empty chairఎమ్మెల్సీ ఎన్నికల కోడ్‌ మూలంగా దాదాపు నెల నుండి జిల్లాలో ఎటువంటి అధికారిక నియామకాలు, బదిలీలు జరగ లేదు. 22వ తేదీతో ఎన్నికల కోడ్‌ ముగిసింది. ఇక అధికారుల బదిలీల ప్రక్రియ చేపట్టవచ్చు. ముందుగా భర్తీ చేయాల్సింది నెల్లూరు కార్పొరేషన్‌ కమిషనర్‌ పోస్ట్‌ను. కమిషనర్‌గా వున్న వెంకటేశ్వర్లును గతేడాది డిసెంబర్‌లో బదిలీ చేశారు. విజయవాడ సిసిఎల్‌ఏలో పనిచేస్తున్న హరీష్‌ను కొత్త కమిషనర్‌గా వేసినా ఆయన ఇక్కడకు రావడానికి భయపడ్డారు. బాధ్యతలు తీసుకోవ డానికి వెనుకాడాడు. దీంతో అతను ఇక్కడకు రాడని తేటతెల్ల మైంది. ఈలోపు ఎన్నికల కోడ్‌ రావడంతో దాదాపు మూడున్నర నెలల నుండి కమిషనర్‌ పోస్ట్‌లో ఇన్‌ఛార్జ్‌లు నడుస్తున్నారు. అలాగే జడ్పీ సిఇఓగా వున్న బి.రామిరెడ్డిపై ఏసిబి దాడి జరిగి ఆయన అరెస్ట్‌ కావడంతో ఆ పోస్ట్‌లో కూడా ఇన్‌ఛార్జే వున్నారు. అలాగే జిల్లా పంచాయితీ అధికారిగా కూడా ఇన్‌ఛార్జ్‌ వున్నారు. జిల్లా అటవీశాఖ అధికారిగా కూడా ఇన్‌ఛార్జ్‌ అధికారి చంద్రశేఖర్‌ కొనసాగుతున్నారు. జిల్లా పరిశ్రమల శాఖ జోనల్‌ మేనేజర్‌గాను, కో-ఆపరేటివ్‌ సెంట్రల్‌ బ్యాంకు సిఇఓగాను ఇన్‌ఛార్జ్‌లే ఉండడం విశేషం. సోమశిల ప్రాజెక్ట్‌ ఎస్‌.ఇగా 4నెలల నుండి ఇన్‌ఛార్జ్‌ వున్నారు. ఇక పిడబ్ల్యూడి ఎస్‌ఇగా వున్న కోటేశ్వరరావు ఈ నెలాఖరులో పదవీ విరమణ చేయనున్నారు. ఇరిగేషన్‌ ఇన్‌ఛార్జ్‌ ఎస్‌ఇగా కూడా ఆయనే పనిచేస్తున్నారు. ఆయన రిటైర్‌ అయితే ఈ రెండుశాఖలకు ఎస్‌ఇలను నియమించాల్సి వుంటుంది. పూర్తి స్థాయి అధికారులు లేక ఆయాశాఖల్లో పనితీరు గాడి తప్పుతోంది. అధికారులను నియమించడంపై ప్రభుత్వం దృష్టి పెట్టాల్సివుంది.

mlcsవచ్చే ఏడాది ఫిబ్రవరిలో జరుగనున్న ఎమ్మెల్సీ ఎన్నికలకు సంబంధించి నెల్లూరు, ప్రకాశం, చిత్తూరుజిల్లాల ఉపాధ్యాయ పట్టభద్రుల నియోజకవర్గాలకు సీపీఎం పార్టీ ఇప్పుడున్న ఎమ్మెల్సీలనే అభ్యర్థులుగా ప్రకటించింది. ఉపాధ్యాయ నియోజక వర్గానికి ప్రస్తుత ఎమ్మెల్సీ విఠఫు బాల సుబ్రహ్మణ్యంను, పట్టభద్రుల నియోజక వర్గానికి ప్రస్తుత ఎమ్మెల్సీ యండపల్లి శ్రీనివాసులురెడ్డిని అభ్యర్థులుగా నిర్ణయించారు.

విఠపు బాలసుబ్రహ్మణ్యం వరుసగా రెండోసారి ఎమ్మెల్సీ అయ్యారు. మొదట పట్టభద్రుల నియోజకవర్గం నుండి ఎమ్మెల్సీగా ఎన్నికైన ఆయన, రెండోసారి ఉపాధ్యాయుల నియోజకవర్గం నుండి ఎమ్మెల్సీగా ఎన్నికయ్యారు. వచ్చే ఎన్నికల్లో గెలిస్తే హ్యాట్రిక్‌ అవుతుంది. ఇక యండపల్లి శ్రీనివాసులురెడ్డి వరుసగా రెండోసారి అభ్యర్థిత్వం దక్కించుకున్నట్లయ్యింది. సీపీఎం అనుబంధ సంస్థ యూటిఎఫ్‌ ఈ మూడుజిల్లాల్లో బలంగా ఉండడంతో ఈ రెండు నియోజకవర్గాల్లోనూ వామపక్ష అభ్యర్థులు సులభంగా నెగ్గుకొస్తున్నారు.

somi magunచంద్రబాబు మంత్రి వర్గాన్ని విస్తరిస్తాడని, అందులో తమకు చోటుంటుందని చాలామంది నాయకులు ఆశపడుతున్నారు. బాబు నోట విస్తరణ మాట ఎప్పుడొస్తుందా అని ఎదురుచూస్తున్నారు. అయితే చంద్రబాబు 'ఆ ఒక్కటి అడక్కు' అన్న టైపులో వ్యవహరిస్తూ మిగతావన్నీ మాట్లాడుతున్నాడు.

