kavaliనెల్లూరుజిల్లాలో వైయస్సార్‌ కాంగ్రెస్‌పార్టీలో టిక్కెట్‌ యుద్ధానికి తొలి వేదికగా మారింది కావలి నియోజకవర్గం. సిట్టింగ్‌ ఎమ్మెల్యే రామిరెడ్డి ప్రతాప్‌ కుమార్‌రెడ్డి మళ్ళీ పోటీకి సమాయత్తం అవుతుం డగా, ఈసారి మాజీఎమ్మెల్యే కాటంరెడ్డి విష్ణు వర్ధన్‌రెడ్డి కూడా రంగంలోకి రావడంతో సీన్‌ రస వత్తరంగా మారింది. ఏదైనా జగన్‌తోనే తేల్చుకుంటానంటూ ఇటీవల కాటంరెడ్డి విష్ణువర్ధన్‌రెడ్డి హైదరాబాద్‌లో జగన్‌తో భేటీ అయ్యాడు. కావలి సీటు విషయమై గట్టిగానే అడిగాడు. జగన్‌ ఆయనకు హామీ అయితే ఇవ్వలేదుగాని పరిశీలిద్దామని చెప్పినట్లు తెలుస్తోంది. కావలి సీటును విష్ణు గట్టిగా అడిగాడని తెలిసేసరికి ప్రతాప్‌ ట్రాక్‌లోకి వచ్చాడు. నేను సిటింగ్‌ ఎమ్మెల్యేను, నాకు సీటు వుందో లేదో తేల్చండి... నా పని నేను చూసుకుంటానని డోసు పెంచి చెప్పాడు. దీంతో ఓ పక్క ఎంపీ మేకపాటి రాజమోహన్‌రెడ్డి, మరో పక్క పార్టీ జిల్లా కన్వీనర్‌ కాకాణి గోవర్ధన్‌రెడ్డిలు కావలి సీటు సిటింగ్‌ ఎమ్మెల్యే రామిరెడ్డి ప్రతాప్‌దేనని, జగన్‌ నుండి తమకు ఆ విధంగా సందేశం వచ్చిందని చెప్పారు. ఇక్కడితో ప్రతాప్‌ కూల్‌ అయ్యాడు. రాష్ట్రంలో ఇంతవరకు ఏ సీటు ఎవరిదన్నది ఖరారు కాలేదు. అప్పుడే చేయలేరు కూడా! ప్రతి నియోజకవర్గంలోనూ ప్రశాంత్‌కిషోర్‌ బృందం సర్వే జరుగుతోంది. ఏ నియోజకవర్గం నుండి ఎవరు బెటరో ఆ సర్వేలో తేలుతుంది. సిటింగ్‌ ఎమ్మెల్యేలు, ఎంపీలందరికీ తిరిగి సీట్లు ఇచ్చినా వారిలో కొందరు గెలుస్తారనే నమ్మకం లేదు. అంతెందుకు నెల్లూరు సిటింగ్‌ ఎంపీ మేకపాటికి మళ్ళీ సీటిస్తే... గెలుపు డౌటే... కాబట్టి ఇప్పుడు ఎవరికి సీటు ఖరారు చేసారని చెప్పినా అది కంటి తుడుపు చర్యేగాని, బి-ఫారాన్ని చేతికిచ్చినట్లు మాత్రం కాదు.

kavaliవైయస్సార్‌ కాంగ్రెస్‌పార్టీలో సిటింగ్‌ ఎమ్మె ల్యేలలో ఎక్కువ మందికి తిరిగి టిక్కెట్లిచ్చే అవ కాశాలున్నాయి. అయితే ఒక్క కావలిలో మాత్రం సీటు విషయంలో బలమైన పోటీ నెలకొని వుంది. అది కూడా మాజీఎమ్మెల్యే కాటంరెడ్డి విష్ణువర్ధన్‌రెడ్డి నుండే కావడంతో కావలి వైకాపా రాజకీయాలు రసవత్తరంగా మారనున్నాయి.

ఈ జిల్లాలో వై.యస్‌.కు మొదటి రాజకీయ అనుచరుడు విష్ణు. అతని తర్వాతే ఆనం వాళ్లయినా, ఇంకొకరైనా వై.యస్‌.ను అనుసరించారు. తనను నమ్మి తన వెంట నడిచినందుకు విష్ణును వై.యస్‌. అలాగే ఆదరించాడు. 2004 ఎన్నికల వరకు అతనికే అల్లూరు టిక్కెట్‌ వచ్చేలా చూసాడు. 2009లో నియోజకవర్గాల పునర్విభజనతో అల్లూరు నియోజకవర్గం ఎగిరిపోయింది. దీంతో కావలి నుండి విష్ణు అయితే ఓడిపోతాడని తన సన్నిహిత రాజకీయ వర్గాలు చెప్పినా వై.యస్‌. వినిపించుకోకుండా ఓడి పోయినా ఫర్వాలేదు, నన్ను నమ్ముకున్నోళ్లను నేను వదిలేయ లేను అంటూ కావలి సీటిచ్చాడు. ఆ ఎన్నికల్లో విష్ణు ఓడి పోవడం తెలిసిందే!

ఇక 2014 ఎన్నికల నాటికి రాష్ట్ర రాజకీయ స్వరూపం మారిపోవడం తెలిసిందే! కాంగ్రెస్‌ తెరమరుగు కావడంతో విష్ణు వైయస్సార్‌ కాంగ్రెస్‌ పార్టీలో చేరాడు. ఆ ఎన్నికల్లో కావలి సీటును ముందుగానే రామిరెడ్డి ప్రతాప్‌కుమార్‌రెడ్డిని ఖరారు చేయడంతో విష్ణు అప్పుడు ఆ సీటుపై పెద్దగా ఆశలు పెట్టుకో లేదు. సరికదా, వైసిపి అభ్యర్థి రామిరెడ్డి ప్రతాప్‌ గెలుపుకు చిత్తశుద్ధితోనే పనిచేసాడు.

కాని, ఈసారి ఎన్నికల్లో కావలి నుండి తానే స్వయంగా రంగంలోకి దిగాలని విష్ణు నిర్ణయించుకున్నట్లు తెలుస్తోంది. ఈ విషయమై పార్టీ అధినేత వై.యస్‌.జగన్మోహన్‌రెడ్డితోనూ చర్చించాడని, ఎమ్మెల్సీ ఇస్తాము, సిటింగ్‌ ఎమ్మెల్యేగా ప్రతాప్‌కే మద్దతునివ్వాలని జగన్‌ నచ్చజెప్పి చూసినా విష్ణు వినలేదని తెలుస్తోంది. ఈసారి ఎలక్షన్‌ బాగా ఖరీదవుతుంది. దానికి కూడా వెనక్కి తగ్గేది లేదని, ఆరు నూరైనా ఈసారి కావలి నుండి పోటీ చేసేది ఖాయమని విష్ణు తన వర్గీయులకు సంకేతాలు పంపుతున్నట్లు సమాచారం.

ycpsనెల్లూరు ఎంపీ మేకపాటి రాజమోహన్‌రెడ్డి పెద్దగా మాట్లాడడు. మాట్లాడిన చోట ఏదో ఒక వివాదం తెస్తుంటాడు. ఇంకా ఎన్నికలకు దాదాపు రెండేళ్ల గడువుంది. అప్పటికి ఎవరు ఏ పార్టీలో వుంటారో, ఏ సీటును ఎవరు తెచ్చుకుంటారో తెలియదు. అప్పటి రాజకీయ పరిణామాలను ఇప్పుడే వూహించలేము. కాబట్టి ఫలానా సీటు ఫలానా ఆయనకే అని చెప్పడం కరెక్ట్‌ కాదు. అది కూడా మేకపాటి రాజమోహన్‌రెడ్డి చెప్పడం సముచితం కాదు. ఆయన వైయస్సార్‌ కాంగ్రెస్‌పార్టీకి అధ్యక్షుడు కాదు పార్టీ అభ్యర్థులను ప్రకటించడానికి. పార్టీ అధ్యక్షుడే అభ్యర్థుల విషయమై నోరెత్తడం లేదు. ఇప్పుడంత అవసరం కూడా లేదు. ముందు చేయాల్సిన పని పార్టీని పటిష్టం చేయడం. ప్రభుత్వ బలహీనతల్ని ప్రజల్లో బాగా ప్రచారం చేసి ప్రయోజనం పొందడం. మేకపాటి ఆ విషయాన్ని వదిలేసి ఇతర విషయాల మీద మనసు పెడుతున్నాడు.

కావలి నియోజకవర్గ ప్లీనరీలో వచ్చే ఎన్నికల్లోనూ సిటింగ్‌ ఎమ్మెల్యే రామిరెడ్డి ప్రతాప్‌రెడ్డే అభ్యర్థిగా వుంటాడని ఎంపి మేకపాటి ప్రకటించడం నియోజకవర్గం లోని పార్టీ నాయకుల మధ్య చిచ్చు రేపింది. రామిరెడ్డి ప్రతాప్‌రెడ్డికి అప్పుడే మీరు సీటు ఎలా ఖరారు చేస్తారంటూ మాజీఎమ్మెల్యే కాటంరెడ్డి విష్ణువర్ధన్‌రెడ్డి, వంటేరు వేణుగోపాలరెడ్డిలు నిరసన గళం విప్పారు. వీళ్లిద్దరు కూడా కావలి టిక్కెట్‌ రేస్‌లో వున్నారు. అసెంబ్లీ సీటన్నాక ఒకరికి నలుగురు నాయకులు ప్రయత్నించడం సహజం. అయితే ఎన్నికల సమయంలో వివిధ సమీకరణలను పరిగణనలోకి తీసుకుని అభ్యర్థిని ఎంపిక చేయాల్సి వుంటుంది. అలా ఒకరిని ఎంపిక చేసే టప్పుడు మిగతా ఆశావాదులను పిలిపిం చుకుని మాట్లాడి ఒప్పించాల్సి వుంటుంది. వారు కూడా పార్టీ కోసం పనిచేస్తేనే కదా అభ్యర్థి గెలిచేది. ఒక అభ్యర్థి ఎంపికలో ఇంత తతంగం ఉంటుంది. అభ్యర్థిని పార్టీ అధ్యక్షుడు ప్రకటిస్తేనే మిగతా నాయకులు అంగీకరిస్తారు. అంతేగాని పార్టీ అభ్యర్థులను ఖరారు చేయడానికి రాజమోహన్‌రెడ్డి ఎవరు? వచ్చే ఎన్నికల్లో ఆయన సిటింగ్‌ సీటే ఆయనకు గ్యారంటీ వుండదు. ఆయన ఇంకొకరి సీటును ఖరారు చేయడమేమిటి? ఇలాంటి నోటి దూలే ప్రశాంతంగా వున్న పార్టీలో వర్గ చిచ్చు రేపుతుంది.

2014 ఎన్నికలప్పుడు కూడా మేకపాటి జిల్లా పార్టీలో ఇలాంటి కంపునే రేపాడు. అధిష్టానంతో సంబంధం లేకుం డానే పలువురు నాయకులకు సీట్లిస్తానని హామీ ఇచ్చి వారిని రెచ్చగొట్టాడు. నెల్లూరు రూరల్‌లో కోటంరెడ్డి శ్రీధర్‌రెడ్డికి వ్యతి రేకంగా ఆనం వెంకటరమణారెడ్డిని, నెల్లూరు నగరంలో అనిల్‌కుమార్‌ యాదవ్‌కు వ్యతిరేకంగా అజీజ్‌ను, వెంకట గిరిలో కొమ్మి లక్ష్మయ్యనాయుడుకి బదు లుగా మరో నాయకుడిని ఆయన రెచ్చ గొట్టాడు. సీట్లిప్పిస్తానని వాళ్ళను తన చుట్టూ తిప్పించుకున్నాడు. దానివల్లే ఆరోజు పార్టీలో అంతర్గత కలహాలు వచ్చాయి. మళ్ళీ మేకపాటి గతంలో చేసిన పొరపాటునే పునరావృతం చేస్తున్నాడు. ఇది ఎంతమాత్రం పార్టీకి మంచిది కాదు.

Page 1 of 6

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…

Newsletter