mekapatiనెల్లూరు లోక్‌సభ అభ్యర్థిగా మేకపాటి రాజ మోహన్‌రెడ్డి మూడుసార్లు వరుసగా విజయం సాధించి హ్యాట్రిక్‌ కొట్టాడు. నెల్లూరుజిల్లా రాజకీయ చరిత్రలో ఆయన పేరిట ఇదో రికార్డు. 2009లో జరిగిన నియోజకవర్గాల పునర్విభజన వల్ల ఎస్సీ రిజర్వుడ్‌లో ఉన్నటువంటి నెల్లూరు లోక్‌సభ జనరల్‌లోకి మారడం జరిగింది. నెల్లూరు లోక్‌సభ నుండి తాను పోటీ చేయాలన్న ఆశతో అప్పుడు డీ-లిమిటేషన్‌ కమిటీలో సభ్యుడిగా వున్న స్వర్గీయ నేదురుమల్లి జనార్ధన్‌రెడ్డి నెల్లూరును ఆనుకుని వుండే సర్వేపల్లి నియోజకవర్గాన్ని తిరుపతి పార్లమెంటులోకి నెట్టేసి, నెల్లూరుకు 120కిలోమీటర్ల దూరంలో వున్న కందుకూరును నెల్లూరు లోక్‌సభ పరిధిలోకి తెచ్చారు. ఇంత కష్టపడ్డా కూడా 2009లో ఆయనకు నెల్లూరు లోక్‌సభ టిక్కెట్‌ ఇవ్వకుండా రాజ్యసభకు పంపించారు.

నెల్లూరు లోక్‌సభ జనరల్‌ అయ్యాక తొలి ఎంపీ మేకపాటి రాజమోహన్‌రెడ్డి. 2009లో వై.యస్‌. అనుకూల గాలిలో గెలిచాడు. 2012లో తిరిగి వైకాపా అభ్యర్థిగా నెల్లూరు లోక్‌సభకు జరిగిన ఉపఎన్నికలలో దాదాపు 3లక్షల మెజార్టీతో గెలిచాడు. 2014లో తిరిగి వైకాపా అభ్యర్థిగా మూడోసారి ముక్కీ మూలిగి 13వేల మెజార్టీతో గెలిచాడు. అది కూడా ఆత్మకూరులో ఆనం రామనారాయణరెడ్డి ఎలక్షన్‌ వదిలేయబట్టి ఎంపీగా ఈయన బయటపడ్డాడు. అంటే ఆ రెండేళ్లలోనే ఎంపీగా ఆయనపై వ్యతిరేకత బాగా పెరిగింది. లోక్‌సభ పరిధిలోని 7 అసెంబ్లీలో 5 నియోజకవర్గాలలో వైసిపి గెలిచింది. ఎంపీగా ఆయన మెజార్టీ లక్ష దాటాలి. కాని, క్రాస్‌ ఓటింగ్‌ బాగా జరిగి ఆయన మెజార్టీ 13వేలకు పడిపోయింది. 2014లోనే అంత నెగటివ్‌ వుంటే ఇంకో ఐదేళ్ల తర్వాత ఇంకెంత వ్యతిరేకత ఉం డాలి. కాబట్టి వచ్చే ఎన్నికల్లో నెల్లూరు లోక్‌సభ అభ్యర్థిగా కొత్తవారిని తెరమీదకు తేవాలనే ప్రయత్నాలు జరుగుతున్నట్లు తెలుస్తోంది. మేకపాటిని ఒంగోలుకో, నరసారావుపేటకో పంపించొచ్చు. ఆ రెండు చోట్లా మేకపాటికి మంచి పేరే వుంది. నెల్లూరు లోక్‌సభ పరిధిలో పంట రెడ్ల ఆధిపత్యం ఎక్కువ. వీళ్లకు ఆయన సెట్‌ కాడు. కాబట్టి ఆయన మెట్ట లోక్‌సభ లకు పోవడమే మేలు. ఈసారి పార్లమెంట్‌ అభ్యర్థుల సామర్ధ్యం కూడా అసెంబ్లీలపై ప్రభావం చూపుతుంది. పార్లమెంటు అభ్యర్థి గట్టోడైతే అది అసెంబ్లీ అభ్యర్థులకు కూడా కలిసొస్తుంది. కాబట్టి నెల్లూరు లోక్‌సభ అభ్యర్థిగా సరైన నాయకుడి కోసం అన్వేషణ జరుగుతున్నట్లు తెలుస్తోంది.

meka fa soవేలకోట్ల ఆస్తులు... ఇంట్లో పదవులు... రాజకీయంగా పలుకుబడి... అయినా ఏం లాభం? మంచి అనేవాళ్లే లేరే? వాళ్లు కరెక్ట్‌ అని చెప్పే మనిషే కనిపించడే! వాళ్లవల్ల ఫలానావాళ్లు బాగుపడ్డారని చూపించడానికి కూడా నలుగురు మనుషులు కనిపించరే! రాజకీయాలలో ఎంత చెడ్డపేరున్న నాయకుడివల్లనైనా కనీసం బాగుపడిన వాళ్లు నలుగురుంటారు. కాని, దాదాపు 3దశాబ్దాల రాజకీయ చరిత్రగల మేకపాటి బ్రదర్స్‌ వల్ల ఆర్ధికంగా నష్టపోయినవాళ్లు తప్పితే బాగుపడ్డ వాళ్ల ఆనవాళ్లు లేవు. ఎమ్మెల్యేగా పోటీ చేసిన స్థాయి నుంచి సర్పంచ్‌గా గెలిచే స్థాయికి తగ్గినవాళ్ళే తప్ప, వీళ్ళ వల్ల గ్రామస్థాయి నుండి రాష్ట్ర స్థాయికి ఎదిగినవారు కనపడనే కనపడరు!

ఎలక్షన్‌లలో చేసిన అప్పులు ఎగవేయ డంలోనూ, తమ సంస్థ ద్వారా సబ్‌కాం ట్రాక్ట్‌ పనులు చేసిన కాంట్రాక్టర్లకు బిల్లులు ఎగనామం పెట్టడంలోనూ బ్రాండ్‌ అంబా సిడర్‌లు మేకపాటి సోదరులు. ఉదయగిరి నియోజకవర్గంలో ఏ మారుమూల పల్లెలో చూసినా వీళ్ల బాధితుడు ఒక్కడన్నా ఉం టాడు. ఎలక్షన్‌ లలో అప్పులిచ్చి బాకీలు రానివాళ్లు, సబ్‌ కాంట్రాక్ట్‌లు చేసి వారి నుండి బిల్లులు రాని కాంట్రాక్టర్లు వివరాలు సేకరిస్తే మేకపాటి బాధితుల జాబితా ఓ మున్సిపల్‌ వార్డు ఓటర్ల లిస్టంత ఉం టుంది. ఎందుకంటే వాళ్లు కెఎంసి అనే సంస్థను స్థాపించినప్పటి నుండే కాక, 1983లో మొదటిసారిగా ఎన్నికల్లో మేకపాటి రాజమోహన్‌రెడ్డి పోటీ చేసిన ప్పటి నుండి ఇప్పటివరకు అంతమంది బాధితులు పోగైవుంటారు. వాళ్ల కెఎంసి సంస్థలో సబ్‌కాంట్రాక్ట్‌ వర్క్‌ చేసి బిల్లులు రాబట్టుకోవడమంటే గోడకు వేసిన సున్నాన్ని గీకడమేనన్నది బాధితుల గోడు.

