mantaluఒకప్పుడు సి.వి.శేషారెడ్డి... ఆ తర్వాత ఆదాల ప్రభాకర్‌రెడ్డి... ఇప్పుడు కాకాణి గోవర్ధన్‌రెడ్డి... గత పాతికేళ్ళ కాలంలో తెలుగుదేశం నాయకుడు సోమిరెడ్డి చంద్ర మోహన్‌రెడ్డి ప్రత్యర్థులు మారారంతే... సర్వేపల్లి నియోజకవర్గం కేంద్రంగా సాగే రాజకీయ యుద్ధం మాత్రం ఆగడం లేదు. సోమిరెడ్డి ఎవరితోనూ యుద్ధం ఆపడం లేదు. సరికదా ప్రత్యర్థి, సర్వేపల్లి ఎమ్మెల్యే కాకాణి గోవర్ధన్‌రెడ్డిపై తన యుద్ధాన్ని మరింత ముమ్మరం చేసాడాయన.

2014 ఎన్నికల్లో సర్వేపల్లి నుండి వైసిపి అభ్యర్థిగా కాకాణి, టీడీపీ అభ్యర్థిగా సోమిరెడ్డిలు పోటీ చేయడం, కాకాణి కొద్దిమెజార్టీతో గెలవడం తెలిసిందే! ఈ ఎన్నికలకు ముందు సోమిరెడ్డి, కాకాణిలు వేర్వేరు పార్టీలలో వున్నప్పటికీ ఎలాంటి రాజకీయ శత్రుత్వం ఉండేది కాదు. కాని 2014 ఎన్నికల్లో ప్రత్యర్థులు కాబట్టి ఎన్నికల తర్వాత కూడా ఆ రాజకీయ వైరం కొనసాగింది. ఆరోపణలు, ప్రత్యారోపణలతో సర్వేపల్లి రాజకీయాలను హీటెక్కిస్తూ వచ్చారు. ఇలా వేడెక్కిన రాజకీయాలు 2016 సంవత్స రాంతంలో కీలక మలుపుతిరిగాయి. రాజకీయ పోరాటం వ్యక్తిగత పోరాటంగా మారింది. వ్యక్తిగత విమర్శలకు దిగారు. భూకబ్జాలు, ఆస్తుల గురించి ఆరోపణలు చేసుకున్నారు. ఈ పరంపరలోనే 2016 డిసెంబర్‌లో కాకాణి ప్రెస్‌మీట్‌ పెట్టి మరీ... సోమిరెడ్డికి సింగపూర్‌, మలేషియా, థాయ్‌లాండ్‌ దేశాలలో వేలకోట్ల రూపాయల ఆస్తులున్నట్లు ప్రకటించి సంచలనం సృష్టించాడు. అంతే కాదు, విదేశాలలో వున్న బ్యాంకు అకౌంట్లు అంటూ కొన్ని బ్యాంకుల పాస్‌పుస్తకాలను, లావాదేవీలు జరిపారంటూ కొన్ని పత్రాలను చూపించారు. సోమిరెడ్డి చంద్రమోహన్‌రెడ్డి పేరుతో ఇంకో పాస్‌పోర్టు వుందంటూ పాస్‌పోర్టును, ఆయన ఆయా దేశాలకు వెళ్లాడంటూ అందులో పొందుపరచిన వివరాలను వెల్లడించారు. మీడియాలో ఇది చూసి సోమిరెడ్డికే మైండ్‌ బ్లాకయ్యింది. నాకు తెలియకుండా విదేశాలలో నాకు వందలకోట్ల ఆస్తులు ఎక్కడనుండి వచ్చాయబ్బా అనుకుని డైలమాలోపడ్డారు. ఏదేమైనా కాకాణి తనపై చేసిన ఆరోపణల విషయంలో నిజాలు నిగ్గుతేల్చాలని ఆయన నెల్లూరురూరల్‌ పోలీస్‌స్టేషన్‌లో ఫిర్యాదు చేయడం, పోలీసులు తీగ లాగితే డొంకంతా కదలడం తెలిసిందే!

చిత్తూరుజిల్లాకు చెందిన చిరంజీవి అలియాస్‌ మణిమోహన్‌ అనే వ్యక్తి సృష్టించి ఇచ్చిన నకిలీ పాస్‌పోర్టు, బ్యాంకుల పాస్‌బుక్‌లు, ఇమిగ్రేషన్‌ పత్రాలను నమ్మి కాకాణి అప్పుడు తన గోతిలో తానే పడ్డాడు. నెల్లూరురూరల్‌ పోలీసులు 2017 జనవరిలోనే చిరంజీవి అలియాస్‌ మణిమోహన్‌ను అరెస్ట్‌ చేయడంతోనే సోమిరెడ్డి విదేశీ ఆస్తుల స్టోరీ అంతా తుస్‌ అని తేలిపోయింది. అయితే కథ అక్కడితో ముగిసిపోలేదు. తనపై తప్పుడు ఆరోపణలు చేసినందుకుగాను కాకాణిపై నెల్లూరురూరల్‌ పోలీసుస్టేషన్‌లో ఫిర్యాదు చేశారు. ఈ ఫిర్యాదును విచారించిన పోలీసులు కాకాణిపై ఛార్జ్‌షీట్‌ దాఖలు చేయడం తెలిసిందే! గత ఏడాది 36వారాలపాటు ఆయన పోలీసుస్టేషన్‌కు వెళ్ళి సంతకం చేసొచ్చిన దాఖలాలు కూడా వున్నాయి.

అయితే ఇక్కడితో కూడా వీళ్ళ మధ్య పోరు ఆగలేదు. ఇటీవలకాలంలో కూడా సోమిరెడ్డికి విదేశాల్లో ఆస్తులున్నాయని, సిబిఐ ద్వారా విచారణ జరిపించి వాటి బండారం బయటపెట్టాలంటూ కాకాణి డిమాండ్‌ చేశాడు. ఈ దశలో సోమిరెడ్డి వెనక్కి తగ్గలేదు. తనకు విదేశాలలో వేలకోట్ల ఆస్తులున్నాయని అబద్దపు ప్రచారం చేసి, తన పరువుకు నష్టం కలిగించినందుకు 5కోట్ల రూపాయల నష్టపరిహారం చెల్లించాలంటూ కాకాణిపై నెల్లూరుజిల్లా సివిల్‌ కోర్టులో సెక్షన్‌ 26 ఆర్డర్‌-7 రూల్‌ క్రింద పరువునష్టం దావా వేసారు. అంటే వీరి మధ్య రాజకీయ పోరాటం ఇక నుండి న్యాయపోరాటంగా మారిందన్నమాట. ఎలాగూ ఈ ఏడాదిలోనే ఎలక్షన్స్‌ వచ్చే అవకాశాలున్నాయి. ఇక సెగ తగ్గే అవకాశం లేదు. ఎలక్షన్‌ దాకా వీరిమధ్య ఈ మంటలు పెరగడమే కాని, ఆరడం అంటూ ఉండదు.

kakani sanjeeవైసిపి అధికారంలోకి వస్తే రాష్ట్రంలో 25పార్లమెంట్‌ స్థానాలను 25 జిల్లాలుగా మారుస్తామని చెప్పి ఆ పార్టీ అధినేత వై.యస్‌. జగన్మోహన్‌రెడ్డి ఆ దిశగా తన పార్టీ నుండే తొలి అడుగు వేసాడు. ఈసారి జిల్లాల వారీగా కాకుండా పార్లమెంట్‌ నియోజకవర్గాల వారీగా అధ్యక్షులను ప్రకటించాడు. ఇప్పటివరకు పార్టీ జిల్లా అధ్యక్షుడుగా వున్న కాకాణి గోవర్ధన్‌రెడ్డి ఇక నుండి నెల్లూరు పార్ల మెంటు(నెల్లూరు సిటీ, నెల్లూరురూరల్‌, కోవూరు, ఆత్మకూరు, కావలి, ఉదయగిరి, ప్రకాశంజిల్లాలోని కందుకూరు అసెంబ్లీలు) అధ్యక్షుడిగా వ్యవహరిస్తారు. అలాగే సూళ్ళూరుపేట ఎమ్మెల్యే కిలివేటి సంజీ వయ్యను తిరుపతి పార్లమెంటు అధ్యక్షుడిగా నియమించారు. నెల్లూరుజిల్లాలోని సర్వేపల్లి, గూడూరు, సూళ్ళూరుపేట, వెంకటగిరి అసెంబ్లీలతో పాటు చిత్తూరు జిల్లాలోని తిరుపతి, శ్రీకాళహస్తి, సత్యవేడు అసెంబ్లీ నియోజకవర్గాలు ఈ పార్లమెంటు పరిధిలోకి వస్తాయి.

kakaniరాజకీయ నాయకులకు సొంత ఆలోచన, సమస్యలపై సొంతంగా అవ గాహన ఉండాలి. రాజకీయాలలో వున్న ప్పుడు ఇతరులు సలహాలు, సూచనలు ఇస్తుంటారు. అవెంతవరకు సాధ్యమో ఆలోచించుకోవాలి. రాజకీయాలలో వున్నప్పుడు ఎదుటివారు చెప్పేది వినాలి. వారు చెప్పిన విషయాలపై మనం సొం తంగా పరిశీలన చేసుకుని అడుగేయాలి. అంతేగాని ఎవరెవరో చెప్పింది విని అడు గులు వేస్తే అవి తప్పటడుగులే అవు తాయి. అలా తప్పటడుగులు వేసే సర్వే పల్లి ఎమ్మెల్యే కాకాణి గోవర్ధన్‌రెడ్డి ఇప్పుడు చిక్కుల్లో పడ్డాడు. అసలే ఎన్నికల నాటి నకిలీ మద్యం కేసుతో సతమతమవుతున్న ఆయన మెడకు తాజాగా నకిలీ డాక్యు మెంట్ల కేసు తగులుకుంది. గత ఏడాది డిసెంబర్‌లో నకిలీ డాక్యుమెంట్లు చూపించి మంత్రి సోమిరెడ్డి చంద్ర మోహన్‌రెడ్డిపై నిరాధార ఆరోపణలు చేసినందుకుగాను సర్వేపల్లి ఎమ్మెల్యే కాకాణి గోవర్ధన్‌రెడ్డిపై ఛార్జిషీటు దాఖ లైంది. ఈ కేసులో ఆయనను ఏ-1 ముద్దా యిగా, ఏ-2గా పసుపులేటి చిరంజీవి, ఏ-3గా పి.వెంకటకృష్ణ, ఏ-4గా జె.హరి హరన్‌లను చేర్చి నెల్లూరు మొదటి తరగతి నాలుగో అదనపు జ్యూడిషియల్‌ మేజిస్ట్రేట్‌ కోర్టులో ఛార్జిషీట్‌ దాఖలు చేశారు.

