tree lover

-      కె.గోపాలరావు, నెల్లూరు. 9652174640

విచక్షణా రహితంగా

చెట్లను కొట్టేసేవాళ్ళ తలకొట్టేసినట్టు

ఈయనెవరో గాని...

వరండా స్లాబుల్లోంచే రంధ్రం చేసి

చెట్టు నట్టాగే పైకి వదిలేశాడు

పార్టీ జెండా నెగరేసినట్టు

ఇంటికి పచ్చటి తలపాగా చుట్టినట్టు.

ఆదిశేషుడు

విష్ణువుకి పడగపడుతున్నట్టు

పచ్చదనానికి పెద్ద పీటేసే

పర్యావరణశాఖ ప్రధాన కార్యాలయంలా

ఆ ఇల్లు అచ్చం ఆయన గారి

ఎదరిల్లులా వుంది.

కొట్టేస్తే స్థలం కలిస్తొందికదాని

మా స్నేహితుడంటే,

భీష్ముడు స్ర్తీని ముట్టనన్నట్టు

చెట్టుని కొట్టనని

ఒట్టేసుకున్నాడేమోనని అన్నాను.

ఏది ఏమైనా

పచ్చగా ఎదగాలనుకునేవాళ్ళంతా

గుండెలపై పెట్టుకొని

చెట్టుకలా పట్టాభిషేకం చెయ్యాలి

కొట్టేసి పొట్టన బెట్టుకోకుండా...

-      విహారి, హైదరాబాద్. 9848025600

స్వప్రయోజనం ఎప్పుడూ

నిలువెత్తు హింసావాది

ఉనికి కోసం చేసే ఉద్ఘాటన

పరిపరి ఉపరి స్పర్శే

పొరలు త్రచ్చుతూ మూలాలకి

పోకపోవటం కళ్లకు మకమ్మిన పొర

బోలు మాటల దొంతర్లలో

సత్యం హత్య చేయబడుతుంటే

రాజకీయం రంగుల వలని విసురుతూనే వుంటుంది

ఇవ్వాళ పట్టుబడిన దౌష్ట్యం

నిన్న మట్టుబెట్టినవి ప్రాణాలు కావంటుంది

దుర్మార్గపు నిబద్ధత తన చట్టం వేరంటుంది

పావురాల్ని కొట్టేవాడు తనకు మాత్రమే

కన్నీళ్ళు కోరటం – దయ్యపు అభ్యర్థన

ఒకరి బతుకు పచ్చదనాన్ని నిప్పచ్చరం చేసేవాడు

తన నీడనూ శిథిలం చేసే కాల రహస్యాన్ని మరిస్తే...

గీతలూ, రాతలూ కలగా పులగమైపోతాయి

radham

-      డా. సి.భవానీదేవి, హైదరాబాదం. 9866847000

శత సహస్త్ర బాహువులు చాచి

స్వాగతించే అరుణుని పాదస్పర్శతో

పులకాంకిత సూర్యరథ విన్నాణమిది

ఇరవైనాలుగు గంటల దినాలు చక్రాలుగా

ఎనిమిది జాములు చక్రానికి ఆకులుగా

మహాలక్ష్మీ సత్త్వల ఇరుసుగా

సప్తవర్ష్యాశ్వర రధారూఢుడు

ప్రత్యక్ష దైవ శిలారథం

సకల కళాతేజ విలసితం

ఈ శిల్పసుందరీ సౌందర్యకల్పనకు

ఏ శిల్పి యవ్వనాన్ని ధారబోశాడో

ఈ నాగినీభృకుటీ విలాసం

ఏ కళింగరాజ దీక్షా దర్షమో

ఈ మిధున క్రీడా భంగిమల్లో

కుదురుకున్నదే సృష్టి రహస్యమో

ఈ నాట్యకత్తెల కాలి అందియలు

కర్ణపేయ రవళిగా రంజిల్లటం

ఎందరు రసమయ శిల్పకారుల

త్యాగనిరతీ సుకృత ఫలమో

సుప్రభాత సూర్య నేత్రానికి

సిసలైన శిల్పకారుడందించిన కళాంజలిని

కళ్ల నిండా నింపుకుందామనుకున్నాను

మనసుతీరా మాట్లాడదామనుకున్నాను

నిశ్శబ్ద సౌందర్యమే మధురం కదా.

(కోణార్క సూర్యదేవాలయం చూసి)

Page 1 of 7

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter