msrపేద గర్భిణీ స్త్రీలు నగరంలో ఎక్కడికి వెళ్ళాలన్నా ఆటోల కోసం పడుతున్న ఇబ్బందులను గమనించి, నెల్లూరులోని మాగుంట శరత్‌చంద్రారెడ్డి యువజన సేవా సమితి ఆధ్వర్యంలో పేద గర్భిణీ స్త్రీలకు ఉచితంగా అయిదు ఆటోలను కేటాయించేందుకు నిర్ణయించుకున్నారు. ఆ ఆటోలను యువజన సేవాసమితి వ్యవస్థాపకుడు మాగుంట శరత్‌చంద్రారెడ్డి ప్రారంభించారు. ఈ కార్యక్రమానికి శ్రీకారం చుట్టిన ప్రసాద్‌ను ఆయన అభినందించారు. ఈ ఉచిత ఆటోలు నగరమంతా తిరుగుతాయని, వాటిపై ఫోన్‌ నంబరు కూడా వుంటుందని, అవసరమైనవారు ఫోన్‌ చేస్తే వెంటనే తమ ఆటో వస్తుందని నిర్వాహకులు ఈ సందర్భంగా తెలిపారు. ఈ కార్యక్రమంలో నాగేంద్ర, ప్రసాద్‌, దారా మహేష్‌, మాదా బాబు, జైరాజ్‌, రమేష్‌, నాగార్జున, సాయి తదితరులు పాల్గొన్నారు.

kabbadiఓ చిన్న ప్రోత్సాహంతో రాళ్లను రత్నాలుగా మలచవచ్చు. రవ్వంత సహకారంతో మట్టిలో నుండి మాణిక్యాలను వెలికి తీయొచ్చు. దీనికి ఉదాహరణే వచ్చే ఏడాది థాయ్‌లాండ్‌ రాజధాని బ్యాంకాక్‌లో జరుగనున్న అంతర్జాతీయ కబడ్డీ పోటీలకు ఎంపికైన నెల్లూరుజిల్లాకు చెందిన యం.యస్‌.ఆర్‌ స్పోర్ట్స్‌ క్లబ్‌ కబడ్డీ జట్టు. సాధారణ వ్యక్తులకు కొంత చేయూత వుంటే శక్తులుగా మారతారనడానికి ఈ కబడ్డీ జట్టు గెలుపే ఉదాహరణ. ఈ నెల 13, 14, 15తేదీలలో గుజరాత్‌లోని వడోదరలో జరిగిన ఆలిండియా స్టూడెంట్స్‌ ఒలింపిక్‌ నేషనల్‌ గేమ్స్‌లో ఆంధ్రప్రదేశ్‌ తరపున పాల్గొన్న నెల్లూరుజిల్లాకు చెందిన యం.యస్‌.ఆర్‌ స్పోర్ట్స్‌ క్లబ్‌ జట్టు కబడ్డీ పోటీలలో అత్యంత శక్తివంతమైన మహారాష్ట్ర జట్టును ఒక్క పాయింట్‌ తేడాతో ఓడించి బంగారు పతకాన్ని సొంతం చేసుకుంది. గత 30ఏళ్లలో ఆంధ్రప్రదేశ్‌ తరపున ఓ కబడ్డీ జట్టు మొదటి స్థానంలో నిలిచి కప్‌ను సొంత చేసుకోవడం ఇదే ప్రథమం. జాతీయ పోటీలలో విజేతగా నిలిచిన యం.యస్‌.ఆర్‌ స్పోర్ట్స్‌ క్లబ్‌ జట్టే బ్యాంకాక్‌లో జరిగే ఇంటర్నేషనల్‌ స్టూడెంట్స్‌ ఒలింపిక్‌ గేమ్స్‌లో భారతదేశం తరపున ఆడబోతోంది. ఇది మన ఏపికి, మన నెల్లూరుజిల్లాకే గర్వకారణం.

ఈ జట్టు విజయ ప్రస్థానం వెనుక వున్నది ఏ పేరు మోసిన కార్పొరేట్‌ కంపెనీయో, ప్రభుత్వ క్రీడా అకాడమీయో, టాప్‌ సినిమాయాక్టర్లో కాదు, నెల్లూరుకు చెందిన పాతికేళ్ల కుర్రాడు. ఈ జట్టు విజయ ప్రస్థానంలో ప్రధానపాత్ర పోషించాడు. ఆ యువకుడే మాగుంట శరత్‌చంద్రారెడ్డి. నెల్లూరు సరస్వతీనగర్‌కు చెందిన ప్రముఖ కాంట్రాక్టర్‌ మాగుంట వెంకటనారాయణరెడ్డి కుమారుడు. మాగుంట శరత్‌చంద్రారెడ్డి సేవాసమితి ద్వారా గత కొన్నేళ్లుగా నగరంలో పలు సేవా కార్యక్రమాలు నిర్వహిస్తూ నెల్లూరీయులకు సుపరిచితుడైన యువసేవా స్వాప్నికుడు.

మాగుంట శరత్‌చంద్రారెడ్డి సేవాసమితి ఆధ్వర్యంలో 2015 జనవరిలో నెల్లూరు, విఆర్‌సి మైదానంలో సంక్రాంతి సంబరాలను నిర్వహించారు. ఈ సందర్భంగా జరిగిన ఆటల పోటీలలో యంయస్‌ఆర్‌ స్పోర్ట్స్‌ క్లబ్‌ తరపున యం.మణికంఠచక్రవర్తి (కోవూరు), కె.మహేంద్రబాబు(కోవూరు), జి.శ్రీనివాసులు (ముదివర్తిపాలెం), సి.హెచ్‌.ఏ.చక్రవర్తి(కోవూరు), ఎస్‌.నాగార్జున (సిద్ధీపురం), పి.రాజేష్‌(ఇనమడుగు), ఎల్‌.దుర్గాప్రసాద్‌(బుచ్చి), నాగేంద్ర(ఇస్కపల్లి)లతో కబడ్డీ జట్టు ఏర్పడింది. ఈ ఏడాదిలో జరిగిన రాష్ట్ర స్థాయి స్టూడెంట్‌ ఒలింపిక్‌ నేషనల్‌ గేమ్స్‌లోనూ కబడ్డీలో యం.యస్‌.ఆర్‌ స్పోర్ట్స్‌ క్లబ్‌ జట్టు విజేతగా నిలిచి జాతీయ పోటీలకు అర్హత సాధించింది. ఇప్పుడు జాతీయ స్థాయి పోటీలలోనూ తమ సత్తా నిరూపించుకుని అంతర్జాతీయ పోటీలకు ఎంపికైంది. క్రికెట్‌ మాయాజాలంలో మన సాంప్రదాయ క్రీడలు మరుగైపోతున్న తరుణంలో ఇటీవల మళ్లీ కబడ్డీ ఆట ప్రాణం పోసుకుంది. కబడ్డీ పట్ల క్రీడాభిమానుల్లో ఆదరణ పెరుగుతోంది. మన క్రీడల ప్రాభవానికి ఇది శుభారంభం. యంయస్‌ఆర్‌ స్పోర్ట్స్‌ క్లబ్‌ కబడ్డీ జట్టు మనది. మన నెల్లూరుది. కాబట్టి మనమంతా అండగా నిలుద్దాం... అంతర్జాతీయ పోటీలలోనూ గెలిచి కీర్తి, ప్రతిష్టలు తీసుకురావాలని ఆకాంక్షిద్దాం... ఆశీర్వదిద్దాం!

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter