3నెల్లూరుజిల్లా స్థానిక సంస్థల శాసనమండలి నియోజకవర్గానికి జరిగిన ఎన్ని కల్లో తెలుగుదేశం అభ్యర్థిగా పోటీ చేసిన వాకాటి నారాయణరెడ్డి 87 ఓట్ల తేడాతో తన ప్రత్యర్థి వైకాపా అభ్యర్థి ఆనం విజయకుమార్‌రెడ్డిపై గెలిచాడు. 2012లోనూ ఆయన నెల్లూరు స్థానిక ఎమ్మెల్సీ నుండి కాంగ్రెస్‌ అభ్యర్థిగా 9ఓట్ల తేడాతో గెలవడం జరిగింది. వరుసగా ఆయనకు స్థానిక ఎమ్మెల్సీగా ఇది రెండో విజయం. అలాగే తూర్పు రాయలసీమ(చిత్తూరు, నెల్లూరు, ప్రకాశం) ఉపాధ్యాయుల శాసనమండలి నియోజకవర్గం నుండి వైకాపా బలపరచిన పిడిఎఫ్‌ అభ్యర్థి విఠపు బాలసుబ్రహ్మణ్యం 3,553 ఓట్ల తేడాతో తెలుగుదేశం అభ్యర్థి వాసుదేవనాయుడుపై విజయం సాధిం చారు. అలాగే అత్యంత ఉత్కంఠ భరితంగా జరిగిన పట్టభద్రుల ఎమ్మెల్సీ ఎన్నికల్లో పిడిఎఫ్‌ అభ్యర్థి యండపల్లి శ్రీనివాసులు రెడ్డి తెలుగుదేశం అభ్యర్థి వేమిరెడ్డి పట్టాభి రామిరెడ్డిపై 3,232 ఓట్ల తేడాతో నెగ్గడం జరిగింది. ఈ ముగ్గురిలోనూ విఠపు బాలసుబ్రహ్మణ్యంది హ్యాట్రిక్‌ విజయం కాగా, యండపల్లి శ్రీనివాసులురెడ్డి, వాకాటి నారాయణరెడ్డిలు ఎమ్మెల్సీ పోటీలో వరుసగా రెండోసారి గెలిచి మండలికి వెళుతుండడం విశేషం.

ఈ మూడింటిలోనూ ఉపాధ్యాయుల నియోజకవర్గం గురించి పెద్దగా చెప్పుకో నవసరం లేదు. ఉపాధ్యాయ సంఘాలలో యూటిఎఫ్‌ బలమైంది కాబట్టి ఆ యూని యన్‌ బలపరచిన అభ్యర్థి గెలవడం సాధా రణ విషయమే. ఇక స్థానిక సంస్థల ఎమ్మెల్సీ విషయానికొస్తే గెలుపు కోసం అధికారపార్టీ ఎన్ని అడ్డదారులు తొక్కాలో అన్నీ తొక్కింది. సొంతపార్టీ వాళ్ళకు రెండు లక్షలు, అవతల నుండి వచ్చిన వాళ్ళకు 5లక్షలు లెక్కన ఇచ్చినట్లు తెలుస్తోంది. ఓటర్లకు డబ్బులిచ్చే విషయంలో వైకాపా వాళ్ళు అధికారపార్టీతో పోటీపడలేక పోయారు. అదీగాక వైకాపా వైపు సమిష్టి నాయకత్వం, ఉమ్మడి వ్యూహం కొరవ డింది. ఎవరి ఓట్లు వారే దాచిపెట్టుకోవా లన్నట్లు నాయకులు వ్యవహరించారు. ముఖ్యంగా జిల్లా పార్టీకి పెద్దగా వ్యవహ రిస్తున్న మేకపాటి రాజమోహన్‌రెడ్డి నాయ కత్వం వల్ల పార్టీకి పెద్దగా ఉపయోగం ఉండడం లేదన్నది మరోసారి బహిర్గత మైంది. వైకాపాలోని లోపాలే తెలుగు దేశంకు బలమయ్యాయి. అదీగాక స్థానిక ఎమ్మెల్సీ ఎన్నికను చంద్రబాబు, లోకేష్‌ బాబులతో పాటు మంత్రులు పి.నారా యణ, శిద్ధా రాఘవరావులు దగ్గరుండి పర్యవేక్షించారు. క్యాంపులకు కాపలా కాసారు. ఇన్ని చేస్తే తెలుగుదేశం అభ్యర్థి వాకాటి నారాయణరెడ్డి 87ఓట్ల తేడాతో గెలవగలిగాడు. ఇక పట్టభద్రుల నియోజక వర్గంలో తెలుగుదేశం అభ్యర్థి వేమిరెడ్డి పట్టాభిరామి రెడ్డి ఓటమితో ఆ పార్టీలోనే అంతర్మధనం మొదలైంది. చంద్రబాబు ఈ నియోజకవర్గాన్ని ఎంతో సీరియస్‌గా తీసుకున్నాడు. మంత్రి తన అనుచరుడు వేమిరెడ్డి పట్టాభిరామిరెడ్డిని అభ్యర్థిగా పెట్టుకున్నాడు. పట్టాభిని తాను గెలిపి స్తానని చంద్రబాబు వద్ద కోతలు కోసి వచ్చాడు. పట్టభద్రుల ఎన్నికలలో గెల వడం కోసం ఎన్ని నికృష్టపు పనులు చేయాలో అన్నీ చేశాడు. వేల సంఖ్యలో దొంగ ఓట్లను చేర్చారు. దొంగ సర్టిఫికే ట్లను సృష్టించారు. ఎన్నికల రోజు భారీ గానే దొంగఓట్లు వేయించారు. ఇన్ని చేసినా కూడా అధర్మానికి అపజయం తప్పలేదు. నీతికి, నిజాయితీకి మారుపేరైన పిడిఎఫ్‌ అభ్యర్థి యండపల్లి శ్రీనివాసులురెడ్డి వరుసగా రెండోసారి విజయం సాధిం చాడు. మొత్తానికి గెలిచిన ముగ్గురు కూడా శాసనమండలికి పాతోళ్ళే కావడం విశేషం.

boxతూర్పు రాయలసీమ పట్టభద్రులు మరియు ఉపాధ్యాయుల శాసనమండలి నియోజకవర్గాల ఎన్నికలు 9వతేదీ జిల్లాలో ప్రశాంతంగా ముగిసాయి. ఉదయం 8 గంటలకు మొదలైన పోలింగ్‌ సాయంత్రం 6గంటలకు ముగిసింది. పట్టభద్రుల నియోజకవర్గం నుండి 13మంది, ఉపా ధ్యాయ నియోజకవర్గం నుండి 9మంది బరిలో నిలిచారు. మూడుజిల్లాలకు సంబంధించిన ఈ ఎన్నికల్లో ప్రధాన పోటీ ఉపాధ్యాయుల నియోజకవర్గం నుండి పిడిఎఫ్‌ అభ్యర్థిగా పోటీ చేసిన విఠపు బాలసుబ్రహ్మణ్యం, టీడీపీ మద్దతుదారుగా పోటీ చేసిన వాసుదేవనాయుడుల మధ్యే ప్రధాన పోటీ నెలకొంది. అలాగే పట్ట భద్రుల నియోజకవర్గంలో పిడిఎఫ్‌ అభ్యర్థి యండపల్లి శ్రీనివాసులురెడ్డి, టీడీపీ అభ్యర్థి వేమిరెడ్డి పట్టాభిరామిరెడ్డిల మధ్య ప్రధాన పోటీ నెలకొంది. మొత్తం పట్టభద్రుల నియోజకవర్గంలో 64.95శాతం, ఉపా ధ్యాయ నియోజకవర్గంలో 87.1శాతం పోలింగ్‌ నమోదైంది. నెల్లూరుజిల్లా వ్యాప్తంగా పట్టభద్రులకు 85 పోలింగ్‌ కేంద్రాలను, ఉపాధ్యాయులకు 48 పోలింగ్‌ కేంద్రాలను ఏర్పాటు చేశారు. ఎలాంటి అవాంఛనీయ సంఘటనలు చోటుచేసు కోకుండా 1200 మంది పోలీసులతో బందోబస్తు ఏర్పాటు చేసారు. పోలింగ్‌ కేంద్రాలలో ఎలాంటి అక్రమాలు చోటు చేసుకోకుండా 133 వెబ్‌కెమెరాలను అమర్చారు. ఈ వెబ్‌కెమెరాల ఏర్పాటుతో జిల్లా వ్యాప్తంగా ఎన్నికలు జరుగుతున్న తీరును కలెక్టరేట్‌ నుండే పర్యవేక్షించారు.