ఇలాంటి బాధితుల జాబితాలో వాళ్ళే నెల్లూరుకు చెందిన కోడూరు వెంకట సనత్‌ కుమార్‌రెడ్డి, మారంరెడ్డి శ్రీహరినాథ్‌ రెడ్డిలు. కెఎంసి సంస్థ ద్వారా సబ్‌కాంట్రాక్ట్‌ పనులు చేసిన పాపానికి ఆర్ధికంగా, మాన సికంగా ఎంతో నష్టపోయారు. వివరాల లోకి వెళ్తే కోడూరు వెంకట సనత్‌కుమార్‌ రెడ్డి, మారంరెడ్డి శ్రీహరిరెడ్డిలు 1999 నుండి 2004 మధ్య సబ్‌కాంట్రాక్టర్‌లుగా చేరి అద్దంకి-నార్కేట్‌ పల్లి, తోకపల్లి-పేరే చర్ల రోడ్ల పనులు చేసారు. ఈ పనులకు సంబంధించి వీరికి 4కోట్ల15లక్షల20వేల రూపాయల బిల్లు రావాలి. ఇక మేకపాటి వాళ్లనుండి డబ్బులు తీసుకోవాలంటే సబ్‌కాంట్రాక్టర్లకు ఎన్ని జతల చెప్పులరిగి పోతాయో లెక్కే వుండదు. సనత్‌కుమార్‌ రెడ్డి, శ్రీహరినాథ్‌రెడ్డిలు కూడా చెప్పులరి గేలా కాదు, మోకాళ్ల చిప్పలు అరిగి పోయేలా కెఎంసి ఆఫీసు చుట్టూ తిరిగారు. ఇదిగో రేపు... అదిగో ఎల్లుండి... అంటూ మేకపాటి సోదరులు సంవత్సరాల పాటు నెట్టుకొచ్చారు. 2004లో పూర్తిచేసిన పనికి 2009 దాకా కూడా బిల్లు ఇవ్వలేదు. 2009 మేలో మేకపాటి గౌతంరెడ్డి వీరిని పిలిపించుకుని నాన్నతో, చిన్నాన్నతో మాట్లాడి త్వరలోనే మీ బిల్లు సెటిల్‌ చేస్తా నని హామీ ఇచ్చాడు. కాని, 2010 ఫిబ్రవరి వరకు ఆఫీసు చుట్టూ తిప్పుకున్నాడే తప్ప, వాళ్లకు ఇవ్వాల్సిన డబ్బులు ఇచ్చిన పాపాన పోలేదు. వాళ్ళను పిలిపించుకుని నావల్ల కాదు, మా నాన్ననే అడగండని విషయం నుండి జారుకున్నాడు. దీంతో బాధితులు మేకపాటి రాజమోహన్‌రెడ్డిని కలిసారు. మీకెందుకు 16రోజుల్లో మీ పని పూర్తి చేస్తానని చెప్పిన రాజమోహన్‌రెడ్డి అసలే స్పందించలేదు. మేకపాటి వల్ల జరిగిన అన్యాయంతో న్యాయం కోసం న్యాయస్థానం మెట్లెక్కారు బాధితులు.

కెఎంసి కన్‌స్ట్రక్షన్స్‌ అధినేతలు, ఎంపి మేకపాటి రాజమోహన్‌రెడ్డి, ఈయన తమ్ముడు మేకపాటి రాజగోపాల్‌రెడ్డి, ఆత్మకూరు ఎమ్మెల్యే మేకపాటి గౌతమ్‌ రెడ్డిలపై నెల్లూరు ఆరవ జిల్లా జడ్జి కోర్టులో ఓఎస్‌ నెం.91/2013గా దావా వేసి డిక్రీ పొందారు. దీంతో ఆగ్రహించిన మేకపాటి సోదరులు సదరు బాధితుల ఇళ్లపై తమ అనుచరులతో దౌర్జన్యం చేయించారు. దీనిపై బాధితులు నెల్లూరు రెండవ అద నపు జ్యూడిషియల్‌ మేజిస్ట్రేట్‌ కోర్టులో సి.సి.నెంబర్‌ 95/2016గా క్రిమినల్‌ కేసు నమోదైంది. అయితే ఈ కేసు విచారణకు నిందితులు ముగ్గురు గైర్హాజరు కావడంతో విచారించిన కోర్టు ఈ ముగ్గురికీ నాన్‌బెయి లబుల్‌ వారెంట్లు జారీ చేసింది.

మేకపాటి సోదరులపై ఈ కేసే కాదు, ఇంకా పలుకేసులు పెండింగ్‌లో వున్నాయి. సబ్‌కాంట్రాక్టర్ల చేత పనులు చేయించుకుని వాళ్లకు సరిగా డబ్బులివ్వరు. ఎలక్షన్‌లలో మద్యం షాపులకు అప్పులుపెట్టి ఆ తర్వాత వచ్చే ఎన్నికలకు గాని వాళ్ల బాకీలు తీర్చరు. ఉదయగిరి నియోజకవర్గంలో వీరిపై అప్పుల ఎగవేతలో అగ్రగణ్యులనే ముద్ర వుంది. ఇంత చెడ్డపేరున్న వాళ్లు ఎంపీగా, ఎమ్మెల్యేగా ఎలా గెలుస్తున్నారనే అనుమానం రావొచ్చు. కేవలం దివంగత వై.యస్‌.రాజ శేఖరరెడ్డి, ఆ తర్వాత జగన్‌ల ప్రజాభి మానం వల్ల మాత్రమే వీళ్లు గెలవగలుగు తున్నారు. వై.యస్‌. బ్రాండ్‌ తీసి పక్కనపెట్టి పోటీ చేసుంటే రాజకీయ తెర నుండి మేకపాటి చిత్రం ఎప్పుడో తొలిగిపోయి వుండేది.

ఇప్పటికే కోట్లు పోగేసారు. పది మందిని ముంచి సంపాదించే కోట్లకన్నా పదిమందికి మంచి చేసే సంపాదనకు విలువ ఎక్కువ. నెల్లూరుజిల్లాలో వీళ్లలాగే ఇంకా కొందరు కోటీశ్వరులు వున్నారు. పదిమంది బ్రతుకుల్లో దీపాలు వెలిగించే ప్రయత్నం చేస్తున్నారేగాని, మేకపాటి వాళ్ల లాగా వెలుగుతున్న దీపాలనార్పడం లేదు. రాజకీయ ముసుగులో ప్రజాసేవకులమని ఫోజులిచ్చే వీళ్ళు ఎప్పటికి మారుతారో ఆ భగవంతుడికే తెలియాలి!

కొసమెరుపు: ఈ కేసు రాజకీయ దురు ద్దేశ్యంతో చేసిందని ఓ హాస్యాస్పదమైన ప్రకటన చేసాడు గౌతంరెడ్డి. 1999- 2004ల మధ్య కాలంలో గౌతం అసలు రాజకీయాల్లోనే లేడు. మరి ఈ కేసు అప్పటి పనికి సంబంధించిదైనప్పుడు... ఇది రాజకీయ దురుద్దేశ్యం ఎలా అవుతుందో ఆయనను ఆయనే ప్రశ్నించుకుంటే బాగుంటుందేమో!

ycpsనెల్లూరు ఎంపీ మేకపాటి రాజమోహన్‌రెడ్డి పెద్దగా మాట్లాడడు. మాట్లాడిన చోట ఏదో ఒక వివాదం తెస్తుంటాడు. ఇంకా ఎన్నికలకు దాదాపు రెండేళ్ల గడువుంది. అప్పటికి ఎవరు ఏ పార్టీలో వుంటారో, ఏ సీటును ఎవరు తెచ్చుకుంటారో తెలియదు. అప్పటి రాజకీయ పరిణామాలను ఇప్పుడే వూహించలేము. కాబట్టి ఫలానా సీటు ఫలానా ఆయనకే అని చెప్పడం కరెక్ట్‌ కాదు. అది కూడా మేకపాటి రాజమోహన్‌రెడ్డి చెప్పడం సముచితం కాదు. ఆయన వైయస్సార్‌ కాంగ్రెస్‌పార్టీకి అధ్యక్షుడు కాదు పార్టీ అభ్యర్థులను ప్రకటించడానికి. పార్టీ అధ్యక్షుడే అభ్యర్థుల విషయమై నోరెత్తడం లేదు. ఇప్పుడంత అవసరం కూడా లేదు. ముందు చేయాల్సిన పని పార్టీని పటిష్టం చేయడం. ప్రభుత్వ బలహీనతల్ని ప్రజల్లో బాగా ప్రచారం చేసి ప్రయోజనం పొందడం. మేకపాటి ఆ విషయాన్ని వదిలేసి ఇతర విషయాల మీద మనసు పెడుతున్నాడు.

కావలి నియోజకవర్గ ప్లీనరీలో వచ్చే ఎన్నికల్లోనూ సిటింగ్‌ ఎమ్మెల్యే రామిరెడ్డి ప్రతాప్‌రెడ్డే అభ్యర్థిగా వుంటాడని ఎంపి మేకపాటి ప్రకటించడం నియోజకవర్గం లోని పార్టీ నాయకుల మధ్య చిచ్చు రేపింది. రామిరెడ్డి ప్రతాప్‌రెడ్డికి అప్పుడే మీరు సీటు ఎలా ఖరారు చేస్తారంటూ మాజీఎమ్మెల్యే కాటంరెడ్డి విష్ణువర్ధన్‌రెడ్డి, వంటేరు వేణుగోపాలరెడ్డిలు నిరసన గళం విప్పారు. వీళ్లిద్దరు కూడా కావలి టిక్కెట్‌ రేస్‌లో వున్నారు. అసెంబ్లీ సీటన్నాక ఒకరికి నలుగురు నాయకులు ప్రయత్నించడం సహజం. అయితే ఎన్నికల సమయంలో వివిధ సమీకరణలను పరిగణనలోకి తీసుకుని అభ్యర్థిని ఎంపిక చేయాల్సి వుంటుంది. అలా ఒకరిని ఎంపిక చేసే టప్పుడు మిగతా ఆశావాదులను పిలిపిం చుకుని మాట్లాడి ఒప్పించాల్సి వుంటుంది. వారు కూడా పార్టీ కోసం పనిచేస్తేనే కదా అభ్యర్థి గెలిచేది. ఒక అభ్యర్థి ఎంపికలో ఇంత తతంగం ఉంటుంది. అభ్యర్థిని పార్టీ అధ్యక్షుడు ప్రకటిస్తేనే మిగతా నాయకులు అంగీకరిస్తారు. అంతేగాని పార్టీ అభ్యర్థులను ఖరారు చేయడానికి రాజమోహన్‌రెడ్డి ఎవరు? వచ్చే ఎన్నికల్లో ఆయన సిటింగ్‌ సీటే ఆయనకు గ్యారంటీ వుండదు. ఆయన ఇంకొకరి సీటును ఖరారు చేయడమేమిటి? ఇలాంటి నోటి దూలే ప్రశాంతంగా వున్న పార్టీలో వర్గ చిచ్చు రేపుతుంది.

