్గిన సామర్ధ్యం కలిగివుండి కూడా కేవలం 30 బిలియన్‌ డాలర్ల ఎగుమతుల్ని మాత్రమే చేయడం విచారకరం. అలాంటి విషాదాన్ని స్వీక రించి ఆనందమయ, ఆహ్లాదకర వాతా వరణాల్ని సృష్టించే కొత్తదనం బిజెపి వారిది. ప్రత్యేకంగా ఏర్పాటుచేసిన 2 వేల కోట్ల రూపాయల నిధితో 'అగ్రికల్చర్‌ మార్కెట్‌ ఇన్‌ఫ్రా ఫండ్‌'ను సృష్టించి ప్రజామోదయోగ్యంగా నిలబడే బడ్జెట్‌ను ప్రవేశపెట్టడం మోదీ ప్రభుత్వ ప్రత్యేకతగా భావించవచ్చు.

ప్రపంచంలో భారతదేశం ఏడవ అతి పెద్ద ఆర్ధికవ్యవస్థ అయినప్పటికీ నాణ్యమైన ఆహారపదార్ధాల కొరత ఉండనే ఉం టుంది. దీన్ని అధిగమించడం కోసం ఆర్గానిక్‌ పంటల మీద ప్రత్యేక దృష్టి సారించింది. 2022 సంవత్సరంలో రైతు యొక్క ఆదాయాన్ని రెట్టింపు చేసే ఆలో చనతో బడ్జెట్‌ను రూపొందించారు జైట్లీ. ఇది ఆహ్వానించదగ్గ పరిణామం. కనీసం మంచి ఆహారం తీసుకోలేని దుస్థితి

ఉంచి ఒక్కో అడుగు ముందుకేసి పరుగును లంకించుకోవాల్సిన అవసరాన్ని ప్రభు త్వాలు గుర్తించడం శుభసూచకం.

'ఆపరేషన్‌ గ్రీన్‌' ద్వారా మౌలిక సదుపాయాల్ని కల్పించి సంవత్సరం మొత్తానికి ఉపయోగపడే రీతిలో టమోటో, ఉల్లిపాయలు, నిమ్మకాయలు తదితర కూరగాయల నిల్వ కోసం 500 కోట్లు కేటాయించడం మరో శుభపరిణామం.

నెల్లూర్లో ప్రాముఖ్యత పొందిన చేపలు మరియు రొయ్యలు, పశుసంపదను కాపా డడం కోసం పదివేల కోట్ల నిధిని ఏర్పాటు చేయడం ఒక వరంగా భావించవచ్చు.

కాలుష్యం కోరల్లో చిక్కుకున్న మన రాజధాని ఢిల్లీ మరియు ఆ చుట్టుపక్కల ప్రాంతాల్ని కాపాడే యంత్రాలకు సబ్సిడీ ఇచ్చి ప్రోత్సహించడం పర్యావరణానికి పెద్ద పీట వేసినట్లే అవుతుంది.

రైట్‌ టు ఎడ్యుకేషన్‌ యాక్ట్‌ను సడలిస్తూ 13 లక్షల మందికి శిక్షణ ఇచ్చి విద్యార్థుల బంగారు భవితకు బాటలు వేయడం జరిగింది. భారతదేశంలో వెయ్యి మంది బిటెక్‌ విద్యార్థులను గుర్తించి వాళ్ళను పిహెచ్‌డిలతో తీర్చిదిద్దేవిధంగా ముందుకు రావడం హర్షణీయం.

ఈ బడ్జెట్‌లో హర్షించదగిన మరో గొప్ప అంశం ప్రజల ఆరోగ్య రక్షణ కోసం ప్రభుత్వం కంకణం కట్టుకోవడమే. కుటుం బానికి సుమారు 5లక్షల రూపాయల వైద్యం అందేట్టు నేషనల్‌ హెల్త్‌ ప్రొటెక్షన్‌ స్కీమ్‌ను రూపొందించడం జరిగింది. ప్రభుత్వం మరో 24 మెడికల్‌ కళాశా లలను తీసుకునిరావడం అభినందనీయం. ప్రతి మూడు పార్లమెంటరీ నియోజకవర్గా లకు ఒక ప్రభుత్వ వైద్యకళాశాల, హాస్పిటల్‌ రూపొందించే గొప్ప ప్రతిపాదన బిజెపి అందిస్తున్న వరంగా పేర్కొనవచ్చు.

బ్యాంకు లోన్లు, జిఎస్టీలో తమ టర్నో వర్‌ను నమోదు చేసినవాళ్ళకి మాత్రమే ఇచ్చే ప్రతిపాదన చేయడం చక్కని ఆలోచన. దీనితో బ్యాంకుల్లో ఇబ్బడిముబ్బడిగా రుణసదుపాయం పొందడాన్ని అరికట్టే వ్యక్తుల దారుణానికి అడ్డుకట్ట వేయడం సరైన ఆలోచనా విధానం.

అయితే, ఎంపీలకు, ద్రవ్యోల్బణాన్ని అనుసరించి జీతభత్యాలని పెంచే ప్రతి పాదన చేసిన ప్రభుత్వం వేతన జీవుల్ని విస్మరించడం నిరాశాజనకం. ఎన్నో ఆశలతో బడ్జెట్‌ కోసం ఎదురుచూసిన సామాన్యుడికి మొండిచెయ్యి చూపించడం విశేషం.

భారత ఆర్ధిక రంగానికి వేతన జీవుడే ఆధారం అని చెప్తూనే వారికి ఎలాంటి ప్రోత్సాహకాలు, రాయితీలు ప్రకటించక పోవడం ఎంతో శోచనీయం.