కాగా, పోలింగ్‌ కేంద్రాల వద్ద అధి కారపార్టీ తెలుగుదేశం నాయకులు, కార్యకర్తల హడావిడి ఎక్కువుగా కని పించింది. మండలి ఎన్నికలకు కూడా సార్వత్రిక ఎన్నికల కలరింగ్‌ తెచ్చారు. తెలుగుదేశం నాయకులు ప్రతి మండల నాయకులకు ఖర్చుల క్రింద 50వేలు, లక్ష లెక్కన ఇచ్చారు. ఉపాధ్యాయుల నియోజక వర్గంలో పోలింగ్‌ శాతం మెరుగ్గా వుంది. పట్టభద్రుల నియోజకవర్గంలో పోలింగ్‌ శాతం తక్కువుగా వుంది. పోల్‌ అయిన ఓట్లలో సగానికి పైగా 1వ ప్రాధాన్యత క్రమం ఓట్లు వచ్చిన వాళ్ళే విజేతలు. అయితే పట్టభద్రుల నియోజకవర్గంలో 13మంది అభ్యర్థుల మధ్య సగం ఓట్లు తెచ్చుకోవడం ఎవరికైనా కష్టమే కాబట్టి 2వ ప్రాధాన్యత ఓటు కూడా కీలకమయ్యే అవకాశముంది.

ఏదేమైనా పోలింగ్‌ ముగిసింది. అభ్యర్థుల జాతకం బ్యాలెట్‌ బాక్సుల్లోకి చేరింది. 20వ తేదీ బాక్సులను బద్దలు చేస్తే ఎవరి భవిష్యత్‌ ఏంటో తేలుతుంది.

vakati రాబోయే సార్వత్రిక ఎన్నికలకు రిహార్సల్స్‌గా చెప్పుకోదగిన స్థానిక శాసనమండలి పోరుకు రేసుగుర్రాలు సిద్ధమయ్యాయి. రాష్ట్రంలోనే నెల్లూరుజిల్లా స్థానిక శాసనమండలి పోరు రసవత్తరంగా మారింది. ఎందుకంటే ఇక్కడ అధికార తెలుగుదేశంకు ఏ మాత్రం తగ్గకుండా వైయస్సార్‌ కాంగ్రెస్‌ గట్టి పోటీ ఇవ్వడానికి సిద్ధమైంది. ఈ నేపథ్యంలో జిల్లా రాజకీయాలలో తమదైన ముద్రవున్న ఆనం కుటుంబానికి చెందిన ఆనం విజయకుమార్‌రెడ్డిని రంగంలోకి దించింది.

