madyam pi yudhamకొత్త ఎక్సైజ్‌ పాలసీ పుణ్యమా అని మద్యంపై మరోసారి మహిళలు రోడ్డెకాల్సి వచ్చింది. మద్యం షాపులకు వ్యతిరేకంగా పోరాడాల్సి వచ్చింది. వీధుల్లో మద్యం షాపులు వద్దంటూ మహిళలు చేస్తున్న పోరాటాలు చూస్తుంటే... 1992 నాటి సారా వ్యతిరేకోద్యమం గుర్తుకువస్తోంది. జాతీయ, రాష్ట్ర రహదారుల పక్కన మద్యం షాపులను సుప్రీం కోర్టు నిషేధించడంతో ఈ షాపులన్నీంటిని కూడా యజమానులు జనావాస ప్రాంతాల్లో పెట్టే ప్రయత్నం చేశారు. అయితే తమ ఇళ్ళ మధ్య మద్యం షాపులేంటంటూ స్థానికులు, ముఖ్యంగా మహిళలు తిరగబడ్డారు. పలు ప్రాంతాల్లో మద్యం వ్యాపారులకు, మహిళలకు మధ్య ఘర్షణలు కూడా జరిగాయి. జిల్లా వ్యాప్తంగా దాదాపు అన్ని మండలాల్లో ఇలాంటి పరిస్థితులే ఎదురయ్యాయి.

జనావాసాలు, విద్యాసంస్థలు ఉండే తమ ప్రాంతాల్లో మద్యం దుకాణం వద్దనేవద్దంటూ మహిళలు పెద్దఎత్తున నిరసన కార్యక్రమం చేపట్టారు. వీరికి మద్దతుగా నెల్లూరురూరల్‌ ఎమ్మెల్యే కోటంరెడ్డి శ్రీధర్‌రెడ్డి ఆందోళనలో పాల్గొని మద్యం దుకాణం వద్ద బైఠాయించారు. మద్యం దుకాణం తక్షణమే తొలగించాలని లేని పక్షంలో ఆందోళన సాగిస్తామని హెచ్చరించారు. దాదాపు నాలుగు గంటల పాటు జరిగిన ఈ ఆందోళనతో మూడు రోజుల్లో దుకాణం తొలగిస్తానని మద్యం దుకాణం యజమాని హామీ ఇవ్వడంతో ఎమ్మెల్యే, స్థానికులు శాంతించారు. సుప్రీం కోర్టు ఆదేశాలతో జాతీయ రహదారికి 500మీటర్ల అవతల మద్యం దుకాణం ఏర్పాటు చేసుకోవాల్సి రావడంతో అయ్యప్ప గుడి సమీపంలో మద్యం దుకాణాన్ని రెండురోజుల క్రితం తల్పగిరి కాలనీలో ఇళ్ల మధ్య ఏర్పాటు చేశారు. నెల్లూరు నగరంలో ఎక్కడా మద్యం దుకాణాలు లేకపోవడంతో మద్యంప్రియులు పెద్ద ఎత్తున ఈ ప్రాంతానికి చేరుకుని మందు కొనుగోలు చేయడం ప్రారంభించారు. దీంతో స్థానికుల్లో ఆందోళన మొదలైంది. ఈ విషయాన్ని రూరల్‌ ఎమ్మెల్యే కోటంరెడ్డి శ్రీధర్‌రెడ్డి దృష్టికి తీసుకెళ్లి మంగళవారం సాయంత్రం పెద్దఎత్తున మహిళలు, స్థాని కులు కలిసి మద్యం దుకాణం వద్ద ఆందోళన చేపట్టారు. నర్సింగ్‌ కళాశాల, జనావాసాలు ఉండే ప్రాంతంలో మద్యం దుకాణం ఏర్పాటు చేయడం ఏంటంటూ నిరసన వ్యక్తం చేశారు. విద్యార్థినులతో కలిసి ర్యాలీ నిర్వహించి దుకాణం ముందు బైఠాయించారు. ఎమ్మెల్యే కోటంరెడ్డి శ్రీధర్‌రెడ్డి మాట్లాడుతూ ప్రభుత్వ చర్యలతో ప్రజలు తీవ్ర ఇబ్బందులకు గురౌతున్నారని, సుప్రీంకోర్టు నిబంధనలు అనుసరించి దూరప్రాంతాల్లో మద్యం దుకాణాలు ఏర్పాటు చేసుకోమంటే వాటిని జనావా సాల మధ్య ఏర్పాటు చేయడం ఏమిటని ప్రశ్నించారు. మద్యం దుకాణాల కోసం ఆటోనగర్‌ మాదిరిగా మద్యంనగర్‌ అని ఒక కాలనీ ఏర్పాటు చేసి దుకాణాలన్నీ అక్కడకు తరలించాలని డిమాండ్‌ చేశారు. మహిళలు, విద్యార్థినులు ఉన్న ప్రాంతంలో దుకాణం ఏర్పాటు చేస్తే వారికి రక్షణ కరువవుతుందని, దీనికి అధికారులు కూడా బాధ్యత వహించాల్సి వస్తుంద న్నారు. ఈ ఆందోళనతో దుకాణం యజ మాని వెంకటేష్‌ అక్కడకు చేరుకుని చర్చలు జరిపారు. తాను లక్షలు వెచ్చించి అన్ని అనుమతులతో దుకాణం ఏర్పాటు చేసు కున్నానని, ఒక్కరోజుకే మూసేస్తే తీవ్రంగా నష్టపోతానని తెలిపారు. మానవతా దృక్ఫ థంతో తనకు మూడురోజులు అవకాశం ఇస్తే ఉన్న సరుకుని విక్రయించేసి దుకా ణాన్ని తొలగిస్తానని ఎమ్మెల్యేకు, ప్రజలకు హామీ ఇవ్వడంతో స్థానికులు ఆందోళన విరమించారు. ఆందోళనలో అవాంఛనీయ సంఘటనలు జరగకుండా అయిదన నగర సిఐ మంగారావు, ఎస్సై విజయ్‌కుమార్‌ గట్టి బందోబస్తు ఏర్పాటు చేశారు. దిలీప్‌ నర్సింగ్‌ స్కూల్‌ కరస్పాండెంట్‌ ప్రభుదాస్‌, కార్పొరేటర్‌ బొబ్బల శ్రీనివాసయాదవ్‌, టిడిపి, లోక్‌సత్తా, కాంగ్రెస్‌, సిపిఎం నాయకులు పాల్గొన్నారు.

kotam edupuసీనియర్‌ సిటిజన్‌లు, విశ్రాంత ఉద్యోగులు సేద తీరడం కోసం, నలుగురు కలిసి మంచిచెడ్డలు చెప్పుకుంటారనే సదుద్దేశ్యంతో నెల్లూరు గ్రామీణ ఎమ్మెల్యే కోటంరెడ్డి శ్రీధర్‌రెడ్డి తన నియోజకవర్గ పరిధిలో 'పెద్దలకొలువు' పేరుతో వారికి విశ్రాంతి భవనాల నిర్మాణానికి శ్రీకారం చుట్టారు. ఇందులో భాగంగానే ఇటీవల మొదటి పెద్దల కొలువుకు నెల్లూరు, పొదలకూరురోడ్డులో ఈఎస్‌ఐ ఆసుపత్రి ముందు కొంచెం స్థలంలో సీనియర్‌ సిటిజన్స్‌ చేతుల మీదుగానే శంకుస్థాపన చేయించారు. తన స్వంత నిధులతో దీనికి స్లాబు కూడా వేయించారు. నగర కమిషనర్‌ నోటి మాట తీసుకునే ఈఎస్‌ఐ ఆసుపత్రి ముందు దీని నిర్మాణం చేపట్టాడాయన!

అయితే గత నెల 31వ తేదీ నుండి ఈ నెల 3వ తేదీ వరకు నగరంలో అక్రమ కట్టడాల కూల్చివేతలు జరగడం తెలిసిందే! ఈ కూల్చివేతల పరంపరలో ఈ నెల 3వ తేదీన కార్పొరేషన్‌ సిబ్బంది 'పెద్దలకొలువు' విశ్రాంతి మందిరాన్ని కూడా పూర్తిగా నేలమట్టం చేసేసారు. అడ్డుకోబోయిన వృద్ధులను పోలీసుల సాయంతో నెట్టేసారు. 'పెద్దలకొలువు'ను కుప్పకూల్చారన్న సంగతి ఓ పెళ్లి వేడుకకు హాజరై వున్న కోటంరెడ్డికి తెలిసింది. ఆయన వెంటనే సంఘటనా స్థలికి వచ్చారు. కుప్పకూలిన తన ఆశల సౌధం చూసి ఆయన మనసు ముక్కచెక్కలైంది. హృదయం మూగబోయింది. అక్కడే కూలబడిపోయి భోరున విలపించాడు. దాదాపు గంటసేపు మండుటెండలోనే కూర్చుని నిరసన తెలిపాడు. కార్పొరేషన్‌ కమిషనర్‌ ఢిల్లీరావు పరిస్థితి సీరియస్‌ కావడాన్ని గమనించి అక్కడకు చేరుకు న్నాడు. జరిగిన సంఘటన పట్ల విచారం వ్యక్తం చేస్తూ సమన్వయ లోపంతోనే ఇలా జరిగిందని, పెద్దల కొలువుకు తానే మాట పూర్వకంగా అనుమతినిచ్చానని ఒప్పు కున్నారు. అనుమతి లేని భవనం కాబట్టి స్లాబుకు బొక్కలు పొడవమంటే, సిబ్బంది పూర్తిగా కూల్చారని, సమన్వయలోపం వల్లే ఇలా జరిగిందని బాధపడ్డారు.

'పెద్దలకొలువు' కూల్చివేతతో ఈ ప్రాంత ప్రజల్లోనూ తీవ్ర ఆగ్రహావేశాలు వ్యక్తమయ్యాయి. ప్రభుత్వంలో, అధికా రంలో ఉన్నోళ్ళు చేయలేని పనిని ప్రతిపక్ష ఎమ్మెల్యే చేస్తుంటే, దానిని కూడా అడ్డుకో వడర ఎంత దుర్మార్గమని ప్రశ్నిస్తున్నారు.

కాగా, 4వ తేదీన కూల్చిన స్థలం లోనే తిరిగి 'పెద్దలకొలువు' పునరుద్ధర ణకు కోటంరెడ్డి శ్రీధర్‌రెడ్డి శ్రీకారం చుట్టాడు. ఈసారి ఇక కార్పొరేషన్‌ వాళ్ళు దానిజోలికి పోకపోవచ్చు. ఎందుకంటే ఒక్కసారికే కోటంరెడ్డి అంటే ఏంటో వాళ్ళు చూశారు.

ఇవేం నోర్లు... ఇవేం మాటలు

mlas vivమొన్నటి దాకా నెల్లూరు రాజకీయాలు బాగా చప్పగా వుండినాయి. నేతల మాటల్లో పదునుండేది కాదు. వాడి వేడి విమర్శలుండేవి కావు. దానికి కారణం అంతా అడ్జస్ట్‌మెంట్‌ రాజకీయం. జిల్లా మంత్రి నారాయణ రాజకీయ నాయకుడు కాదు. అతనికి రాజకీయంగా ఎట్లా మాట్లాడాలో కూడా తెలియదు. అప్పటికీ అతనిని నెల్లూరు నగర ఎమ్మెల్యే అనిల్‌కుమార్‌యాదవ్‌ బాగానే కలబెట్టాడు. ఆయనకు రాజకీయంగా లోతు తెలియక ''నన్ను ఒక వైపే చూడండి... రెండోవైపు చూడాలనుకోవద్దు, మాడి మసైపోతారు' అంటూ సినిమా డైలాగ్‌లు వదిలాడు. నారాయణ భలే చిక్కాడురా అనుకుని అనిల్‌ కుమార్‌యాదవ్‌, కోటంరెడ్డి శ్రీధర్‌రెడ్డిలు తమ విమర్శలతో మంత్రి బట్టలు విప్పదీసి రోడ్లో నిలబెట్టారు. రాజకీయ విమర్శలు ఎంత రోతగా ఉంటాయో అర్ధం చేసుకున్న నారాయణ ఆ తర్వాత వాళ్ల జోలికి పోవడం మానుకున్నాడు.

ఆనం వివేకానందరెడ్డి ఎప్పుడైతే తెలుగుదేశంలో చేరాడో, అప్పటినుండే నెల్లూరు నగరంలో రాజకీయ సెగలు మొదలయ్యాయి. వివేకా పక్కా రాజకీయ నాయకుడు. ఈయనకు కొత్తగా ఎవరూ గుడ్డలూడదీయాల్సిన పని లేదు. ఎందుకంటే గుడ్డలిప్పుకుని ముందుగానే ఆయన రోడ్డు మీద నిలబడి ఉంటాడు. అవతల వాళ్లను కూడా గెలికి గొడవ పెట్టుకోవడం ఈయన స్కూల్‌ రోజుల్లోనే నేర్చుకున్న విద్య. వివేకా తెలుగుదేశంలోకి వచ్చాక నగర రాజకీయం ఏ స్థాయిలో వేడిపుట్టిస్తుందో చూడండి... మిస్టర్‌ 420... లత్‌కోర్‌... కుర్రకుంక... ముసలి నక్క... డాల్‌ డకార్‌... అలబరోళ్ల సంఘం అధ్యక్షుడు... రాజకీయ సంకరజాతి వ్యక్తి... పిచ్చికుక్కను తిరిమినట్లు... రాజకీయ అఘోరా... ఉన్మాది... నరమాంసం మరిగిన పులులు... ఫేస్‌ టు ఫేస్‌ తేల్చుకుందాం... వెధవకూతలు... కారుకూతలు... ముదురుకుంక... వినడానికి ఎంత వినసొంపుగా ఉన్నాయి ఈ మాటలు, విని కూడా ఎంత కాలమైందో... అప్పు డెప్పుడో ఆనమోళ్లకు సోమిరెడ్డికి మధ్య, ఆదాలకు సోమిరెడ్డికి మధ్య విమర్శల యుద్ధం జరిగినప్పుడు ఈ స్థాయి కాకున్నా, ఒక రకమైన మాటలు విన్నాం. ఇప్పుడు ఆనం వివేకా - కోటంరెడ్డి, అనిల్‌ల మధ్య జరుగుతున్న వార్‌లో ఈ మాటలను విన్నాం. ఒకరు మూడుసార్లు ఎమ్మెల్యేగా పనిచేసిన వ్యక్తయితే మిగిలిన ఇద్దరూ ప్రస్తుత ఎమ్మెల్యేలు. ఒకరినొకరు ఏ మాత్రం తగ్గకుండా భాషాప్రయోగం జరుపుతున్నారు. తిట్ల పురాణంలో తమ టాలెంట్‌ను చూపించుకున్నారు. తెలుగుదేశంలోకి వచ్చాక తానేంటో తన నోటి పవరేంటో చూపించాలి కాబట్టి ఆనం వివేకా ప్రెస్‌మీట్‌ పెట్టి జగన్‌ను 420అని తిట్టాడు. జగన్‌ను తిడితే కోటంరెడ్డి, అనిల్‌లు స్పందిస్తారని వివేకాకు తెలుసు. ఆయనకు కావాల్సింది కూడా అదే! ఎందుకంటే వైకాపాలో యాక్టివ్‌గా వుండేది, చంద్రబాబు మీద గాని, జిల్లా మంత్రి నారాయణ మీద గాని విమర్శలతో చెలరేగేది వీళ్లిద్దరే! వీళ్లిద్దరి మీద ప్రతి దాడి చేస్తే జిల్లా తెలుగుదేశం పార్టీలో వివేకానే లీడ్‌ తీసుకున్నట్లవుతుంది. జిల్లాలో వైకాపా నేతలను గట్టిగా ఎదుర్కొనేది వివేకా ఒక్కడేనన్న పేరొస్తుంది. అందుకే వివేకా ముందు జగన్‌ను తిట్టాడు. దాంతో కోటంరెడ్డి, అనిల్‌లు తీవ్రంగా స్పందించడంతో తన వ్యూహం ఫలించిందనుకుని వారి మీద పడ్డాడు వివేకా. వీళ్లు కూడా వివేకాను గతంలో ఏ నాయకుడూ విమర్శించని... దీనికంటే తిట్టని రీతిలో తిట్టారు. కోటంరెడ్డి, అనిల్‌లు అనే మాటలను వివేకా గాని, వివేకా అనే మాటలను వీళ్లు గాని పెద్దగా పట్టించుకోరు. ఎందుకంటే వాళ్లు పక్కా రాజకీయనాయకులు. అబ్బా... ఏందిరా

