sayamiసయామీ ఖేర్... ఈ పేరు టాలీవుడ్ జనాలకు పెద్దగా సుపరిచితం కాకపోయినా, రేయ్ సినిమాతో తెరంగేట్రం చేసింది ఈ భామ. వైవియస్ చౌదరి పరిచయం చేసిన భామ అయినప్పటికీ టాలీవుడ్ తెరపై తేలిపోయింది. కనీసం బాలీవుడ్ లోనన్నా తన అదృష్టం పరిష్కరించుకుంటుందనుకుంటే, అక్కడా అమ్మడికి నిరాశే ఎదురైంది. దీంతో ఇక చేసేదేమీ లేక అందాల ఆరబోతకు సిద్ధమైపోయింది. మొన్నామధ్య ఓ హాట్ ఫోటో షూట్ చేసి తన అందాలు ఆరబోసి, దర్శకులకు, నిర్మాతలకు తను దేనికైనా సిద్ధమేనని చెప్పకనే చెప్పేసుకుంది. ఇలియానా రేంజ్ లో తనకూ పేరొస్తుందని ఆశించిన ఈ భామకు టాాలీవుడ్ లో నిరాశే ఎదురైంది. చూద్దాం ఈ హాట్ ఫోటో షూట్ అమ్మడికి ఏ మాత్రం ఆఫర్స్ ని వెదికిపెడతాయో.

sp swarakalaతన గంధర్వగానంతో ప్రేక్షకలోకాన్ని ఉర్రూతలూగిస్తున్న ప్రసిద్ధ గాయకుడు శ్రీపతి పండితారాధ్యుల బాలసుబ్రహ్మణ్యం (ఎస్పీ బాలసుబ్రహ్మణ్యం) కీర్తికిరీటంలో మరో అనర్ఘ రత్నం వచ్చి చేరింది. ఎంతో ప్రతిష్టాత్మకమైన 'స్వర కళా సామ్రాట్‌' బిరుదు ఆయనకు లభించింది. రాష్ట్ర ముఖ్యమంత్రి నారా చంద్రబాబునాయుడు స్వయంగా ఈ బిరుదును ప్రదానం చేసి బాలూను ఘనంగా సత్కరించారు. ఈ నెల 2వ తేదీన విఖాఖ ఉత్సవ్‌ సందర్భంగా విశాఖపట్టణంలో భారీఎత్తున జరిగిన సభలో బాలూకి ఈ ఘనకీర్తి లభిం చింది. 1966 డిసెంబర్‌ 15వ తేదీన ఆయన పాట తొలిసారిగా రికార్డింగ్‌ జరిగింది. శ్రీశ్రీశ్రీ మర్యాదరామన్న చిత్రంలో 'ఏమి ఈ వింతమోహం' అనే పాటతో సినీరంగంలో నేపథ్యగాయకునిగా ఆరంగేట్రం చేసిన బాలూ, ఇప్పటిదాకా దాదాపు 50వేలకు పైగా పాటలు పాడి శ్రోతలను మంత్రముగ్ధు లను చేశారు. ఒకే ఒక్కరోజులో 19 తమిళ పాటలూ, 16 హిందీ పాటలూ పాడిన ఏకైక గాయకుడిగా ఆయన ప్రసిద్ధి చెందారు. తెలుగుసినీరంగంలో ఆయన పాడిన పాటలకు లెక్కే లేదు. పాడితే ఈ పాట బాలూయే పాడాలి అన్నట్లుగా ఆయన పాటలెన్నో ప్రసిద్ధి చెందాయి. శంకరాభరణం, రుద్రవీణ, సాగరసంగమం వంటి చిత్రాలకు ఆయన పాడిన పాటలు అన్నీ అద్భుతాలే. ఎన్నో చిత్రాల్లో ఆయన పాడిన మధురగీతాలు, భక్తిగీతాలు, దేశభక్తి గీతాలు నేటికీ ప్రజలను అలరిస్తూనే వున్నాయి. తెలుగు భాష ఖ్యాతిని, తెలుగుజాతి

విఖ్యాతిని విశ్వవ్యాప్తం చేస్తూ ఆయన ఎన్నో పాటలు పాడడమేకాక, ప్రపంచ వ్యాప్తంగా నిర్వహించే ఎన్నో సంగీత కార్యక్రమాల్లో ఆయన వర్థమాన గాన కళాకారులను కూడా ఎంతగానో ప్రోత్సహిస్తూ అందరి ప్రశంసలూ అందుకుంటూనే వున్నారు. వీనుల విందు చేసే ఆయన గంధర్వగానం ఇప్పటికే ఆయనకెన్నో విశిష్టమైన అవార్డులూ, ఘనపురస్కారాలూ తెచ్చిపెట్టింది. ఇప్పుడు తాజాగా ముఖ్యమంత్రి చంద్రబాబునాయుడు నుంచి మరో ఆణిముత్యం వంటి 'స్వర కళా సామ్రాట్‌' బిరుదు లభించడం ఆయన గాన కళాకౌశలానికి నిదర్శనం. ఈ బిరుదు ప్రదానోత్సవం సందర్భంగా ముఖ్యమంత్రి చంద్రబాబు మాట్లాడుతూ, గానగంధర్వుడు ఎస్పీ బాలసుబ్రహ్మణ్యంకు ఈ బిరుదును ప్రదానం చేయడం తన పూర్వజన్మ సుకృతమన్నారు. బాలూకి ఎవరూ పోటీ లేరని, ఆయనకు ఆయనే పోటీ అని ముఖ్యమంత్రి కొనియాడారు. అనంతరం బాలూకి స్వర కళా సామ్రాట్‌ బిరుదుతో పాటు, అన్నమయ్య విగ్రహాన్ని, ప్రశంసాపత్రాన్ని కూడా బహుకరించి, ఘనంగా సన్మానించారు. బాలూ మాట్లాడుతూ, ఎంతో విశిష్టమైన 'స్వర కళా సామ్రాట్‌' బిరుదును రాష్ట్ర ముఖ్యమంత్రి చంద్రబాబు చేతుల మీదుగా అందుకోవడం తనకు మరువలేని అనుభూతి అని పేర్కొన్నారు. ఈ కార్యక్రమంలో పలువురు మంత్రులు, ప్రముఖులు, ప్రజాప్రతినిధులు, సినీ ప్రముఖులు పాల్గొన్నారు.

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • అమ్మో... దొంగల ముఠా
    కరుడుగట్టిన కిరాతకులు వాళ్ళు... మంచితనం, మానవత్వం ఉండదు... దయ, కరుణ మచ్చుకైనా కానరావు... పిల్లా, పెద్ద అనే తేడా లేదు... ఇంట్లో దూరితే అందర్నీ చంపేయడం, అందినకాడికి దోచుకునిపోవడం... దోచుకున్న ఇంట్లోనే భోం చేయడం, అక్కడే మలమూత్రాలు విసర్జించడం... ఈ ముఠా…

Newsletter