ఇక తెలుగుదేశం అయితే కొన్ని రోజులు డ్రామాలు నడిపి చివరకు తాము అనుకున్న వాకాటి నారాయణరెడ్డినే అభ్యర్థిగా రంగంలోకి దించింది. ఈయన సిటింగ్‌ ఎమ్మెల్సీ! అంతకుముందు ఆనమోళ్ళ పుణ్యాన కాంగ్రెస్‌ ఎమ్మెల్సీగా 9ఓట్ల తేడాతో గెలిచాడు. అది కూడా అప్పుడు కాంగ్రెస్‌ అధికారంలో ఉండింది కాబట్టి ఓట్ల లెక్కింపులో ఆనం వాళ్ళు జంతర్‌మంతర్‌ చేసి గెలిపిం చారు. 2014 ఎన్నికల్లో నెల్లూరు లోక్‌సభ నుండి కాంగ్రెస్‌ అభ్యర్థిగా పోటీ చేసి డిపా జిట్‌ కోల్పోయారు. ఆ తర్వాత అధికార తెలుగుదేశంలో చేరాడు. చేరినప్పటి నుండి చంద్రబాబుకు చెక్కభజన చేయడమే లక్ష్యంగా పెట్టుకున్నాడు. ఈ పేరుమోసిన పారిశ్రామికవేత్త కమ్‌ ఎమ్మెల్సీ అయిన వాకాటి నారాయణరెడ్డి బ్యాంకులకు వందల కోట్లలో అప్పులున్నాడు. బాకీలు కట్టాలని బ్యాంకులు నెత్తి మీద పడితే చేతులెత్తేసే పరిస్థితి. ఆయన బ్యాంకు అప్పుల మీద మీడియాలో కూడా పెద్ద ఎత్తున కథనాలు వచ్చాయి. వందలు, వేల కోట్లు బ్యాంకుల్లో అప్పులున్నవాళ్లంటే చంద్రబాబుకు మహా ఇష్టం. అందుకే వాకాటిని చేరదీసి ఎమ్మెల్సీ టిక్కెట్‌ ఇచ్చాడు. ఏళ్ల తరబడి పార్టీ జెండాలు మోసిన కార్యకర్తలు, నాయకులను కాదని వాకాటికే ప్రాధాన్యతనిచ్చారు.

నెల్లూరుజిల్లా స్థానిక శాసనమండలి వైయస్సార్‌ కాంగ్రెస్‌పార్టీ అభ్యర్థిగా ఆనం విజయకుమార్‌రెడ్డిని ఖరారు చేశారు. జిల్లా పార్టీ నాయకులతో సంప్రదింపులు జరిపిన అనంతరం పార్టీ అధినేత వై.యస్‌.జగన్మో హన్‌రెడ్డి ఈ నిర్ణయం తీసుకున్నారు. పార్టీ జిల్లా ఇన్‌ఛార్జ్‌, ఒంగోలు పార్లమెంట్‌ సభ్యులు వై.వి.సుబ్బారెడ్డి ఈమేరకు నెల్లూరు వచ్చి జిల్లా వైకాపా నాయకులతో సమావేశమై ఎన్నికల్లో విజయావకాశాలు, ఖర్చు తదితర అంశాలపై చర్చించారు.

నెల్లూరుజిల్లా స్థానిక ఎమ్మెల్సీని జగన్‌ ప్రతిష్టాత్మకంగా తీసుకున్నాడు. మరో రెండేళ్లలో అసెంబ్లీ ఎన్నికలున్న నేపథ్యంలో ఇప్పటి నుండే పార్టీ శ్రేణులను ఉత్సాహ పరచడానికి ఈ ఎన్నికలను ఒక మార్గంగా ఎంచుకున్నారు. అయితే జిల్లా స్థానిక శాసనమండలి నియోజకవర్గంలో వైకా పాకు ఓట్లు తక్కువున్నాయి. 2014లో ఎక్కువమంది స్థానిక ఓటర్లు వైకాపా తరపున ఎక్కువ మంది గెలిచినప్పటికీ తర్వాత అధికారపార్టీ తెలుగుదేశంలోకి కొంతమంది వెళ్లిపోయారు. దీంతో ప్రతి పక్ష వైకాపా తరఫున ఎమ్మెల్సీ అభ్యర్థిగా పోటీ చేయడానికి కొందరు సంకోచించారు. తొలుత పోటీ చేయడానికి ఉత్సాహం చూపినవాళ్ళు కూడా వెనకడుగు వేశారు. ఎమ్మెల్సీ ఎన్నికంటే డబ్బుతో కూడుకున్న పని... అలాగని గెలుపు గ్యారంటీ లేదు. ఈ దశలో జిల్లాలో బలమైన రాజకీయ కుటుంబమైన ఆనం కుటుంబానికి చెందిన ఆనం విజయకుమార్‌రెడ్డి పేరు పరిశీలన లోకి వచ్చింది. తన సోదరులు ముగ్గురు తెలుగుదేశంలో వున్నా ఆయన మాత్రం వైకాపాలో చేరారు. ఇప్పుడు వైసిపి స్థానిక ఎమ్మెల్సీ అభ్యర్థిగా నిలబడడానికి ముందు కొచ్చారు. పార్టీ శ్రేణులు గట్టిగా కృషి చేస్తే ఖచ్చితంగా తెలుగుదేశం నాయకుల్లో దడ పుట్టించగలడు.