ఈసారి విస్తరణ అంటూ జరిగితే రెడ్లకు పెద్దపీట వేస్తారని, కనీసం ఇద్దరు లేదా ముగ్గురు రెడ్లను కొత్తగా మంత్రివర్గంలోకి తీసుకుంటారని సమాచారం. ఈ కోవలో చూస్తే వైసిపి నుండి వలస వచ్చిన భూమా నాగిరెడ్డి, ఆకే అమర్‌నాథ్‌రెడ్డిలకు ప్రాధాన్యత నివ్వాల్సి వుంటుంది. వీళ్లిద్దరూ కర్నూలు, చిత్తూరు జిల్లాల

వాళ్లు. ఇక నెల్లూరుజిల్లాలో సోమిరెడ్డి చంద్రమోహన్‌రెడ్డి, ప్రకాశం జిల్లాలో మాగుంట శ్రీనివాసులురెడ్డి మంత్రి పదవుల రేస్‌లో వున్నారు. ప్రకాశం జిల్లా స్థానిక శాసనమండలి ఎన్నికల్లో ఎమ్మెల్సీ అభ్యర్థిగా నిలబెట్టడానికి మాగుంట శీనయ్యకు మంత్రి పదవి ఆశ పెట్టారు. చంద్రబాబు ఆ హామీ ఇవ్వకుంటే ఆయన ఎమ్మెల్సీగా పోటీకి దిగేవాడు కాదు. ప్రకాశం జిల్లాలో శిద్ధా రాఘవరావు మంత్రి స్థాయిలో పని చేస్తున్నాడు. కాబట్టి అక్కడ పెద్దగా లోటు కనిపించడం లేదు.

నెల్లూరుజిల్లాకు మాత్రం మంత్రిగా పి.నారాయణ వున్నా, లేనట్లే లెక్క. ఆయన రాజధాని కట్టుబడి, భూముల లెక్కలకు సంబంధించిన మంత్రే కాని నెల్లూరుజిల్లా రాజకీయాలతో ఏ మాత్రం సంబంధం లేకుండా వున్నాడు. జిల్లాలో పార్టీ కేడర్‌కు అండగా నిలవడానికి, ప్రజల్లోకి ప్రభుత్వ కార్యక్రమాలను తీసుకెళ్ల డానికి, అన్ని నియోజకవర్గాలలో పార్టీ కార్యక్రమాలను విస్తృతం చేయడానికి ఒక యాక్టివ్‌ మంత్రి కావాలి. నారాయణ వల్ల జిల్లాలో ప్రజలకు గాని, ఆయన వుంటున్న పార్టీకి గాని పైసా ప్రయోజనం లేదు. కాబట్టి జిల్లా నుండి ఎమ్మెల్సీ సోమిరెడ్డి చంద్రమోహన్‌రెడ్డికి మంత్రివర్గంలో స్థానం కల్పించాలని ఆ

పార్టీ కేడర్‌ కోరిక. జిల్లాలో ఇప్పటికే పార్టీ మునుపటి కన్నా బలహీనంగా వుంది. పార్టీని నారాయణ మీదే వదిలేస్తే ఇంకా చచ్చుబడినా ఆశ్చర్యపోవాల్సిందేమీ లేదు. పార్టీలో ఊపు,

ఉత్సాహం కోసం సోమిరెడ్డిని మంత్రివర్గంలోకి తీసుకోవాలన్న అభిప్రాయం బలంగానే వుంది.

అయితే చంద్రబాబులో మంత్రి వర్గాన్ని విస్తరించాలన్న ఆలోచనే వున్నట్లు లేదు. దీనిని కలబెడితే లేనిపోని తలనొప్పులు తలెత్తుతాయని భయపడుతున్నట్లున్నాడు. మంత్రివర్గాన్ని విస్త రించి, చిత్తూరు, కర్నూలు, నెల్లూరు, ప్రకాశం జిల్లాల నుండి 'రెడ్ల'కు ప్రాధాన్యత కల్పించకుంటే ఈ జిల్లాల్లో గతంలోలాగే పార్టీ నష్ట పోవడం ఖాయం.

newsbottomad

ఎక్కువగా చదివిన వార్తలు

  • నెల్లూరులో పోస్టింగా? వద్దంటే వద్దు!
    ఒకప్పుడు నెల్లూరులో పోస్టింగ్‌ అంటే ఎవరైనా ఎగిరి గంతేసేవారు. పైరవీలు చేసుకుని మరీ ఇక్కడకు పోస్టింగ్‌ చేయించుకుంటుంటారు. పోలీసు శాఖలో వారికి అయితే నెల్లూరులో పనిచేయడం చాలా ఇష్టం. ఇక్కడ నుండి కదలాలంటే కష్టం. ఇక్కడ టెర్రరిజం లేదు, రౌడీయిజం లేదు,…
  • వేగమందుకున్న ప్రయాణం
    సంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం…
  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఎవరెవరెక్కడ?
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు…

Newsletter