వీళ్లు ఇలా తిట్టుకుంటున్నారని నోరెళ్లబెట్టి చూసే జనమే అమాయకులు.

పొలిటికల్‌గా జిల్లాలో ఎవరి లీడ్‌ వాళ్లు తీసుకున్నారు. జిల్లా తెలుగుదేశంలో చంద్రబాబు, నారాయణల మీద మాట పడనివ్వని నాయకుడిగా వివేకా పొజిషన్‌ తీసేసుకుంటే, జగన్‌ మీద ఈగ వాలినా ఒప్పుకోమనే లీడర్లుగా కోటంరెడ్డి, అనిల్‌లు గుర్తించబడ్డారు ఓన్లీ ఈ ఎపిసోడ్‌ ద్వారా!

Page 1 of 2

newsbottomad

ఎక్కువగా చదివిన వార్తలు

  • సినీ పరిశ్రమకు... అనువైన వేదిక నెల్లూరు!
    కేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను…
  • ప్రాణాలు తీస్తున్న పందేలు!
    బ్రతుకులు డొల్ల... భవిష్యత్‌ గుల్ల క్రికెట్‌... ఆడేవాళ్ళకు డబ్బులు, చూసేవాళ్ళకు ఆనందం... ఈ క్రికెట్‌ ప్రపంచంలో ఆడేవాళ్ళు చూసేవాళ్ళు కాకుండా ఇంకో జాతి వుంది. అదే బెట్టింగ్‌ జాతి. క్రికెట్‌ను అందరూ ఆటగా చూస్తే ఈ బెట్టింగ్‌ జాతి మాత్రం జూదంగా…
  • నోర్లు తెరిచిన బోర్లు.. మృత్యువుకు రహదార్లు
    బోర్లు నోర్లు తెరిచాయంటే.. అవి మృత్యువుకు రహదార్లనే తెలుసుకోవాలి. నిర్లక్ష్యంగా బోర్లను తవ్వి వదిలేస్తే అవే మనపాలిట మృత్యుకూపాలవుతాయి. నీళ్ళ కోసం బోర్లు తవ్వుకుంటే, అటు నీళ్ళు రాకపోగా..ఆ బోర్ల గుంతలు చావుగుంతలుగా మారుతుంటాయి. అందుకే, బోర్లు తవ్వుకునేవారు ఎంతో అప్రమత్తంగా…
  • సిటింగ్‌లకు... కటింగ్‌ వేస్తాడా?
    రాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!…
  • జనం మెచ్చేలా జగన్‌!
    'నాకు ఓట్లేయకుంటే నేనేసిన రోడ్ల మీద నడవొద్దు... నేనిచ్చే పింఛన్‌లు, రేషన్‌ తీసుకుంటూ నాకు ఓట్లేయరా... హైటెక్‌ సిటి నేనే కట్టించాను... హైదరాబాద్‌ను నేనే డెవలప్‌ చేసాను... కంప్యూటర్‌ కనిపెట్టింది నేనే... సత్య నాదెళ్లను మైక్రోసాఫ్ట్‌ సిఇఓను చేసింది నేనే'' అని…

Newsletter