2014 ఎన్నికలప్పుడు కూడా మేకపాటి జిల్లా పార్టీలో ఇలాంటి కంపునే రేపాడు. అధిష్టానంతో సంబంధం లేకుం డానే పలువురు నాయకులకు సీట్లిస్తానని హామీ ఇచ్చి వారిని రెచ్చగొట్టాడు. నెల్లూరు రూరల్‌లో కోటంరెడ్డి శ్రీధర్‌రెడ్డికి వ్యతి రేకంగా ఆనం వెంకటరమణారెడ్డిని, నెల్లూరు నగరంలో అనిల్‌కుమార్‌ యాదవ్‌కు వ్యతిరేకంగా అజీజ్‌ను, వెంకట గిరిలో కొమ్మి లక్ష్మయ్యనాయుడుకి బదు లుగా మరో నాయకుడిని ఆయన రెచ్చ గొట్టాడు. సీట్లిప్పిస్తానని వాళ్ళను తన చుట్టూ తిప్పించుకున్నాడు. దానివల్లే ఆరోజు పార్టీలో అంతర్గత కలహాలు వచ్చాయి. మళ్ళీ మేకపాటి గతంలో చేసిన పొరపాటునే పునరావృతం చేస్తున్నాడు. ఇది ఎంతమాత్రం పార్టీకి మంచిది కాదు.

Page 1 of 3

newsbottomad

ఎక్కువగా చదివిన వార్తలు

  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఉదయగిరిలో... పాత పోరా? కొత్త నీరా?
    జిల్లాలోని పది అసెంబ్లీ నియోజకవర్గాలలో 9అసెంబ్లీలది ఒక దారి అయితే ఉదయగిరి అసెంబ్లీది మాత్రం ఇంకో దారి! మెట్టప్రాంతమైనప్పటికి ఇక్కడి ప్రజలు రాజకీయ చైతన్యవంతులు. పార్టీ ప్రభంజనాలు, నాయకుల పట్ల సానుభూతి వంటి వాటికంటే కూడా ఇక్కడ పోటీ చేసే అభ్యర్థుల…
  • సుధాకర్‌ బాబా(య్‌).. కొంప ముంచాడు బాబోయ్‌
    దయ చేసి వినండి... దయచేసి వినండి... మంత్రాలకు చింతకాయలు రాలవు... అని ఎందరు చెబుతున్నా వింటారా? వినరు? దయ చేసి బురిడీ బాబాలను నమ్మొద్దని మేధావులు మొత్తు కుంటుంటారు... అయినా వింటారా? వినరు! మోసం చేసేవాడికి మోసపోయే వాడెప్పుడూ లోకువే. మీరు…
  • చంద్రుడి డైరక్షన్ లో పవన్ యాక్షన్ థ్రిల్లర్ జె.ఏ.సి
    రాష్ట్ర రాజకీయాలలో చంద్ర బాబుకు అవసరమైనప్పుడు మాత్రమే తెరమీదకొస్తాడని పేరున్న పవర్‌స్టార్‌ పవన్‌ కళ్యాణ్‌ మరోసారి సరికొత్త యాక్షన్‌ థ్రిల్లర్‌ స్క్రీన్‌ప్లేతో తెరమీద కొచ్చాడు. దీనిపేరు జాయింట్‌ యాక్షన్‌ కమిటి! తెలంగాణ ఉద్యమ సమయంలో జేఏసీల పాత్రేమిటో చూసాం. తెలం గాణ…

Newsletter