ఇక ఆయన పరంగా చూస్తే ఇప్పటి దాకా తన రాజకీయ చరిత్రలో తన సోదరు లను మోస్తూ వచ్చాడు. వాళ్ల ఎలక్షన్‌లకు ఇతను ఓటర్‌గా, కార్యకర్తగా, ఏజెంట్‌గా పనిచేశాడు. తొలిసారి ఆనం విజయకు ఎమ్మెల్సీ స్థాయి ఎన్నికలలో పోటీ చేసే అవకాశమొచ్చింది. కాని తన సోదరులు ముగ్గురూ తెలుగుదేశంలో వున్నారు. ఇప్పటి దాకా వాళ్లు ఇతని చేత పని చేయించుకు న్నారు. తీరా ఇతనికి అవకాశం వచ్చేసరికి వాళ్లు విరోధులయ్యారు. మరి విజయకు పరోక్ష సహకారమన్నా అందిస్తారో లేదో? పార్టీలను పక్కనపెడితే వాకాటితో పోలిస్తే ఆనం విజయకే మంచి పేరుంది. ప్రస్తుతం అభ్యర్థుల వ్యక్తిత్వమే ఎమ్మెల్సీ ఎన్నికపై ప్రధాన ప్రభావం చూపనుడడం విశేషం!

newsbottomad

ఎక్కువగా చదివిన వార్తలు

  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నంద్యాల ఎన్నికలో... పెట్టుబడిదారులూ నెల్లూరోళ్ళే!
    నంద్యాల ఎన్నికల ప్రచారంలో నెల్లూరు జిల్లాకు చెందిన ఇరు పార్టీల నాయకులు హల్‌చల్‌ చేస్తున్నారు. తామే పోటీ చేసినంత కసిగా పని చేస్తున్నారు. అయితే నంద్యాల ఎన్నికలకు ప్రచారకర్తలే కాదు పెట్టుబడి దారులు కూడా నెల్లూరోళ్ళేనని సమాచారం. నంద్యాల వైకాపా అభ్యర్థి…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…
  • ఉపరాష్ట్రపతి పదవికి వెంకయ్య రాజీనామా!
    ఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా…
  • బెట్టింగ్‌ తీగ లాగుతూనే వున్నారు... డొంక కదులుతూనే ఉంది
    నెల్లూరుజిల్లాకు పిహెచ్‌డి రామకృష్ణ అనే ఒక ఎస్పీ వస్తాడని, బెట్టింగ్‌ రాయుళ్ళపై ఈ స్థాయిలో విరుచుకు పడతాడని, బుకీల బొక్కలు విరిచేస్తాడని ఎవరూ ఊహించ లేదు. అసలు బెట్టింగ్‌పై ఈ స్థాయిలో పోలీస్‌ ఆపరేషన్‌ వుంటుందని ఎవరూ అంచనా కూడా వేయలేదు.…

Newsletter