ycpsనెల్లూరు ఎంపీ మేకపాటి రాజమోహన్‌రెడ్డి పెద్దగా మాట్లాడడు. మాట్లాడిన చోట ఏదో ఒక వివాదం తెస్తుంటాడు. ఇంకా ఎన్నికలకు దాదాపు రెండేళ్ల గడువుంది. అప్పటికి ఎవరు ఏ పార్టీలో వుంటారో, ఏ సీటును ఎవరు తెచ్చుకుంటారో తెలియదు. అప్పటి రాజకీయ పరిణామాలను ఇప్పుడే వూహించలేము. కాబట్టి ఫలానా సీటు ఫలానా ఆయనకే అని చెప్పడం కరెక్ట్‌ కాదు. అది కూడా మేకపాటి రాజమోహన్‌రెడ్డి చెప్పడం సముచితం కాదు. ఆయన వైయస్సార్‌ కాంగ్రెస్‌పార్టీకి అధ్యక్షుడు కాదు పార్టీ అభ్యర్థులను ప్రకటించడానికి. పార్టీ అధ్యక్షుడే అభ్యర్థుల విషయమై నోరెత్తడం లేదు. ఇప్పుడంత అవసరం కూడా లేదు. ముందు చేయాల్సిన పని పార్టీని పటిష్టం చేయడం. ప్రభుత్వ బలహీనతల్ని ప్రజల్లో బాగా ప్రచారం చేసి ప్రయోజనం పొందడం. మేకపాటి ఆ విషయాన్ని వదిలేసి ఇతర విషయాల మీద మనసు పెడుతున్నాడు.

కావలి నియోజకవర్గ ప్లీనరీలో వచ్చే ఎన్నికల్లోనూ సిటింగ్‌ ఎమ్మెల్యే రామిరెడ్డి ప్రతాప్‌రెడ్డే అభ్యర్థిగా వుంటాడని ఎంపి మేకపాటి ప్రకటించడం నియోజకవర్గం లోని పార్టీ నాయకుల మధ్య చిచ్చు రేపింది. రామిరెడ్డి ప్రతాప్‌రెడ్డికి అప్పుడే మీరు సీటు ఎలా ఖరారు చేస్తారంటూ మాజీఎమ్మెల్యే కాటంరెడ్డి విష్ణువర్ధన్‌రెడ్డి, వంటేరు వేణుగోపాలరెడ్డిలు నిరసన గళం విప్పారు. వీళ్లిద్దరు కూడా కావలి టిక్కెట్‌ రేస్‌లో వున్నారు. అసెంబ్లీ సీటన్నాక ఒకరికి నలుగురు నాయకులు ప్రయత్నించడం సహజం. అయితే ఎన్నికల సమయంలో వివిధ సమీకరణలను పరిగణనలోకి తీసుకుని అభ్యర్థిని ఎంపిక చేయాల్సి వుంటుంది. అలా ఒకరిని ఎంపిక చేసే టప్పుడు మిగతా ఆశావాదులను పిలిపిం చుకుని మాట్లాడి ఒప్పించాల్సి వుంటుంది. వారు కూడా పార్టీ కోసం పనిచేస్తేనే కదా అభ్యర్థి గెలిచేది. ఒక అభ్యర్థి ఎంపికలో ఇంత తతంగం ఉంటుంది. అభ్యర్థిని పార్టీ అధ్యక్షుడు ప్రకటిస్తేనే మిగతా నాయకులు అంగీకరిస్తారు. అంతేగాని పార్టీ అభ్యర్థులను ఖరారు చేయడానికి రాజమోహన్‌రెడ్డి ఎవరు? వచ్చే ఎన్నికల్లో ఆయన సిటింగ్‌ సీటే ఆయనకు గ్యారంటీ వుండదు. ఆయన ఇంకొకరి సీటును ఖరారు చేయడమేమిటి? ఇలాంటి నోటి దూలే ప్రశాంతంగా వున్న పార్టీలో వర్గ చిచ్చు రేపుతుంది.

2014 ఎన్నికలప్పుడు కూడా మేకపాటి జిల్లా పార్టీలో ఇలాంటి కంపునే రేపాడు. అధిష్టానంతో సంబంధం లేకుం డానే పలువురు నాయకులకు సీట్లిస్తానని హామీ ఇచ్చి వారిని రెచ్చగొట్టాడు. నెల్లూరు రూరల్‌లో కోటంరెడ్డి శ్రీధర్‌రెడ్డికి వ్యతి రేకంగా ఆనం వెంకటరమణారెడ్డిని, నెల్లూరు నగరంలో అనిల్‌కుమార్‌ యాదవ్‌కు వ్యతిరేకంగా అజీజ్‌ను, వెంకట గిరిలో కొమ్మి లక్ష్మయ్యనాయుడుకి బదు లుగా మరో నాయకుడిని ఆయన రెచ్చ గొట్టాడు. సీట్లిప్పిస్తానని వాళ్ళను తన చుట్టూ తిప్పించుకున్నాడు. దానివల్లే ఆరోజు పార్టీలో అంతర్గత కలహాలు వచ్చాయి. మళ్ళీ మేకపాటి గతంలో చేసిన పొరపాటునే పునరావృతం చేస్తున్నాడు. ఇది ఎంతమాత్రం పార్టీకి మంచిది కాదు.

pratapకావలి నియోజకవర్గంలోని పలు ప్రాంతాల ప్రజలు మంచినీటి కొరతతో తీవ్ర ఇబ్బందులు పడుతున్నారని, అధికారులు వెంటనే ఈ ప్రాంతాలను సందర్శించి ప్రజలకు నీరందించి ఆదుకోవాలని కావలి ఎమ్మెల్యే రామిరెడ్డి ప్రతాప్‌ కుమార్‌రెడ్డి కోరారు. ఈనెల 16న ఆయన కావలి పెద్ద చెరువును పరిశీలించారు. ఆ చెరువులో వున్న కొద్దిపాటి నీరు ప్రజల త్రాగునీటికి సరిపోవని, వెంటనే సోమశిల జలాలను చెరువుకు అందజేయాలని ఆయన అధికారులను కోరారు. పశువులకు కూడా తాగేందుకు సరిగా నీరందడం లేదని, వెంటనే సోమశిల జలాలు పంపిణీ చేసి ఆదుకోవాలని అన్నారు. ఈ కార్యక్రమంలో ఎమ్మెల్యేతో పాటు పాల్గొన్న ఇనమడుగు శివరామిరెడ్డి మాట్లాడుతూ, కావలి ప్రాంతం పట్ల అధికారులు వివక్ష చూపుతున్నారని, కోవూరుకు రెండో పంటకు నీరిచ్చి కావలి నియోజకవర్గానికి తాగునీటికి కూడా నీరు వదలకపోవడం దారుణమన్నారు. అనంతరం ఎమ్మెల్యే చెరువుకట్ట సంగం వద్ద నివాసం వుంటున్న కుటుంబాలను సందర్శించి వారి సమస్యలను అడిగి తెలుసుకున్నారు. ఎమ్మెల్యే వెంట మునిసిపల్‌ ఫ్లోర్‌లీడర్‌ కనుమర్లపూడి వెంకటనారాయణ, సాయి, కేతిరెడ్డి జగదీశ్వరరెడ్డి, పి.కామరాజు, గంధం ప్రసన్నాంజనేయులు, కౌన్సిలర్లు, తదితరులు పాల్గొన్నారు.

tdp flagరాజకీయాలలో అంత మంచితనం పనికిరాదు, మంచితనానికి తోడు కొంత కఠినత్వం కూడా అవసరం. స్వతహాగా మాజీ శాసనసబ్యులు, నియోజకవర్గ ఇన్‌చార్జ్‌, రాజధాని నిర్మాణ కమిటీ సభ్యులు బీదా మస్తాన్‌రావు కు నియోజకవర్గంతో పాటు రాష్ట్రంలోనే మంచివాడు, సౌమ్యుడు అనే పేరుంది. ఆ మంచి తనమే గత ఎన్నికలలో నిలువునా ముంచింది. మళ్ళీ అదే మంచితనం కనబడుతుందని ఆయన అభిమానులు ఆందోళన చెందుతున్నారు. ప్రస్తుతం పార్టీ అధికారంలో ఉంటే ఉత్సాహంతో పనిచేయాల్సిన తెలుగు తమ్ముళ్లు కావలి నియోజక వర్గంలో అందుకు భిన్నంగా నిరుత్సాహంతో, అంటీముట్టనట్లు వ్యవహరిస్తున్నారని సమాచారం. ఇటీవల నిర్వహంచిన గ్రామ, వార్డు కమిటీల ఎన్నికల్లో కార్యకర్తల అసహనం బయటపడుతుంది. కారణం పార్టీలోని ద్వితీయ, తృతీయ శ్రేణి కార్యకర్తలపై ఆయన దృష్టి సారించకపోవడమేనని పలువురు ఆవేదన వ్యక్తం చేస్తున్నారు. నియోజకవర్గంలో ఉన్న సర్పంచులు, ఎంపీటీసీలు, కార్యకర్తలతో నాయకులు చిన్నా పెద్దా తేడా లేకుండా కలసిపోవాలి. అందుకు భిన్నంగా నియోజకవర్గంలో ఆ నలుగురితోనే మాట్లాడుతూ వెళ్లి పోతుండడంతో కార్యకర్తలలో అసంతృప్తి వెలువడుతుందని సమాచారం. క్రింది స్థాయిలో సమస్యలను ఆయనకు తెలుపకపోగా పక్క దారి పట్టిస్తున్నారని వినికిడి. నాయకుడు వచ్చినప్పుడు మాత్రమే అక్కడ హడావిడి చేసే కొందరు... ఆయన వెళ్ళిపోయాక ఏకంగా అధినాయకుని పైనే విమర్శలు చేయడం నిజమైన అభిమానులను తీవ్ర ఆవేదనకు గురి చేస్తుండడంతో ఏ క్షణం ఏమి జరుగుతుందోనని మదన పడుతుండటం గమనార్హం. పార్టీలో ఏ కార్యక్రమం నిర్వహించినా అందరితో కలసి చర్చించకపోవడం, మండలాలలో , పట్టణంలో ఉన్న ద్వితీయ శ్రేణి నాయకులు కార్యకర్తలను పట్టించకోకుండా ఒంటెద్దు పోకడతో ఉండడంతో క్రింది స్థాయిలో పార్టీ పట్ల అసహనంగా ఉన్నట్లు తెలుస్తుంది. నియోజకవర్గంలో ఏ నాయకులు ఎక్కడ పని చేస్తున్నారు, లోపం ఎక్కడ ఉంది, కార్యకర్తలు ఎందుకు అసంతృప్తిలో ఉన్నారో తెలుసుకొని సరి చేయాల్సిన అధినాయకత్వం ఆ దిశగా చర్యలు తీసుకోకపోవడంతో కార్యకర్తలకు- నాయకులకు మధ్య మరింత దూరం పెరిగేందుకు దోహద పడుతుంది. ఇక రెండు సంవత్సరాలలో ఎన్నికలు రాబోతున్నాయి కాబట్టి నాయకులు క్షేత్ర స్థాయిలో సమస్యలను సరిచేసి వారి మంచి, చెడులకు నేనున్నాననే భరోసా కల్పించాల్సిన అవసరం ఎంతైనా ఉంది. అప్పుడే పార్టీపట్ల విధేయులుగా ఉండేందుకు ముందుకు వస్తారని పలువురు తెలియజేస్తున్నారు . పార్టీలో ఆ నలుగురే అనే అబిప్రాయం వీడనాడి అందరూ సమానులే , ప్రతి ఓటరు పార్టీకి అవసరం అనే విధంగా ముందుకు వెళ్లాలని మరికొందరు కోరుతున్నారు.

ఇప్పటికైనా నియోజకవర్గంలో ప్రతి ఒక్కరితో సత్సంబంధాలు ఏర్పాటు చేసుకొని ఎప్పటికప్పడు పరిస్థితులను తెలుసుకొని, లోపాలను గుర్తించి పార్టీకి నష్టం కలిగించేవారిపై కఠిన చర్యలు తీసుకుంటే బీదాకు తిరుగులేదు. కావలి నియోజకవర్గం రాబోయే రోజులలో టీడీపీకి కంచుకోటగా నిలుస్తుందని విశ్లేషకుల అంచనా...!

Page 1 of 5

newsbottomad

ఎక్కువగా చదివిన వార్తలు

  • అసలు పని వదిలేసి... అన్న క్యాంటిన్‌లు ఎందుకో?
    గుర్రం చేసే పని గుర్రం చేయాలి, గాడిద చేసే పని గాడిద చేయాలి... అని పెద్దలు చెప్పిన పాత మోటు సామెత అందరూ వినే వుంటారు. పారిశుద్ధ్య కార్మికుడి పని వీధులను శుభ్రంగా ఉంచడం... ఆ పని అతనే చెయ్యాలి. అదే…
  • తప్పెవరిది?
    నెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి…
  • ఆ పైపులతో... ఆయకట్టుకు నీళ్ళు కట్‌
    చేసే అభివృద్ధి పనులు ప్రజలకు మంచి చేసేలా వుండాలేగాని ఇంకొంచెం ఇబ్బందిగా మారకూడదు. ఒకరి సమస్య తీర్చడానికి చేస్తున్న పని ఇంకో పది మందికి సమస్య కాకూడదు. కాని, నెల్లూరు రూరల్‌ పరిధిలోని 31వ డివిజన్‌ శ్రామికనగర్‌ వద్ద కనుపూరు కాలువపై…
  • ఓటమి నేర్పిన పాఠమేంటి?
    గెలిస్తే ప్రపంచానికి నువ్వు తెలుస్తావ్‌... ఒక్కసారి ఓడిపోయి చూడు ప్రపంచమేంటో నీకు తెలుస్తుంది. రాజకీయాలలో గెలుపును ఆస్వాదించే వాడు కాదు, ఓటమిని భరించేవాడు, ఆ ఓటమితో పాఠాలు నేర్చుకునే వాడు, ఆ ఓటమిని రేపటి విజయానికి మెట్లుగా మలచుకునేవాడే నిజమైన రాజకీయ…
  • వైకాపాలోనూ... నేతలమధ్య కలతలు
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాల్లో నెల్లూరొకటి. ఒకప్పుడు కాంగ్రెస్‌కు కంచుకోట లాంటి ఈ జిల్లా ఇప్పుడు వైకాపాకు పెట్టనికోట అయ్యింది. 2014 ఎన్నికల్లో నెల్లూరు, తిరుపతి ఎంపి స్థానాలతో పాటు జిల్లాలో ఏడు అసెంబ్లీ స్థానాలను గెలుచుకుంది. ఆ…

Newsletter