అప్పట్లో సోమిరెడ్డి ఫిర్యాదు ఆధా రంగా నెల్లూరురూరల్‌ పోలీసులు రంగం లోకి దిగి విచారణ మొదలుపెడితే అసలు కథంతా బయపడింది. అప్పుడే పసుపు లేటి చిరంజీవి అనే మోసగాడు సృష్టించిన నకిలీ డాక్యుమెంట్లుగా ఇవి తేలాయి. ఈ ఏడాది జనవరిలోనే పోలీసులు చిరం జీవిని, మరో ఇద్దరిని అరెస్ట్‌ చేశారు. కాగా, కాకాణి చూపించిన డాక్యుమెంట్లు ఫోర్జరీ అని తాజాగా ఫోరెన్సిక్‌ లేబొరేటరీ నిర్ధా రించింది. అలాగే కాకాణి చెప్పిన తేదీలలో సోమిరెడ్డి మలేషియాకు వెళ్ళలేదని ఇమి గ్రేషన్‌ అధికారులు నిర్ధారించారు. దీంతో సోమిరెడ్డిపై కాకాణి చేసినవి తప్పుడు ఆరోపణలేనని తెలిపోవడంతో కాకాణికి చిక్కులు ఇంకొంచెం పెరిగినట్లయ్యింది.

Page 1 of 4

newsbottomad

ఎక్కువగా చదివిన వార్తలు

  • దండగ... పండగ...
    పర్యాటక అభివృద్ధి అంటే సంవత్సరంలో 365రోజులు జరగాల్సిన ప్రక్రియ. దానిని రెండుమూడు రోజులు జాతరగా మార్పు చేయడం సబబు కాదు. మూడురోజుల సంబడం కోసం మూడు కోట్లు తగలెయ్యడం కరెక్ట్‌ కాదు. ఆ నిధులనే పర్యాటక కేంద్రాల అభివృద్ధికి వెచ్చిస్తే సంవత్సరం…
  • చిలికి చిలికి... గాలివాన కానుందా?
    ఈ జిల్లాలో తెలుగుదేశం పార్టీకి పునాదులుగా వుండి, పార్టీ జెండాలు మోసి భుజాలు కాయలు కాసిన నాయకుల వల్ల పార్టీకి ఎప్పుడూ సమస్యలు ఎదురు కాలేదు. వారి వ్యక్తిగత ఆర్ధిక లావాదేవీల వల్ల పార్టీకి చెడ్డపేరొచ్చింది కూడా లేదు. కాని, ఇతర…
  • సమన్వయ లోపం... వైకాపాకు శాపం!
    2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు…
  • సినిమానూ వదలని సెగ
    నేనెందుకు పార్టీ పెట్టానో నాకే తెలి యదు, నేనెందుకు ప్రచారం చేస్తున్నానో నాకే తెలియదు, ఎన్ని సీట్లకు పోటీ చేయాలో నాకే తెలియదు... అన్నంత అజ్ఞానంలో వున్న హీరో పవర్‌స్టార్‌ పవన్‌ కళ్యాణ్‌, ఒక దశ దిశ నిర్దేశం లేకుండా రాజకీయపార్టీని…
  • నెల్లూరుజిల్లా ప్రగతిలో... వై.యస్‌. మార్క్‌ తప్పితే... బాబు బ్రాండ్‌ ఏది?
    మొన్న కోడూరుపాటు జన్మభూమి గ్రామ సభలో ముఖ్యమంత్రి చంద్రబాబునాయుడు మాటలు కోటలు దాటాయి. గాల్లోనే మేడలు కట్టారు. 2019కల్లా దగదర్తి ఎయిర్‌పోర్టును పూర్తి చేస్తామన్నారు. కృష్ణపట్నంపోర్టులో సెజ్‌ను ఏర్పాటు చేసి పారిశ్రామికంగా అభివృద్ధి చేస్తామన్నారు. నెల్లూరు నుండి చెన్నై దాకా ఇండస్ట్రియల్‌…

Newsletter