వేతన జీవులకు 40వేల స్టాండర్డ్‌ డిడక్షన్‌ అనే కొత్త పదప్రయోగం చేస్తూ వారికి ప్రస్తుతం ఉండే ట్రాన్స్‌పోర్ట్‌ అల వెన్స్‌, మెడికల్‌ రీయింబర్స్‌మెంట్‌ను తీసేయడం కుడిచేత్తో ఇచ్చినట్టే ఇచ్చి ఎడంచేత్తో లాగేసుకోవడంలాగుందే తప్ప ఎలాంటి ప్రయోజనం చేకూరబోదు.

వృద్ధులకు మాత్రం ఊరట లభిం చింది. వృద్ధులను గౌరవిస్తూ 50వేల వడ్డీ వరకూ రాయితీ కల్పించింది.

ఇలా మోదీ ప్రభుత్వం ఎలాంటి ఆకర్షణలకు తావివ్వకుండా ఎలక్షన్ల కదనరంగంలోకి దూసుకెళ్ళబోతున్నది.

isroఅంతరిక్ష రంగంలో అగ్రదేశాలకు ధీటుగా దూసుకుపోతున్న భారత అంతరిక్ష పరిశోధనా సంస్థ(ఇస్రో) ఉపగ్రహాల ప్రయోగంలో సెంచరీ కొట్టింది. గ'ఘన' విజయాల పరంపరలో మరో మైలురాయిని దాటింది. 2018 నూతన సంవత్సరంలో తొలి ప్రయోగంగా ఈ నెల 12వ తేదీ ఉదయం 9.29గంటలకు శ్రీహరికోటలోని సతీష్‌ధావన్‌ అంతరిక్ష ప్రయోగ కేంద్రం నుండి ప్రయోగించిన పిఎస్‌ఎల్‌వి-సి40 రాకెట్‌ ప్రయోగం విజయవంతమైంది. ఈ ప్రయోగం ద్వారా 1323 కిలోల బరువుగల మూడు స్వదేశీ ఉపగ్రహాలను, 28 విదేశీ ఉపగ్రహాలను నిర్ణీత కక్ష్యలో ప్రవేశపెట్టారు. మొత్తం 31 ఉపగ్రహాలను కక్ష్యలో ప్రవేశపెట్ట డానికి 2గంటల 21 నిముషాల సమయం పట్టింది. ఇస్రో చరిత్రలో ఇంతవరకు 62 రాకెట్ల ప్రయోగాలు జరుగగా, వంద స్వదేశీ ఉపగ్రహాలను వాటి ద్వారా కక్ష్యలో ప్రవేశపెట్టారు. అలాగే దాదాపు 220 వరకు విదేశీ ఉపగ్రహాలను కక్ష్యకు చేర్చడం జరిగింది. పిఎస్‌ఎల్‌వి ప్రయోగాల సక్సెస్‌తో ఇతర దేశాలు తమ ఉపగ్రహాల ప్రయోగానికి ఇస్రోను ఎంచుకుంటు న్నాయి. దీంతో వాణిజ్యపరంగానూ ఇస్రో ముందుకు దూసుకుపోతోంది.

పిఎస్‌ఎల్‌వి-సి40 విజయం అటు ఇస్రో ఛైర్మెన్‌గా కిరణ్‌కుమార్‌కు చివరి ప్రయోగం, కొత్త ఛైర్మెన్‌గా బాధ్యతలు చేపడుతున్న శివన్‌కు తొలి ప్రయోగం. ఈ విజయం ఇద్దరికీ చిరస్మరణీయమే!

Page 1 of 9

newsbottomad

ఎక్కువగా చదివిన వార్తలు

  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఉదయగిరిలో... పాత పోరా? కొత్త నీరా?
    జిల్లాలోని పది అసెంబ్లీ నియోజకవర్గాలలో 9అసెంబ్లీలది ఒక దారి అయితే ఉదయగిరి అసెంబ్లీది మాత్రం ఇంకో దారి! మెట్టప్రాంతమైనప్పటికి ఇక్కడి ప్రజలు రాజకీయ చైతన్యవంతులు. పార్టీ ప్రభంజనాలు, నాయకుల పట్ల సానుభూతి వంటి వాటికంటే కూడా ఇక్కడ పోటీ చేసే అభ్యర్థుల…
  • సుధాకర్‌ బాబా(య్‌).. కొంప ముంచాడు బాబోయ్‌
    దయ చేసి వినండి... దయచేసి వినండి... మంత్రాలకు చింతకాయలు రాలవు... అని ఎందరు చెబుతున్నా వింటారా? వినరు? దయ చేసి బురిడీ బాబాలను నమ్మొద్దని మేధావులు మొత్తు కుంటుంటారు... అయినా వింటారా? వినరు! మోసం చేసేవాడికి మోసపోయే వాడెప్పుడూ లోకువే. మీరు…
  • చంద్రుడి డైరక్షన్ లో పవన్ యాక్షన్ థ్రిల్లర్ జె.ఏ.సి
    రాష్ట్ర రాజకీయాలలో చంద్ర బాబుకు అవసరమైనప్పుడు మాత్రమే తెరమీదకొస్తాడని పేరున్న పవర్‌స్టార్‌ పవన్‌ కళ్యాణ్‌ మరోసారి సరికొత్త యాక్షన్‌ థ్రిల్లర్‌ స్క్రీన్‌ప్లేతో తెరమీద కొచ్చాడు. దీనిపేరు జాయింట్‌ యాక్షన్‌ కమిటి! తెలంగాణ ఉద్యమ సమయంలో జేఏసీల పాత్రేమిటో చూసాం. తెలం గాణ…

Newsletter